深仔記 (Moved) New Location

2個人叫左碗蠔仔粥、炒鵝腸、蒜蓉開邊蝦、油菜都係$198.好抵食。味道不錯，最欣賞碗粥，粥底夠綿👍🏻炒鵝腸雖然唔夠大排擋我夠獲氣，但味道搭夠。蒜蓉開邊蝦，個人覺得D蝦唔算新鮮，但就好有住家味道，所以都好食既。

去到舊鋪見唔同名以為執左，想走時向前一望就見到新鋪大大個招牌叫我過去。原來只係搬左去隔離街新鋪地方大左，連以前夜市先有嘅生滾粥而家午市都有叫左碗牛腩水餃麵，水準依舊麵質爽口，彈牙牛腩入味唔會太淋水餃冬菇同大地魚味香，餃皮唔會淥到淋曬不過個湯咸左D依然值得繼續棒場

香港人都係食雲吞麵魚蛋河大既，但呢幾年地鋪愈黎愈少，有尐出名既被迫搬左去新商場，叫做有得繼續食，但一人消費都差不多一百，算吧！今日去開果欄買🍓，就黎呢間試試薑蔥撈麵（$28），麵質彈牙，大大啖翠綠既蔥連埋麵一齊食，大滿足呀水餃又係推介之一，皮好薄，兩啖一粒好味又抵食，米走寶呀喂

剝完牙無咩胃口，自動過濾了面及小菜餐牌。只點了一碗豬肝粥。對我來說，好味的豬肝粥要具備以下條件：豬肝大塊厚切，沒有苦味，軟稔適中、粥底不能過杰。而這碗粥符合了認為好食的條件，而且仲係生滾粥。只是粥底略為偏咸，以及太多芫茜(個人喜好) 三十蚊碗有這種質素算是滿意環境？只可以話食完唔會想坐多陣先走

經過見到深仔記就入去試試，平民化設計，雲呑麵一碗， 麵只能給70分，雲呑超乎預期，95分之作。總體而言，平民化食堂，價錢合理， 食物質數高，可一去再去。短短十五分鐘，原來很多熟客入來一班又一班

油麻地不是常來，想吃粥但只見到彌敦道有連鎖店海X粥店仲要勁多強國人排隊😰，把心一橫十轉入後街看看有否其他選擇，偶見這店有生滾粥便試試吧！本來叫魚雲粥，但魚雲未到，唯有改豬潤粥啦！$30碗粥都幾足料，豬潤都有五、六塊，大大的。咬落去，剛剛熟，好爽口，😍好好味啊⋯⋯！我平時不愛莞茜，但今次又覺得幾好味喎！這店也有小炒和湯麵，師傅在店內包雲吞，那些料幾乎全部都是蝦😱，好落本啫！值得一提，他們有羊腩撈麵，下次想試試😋

夜晚7點幾同女友去食粥，入到去覺得好焗，所有冷氣空調都冇開，點完嘢食請侍應開大少少把風扇，無人理。問佢哋要兩杯熱茶，個女侍應隨手攞咗半杯水埋嚟，係兩個人share半杯水。環境衛生一般，見D 筷子都幾污糟，有D 仲黐住D 乾咗嘅菜渣，諗住用嗰半杯水浸吓D 筷子先用，一浸落去有個呀叔衝埋嚟話"你用杯水嚟浸筷子呀，我哋呢度唔俾人浸筷子架，D 筷子已經消過毒！" 跟手沒收咗兩對筷子同杯水！睇返D 筷子。。。消完毒都可以咁污糟？！嘢食一般，無乜特別，同其他粥麵店分別唔大。但D 服務態度差到令人O 晒咀，以後唔會再幫襯！

消夜叫咗碗生滾牛肉粥$28 ，加碟腐乳通菜$12。我知此舖比舊舖大，但食品不及舊舖好。牛肉粥稀稀的，牛肉片又细塊又碎濕濕，好似不尊重食客似的。菜就尚可。由於衞生程度不高，枱面好污糟， 都係食完快快走。

本人和女朋友已經是第二次來吃的，原因是他們的食物價錢比很好，可惜他們有個員工服務真的很差，沒錯我是叫了兩杯即冲的凍檸茶，他們一來的時候我自然反應是這是凍檸啡嗎？那員工還説是我們點的，我可能小飲凍檸茶，但我真的沒見過這麼深色這麼 渾濁的顔色

是晚收夜等埋細佬收工已十一點，一於黎個夜宵磨，深仔記由舊舖搬前了一條街為砵蘭街65號，舖大位置坐位寬闊，是夜叫了雲吞撈麵，牛腩麵，腐乳通菜同最黎加叫的鮑汁雞腳，撈麵好食雲吞多蝦少肉有五粒，牛腩淋香挸水麵冇晒挸味 腐乳通味道不錯，最後來的雞腳入味淋略嫌鮑汁咸了點，下次再食的話會叫蟹粥，同白焯黑牛柏頁

