幸壽司

Open Now

Now Closed

準備去百老匯睇電影，睇之前梗係要食下野係附近見到間壽司店都幾多人坐係度，梗係見到有人先入去食啦，有保障嘛～每件壽司都唔貴，$3、5、7蚊都有一件啦隨便嗌左拉麵、壽司、魚生飯等，埋單都唔洗$200蚊壽司即叫即做，嗌完等左5-10分鐘先黎，不過我地又點會介紹佢要我地等呢每樣壽司都還可以，但係鰻魚壽司就有Ｄ失望，食落比較乾身同無肉感。仲叫左火炙左口魚，呢樣真心唔錯，同Ｄ貴既壽司店有得比魚生飯都足夠一個人食飽既，魚生都鋪滿左一大半既碗，份量夠多，讚！呢碗拉麵係新出既製品，黑蒜油豚肉拉麵，可惜湯底真係令人好失望，唔濃郁之餘，黑蒜油似係就咁加入去，飲落Ｄ味就係著通醬油湯底加幾滴黑蒜油咁不過朋友都大讚呢間壽司店既WASABI牌子正，係夠哂辣味既WASABI。

幸壽司差不多變食我的飯堂，因為價格合理，食材新鮮，所以我經常去食。但這間小店坐位有限，外賣或堂食都經常爆滿，有時要等很久。套餐$50-$70，包飲料（有三款選擇，看圖）價格可以接受。當然還有壽司刺身，即叫即製。價錢多數一件計，有平也有貴。但今次我沒有叫壽司。而是叫了$45 6隻特大赤海蝦。為何相中只得四隻？因為一見到就忍不住吃掉兩隻而忘記了影相！真的好大隻！如果大家有去爭鮮食$8海蝦。這隻比爭鮮的還要大隻和新鮮！而且會幫你除蝦殼和清黑色蝦腸！另外還吃了芝麻醬冷麵，包飲品。夏天吃一流。我吃過幾次，有時會吃到不應該存在的蝦殼，這點真的要扣分！不過今日幸運地沒有蝦殼。如果去看電影路經此地，可以來一試。只是比爭鮮貴一點，但新鮮好多。另外，她的青芥辣很辣的，吃時要小心啊！

放假梗係周圍行下搵求有野食喇！去左油麻地果邊電影中心行下，有間cafe shop連book shop逛左陣，之後行過少少見到間細細地嘅壽司店。舖面唔大，大約坐到十二個人左右吧，睇下餐單一般有嘅都有，諗住咩都點下試下，點知上到黎賣相又唔差喎！最值得一讚嘅係燒物，雞扒燒得香，塊皮好脆口，正！！虎蝦壽司都差唔多同其他舖頭。另外個人最鍾意魷魚果幾件壽司，wasabi 魷魚，櫻花魷魚等等！哈哈正正子不過好想叫嘅海膽賣晒唯一嘅遺憾⋯⋯

睇完戲要醫醫肚，黎到戲院附近呢間壽司鋪，試左個48蚊雜錦刺身丼，跟1杯即沖式味噌湯，刺身有三文魚劍魚魷魚吞拿魚等，配料是蟹籽，青瓜絲，蛋絲，整體味道還可以，沒甚驚喜，唯份量不少，同埋海膽夠新鮮，味道鮮甜，醫肚黎講算合格。

行開油麻地唸唔到食咩，有朋友提意食壽司，索性上openrice搵下有咩好食。見到呢間壽司舖新開張，入去試下。壽司即叫即做，非常新鮮，而且等待ge時間只係5-10分鐘。驚喜的一餐，以平民ge價錢可以試到甘新鮮ge刺身

小店當然係我支持既對象，今日試下呢間日本野~都知道以外賣為主，最緊要係因為大雨想避下雨，見出面有買一送一刺身蝦，冇記錯好似係36蚊10隻size尚算大隻~但唔夠凍，寿司唔錯，新鮮既，飯有D酸，但都可以接受，撑小企業👍

尋日係fb見到就收工特登入去試下蟹膏蟹肉飯。真係勁正😋之後食左加州反卷同其他壽司 因為太好味 掛主食 唔記得影相 再試埋佢既雞翼個哥哥仲要提我地like佢個page有3色刺身送服務又nice 有機會1定再食過最重要係又平又抵食。服務態度又好👍😆

好驚訝連M記都有，但OpenRice 竟然未有佢嘅頁面，可能因為佢做外賣多？喺隻鞋多水到可以養魚的情況下，叫咗個熱拉麵，雖然壽司抵食啲，但想食熱嘢。拉麵用發泡膠碗裝，相當唔環保，亦可睇得出唔係傳統的拉麵，沒有熱辣滾湯。但麵質亦算過得去，但湯就非常一般。至於餸方面，海鮮沒有吝惜，先不說蝦大隻又爽甜，蠔亦夠香夠甜，還有帶子一粒。除咗麵食，仲有一個飲品，我揀咗熱茶。食物質素唔錯，只係唔夠環保，如有需要，可自行準備餐具前往