石澳中泰酒家 (Closed)

天氣炎熱，日日開冷氣～胃口又一般，想個人relax下，突想起『中泰』，已經食過好幾次，每次當諗唔到去邊度食又無mood~~『中泰』9:00pm入到石澳，有海風，唔熱又舒服椰肉好好甜....good~~ 芥蘭炒得好入味，臘肉野味令到胃口好咗好大碟super yummy ~ 雞翼炸後用豉椒汁淋上鐵板上good~ 呢刻嘅我享受完美味醒胃菜之後，整個人有翻mood

今日咁岩同老公一齊放假,老公就提議入石澳食晚飯。入到裡面有幾間餐廳...我見呢間寫住中泰海鮮酒家,心唸應該選擇多...而且門面都光猛,應該試得過啦~我地嗌咗5樣野...有腐乳通菜:點知唻個碟係蒜蓉波菜,當我地問個落單個阿姐呢碟係咩唻,佢又話係泰國通棻,後來睇睇吓又話係波棻...原來落錯咗單...; 冬陰公湯: 真係從未飲過...咁差 我覺得似酸辣湯多啲...不過都係難飲既酸辣湯..; 青咖哩雞...咸到死...咖哩又稀...炸曼頭又食到食口油...唉~ 唯一叫好啲係個銀雪魚咋...呢間野,我真係唔會再去呀!! 最緊要價錢又貴...兩個人食要成差不多300蚊...服務態度又唔係好...唉...

到達目的地，朋友未到，最後我都選擇左近巴士站的泰國菜坐下邊吃邊等，雖說是冇冷氣但不泛客人，人頭湧湧，好不容易才搵到餐廳對外的坐位。泰式蝦炒飯，算特別美味或特色，炒得也相當乾身兼不肥膩，洋蔥、蕃茄及蝦仁都足料。冬蔭公香料十足，有三隻中蝦，一隻大頭蝦，肯定是新鮮，味道及辣度可以說值回票價，這款湯亦冇落味精。老闆自動俾左杯冰水我，得我一個人幫襯都有咁好既服務，真係買少見少。

去石澳玩，玩完求其走入一間，點知食左d 好好味既野窩蛋牛肉飯，雖然好多茶記都有，但我未食過一間咁好味的店員講係煮好左至打先生蛋上去焗，所以隻蛋又滑又半生熟蛋黃用來撈飯亦非常香口。牛肉有少少乾，但味道一流，有d 似茶樓果d 牛肉雖然係碎碎地。有d 似石頭飯架都.....加埋d 豉油撈埋~~~ 掂啊~~~另外店員介紹檸味梳打，個人認為非常難飲，不過見到不少鬼佬都有買來飲。

Went for a hike in Shek-O with friends and ended up at Shek O Chinese & Thai Restaurant afterwards based on a friend's recommendation (I also double checked it on my Openrice Iphone app beforehand to make sure). My initial impression was any place that is called "Chinese & Thai" can't be all that great but with no unhappy faces on Openrice I decided to give this place a go. Environment: Pretty laid back and bare bones like most restaurants in Shek O. I consider these more like Chinese store (士多

一家人周六去石澳游水, 之後就於中泰酒家食飯, 呢間餐廳都係第一次去食, 人客都唔少, 可能又正值中秋, 游水夾雜賞月的人湖就更加多了 泰國餐食得多, 味道正唔正宗我都算食得出一二啦, 中泰的味道就唔算係好地道, 不過水準都ok, 例如個醃粉絲沙律就唔夠辣, 泰式干炒河就同中式干炒牛河分別唔算好大, 始終唔辣就味道會變得好平凡, 冬蔭功都係唔夠酸同辣, 隻大的大頭蝦的肉幾甜, 不過幾隻蝦仔就有少少唔新鮮的味道! 泰式炒通菜就唔錯, 有麵豉醬炒算係比較泰式風味的一道, 令我想起去曼谷食的"飛天通菜"呢 不過其實以味道計都唔算太差, 特別係對於一些唔係太接受到正宗泰式的辣的人, 這裡都係一個合適的選擇

