小南國 (Closed)

Terrible service, found a hair in the bread, flavourless food and no atmosphere - staff act as if they’re doing you a favour. don’t eat here.

食材麻麻，味道麻麻，東坡肉唔'臨', 湯麵太'臨' 而且得個咸字， 炸鴨過哂火，獅子頭冇乜特別， 系炒粉絲和鍋貼尚可， 但這價錢去其它食店也可，和價錢可能平D， 仲要服務態度也不太好，我prefer 去快餐店

五位中同聚會，有人提議去這間食，原本book咗7點，結果個朋友仔早到6點半就入坐，結果無人等枱，無趨我們交枱，好好人。叫咗小籠包，生煎包，四季豆，黑松露素鴨，醉雞，石鍋雞湯燴手工蛋餃生煎包圓波波咁，賣相一流，入面有湯汁，食的時候要小心，但皮都係厚咗點，不過都ok的，最欣賞個四季豆餸飯超美味，香口嘢味手工蛋餃個蛋皮加豬肉口感似包芯魚蛋，當然蛋餃入面的豬肉無咁油ok好味的，蛋餃皮比較彈牙，但整個味道比較清淡小驚喜係埋單時送了2張300減100的coupon下次用，如果用到都幾抵的

新年一定會有好多飯局，約埋朋友一齊食飯..搵個地方記腳，又可以坐得舒服少少，傾來啲計都可以去呢個小南國都唔錯。位置喺太子新世紀廣場都算好方便，就算朋友帶埋小朋友出黎都方便。餐牌都算係多選擇。我哋有四個大人..所以就選擇左一個二人套餐(A)另外再散叫一啲其他特色小炒。招牌小籠包果然係冇失望..唔錯！生拆蟹粉豆腐撈飯一流，我勁鍾意食呢個！花膠鮮魚羹就好淡..冇乜味道，十分普通完全冇特別。另外我哋仲單點左個香酥鴨配薄餅，幾特別！同一般片皮鴨既分別都係件鴨係炸，又唔錯喎！

親人從遠處回港過年，今日相約食晚飯，我就上網 搜尋， 新世紀廣場有什麼好食肆， 搜尋到一間上海菜小南國訂下位試吓，到此店， 環境 舒服, 每枱枱面只得兩張餐牌 ，仲要系套餐，我就問位待應有無其他餐牌，這位待應就攞咗張餐紙和一支筆比我自己揀，点知轉頭就有位高層人員埋嚟就話，今日做套餐，其他就多數無，我就問，我訂枱時候你哋点解唔同我講，嚟到先同我講只做套餐，你個套餐實啱我食架，我想嗰d又無，咁係咪局我食，点解訂位時你唔同客人講，坐底咗先講， 我覺得好似畀人屈囉！😠😡最後我都局食咗個6人餐，絕對無下次！🤢

「小南國」我細細個就聽過呢個名啦😅不過，近幾年，香港有好多大大小小嘅上海餐館，有fusion 一d，專攻後生仔市場，有高雅講究quality，專攻有經濟能力，肯花錢嘅中高產嘅市場，而「小南國」好似無乜特式，佢夠悠久，後生仔causal 食飯未必會揀呢度，佢又未算稱得到上講究同高尚。今晚我同個朋友之所以揀呢度食飯，因為見到佢有個蟹粉豆腐😋，見到呢度食客都爆滿，一家大細，有老有嫩，原來主要食客係家庭，不過長遠計，「小南國」真係要比番d個人特式先得。

今日呢餐係團年飯，有老人家所以就揀左清淡D既上海菜生煎包個底煎得幾香食落脆脆地，而且入面又有湯唔錯！！沙鍋餛飩雞（半份）侍應將D餛飩一碗碗咁分好左，呢半隻雞就另外用碟上，餛飩既皮厚左D，雞既肉質都唔夠嫩，整體黎講普普通通！呢碟菜既賣相都幾唔好D肉炒到黑色既仲要每件都係好肥既豬肉根本無咩肉食豆腐只係普通既冰豆腐放落D上湯度仲要D火腿既數量係非常之少呢個鍋唔抵食！炒年糕可以揀用咩炒我地就揀左津白但我無諗過佢會用豉油炒味道非常唔OK整體黎講，我對呢間餐廳好失望出面普通既小店上海舖都比佢好食

