喜客比薩 (Closed)

估唔到, 年初一的午餐, 居然會係外面食西餐, 第一次六個人, 叫左五份午餐來share1. 豬仔骨, 唔錯, 一客有六件, 每人一件, 但我有點懷疑, 一個人只食六件骨 (無跟飯/意粉的), 點會飽呢2. 兩個pizza, size比起pizza hut(細)的為細, 而且厚批個底都唔算係厚, 但味道唔錯的, 3. 沙律餐 (輕型午餐), 真係好輕型的, 細碟唔在講, 連配料的煙雞/火腿, 估計要用放大鏡先可以搵到4. 意粉, 無食, 所以唔俾意見環境 : ok啦, 因為唔多人, 所以唔嘈招呼 : 好一般般, 年初一的下午 (兩點半), 侍應們可能唔多想返工, 所以懶洋洋的, 特別係飲品, 要等好耐先來 (估計廚師都唔心機返工)抵食, 一般般, 份量唔算大, 男人來食午餐的話, 未必夠飽

我地叫左個 pizza , 海鮮意粉, 雜錦拼盆, waitress 覆左我地一次單後,竟然話今晚每人最低消費係一百蚊,點解 book 位個陣無講, 頭先入黎個陣又無講 !! 算 !! 於是我地叫多個墨西哥雞卷出奇地 d 野食好快就到,意粉最先黎到,跟住個 waitress 望住一邊無人坐講左一聲就放低左個凱撒沙律 (但係我地無叫過架喎) .....pizza ok 既 唔太差, 雞卷有 d 辣,拼盆有三樣野, 蝦餅好厚粉隻蝦細左 d , 炸薯仔片既味同平時食緊薯片既味係一樣,黑椒雞翼無咩特別意粉都 ok ,放低左好耐都仲有煙出,但係食食吓我地發現左一樣好唔尋常既野 ......係隻蜆度發現左個萬字夾 !! 叫個經理過黎淨係識講句唔好意思即刻同你跟進, 轉個頭又問我地想食番呢個定係轉過食第二樣, 我梗係唔要啦, 我心諗點知你會唔會加料架 !! 講完唔要個經理就咁就走左, 完全無同我地講點 follow到埋單個陣, 又唔知等左幾耐, 睇吓張單先知無計到我地個意粉咋 !!

聖誕夜，冇咩特別節目，淨係想好好地食餐飯，所以揀咗呢間Shakey's Pizza。可能因為我地成九點先去到，D人都已經食飽，所以一去到就有位。餐廳冇太多特別佈置，不過因為佢本身裝修都幾靚，所以氣氛唔錯。揀嘢食喇，我地要咗香草蕃茄海鮮意粉、意式茄汁肉丸同Baby Back Ribs。食物好快就有，抵讚。個香草蕃茄海鮮意粉入面嘅海鮮好新鮮，兩隻蝦又大隻又爽口，蜆仔同青口都好鮮味。意粉汁唔算好濃，少少偏酸，不過因為我鍾意食酸嘢，所以覺得好好味。意式茄汁肉丸個茄汁同意粉汁有少少似，不過就冇咁酸，同埋有少少蕃茄肉。肉丸好軟，好重肉味，配埋茄汁好好味。Baby Back Ribs比想像中大碟，有五大件。Ribs肉質幾軟，好多肉，只係有一小段骨同中間少少軟骨。BBQ Sauce好惹味！呢一餐我地好滿意，不過因為得兩個人，試唔到好多嘢食。如果佢D嘢細碟D又平少少咁就Perfect咯～

去完迪迪尼, 番到大埔都9點了, 就去左呢到食2個餐, 凱撒沙律: 非常一般........ 或者係一般以下..... 感覺唔到應有既質素一個夏威夷薄批: so far so gd, 食唔出同 Pizza Hut 分別響邊一個肉碎千層面: 味道, 熱道都幾好, 但份量就.... 少 Pizza Hut 一半左右啦凍奶茶: 唔知係佢d奶定茶.... d 味同平時飲落有d唔同... 唔知點解人唔多(周五9點幾...), 但 service 都係一般.... 經理 service 一流, 不過d姐姐仔.... 成日叫先添水既....

