尚青商號 (Moved) New Location

#出走廚房👩🏻‍🍳 尚青商號台式牛肉麵🐮🥢歌手傅珮嘉夫妻開的台式餐廳❗灣仔人氣牛肉麵❗尚青商號係灣仔區內幾出名嘅台式餐廳，由傅珮嘉夫妻另起爐灶新開，weekday lunch time好多人排隊，今次咁啱去開灣仔，就一試究竟啦！😆👷🏻‍♀️戴番個頭盔，我哋唔係專業foodie，純粹個人主觀分享🙏🏻——————————————————————————🍴 尚青商號 📍灣仔蘭杜街4號文熙大廈地鋪——————————————————————————💁🏻‍♀️主觀記錄(記錄下自己食咗啲咩落肚🤪)今次叫左兩個午市套餐，分別係1️⃣麻辣半筋半肉配手工寬麵 $74、2️⃣ 紅燒半筋半肉配手工寬麵 $74，午市套餐湯麵均附有：油條、酸菜、是日小菜，跟餐飲品：冬瓜茶／無糖復刻紅茶；另外加左＄30小食甜不辣。👉🏻麻辣湯嘅麻辣味適中，冇藥材味，個種辣係冇後勁，碗湯真係令人欲罷不能，細妹飲哂食碗🤤（紅燒係朋友嗌，冇試到🙈朋友話紅燒湯底都唔錯）👉🏻牛肉似炖過，牛筋冇哂筋，未去到入口即化，但都好淋😗👉🏻雖然話係手工麵，但食落有D似用機整嘅🤔有咬口，但未去到好煙韌👉🏻酸菜甜左少少👉🏻油條啱啱炸好，熱嘅時候超脆，凍左會韌，所以要襯

灣仔人氣文青台式餐廳 加姐話呢間成日都好多人排隊 大概六點 見到唔多人 吸引左我去試試.環境裝修有文青簡約嘅風格店舖內外都有唔少台灣元素 例如門口郵筒.呢次叫左⭐️紅燒埔里花雕牛肉麵$74一上菜 聞到勁香花雕酒味 做到酒香四溢🥰花雕湯底好濃 會懷疑自己飲多2啖 會醉🤣👍🏻牛肉好軟淋 接近冇牙婆都食到評價中上 的確唔錯題外話 旁邊有幾款伴碟小食 酸菜好好食.⭐️台式鹽酥排骨飯$62👍🏻豬排夠厚 👍🏻外層酥脆 仲要薄 唔鬆散.#尚青商號 (灣仔)地址：灣仔蘭杜街4號文熙大廈地鋪.⭐️評分：味道：4/5環境：3.5/5 坐位空間一般 但環境好休閒服務：3.5/5抵食：3.5/5

台式蔥油拌麵午市套餐 $52+1******************************記得朋友仔推薦過尚青商號咁啱經灣仔嗰頭就去試下下午4點幾去食得我地一枱客好似包場咁😂***聽聞尚青商號平時都係排隊店黎不過個人覺得雖然味道不錯但係未到要慕名而來嘅地步同區搵食就不失為一個好選擇😗***麵底有幼麵同手工寬麵揀對「手工」兩個字一向冇乜免疫力😂所以理所當然地揀左手工寬麵跟餐配2款小菜&溏心蛋醃蘿蔔好脆好好食😋蔥油味道不錯夠拌哂成碟麵可惜整體份量偏少食完覺得唔係好夠飽🥹

尚青商號有幾出名唔洗多講😍 每次lunch hour經過都係大排長龍，由樓梯排到去門口，價錢親民，簡直係灣仔區打工仔福音🥳 今日收早黎個early dinner，終於有機會黎慢慢影相介紹比大家~尚青係台語siɔŋ⊦-ts'ĩ，解做「最新鮮」🥬 以新鮮食材帶來台灣家鄉味道。餐廳佈置用心，將台北出名既歪腰郵筒擺係門口📮 室內就模仿學校小賣部，好有青春氣息，處處都係打卡位~♢ 香菇雞魯飯 $56又係我最愛既魯肉飯~ 滿滿既魯肉蓋過哂白飯，用上半肥瘦既豬肉，加埋香菇同秘製醬汁，送飯一流！魯肉下鋪滿雞絲，更加滿足！隨餐附送兩款是日小菜﹑一隻溏心蛋。晚市唔洗$60就食到一個便當set，抵食又有飽肚感✅♢ 椒鹽排骨雞湯幼麵 $62食台灣野唔一定係牛肉麵，呢度就有雞麵選擇，朋友覺得個湯底好有驚喜✨ 湯底係金華火腿雞湯，帶點蔥油味，香氣逼人！麵條可以揀幼麵、手工寬麵或手工刀削麵。豬扒炸粉夠薄，加上椒鹽粉調味香脆可口，咬落去嫩滑又juicy！♢ 冷泡茶 $28冷泡茶只有白桃烏龍味，白桃味偏淡，有進步空間。