大夥親戚食團年飯，通常都係食返粵菜，今次揀嚟小南國我都幾surprised，親戚話唔好次次約出嚟都食一樣喎。先睇新春套餐菜單：前菜已經擺滿張枱，特別喜歡馬蘭頭乾絲。主菜重點講幾個。南國薑蓉雞我嫌佢過淡，無論隻雞定面頭嘅薑蓉都冇乜味。發財大元蹄，賣相幾吸引，味道都合格。全家福，大大煲好多料。最好食係啲蛋餃。湯底唔太鹹ok。灌湯生煎包，外脆內軟，非常可口。甜點都做得幾有誠意，桂花糕、煎堆值得推介。花生狀嗰啲係酥皮入面有花生，食落似食花生醬麵包咁。今餐都算食得開心，ok

是日family dinner, 來到小南國. 訂了枱, 週末七時正到達, 店內已full house, 很旺場呢! 裝修尚算雅緻, 但感覺有點嘈雜. 由bro 和sis發辦, 點選了紹興花雕醉雞(HK$80), 本幫糖醋小排(HK$78), 上海粗炒(HK$88), 上海炒年糕(HK$88), 特色黑松露蝦仁炒飯(HK$108), 金網鮮肉蝦仁窩貼(10隻)(HK$110), 鮮肉小籠包(10個)(HK$104), 灌湯生煎包(6個)(HK$76), 麻醬雞絲拌粉皮(HK$68), 前菜2客(HK$40), 茶芥每位(HK$12).前菜, 菜醃得不錯, 夠香辣開胃. 紹興花雕醉雞, 雞不夠滑, 酒味有點過濃也不夠香. 本幫糖醋小排, 味道調配得宜, 酸甜度剛好. 肉質淋軟, 可惜是冷盤, 筆者偏好它是熱食的版本. 上海粗炒, 賣相不錯, 味道和口感也ok! 上海炒年糕, 入口夠煙韌, 但味道帶辣, 不嗜辣的食客要留意.特色黑松露蝦仁炒飯, 飯粒炒得夠乾身, 淡淡的黑松露芳香, 也算不錯. 金網鮮肉蝦仁窩貼, 這個很讚! 窩貼的底部炸得金黃, 夠薄又香脆, 皮的外層夠薄, 肉味鮮香有肉

星期日家庭日，澄子小姐打算同屋企人去新世界廣場行街。一去到打算去小南國醫肚。去到估唔到唔洗等位，仲比左個窗邊我地坐。落單時，服務其實唔錯亦有禮貌地介紹少少小食比我地。隔左大概5分鐘，冷盤上齊，分別有醉雞同蔥油海蜇頭。兩款小食，仍然保持水準，幾好食。大概用左30分鐘所有送都上齊，蟹粉豆腐就比較失望，蟹味比較淡，同埋可能豆粉放多左，太傑...鹹肉青菜炒飯OK，不過呢道菜要預返一定會油油地，但絕對可以接受，如果鹹肉香味出返d就好啦。小籠包皮較厚，但靠肉汁取勝+1。蔥油包不過不失。小南國其實都好神奇，平時我去沙田個間比較多，卻好食過新世界呢間。雖然唔係好差，食物份量也充足合理，服務唔錯，環境也乾淨齊理。但希望都有待改進。