一家人周六去石澳游水, 之後就於中泰酒家食飯, 呢間餐廳都係第一次去食, 人客都唔少, 可能又正值中秋, 游水夾雜賞月的人湖就更加多了 泰國餐食得多, 味道正唔正宗我都算食得出一二啦, 中泰的味道就唔算係好地道, 不過水準都ok, 例如個醃粉絲沙律就唔夠辣, 泰式干炒河就同中式干炒牛河分別唔算好大, 始終唔辣就味道會變得好平凡, 冬蔭功都係唔夠酸同辣, 隻大的大頭蝦的肉幾甜, 不過幾隻蝦仔就有少少唔新鮮的味道! 泰式炒通菜就唔錯, 有麵豉醬炒算係比較泰式風味的一道, 令我想起去曼谷食的"飛天通菜"呢 不過其實以味道計都唔算太差, 特別係對於一些唔係太接受到正宗泰式的辣的人, 這裡都係一個合適的選擇

兩老友相聚遊車河, 三十多度的天氣下, 去到石澳, 是午餐時候, 想吃些有特色又簡單的東西, 友人以前來過, 記憶中覺得不錯, 於是直入, 是一間傳統老店的形式, 沒有裝潢, 原來是沒有冷氣的, 客人也不多, 要找一個室內比較陰涼的位置, 這裡的食物選擇頗多, 有中和泰可選, 價錢都是五六十元左右.叫了豉椒炒蜆, 泰式通菜, 蒜蓉蒸蝦.豉椒炒蜆先來, 很香和好味, 蜆很肥美, 不過吃時要小心翼翼, 因為有沙. 6分.泰式通菜跟著來, 稍鹹, 味道不錯, 油不多. 7分.蒜蓉蒸蝦最後來, 排成一個小圓圈, 半去瞉, 每一隻都有一小團蒜蓉在上, 賣相甚佳, 但味道欠鮮. 6分.慢條斯理的吃, 也不太熱, 結帳後急腳開車走人.

十一月最後一個星期天，乍暖還寒。與兩位外籍朋友及一本地朋友一行走過港島東港島徑最美的龍脊後，來到這歷史悠久、遠近馳名的水準泰國餐館，吃幾個小菜，心曠神怡。三道小菜各有特色-(中)冬陰公湯 - 有大蝦、蕃茄、雜菌、檸檬葉、辣椒等材料炮制，辣道適中，在這個寒冷的天氣下喝幾碗人頓時感到很溫暖。乳鴿(兩隻) - 加幾條菜膽點綴，賣相不錯。友人再蘸一點胡椒粉，開心地大說好吃，筆者則不加半點胡淑粉，拿起就吃，原汁原味，也是吃得非常滋味。炒芥蘭 - 簡直是極度推崇的小炒一碟，精心美味的調味醬汁儘入每條芥蘭內，讓一向不愛吃芥蘭的筆者食指大動起來，簡直是意外驚喜。友人亦要了個椰青，大讚不俗。筆者則跟兩位老外喝幾杯青島，大快朵頤。平時我們工作忙碌，一周的辛勞有時為的就是周末來的一點偷閒。遠離繁囂的都市，接觸一下大自然，吃一頓好的，這或許就是人生意義的一部分吧？

school outing 既 lunch 餐廳一圍枱成九至十幾個人落個 order 都有點亂仲要有唔少人既餐係已經售罄所以時間方面唔太準確我同三個 fd share d 食物黎食無形中試多幾個餸 窩蛋牛肉飯 + 甜豉油整體上幾好食不過稍嫌牛肉碎有點硬 粟米班腩飯好味呢 粟米汁有滑溜溜既蛋絲 唔知乜乜炒河粉有班腩, 豆腐, 菜心, 菇雖然係炒 但唔算多油好味