今日下午2點9來到，趕到lunch menu聽講係人氣排隊店，但驚喜呢個時間唔使排隊，唔擠迫，坐得幾舒服。叫左埔里花雕半筋半肉牛肉面同台式牛三寶飯。牛肉面酒味好濃郁，唔飲酒嘅人可能接受唔到，但係冬天食都幾舒服。三寶飯有牛燥，牛肋條，牛筋，牛燥因為有牛油，所以牛味好濃，牛筋同牛腩條都好淋。熱香芋奶茶有香芋雪糕味，普通熱台式奶茶有少許茶嘅烘焙味，兩杯都不錯

今日去左食午餐，但體驗真係好差因為知道佢限餐時間係一小時，坐低已經盡快落單，但我叫牛肉麵等左半個鐘先黎，然後佢都係要1個鐘內就催我走。呢樣都算，最過分係侍應上菜個陣係單手傳個餐，差少少就瀉，太危險，今次成個體驗都好差，希望會有改善！

要行上一層去到餐廳，用餐時間60分鐘，齊人入座。服務態度一般，係香港人嘅態度，唔太友善。整體台灣菜式都好食，但味精略為重啲啲。*麻辣鴨血煲 配冬粉 $82鴨血有四五大塊，仲有娃娃菜，少量蜂巢豆腐、貢丸，要早啲倒啲粉絲入去一齊煮。鴨血好嫩滑，麻辣惹味，啱啱好唔會太辣喉嚨。蜂巢豆腐同粉絲好索湯，同樣都係好惹味好重口味。紅燒半筋半肉幼麵 $78半筋半肉煮到軟綿，有牛肉嘅肉感，又有牛筋嘅煙韌。紅燒湯比較樸實，牛肉香味較薄弱，有淡淡甜味，一啲都唔油膩。幼麵唔夠掛湯，要連湯一齊食。仲有油炸鬼可以點湯，但炸得太油太硬。椒鹽鹽酥雞 $56鹽酥雞份量好正，外皮脆脆又有粗粒感，雞肉嫩但未夠多汁。我覺得生蒜粒、九層塔係神來之筆，為鹽酥雞帶來刺激感，味道更惹味，口感更豐富。

朋友附近返工 佢每次食台灣菜都會食呢間！今次同佢一齊食 佢話尚青商號最正既係滷肉飯 撈飯食真係一流！但好耐之前喺台中到食過好好食嘅三杯雞 每次見到有三杯雞我都會想嗌！【台酒三杯雞肉飯】$66可能我太高期望 但真係食唔返個種味道🥲 不過佢成個煲上 下面有微火熱住 唔會即刻凍晒🥹 由麻油 米酒 醬油煮 雖然真係夠晒味 雞肉亦都好嫩滑 但收唔夠水 同埋太多油🥲 套餐附2款是日小菜。【椒鹽鹽酥雞】$56鹽酥雞炸得好脆口 唔會太厚粉！雞肉都好嫩滑 而且再配勁多爆香左蒜蓉 真係好正😍【芋香拿鐵】$26同行朋友強烈推薦！飲落真係好香 好濃烈既芋香味 絕對唔係得顏色同勁假個啲芋香😛

