糖·公館 (Closed)

本身呢個舖前身都係做甜品，去到發現變咗另一間，咁咪入去試下囉⋯⋯坐低叫嘢睇Menu，就叫咗個心太軟，雪糕要朱古力味⋯⋯等咗約干時間，終於等到點知一放低已經見到爛咗嘅心太軟⋯⋯大佬，未食就爆咗認真呢？味道係還可以，朱古力味睇落濃，食落一般。唔算甜⋯⋯之但係食食下好漿口。雪糕又硬到掟死狗，佢𢳂到一球出嚟真心叻⋯⋯雪糕無朱古力味……啲燕麥片又痴牙，唔夾囉件事⋯⋯食完個口一陣酥味。同埋可唔可以唔好用即棄餐具呢？

今晚肥妹仔同肥家姐去咗荃灣撐枱腳， 經過一間咖啡輕食店，入面嘅 pancake好吸引，所以肥妹仔都忍唔住叫咗黎試。紫藤花puroku bulu bulu$38真係唔好意思，肥妹仔係畀佢嘅外觀吸引咗!呢杯嘢飲落去好fresh，酸酸地甜甜地，nice!!紫薯手抓餅 $40唔係普通嘅手抓餅嚟㗎，佢入面仲有芝士，火腿，生菜，沙律醬，真係好豐富。個手抓餅煎到脆卜卜，咬落去微溫嘅芝士，真係好好食。藍莓楓糖班戟配橙酒  $68鍾意飲酒嘅朋友一定要叫呢個橙酒班戟，真係超濃橙酒味，尤其是最底嗰一塊班戟，真係每食一口都充斥著橙酒，超香濃，超正。佢嘅班戟每一層都有好軟滑嘅忌廉相隔住，忌廉醬好滑，好高質。脆雞窩夫漢堡配炒滑蛋 $88呢一個窩夫漢堡肥妹仔以為係炸雞，點知原來係煎雞扒。不過勝在熱辣辣，個皮煎到好香脆，雞肉好嫩滑，好好食。不過唯一有樣唔好就係佢嘅waffle凍曬，如果熱啲會更好。

星期六晚上同男友係荃灣美食聚集地路德圍揾糖水食，發現呢間新開既糖公館！睇門口仲有酒賣，咁特別當然要試試啦 由於呢間鋪有酒牌，所以打開menu發現有唔少甜品都有酒精成分的！中意飲酒既我就叫左兩個含酒精甜品再加一杯cocktail。 【玫瑰龍舌蘭草莓奶酒】好易入口同草莓牛奶差不多味但多了一些龍舌蘭的香醇。 【蕉蕉配牛奶布丁窩夫】可以加配百利甜酒窩夫食落鬆軟配布丁一齊食質感很特別 【藍莓蕉蕉楓糖漿pancake】這個pancake比較紮實中間加了大量鮮忌廉食落好滿足底部會有橙酒獨特的苦味所以比起普通甜品更多一重味道btw，店主真係好好人，會熱情咁介紹鋪既食物，依家咁有heart既鋪真係買少見少啦

荃灣路德圍係掃街嘅好地方，有糖水鋪，串燒，壽司，任君選擇。今次落黎見到呢間新式糖水鋪，餐牌上的甜品都好吸引，即管入去試下店內裝修簡約，座位都頗舒適，三五知己可以吹下水食糖水甜品款式選擇好多，有班戟，有窩夫，有心太軟，仲有中式湯圓。如果想飲返2杯，呢度都有酒精既cocktail同無酒精既mocktail。不過今日都係黎食個甜品，留返下次先試下D cocktail呢杯特飲叫紫藤花，其實係巨峰梳打。飲落去唔會好甜，啱啱好，巨峰味好出，梳打水好透心涼，正。薑汁芝麻湯圓，熱辣辣，好重薑味。呢個薑味糖水好特別，甜中好似帶有D桂花味，所以好香。湯圓好Q，細細粒，易入口。D24榴槤蓉夾心窩夫拼榴槤雪球，好少見出面有呢個配搭，估唔到榴槤配上窩餅係咁好食。榴槤雪球既榴槤味唔算太濃，但雪糕好滑，好有奶味。窩夫中間就充滿住D24嘅榴槤蓉，勁香勁好味。配以忌廉，唔會好乾，變得又香又滑。朱古力心太軟配雪糕，雪糕有好多味可以揀，我地揀左香芋。心太軟一切就湧晒D朱古力漿出黎，蛋糕再加朱古力漿再加一D麥片碎，非常好味。