2008.8.28星期四晚，游完水，２個人無帶卡，得４００蚊，係附近行一圈，最後決定食泰國野雖然無冷氣，但人唔多。仲有陣陣涼風吹過，好舒服呀！見到有一枱外國人係度飲啤酒，仲有隻金毛尋回犬添！一口氣叫左，冬蔭功湯，鼓椒炒蜆，咸魚炒芥蘭，串燒半打(3牛3雞),印度薄餅，２支青島！先來支啤酒，夠晒凍！ＧＯＯＤ！冬蔭功湯，一上枱好香呀！椰汁味夠香右唔會落得太多，平配料蕃茄香茅落足，蝦就得一隻喇。不過真係好好飲！！唔會太辣辣到咩味都飲唔到鼓椒少蜆。右係青椒，紅蘿蔔，洋蔥，鼓汁呢Ｄ料落得好足，蜆仲ＯＫ大隻添！！不過一咬入口，成口沙。。雖然蜆係甜呀。但真係太多沙喇。但Ｄ配料吸左鼓汁味好正！串燒呢，肉味無。右鞋口，個醬呢，唔酸右唔辣，唔好食！！咸魚炒芥蘭，雖然知道芥蘭唔係當造，不過真係好想食，結果真係澀，不過剩係食Ｄ葉既部份都唔錯，咸魚落左好多，右香右夠咸！！正！印度薄餅塊塊都好一致，唔太燶唔太油樣右靚右夠薄，ＧＯＯＤ！食飽想叫個甜品食下，問呀姐攞ＭＥＮＵ，木口木面咁答＂我地收１０點＂喎＂！＂唔理佢。叫左個芒果黑穤米同椰汁西米露!芒果黑穤米好滿意呀！芒果甜，梛汁夠多，好多時食芒果黑穤米都要再加椰汁，今

去石澳行0下, 行到(支力)0黎飲杯0野涼0下風扇. 天氣熱成咁, 腦裡面只有「青檸梳打」四個字, 當然整返杯; 朋友就又0黎例牌奶油多 + 凍奶茶.青檸梳打用上現成梳打水及幾片薄切青檸, 夠晒凍夠晒氣夠晒解渴, 舒服晒!朋友的奶油多就幾差勁, 麵包乾爭爭, 奶油落0左好似無落. 奶茶賣相「奶」得很, 唔知味道如何?路邊排檔格局, 夠晒風味, 相信游完水0黎食餐飯會幾正; 招呼近乎零, 不過0黎抖個涼0者, 是但啦.兩個人唔知食了 d 乜0野, 就俾了 $40, 係貴到喊的, 不過既然志不在食, 加上呢度都叫做係「遊客區」, 無辦法啦. 唔知泰國0野質素如何呢?

去石澳多數是行山（龍脊徑），甚少光顧石澳的食肆，今次主人與奴隸獸來一個突破吧！揀選了頗多外國人士光顧的『中泰』，點了：1. 中泰式拼盤（HK$90）：包括蝦春卷、炸蝦餅、炸魚餅、香葉雞。各款炸物味道唔錯，只是香葉雞的雞肉頗硬實，味道還可以。2. 豉椒炒蜆（HK$55）：蜆肉新鮮，肥腴豐滿，可惜豉汁味淡。3. 蒜茸包（HK$15）：好一般的蒜茸包。4. 泰國啤酒（HK$25）5. 涼粉椰汁芒果（HK$20）：芒果鮮甜，涼粉爽滑，份量足夠。好味。

時間: 12:30pm人數: 兩個食物: 泰式炒金邊粉, 木瓜絲沙律, 珍多冰, 龍眼冰價錢: 128元龍眼冰不用新鮮龍眼用圓肉浸水, 所以較甜珍多冰的椰汁份量剛好也不太甜, 但喱粒粒的色素粉強勁, 椰汁色也變了橙汁色, 倒是亞答子最正常木瓜絲沙律好爽口, 但汁太多太稀唔夠辣, 比較岩「一般辣口味」的食客, 而碟邊有堆新鮮西生菜, 孤漏寡聞, 沒見過用1/4個西生菜來伴碟, 失敬失敬!泰式炒金邊粉在香港的炒法算是不錯, 與泰國街邊吃到的pad thai比較下, 這店子的炒粉像是「濕炒」, 可是味道也不錯因為游完水, 坐低醫肚最實際, 炎炎夏日吃泰菜其實很寫意! 石澳可選的食店不多, 若不順路出去旺區吃飯, 在這家店子吃也不錯~

四月個陣同男友黎食晚飯..架車可以泊門口~夜晚九點幾，得番兩檯外國客。order左:--龍眼冰：勁冰涼!好O岩夏天飲!--咖哩炒中蝦：d汁唔辣，用黎撈飯好味。中蝦d肉幾實正，好多膏!!--海鮮炒飯(連椰青上)：無味，麻麻地。係個賣相幾靚，有d腰果圍住。--泰式炒通菜：炒得老左少少，普通。整體上都Ok.食得過~食完仲可以行沙灘!都係掛住小曼谷.... T^T