全因上次惠顧後有優惠, 憑單一個月內再食會有八五折, 所以再下一城!見到咁多人推介個龍蝦pizza, 一於試試佢, 成$208一個, 一d 都唔平ga!賣相有目共睹, 贏晒! 至於味道…真係估唔到…d 蝦…一d都唔爽, 大失所望! 心想, 去茶餐廳食炒飯入面d雪蝦都爽啦, 點解呢d龍蝦係咁…另外叫左兩個set dinner, 個risotto, 又一敗筆, d 飯 “稔bat bat”, 有d 食糊仔feel; 個天使麵…普通而已.跟餐嘅汽水, 冇晒氣…唯一可以讚嘅係佢嘅service, 唔知係唔係因為全場只有5-6張檯有客…埋單時, 個waiter 又話憑單一個月內再食會有八五折, 我估未必用得著lu~

今日同3位朋友1齊慶祝*地點又係我話事!因為呢間喜客開左好耐..但我1次都冇食過加上我想要間坐得耐又舒服既餐廳所以就揀左佢嚕!前果排病左...病左好耐好多日都要介口...所以連搵食既意欲都冇今日拎起部機影食物既時候其實好開心哈哈當然唔少得因為我身邊有你地3粒野喇哈哈嗌左4個set lunch好多都唔記得丫..所以淨係講d特別d既前菜:鴨胸薯仔salad:鴨胸好好味 好嫩啊薯仔好lum 好好味成碟野都幾惹味!雖然碟野細細碟..不過作為前菜我又覺得ok喎!maindishes:日式燒牛肉薄pizza呢個係個部長推介的食落去.. 牛肉好乾身日式=有芝麻灑係面?成個pizza比我既感覺係 牛肉同pizza係分開既所以我唔太建議食呢個!煙肉蛋長通粉通粉煮耐左..lum得滯..但個煙肉汁味道ok!個汁唔太creamy 都幾好食 吉完1條再1條豬仔脾忌廉飯d飯又係lum得滯個人中意食d有口感dd既飯個汁都幾淡豬仔脾有驚喜 好易切食落去好似冇咩調味白酒扁意粉呢個真係淡到暈=_=要自己落芝士粉+tabasco先食得落!今次飲熱咖啡好苦好苦 仲有朕唔知咩味飲左2啖放棄了!waiter好多好多但係我地舉左2

同b fd 去慶祝生日. 是日星期四, 大把位, 服務周到.墨西哥卷 – 好正! 熱騰騰, 個皮好脆好香. 伴碟的醬稍欠味道, 形同虛設. 如要伴醬, 要用spicy 的, 以一切其“墨西哥”之名.12吋至尊pizza(薄批) – 材料豐富, 芝士足! 個皮只係邊邊脆, 我估可能係因為材料太多, 導致批底好難焗得乾身, 如改選材料較少嘅款式應該好好多.凱撒沙律 – 唯一的敗筆! 整沙律已經唔駛講究師傅嘅水準, 唯一的條件就係要新鮮! 但係好可惜, 佢做唔到. 証據一: 咬落去冇水份, 估計應該放得太耐, 水份已被抽乾; 証據二: 菜是室溫的溫度, 估計已經放在室內一段時間, 証據三: 很多菜已經變黃了(如圖). 唔知係咪 “小人之心”, 我覺得佢比其他落得多左沙律醬同芝士粉 , by the way, 正統應該係落芝士碎, 而非芝士粉!埋單時, 侍應話可以用番張單一個月內再來可以有8折, 咁又so wor! 預算下次試佢嘅rib 同厚批啦!總的來說, 都可以一試.

大埔間Shakey's Pizza都算係大, d 位坐得好舒服, 座位又特別 .. 由門口至到埋位d 侍應都招呼周到 .. 好有禮貌 '''係我好多選擇之下, 唔知食咩好既時候, 佢幫我揀左 ..結果 ... d 野食真係好好味呀!!! 價錢又唔係太貴 .. 食服務都夠啦 ...由其係有個叫做 "kay" 既男侍應, 佢既服務-係出面d 同級餐廳真係好難再搵到喇 ..haha ... 真係食得好開心呀!!!你地都快 d 去試試啦 ...

昨晚一家大細試下大埔新開shakey's pizza, 一入去感覺都較寛濶, 地方幾大, 見到有個open kitchen幾有新意.我地之后叫左龍蝦pizza(真係有一隻龍蝦份量,值得一試), 龍蝦湯(足料又驚喜), 燒肋骨(好大份好好味)同一個意粉(味道都可以), 食飽之后, waiter 又主動加水, service 唔錯~~不過今之人數唔多, 食唔到太多, 下次試下其他野先

早幾日二個人去食晚餐，叫了個二人餐，成為二百二十元 (加了一)!食物方面最欣賞係個磨菇湯, 好多粒粒好有口感同平時餐廳既忌廉湯唔同! 個PIZZA都幾好, 不過下次都會叫厚批好些, 因為薄批好似有點未飽既感覺!