星期六晚諗食咩好有一排無食尚青商號又去幫襯下先食過幾次次次都會叫鴨血煲辣得黎勁惹味食第一啖就係喉嚨辣返轉頭配埋鴨血冬粉真係無得輸飯我地叫左鹽酥排骨飯皮好鬆脆可惜白飯煮得太淋好彩碗飯唔係太多汁(汁係好香既)仲叫左滷大腸茶香(?)就唔係好食到但係好入味! 飲品我地叫左胚芽奶茶同翡翠檸檬綠茶其實出街食台式嘢都可能偏向食油膩dd有時仲食埋辣tim要飲邪惡既奶茶類定清新既紅綠茶類都唔係咁易抉擇檸檬綠茶其實係平時飲開既檸茶既綠茶版都唔錯 夠fresh

📍地址: 灣仔蘭杜街4號文熙大廈地鋪✿😋味道😋：4/5✿🏙️環境🏙️：3/5✿🤵🏻服務🤵🏻‍♂️：1/5✿👀賣相👀：3/5✿💰價位💰：4/5↠⏰時段：Lunch 12:00 ↞ ✦✧ 呢間排隊熱店，喺傅珮嘉開嘅，無論Lunch定係晚餐都好多人排隊；當然，位置都唔算多，而且都好多人幫襯。✦✧「尚青」是台語詞 siɔŋ⊦-ts‘ĩ ，有寓意喺「最新鮮」，所以佢舖頭就以最新鮮嘅食材去炮製食物。✦✧ 不過好老實講，食物質素真心幾好，但係服務態度真心麻麻，最搞笑嘅喺，仲要有加一服務費，先不論落單喺自助用QR code落都算，喺呢間食過好幾次，但喺每次都漏單，店員仲要無視。🍜 ❝ 椒鹽排骨雞湯麵 ❞ $60❀ 跟餐：以上湯麵均附有2款是日小菜 & 冬瓜茶/ 烘焙烏龍茶☞ 湯底喺以金華火腿雞湯，可以揀幼麵/手工寬麵，聞落好香，上面有辣醬加埋蔥油香味，排骨嘅炸皮唔厚，肉質好嫩滑，上面仲加咗椒鹽粉好香口。🍝❝酒香椒麻牛肉絲乾拌麵❞ $58❀跟餐：以上湯麵均附有2款是日小菜 & 冬瓜茶/ 烘焙烏龍茶☞ 可以揀幼麵/手工寬麵，手工寬麵口感好啲，佢嘅椒麻味好重，而且牛肉絲一啲都唔韌，而且仲有好多，我個人認為都幾出

黎到灣仔緊係要搵好西食！約左舊同事lunch time食個便飯。佢地介紹尚青商號話好好食。我怕多人要等位大約12.25pm到。六成條樓梯已經排緊隊，我地都唯有乖乖企係樓梯到排隊。前面等6張枱到成約等左20分鐘which都算快。坐底就叫野食，我好餓所以揀飯類，揀左台式牛三寶飯包一杯凍既細峰密綠茶。食牛肉類最驚佢鞋同柴皮咁咬唔到，但個道既牛好林好軟身真係一舊牛肉俾你，唔係俾d牛粒/牛片/細細舊咁。味道唔洗講當然係！椒鹽豬排又係好實在個口感，好邪惡香口

今日早收工~ 去灣仔食想食好耐既尚青商號好近電車路, 平時收工經過7點左右就見到樓梯排滿人, 一直都未有機會食, 今日6點半左右到~ 完全唔洗等位, 隔左15分鐘左右 已經需要等位啦我地2個人, 每人叫左一個主食, 2個小食+飲品半筋半肉牛肉麵 ~ 牛肉湯底好濃 好香, 肉肉份量好足 好飽 椒鹽鹽酥雞 ~ 雞肉滑, 好熱辣辣百頁豆腐 ~ 估唔到好好食 唔油!!!櫻花蝦瑤柱蔥油拌麵 ~ 不過不失 都幾多櫻花蝦

有一日放工經過俾佢門口個台灣郵筒吸引左，就咁睇門面其實都唔知呢間係咩黎，不過見佢有個餐牌，先知原來食台灣野，價錢唔平，不過門面咁特別，就試下佢。埔里半筋半肉牛肉麵 $80店員一放低就聞到超香花雕酒味，個湯底好濃有酒味好正，牛肉好淋好易入口，不過就細細舊唔多。個麵揀左手工寛條麵，覺得唔係好夾，唔係好掛到湯汁，下次可以試另一款麵。整體份量好少，男士唔好期望食得飽。另外送左三個小菜仔，有超硬既油條，要浸一陣湯先食，仲有雲耳同甜酸菜，都幾好味。唔知係咪因為落左好多酒，食完之後個心好似跳得少少快，少少醉醉地既感覺，如果之後要返工返學揸車都係唔好食呢個不過係真係好味既，只係真係貴左啲，仲要加一，同埋限左用餐時間一時間，呢樣就覺得麻麻地。但係呢間係可以有下次既

