上樓 (Closed)

一蚊雞的promote已經有很久了，爸媽昨夜試了潮樓的蒸雞不錯，今次和男友一試醉雞。七時半登記，登記處擠得水洩不通，一看號碼，還有三、四十個，先離開逛一逛吧。等了又等，八時半終於到我們，是被編到自閉位，也好，少一點人走來走去。兩人快快的點菜，點了一隻雞、海皇賽螃蟹及酸辣湯麵。花雕醉雞($1)﹕雞不算太大隻，但明顯地是很不新鮮，雞皮還是瘀黑的。放入口，原來是凍的，幸好味道未至於難吃，但不新鮮的雞還要吃凍，感覺比較差。可能雞太瘦，連雞脾也沒有吃頭，更莫說雞背吧。最後，丟掉的比吃進肚子的還多。海皇賽螃蟹($60)﹕大大碟，兩人吃比較多。蛋白不是太滑，但夠香，芡汁亦美味，配上粒粒蝦肉、蟹肉碎，算是中上。酸辣湯麵($28)﹕湯太稀，麵亦過淋，不像上海的酸辣湯，唯有當它是有酸和少辣的湯麵。一蚊雞果然只值一蚊，吃完之後翌日整天都有點絞肚子，下次不要貪這些便宜了。另外，此酒樓除了地板比大排檔乾爽，其餘餐桌椅子餐具比大排檔更不堪，可怕。

我都集齊四大一蚊雞喇最後呢隻係旺角上樓既花雕雞5點30分到達已經有人等緊位,所以即刻登記左先,6點入得兼有卡位坐今晚試左兩樣野一蚊花雕雞酒味幾香,亦有雞味,而雞肉不會太削,幾軟滑,份量亦不少,可以話係好味,超值,抵食呀水煮魚片豆腐煲 味道唔錯呀,入口有先麻後辣既感覺,跟住有花椒同辣椒既香,辣味亦適中,魚肉煮得剛好,豆腐亦好香,最精彩係D水晶粉,索左D汁,好惹味呀1. 一蚊花雕雞$12.水煮魚片豆腐煲$683.白飯一碗$10茶,芥,加一全免,埋單合共$79 總結食物唔錯,環境同衛生都幾好,但可能人手不足問題,所以招呼麻麻,冇水都要等好耐先有人加水,希望可以改善下啦

相信好多人都知稻香集團有$1雞既promotion前幾日就相約友人黎哩度食雞7:10左右到左, 今朝問過, 2個人冇得訂台既咁就等到7:45佢既卡位好闊, 都坐得舒服既一坐低, 太肚餓, 叫個阿姐過黎整隻雞先.之後個阿姐話"d 雞9點之前都有得嗌, 你地睇左仲有咩叫先啦"佢企左o係度一陣, 我又冇再講要咩, 佢就幫我落單隻雞等到8:15, 真係太餓, 催下佢, 咁就即刻黎啦都ok啦個樣, 真係成隻雞喎d 肉都叫滑, 酒味都算濃, 唔知係咪想d 人快d 頂唔順d 酒氣叫一隻就算以$1 黎講哩隻雞簡直超值啦食到一半, 我問友人夠唔夠, 佢話唔夠, 叫多隻啦咁我就同阿姐講叫多隻, 佢話要食完一隻先可以叫第二隻.唔知係咪我地得兩個人既關係所以佢咁限制我見人地o係稻香(唔係上樓) 可以一次過叫4隻o係台面咁唔緊要啦, 我地拿拿林就ko 左第一隻雞再叫第二隻雞黎到, 大隻d, 但冇咁靚.其實已經食到有d 濟, 不過哩隻可以拖長黎食最後食到10:15 走人埋單真係2 蚊, 好後悔冇影低張單.佢仲問我地有冇dbs 咭添, 因為有既話仲有88折, 不過唔知係咪要計返正價再折因為佢寫住dbs 優惠不可與其

2009-03-17 今日係摯友生日會日子!可惜因為臨時有事 由8個變到得番5個 !! 唔緊要~五個都可以照食! 一人叫一樣今次第二嚟呢度生日飯聚 ,食咗呢啲...小籠包係每次必食，每次都保持水準～雪菜津白,第一次試,味道都可以...賽榜蟹,好滑又夠清..我至愛呀...雪菜蝦仁燴麵 第一次食 ..ok喇....雞絲粉皮-友人最愛餐前小食!!最關鍵莫過於 近期一熱$ 1 醉雞...好抵食 夠份量真係收$1可能人少關係,佢斬得好大件呀 個個都食唔停,好好食~ 呢晚唔知點解好多人食...未入座已經開始等位我哋訂七點 ,六點幾上去已經叫緊飛啦~食飽走仲叫緊 ...應該因為8:30 特價關係....好食~有機會一定會再食