父親節去左shakey's pizza食dinner。之前試過沙田果間都ok，於是大埔開左就試下..話說食之前打電話問拎wine 去收唔收$$，佢話唔使比$$，so daddy 就拎左枝去...點知坐低同佢講，個waiter 話因為個酒牌出左所以我地要比$100!明明打去話唔使，去到又話要!十分掃興!跟住同個manage理論左好耐，佢一直都好好語氣，又係咁say sorry，最後話只係收我地$50! 跟住叫野食時佢又係咁recommend 我地叫d咩好....間中又走過黎同我地傾下...d service 真係唔錯...又話星期一至四 夜晚我地拎酒去都唔收$$!野食方面:叫左2~3個main courses & 2人set dinner佢個龍蝦pizza 真係幾好味，d龍蝦都幾鮮最難忘係佢既chocolate milkshake~大大杯，朱古力味好重$28真係超級好飲~!!!最後大約食左$700其他食物就唔係好記得...不過我記得6月時同自己講要讚佢地service but果時exam 中，而家先打返!

是日約左幾個女人食飯,因為大家都大半年無見過.所以諗住搵間近大家屋企,又可以坐得耐既地方.最後揀左呢度........初初入到去,見到個個waiter都好後生, 我估都估到唔慌有太好既service.一d 都無估錯, 我地未叫野食,己經成日有人o係附近 吞黎吞去.成日望我地張枱.到叫晒野食,點知d雞翼入面仲係生既....叫佢地換......佢開頭都係同我地講換比我地....點知.....只係攞入去叮一叮.....最後4隻雞翼.....有2隻個心都係唔熟....算啦...食第二樣....點知.....d意大利飯同意粉都係唔熱既.....真係.....有無搞錯.....所以大家都只係抱住一個食完可以傾偈既心態, 求其食完就算喇.大家坐左一陣, 有個著西裝既男人(應該係經理),同左其中一個waiter講. 得閒過去果邊幫佢地執野.叫餐飲,等佢地走啦. (我望左果個人一眼,佢即閃)呢間野d service真係唔多ok呀.....總之比人既感覺唔係熱情招待,而係盡快趕客,縱使佢間鋪根本無咩客.....同沙田鋪比,,,,,,真係各方面都差好遠呀.....仲要成日都有蚊仔o係度飛黎飛去.....有隻

成日經過沙田果間Shakey's Pizza ...都見到好多人等位...一路都想試...但係冇得book位....又唔想等位...咁o岩經過大埔呢間唔算太多人...咁就試下啦1.煙三文魚長形pizza($102):賣相麻麻...食落都ok...唔油膩2.喜客特級脆雞($42/3件):肉質juicy惹味...外皮尚算鬆脆3.燒肋骨($88):一切就可能將骨同肉分開...都幾惹味以上3樣...最好食都係燒肋骨...連加一埋單$256,2個人食...價錢都唔算太貴...

今次一行三人 三個女仔去左大埔呢間Pizza店到食dinner其實都無話特定想去邊間食 見到間鋪個裝修都幾舒適 咪入去試下囉入到去D staff 都幾有禮丫 即刻帶到卡位 我去果日 人唔係好多而Meuns設計亦都不俗 幾吸引到我唔知揀咩好問個Staff有咩好推介 佢好盡心咁介紹比我地真係比十個good 既服務態度我同我d朋友叫左深海龍王Ribs同埋 黑椒雞翼另外三杯特飲_紫色派對_攸長假期_同埋一杯夏日XX(真係唔記得左個名-_-)我覺得值得一賺係佢出餐既速度真係幾快起碼我呢D性急既人唔駛點等D餐出到黎都熱辣辣黑椒雞翼 OK la 不過不失 對於果個深海龍王既龍蝦Pizza 我覺得真係好值得一試首先佢既賣相已經另我覺得好滿意 好似成隻龍蝦搬左黎我面前而且個Pizza絕對足料 啖啖龍蝦肉 加上咬落去果D芝士絲一絲一絲咁連住 我覺得真係好好食再黎就係份Ribs 真係好大份 而且好入味tim嗜肉者 一定要去試下 我地三個女仔結果都食唔晒><"特飲方面 全部都OK 好足料 但係就有D"杰da da"既質感 好似食smooth會有飽肚既感覺@0@值得一讚既係 名字方面改得幾有心思

我們一行四人去叫了一個四人套餐其實食物不錯的, 那些PIZZA比PIZZA HUT 好 (個人來說)意粉軟硬適中但四人餐一次過上哂....全枱都是食物.....食物分完都凍.....