尚青商號 (灣仔)♡︎𝗦𝗣𝗘𝗖𝗜𝗔𝗟 𝗥𝗘𝗦𝗧𝗔𝗨𝗥𝗔𝗡𝗧♡︎$82 麻辣鴨血煲(8/10🌟)❤️sᴘɪᴄʏ ᴅᴜᴄᴋ ʙʟᴏᴏᴅ ᴘᴏᴛ❤️🌶麻辣味道特出，鴨血好滑，索麻辣湯底味好足🍲，不過又唔會太辣。另外亦有啲貢丸、台式百業豆腐同少量菜🥬。百葉豆腐亦都係非常索湯，食落好熱♨️。$56 黑嚕嚕魯肉飯(皮蛋)(8/10🌟)❤️ʜᴇɪʟᴜʟᴜ ʙʀᴀɪsᴇᴅ ᴍɪɴᴄᴇᴅ ᴘᴏʀᴋ(ᴘʀᴇsᴇʀᴠᴇᴅ ᴇɢɢ ʀɪᴄᴇ)❤️🍚滷肉飯會配有少少開胃餸，包括酸酸甜甜醃蘿蔔同埋雲耳。魯肉飯配皮蛋感覺幾新穎✨，食落去有微微皮蛋味道，魯肉肥美多汁，味道較特出，撈飯好正😋。魯肉配皮蛋兩者混合係夾既，表面有少少既木魚碎作點綴💕，同半隻糖心蛋🥚。$56 椒鹽鹽酥雞(8/10🌟)❤️ᴛᴀɪᴡᴀɴᴇsᴇ ꜰʀɪᴇᴅ ᴘᴏᴘᴄᴏʀɴ ᴄʜɪᴄᴋᴇɴ❤️🐣鹽酥雞細細粒好易入口，雞粒數量多，表面有香葉🌱亦有好多炸蒜🧄。雞肉食落滑，多汁香口，鹹味幾重。食物：8/10環境：8/10性價比：8/10📍灣仔蘭杜街4號文熙大廈地鋪其他分店：📍荃灣兆和街16號和盛樓地下5號舖#duckblood #spicypot #mincedpork #

呢間餐廳嘅午市 跟據女友呢位探子回報基本上日日都見到人龍排滿樓梯🧍🏻有日早咗放lunch終於有機會試12點左右去到 可以唔洗排隊直入😌.🍴香菇魯肉飯 $50 💛8/10午餐會跟兩款小食今次係醃蘿蔔同雲耳😳睇落份量唔算大 但其實食落好夠因為魯肉都鋪得幾滿 而且係半肥半瘦 好有飽肚感😋另外仲有溏心蛋同白菜仔餸飯 冇咁膩.🍴台式牛三寶飯 $68 💛7/10其實同香菇魯肉飯差唔多感覺不過係轉咗用牛黎做主角🐮飯上面放咗牛燥、牛筋同牛肋條牛燥同肉燥食唔太出有咩分別🫣牛筋煮到好軟腍滑身 質感唔錯但牛肋條就差咁啲 食落會癡牙😬同埋由於唔似魯肉飯有啲肥肉撈下呢款食落去感覺會比較dry添😗早知叫半筋半肉牛肉麵 應該會好味啲.🍴椒鹽鹽酥雞 $38 💛8.5/10食親台灣嘢就忍唔住想叫份鹽酥雞除咗用椒鹽調味之外再配埋炸香嘅九層塔同埋蒜頭🧄幾有台灣夜市買到嘅嗰種味道 唔錯.餐仲有跟飲品 可選冬瓜茶或者烏龍茶以價錢黎講 的確係幾抵食不過以味道計 未去到要專登排長龍去試🙈除非係專程想食鴨血嘅朋友算係少有午市有得食到 咁都叫排得抵啲🤣