全女班9人晚飯, 可能量$1雞效應, happy Friday 特別多人, 2日前訂座時, 沒有知會我們只能吃2小時, 到入座時才被告知, 很無癮。order 了:素菜包 ─ 算ok小黃魚 ─ 真係超小, 只得1小塊湯年糕 ─ 湯多過年高好多, 湯好味精$1雞 ─ 如果用$1去衡量, 佢就超水準囉擔擔麵 ─ 不知所謂青菜煨麵 ─ 味精得嚟, 湯唔好味素鵝 ─ ok雞絲粉皮 ─ 好味葱油餅 ─ no good, 不吃也罷春卷 ─ ok酸辣湯 & 魚頭湯 ─ ok豆沙窩餅 & 高力豆沙 ─ 太差還有些我沒有試過, 又或忘記了以上菜式極度味精, 我想身體健康, 所以不再光顧為妙。 而且D侍應重成日催埋單, 佢唯一嘅好處就係平囉。

出旺角買野，買完都九點半，同行友人提議去上樓~朋友係愛茶之人，一坐低就嗌左壼人參烏龍~甘甘地幾好味，唔係太識飲茶既我都覺好好味兩個人嗌左三樣野：雞絲煨麵 $35雲白肉 $50 (九點後七折)雪菜海鮮豆腐鍋 $70 (九點後七折) 先上雲白肉。切得薄薄既豬肉，加上又麻又香既辣椒，底下仲墊左我最愛既粉皮~~豬肉唔算太鮮味，但係點左辣椒就啱啱好~粉皮吸左d 辣油，食到唔停口。其餘兩個就普普通通，不過咁既價錢都算唔錯~九點之後頭盤同小菜都有七折優惠， 埋單$119, 食到飽飽~ 應該會再黎

上星期日同一大班朋友共10 人食晚飯, 今次係我第6 次去本人係勁鐘意食上海菜.........除咗有個特價麵筋窩同埋海鮮窩巴我覺得麻麻地外, 其餘菜式都好滿意.....大大話話食過6 次, 真係幾乎全個menu 80% 都食過晒最鐘意佢地三免: 免茶免介免加一, 明碼實價抵到爛P.S. 個茶杯設計特別, 不锈鋼, 相信係方便人客唔好燙親隻手, 但這個設計會容易令人以為杯茶溫度已經啱飲, 結果反而會燙到個咀, 本人就是其中一個受害者了!!!

朋友從澳洲回來, 於是就相聚一番.五個女仔, 叫左九樣野, 但係埋單都係 $39x, 都好底下不過, d 服務態度就有待改善, 個日係平日, 但係有d 朋友收工遲, 咁當然等齊人先叫野食, d 侍應就覺得我地係到'亞'位, 係咁問想叫乜野食,之後, 埋單竟然'攝'左我地張卡係一個架到, 等左成十五分鐘先可以埋單走人

尋晚約左D朋友睇戲shopping.. 行個彌敦道荷李活中心 咁就去左2樓look look入到去.環境唔錯.卡位的位置都好寛敞舒適.我們點了鷄絲粉皮.麻醬適量，粉皮很滑，好味道沙窩雲吞雞.都幾大煲既.湯底唔錯.但雲吞很難食不叫也吧春卷.呢個唔錯.用上豬肉和蝦肉做餡很香口,但係很多油小籠包.皮薄.湯汁都唔錯又係出乎意料.好過好多上海店環境就幾好.部份食物都幾好.基本上無乜服務.人手不足,為一的好處就係免茶、免芥、免加一埋單$160.整體都合格

貪心隻一紋雞﹐所以去食晚飯小籠包--OK啦﹗﹗不過不失楊州炒飯---勁油豆腐海王羹---沒有落鹽﹐後來要侍仔LOL鹽自己落﹐唔錯﹐全晚最佳的一碟一紋雞---勁難食。無雞味。海哲--好細碟沒有鑊氣﹐有食物如個羹沒有鹽。食物勁油﹐見到係反光之下價錢平﹐招呼差。食物水準低﹐老實講﹐下次唔會再幫趁。如果覺得去大酒樓想平﹐呢間係好選擇。如果想食物有水準﹐好食又平。點解唔去大家樂呢﹖﹖好食過呢間架。