又到大閘蟹既季節，就諗住去小南國試下星期日晚，即日book枱4個人都有位大閘蟹既套餐有兩個，有滙豐信用卡既話，其實都算幾抵食比較之下，A餐既蟹肉羹好似吸引啲，所以就嗌左兩個A餐，再加其他嘢食先嚟前菜就係糖醋小排同海蜇頭兩款都酸酸地，幾開胃兩個餐就有4隻大閘，每人一隻啱啱好四隻都係蟹公，而且膏就唔算太多，唔算太吸引滿心期待既蟹肉羹，但一啲蟹味都無，蟹肉都唔多見有，好失望平時嚟到都會嗌既蟹粉小籠包，多汁又香，好味當我地同隻大閘蟹奮鬥既時候，就嚟左條小黃魚😂😂😂但佢一上既時候，唔係好得閒食佢，擺到凍晒先食到😂味道係幾惹味，趁熱食應該唔錯百葉時蔬，味道比較清淡，中規中矩個餐最後既金華火腿配荷葉餅成餐飯最好食就係依個咸香既金華火腿配埋軟身既荷葉餅(其實即係普通中式食嗰啲包)，好夾好好食除左以上套餐既嘢食之外，仲嗌多左幾樣特登額外嗌既生拆清炒蟹粉($398)收依個價錢，以為係好多蟹粉好香蟹味點知咩蟹味都無食落魚味仲多過蟹，完全無蟹既香超級失望另外仲嗌左碗擔擔麵($48)同嫩雞煨麵($55)，都係唔錯既一碗麵最後每人三百幾差唔多四百，生拆清炒蟹粉真係超級嘥錢一心諗住食蟹，點知蟹既食咩都麻麻地反而除左

一行十二人光臨旺角小南國，地點便利是這次選擇小南國的原因，印象中小南國的食品水平是平稳的，可是却失望收場。服務方面，侍應的態度友善，但人手不足，以至服務不到位。食物方面：只列出較有印象的。1) 大力推介的薑蒜雞，由於不知道是冷盤，所以大部份人都不喜歡。2) 咕嚕肉，普通不過不失。3) 小黄魚，好吃。4)清炒蝦仁，差。5) 小籠包，好差，味道奇怪，皮厚。6) 酒釀丸子，差，酸味太多。整體來說水準之下，不能其他上海菜館比較。下次應該不會再來了。

今日因工作緣故, 直至晚上差不多10時才吃飯。本來是到6樓吃西餐, 但又突然想試其他餐廳, 最後就選了這家。我倆站在門口一會, 見沒人理會, 所以自行走進餐廳, 坐下後趕緊點菜 (10半關門)。是次點了兩客麵食, 一客醉雞, 一客小籠包和一客花生酥。醉雞 酒味不會太濃, 本來不錯, 但味道實在太太太鹹了, 不邊吃邊喝茶會鹹死! 小籠包太糟糕了！豬肉餡料有一陣豬"除"味, 即使外皮做得多薄, 湯汁再多都彌補不了！擔擔麵好難食! 好失望! 丁點花生麻醬也沒有, 只是一碗油油的辣椒油麵, 辣椒油味好香沒錯, 但食落是沒味的, 唯一有感覺是嘴有點麻痺。上海粗炒 未吃已看到那層油光。當然, 有對比之下, 它的味道絕對比擔擔麵好, 調味可以, 但實在太油膩了花生酥又一垃圾! 上面的鹹點已令我, 甜品就更糟! 一口把整粒花生酥吃掉, 不得了！外層酥皮硬! 乾! 厚!花生餡硬! 不甜又不鹹, 完全無味。我絕少會用垃圾形容一間餐廳, 但難食是事實。好後悔選了這家餐廳, 實在浪費了quota跟金錢! 永久被列入黑名單

聽聞呢間上海食館都唔錯所以就嚟咗呢度試下🤔我地四個人叫咗個四人套餐果然真係好好食無論賣相味道都好驚喜♥️其中幾樣特別喜歡就係前菜嘅馬蘭頭幹絲精緻外型真係好吸引仲有小黃魚同紅燒肉都好惹味😋

這是第一次來到旺角分店是吃晚飯，服務生態度一般而且好像不夠員工，等了很久才有人過來點菜，食物味道有點鹹，分量尚可，但相比之前試過的沙田分店，沙田那邊有高水準的服務，食物品質也很好👍所以真的是每一間分店都不一樣！