今晚一個人突然想食雲吞麵，經過油麻地，就去左我不時都會去的深仔記。叫左雲吞麵（$26）同油菜（$12）有菜心同芥蘭，最後選左芥蘭。 雲吞麵頗為細碗，見到其他人好多都會叫兩碗。d麵煮得好彈牙,唔會咬極都唔斷。雲吞一試難忘，從未試過食過d雲吞皮可以咁滑，仲要個皮好薄，入面d蝦我咬開幾隻，老闆應該攞走哂d蝦腸，值得一讚，蝦好有質感，咬落去好濃蝦味，爽口彈牙，雖然比出面較細粒，但係真材實料，包你回味無窮，想叫多一碗。講埋碟菜先，我未食過咁爽口的芥蘭，好多時出面食會好硬或煮得過淋，lee碟煮得剛剛好，好爽翠，菜本身仲好碧綠，證明真係好新鮮。

當深夜時份, 走在油麻地, 肚餓時, 這間小店是我的選擇之一, 已前只賣粥麵, 現在也有小菜(可能是要滿足遊客), 最愛它的黑柏葉, 雞腳, 只因用料夠新鮮, 而且湯底和麵條亦不差, 座落油麻地多年, 每晚都人潮湧湧, 可見水準維持得不錯

朋友來到香港，因為大家都沒有時間，但都想見一面。想來想去還是去食地道香港美食，港式雲吞麵是我個人的必選香港地道之一。於是就在自己公司附近的深仔記來碗雲吞麵吧。雲吞麵朋友和我都要了雲吞麵，一人一碗。我先食一啖麵，幼滑彈牙，口感一流，再飲一啖湯，鹼水味多了一點點。於是加入大紅浙醋，就是我心目中的上好雲吞麵。深仔記雲吞麵，麵比起雲吞出色。朋友問他們的麵是什麼麵？店員非常友善的拿出一盤生麵餅給我們影相。未煮的生麵好朋友見面不用排場，地地道道一碗港式雲吞麵，簡簡單單三十分鐘見面聚會時間。不用千言萬語，但足以表達友誼。下次見面未知是何年何月。謝謝你！百忙之中都要見一面。突然想到你幾小時後就要呼吸霧霾，一時無語。

 途經油麻地，順道拜訪深仔記。在當年成報選出的十大雲呑麵家，深仔記位列其中。屹立油麻地此食肆眾多之英雄地多年不倒，當然有其過人之處。兩年前才首次光顧，印象中雲呑味道中上，湯頭有蝦殼鮮味而沒有大地魚香，麵為彈牙上品兼且份量十足，份量較其他雲呑麵家多出接近三分之一。今天點了雲呑麵及蠔油韮菜花雲呑麵HK$26先說賣相，不傳統！雲呑在上，面在下。記憶中以前並非這樣，用膳過後回家翻查深仔記老店時期的食評照，發現以前是傳統賣相，變了！再比較份量，感覺已往的比現在多。喝湯，依然鮮甜，但跟已往一樣，不帶大地魚香。吃罷全碗麵後，感覺頗口乾，估計味精份量不少。吃麵，依舊的爽口帶蛋香，需非竹昇壓製，相信亦是依自家配訂製。以硯水味而言，麵並非重味，但若以名牌而言，今次麵條硯味已算過重！只能把麵條評為中品了。雲呑賣相不是金魚尾，但絶對符合是一口一顆的標準，夾開看饀料，比例倒算不賴，七分蝦肉三分豬。試味，蝦肉爽口，同時亦不會因為啤水太久而導致蝦味盡失，豬肉幼細，整體不俗，唯一問題是不知何故饀料不帶點大地魚味，記憶中以前的饀料包含大地魚粉！雖然沒了大地魚，但尚算可口，堪稱中上之作。蠔油韮菜花HK$14每逢於深仔記用

話說之前有博客話香港無宵夜，但其實香港宵夜多到數唔哂！又飲完酒，由於中環蘭桂坊難截的士，因此有時搭小巴到九龍才轉的士回家，搭小巴期間突然肚餓，所以於彌敦道近咸美頓街跳車，殺入砵蘭街，宵夜太多選擇，揀咗深仔記，點了肥鵝腸湯麵($34)，單看湯表面已見鵝油浮現，膽固醇萬歳，先嚐一口麵，麵質尚算彈牙，不過仍有少少鹼水味，算合格，肥鵝腸果然是肥鵝腸，腸身爽脆爽口，肥膏入口即溶，邪惡非常。