之前訂了7點鐘枱，雖然沒有人等位，但內裏已滿座。一行四人點了compass visa餐。上菜速度都ok。1. 四喜烤麩-冷盤, 沒甚特別2. 蒜泥白肉-非常辣, 厚切得很, 幸好白肉下有粉皮, 味道不錯3. 乾燒蝦仁翡翠-蝦仁比較細, 酸甜味4. 砂窩雲吞雞煲翅-極少翅, 雞太實, 雲吞不錯, 湯不錯5. 松子香酥海石班-賣相不錯6. 上海炒年糕-太少配料7. 桂花酒釀丸子-沒有酒味, 丸子質感不錯待應太少, 埋單太耐, 兼且太噪吵, 不是一個閒談的好地方

昨晚同幾位朋友去這個酒家吃晚飯,大至上食物都不錯,但服務就不ok了~我們叫了菜色後,(散叫)之後有侍應問有無dbs card有優惠,但又沒sale 使用dbs有套餐.....最激氣是埋單時.侍應提供了單據時....出了兩張單....之後又係單上手寫了總數....完全不明她寫什麼....又不解釋....咁即是點呀?!仲要d態度沒禮貌....好似問佢好唔應該咁.....原來是有d菜色已經是7折優惠左....就不可以再用信用card優惠了~我們完全不知道......侍應仲要黑著臉~仲有佢個炒菜又細碟又貴....唔抵食~

星期一晚朋友說想吃上海菜，一行三人便去了這間試試雞絲粉皮--粉皮很滑，芝麻醬略略帶甜，很香賽旁蟹--炒得都算滑，唔係太多油小龍飽--一客六件,熱辣辣好味,多汁酸辣湯--料多但湯比較希，唔酸又唔辣，但仍可接受跟住帶上海口音既經理走黎sell我地一個豆沙窩餅要埋豆沙窩餅--夠軟唔太甜,讚食物分量很多，我哋都食唔晒d嘢。總括來說食物質素都ok座位闊落又坐得舒服.我地三個人坐八人桌.我喜歡這裡像八十年代上海裝修.環境地方唔錯服務良好侍應唔該前唔該後.態度很熱誠，有問必答免茶芥、免加一，埋單才$220，真係好經濟.第二次我會再去試其它菜式

可能是初一的關係,九時到達仍有不少吉檯,我們二話不說就開始點菜...酸辣湯 - 有辣味但少酸味,其次是勁多筍,每一羹都好多; 但就是因為太多筍,我都不怎吃到其他東西.腿茸賽螃蟹 - 這個不錯,幾滑而且有點點蟹肉.鎮江黑醋骨 - 只屬麻麻,我以為自己在吃甚麼香檳骨的東西,黑醋太少...韭黃炒鱔糊 - 我夾了一大樁落自己個碗,食落先發覺原來一塊鱔都夾不到,實在少得可憐; 從相片也可見韭黃勁多...雞絲粉皮 - 味道幾好,雖然醬料不夠多,但勝在粉皮夠滑.紅油抄手 - 這碟都OK,算大粒...京式蔥油餅 - 不太油,味道幾好. 雖說有兩件,但有點意外的是這兩塊蔥油餅實在細得可憐...南翔小籠包 - 皮薄且肉幾滑,但勁易穿.三鮮炒年糕 - 鍾意年糕好煙韌,不太鹹,不過都幾油.干煸四季豆 - 味道不錯,standard的菜式.酒釀桂花小丸子 - 得個甜字,只有很微弱的桂花味和酒(酸)味.荳沙鍋餅 - OK,但荳沙餡不夠多.出發前朋友已警告不要對此店的服務期望太高. 觀乎他們整晚的表現,除了帶位那位阿姐外,基本上其他侍應都OK,這可能與是晚人客不多有關吧.有點不滿是出菜完全沒有次序可言,需要要檢討一

好耐之前食既上海菜(大約十二月) ，由家姐請客。小籠包：豬肉餡幾滑。皮算薄，不過好易穿。牛肉餅：好似食山竹牛肉咁。都幾好味，肉質唔會太腍。糖醋魚塊：呢個最好味。魚好滑，唔會好厚粉，個汁好香醋味但又唔太酸。仲有好多配料添！蘿蔔魚頭湯：除左蘿蔔魚頭，仲有好多秀珍菇。魚湯唔算太濃，不過材料好豐富。服務唔得囉。雖然話左八點交枱，但七點四十分我地未食完就催埋單，仲係好冇禮貌個種！