終於等到荃灣有新甜品店啦🤤呢間甜點店仲有酒賣 ᴄᴏᴄᴋᴛᴀɪʟ都有🍸🍻我杯-有點甜-賣相超吸精 係小鳥造型 好得意飲落酒味唔重 帶點菠蘿味🍍 慢慢細味很不錯～.唔想飲酒既唔緊要 無酒精飲品一樣有‼️2月14的約會岩曬ᴄᴏᴄᴏ ʟᴏᴠᴇʀ 💕朱古力味沙冰好綿密 上面有少少ᴄʀᴇᴀᴍ同ᴏʀᴇᴏ曲奇🍪唔會話太大杯 飲曬都唔膩 清涼感ᴜᴘ!!!.香蕉船有成3大球雪糕 加上朱古力醬同紫薯粉🍠仲加埋切半香蕉同威化餅 好滿足好大份🙈雪糕分別係雲尼拿 芒果同特濃朱古力特濃朱古力唔會太甜 苦苦地 好香濃同朋友sʜᴀʀᴇ最好不過❤️

店鋪：糖·公館 (荃灣)地址：荃灣荃興徑2至4號昌泰大廈地下7A舖糖水鋪就成日都去食，一間又有酒飲又有意粉食，仲有唔同嘅小食比你揀嘅甜品鋪就真係第一次去，荃灣荃興徑2-4號有一間糖.公館嘅店鋪唔單止有得食甜品，仲有好多品同種類嘅野食，成班friends一齊去食宵夜傾偈就岩哂，店鋪內仲設有免費充電服務，而menu亦都係Ipad電子版，成間糖水鋪可謂走到時代嘅尖端，非常少有2月14的約會CocoLover ($58)一杯以oreo、可可粉同可可醬、牛奶同忌廉整成嘅CocoLover絕對係我嘅至愛，本身已經好鍾意Oreo同可可，溝埋一齊整成一杯凍飲真係岩哂我，仲要係咁大熱嘅天時，行完街坐低飲返杯簡直透心涼D24榴槤窩夫 ($85)作為一個榴槤愛好者，見到有D24榴槤嘅甜品，唔食嘅話真係對唔住自己，兩層香脆窩夫夾住忌廉同份量超多嘅D24榴槤蓉，面頭再加上一球榴槤雪糕，我想講食嘅時候滿足感真係超大，呢個份量嘅榴槤蓉絕對超值，每啖都將榴槤雪糕、D24榴槤蓉同窩夫一同放入口，到依家果種滋味都仍然徘徊係我腦海入面，鍾意食榴槤嘅人一定要叫

路德圍新開cafe🤩🤩🤩環境裝修，柔和黃燈，有bar 台同沙發area 食身menu 用電子版。有圖有真相☺️小店家感覺！自家廚房one man band 家的感覺🍜🍜🍲🎈蒜香雞扒配鰹魚汁烏冬（$52)湯烏冬☺️淡淡既魚湯味！蒜香雞扒，外皮脆到卜卜聲😋烏冬厚身唔會酸🎈秘制咖哩豬頸肉烏冬（$68)濃味咖哩撈彈牙烏冬，豬頸肉燒到脆卜卜！唔會太乾撈埋食！岩岩好！🎈鮮果麻糬窩夫🥧（+$30）外脆內軟麻糬窩夫😍😊立即叫立即整！脆卜卜外層！ Qq 既口感！配埋奇異果同士多啤梨加埋朱古力醬🥰旁邊重有d cream😋😋！ 邊邊位有d 脆卜卜好似糖既口感😚🎈🍹黃色楓葉🍁（+$18）桃配梳打🤣佢英文名叫peach bulubulu 😚清新甘甜桃味，重有桃肉浮下浮下可以食😋🎈紫藤花🍹（+$18）提子配梳打，英文名叫purple bulubulu☺️相對比較甜，漸變顏色既外表，打卡靚靚☺️🎈鹽酥雞（$58）新鮮炸起，炸醬唔厚，雞肉滑！小食黎講好高質！環境好岩朋友chill chill 下午茶😍😍😍

路德圍好多甜品店 最近多左間糖公館即刻去潮聖😍呢度啲甜點好高質 外形非常討好呀食落同樣有驚喜呢～.點左杯叫做雞蛋愛石頭既無酒精飲品上面係豆腐布丁加菠蘿🍍芒果🥭汁下面小杯有水果粒 係奇異果同士多啤梨🍓一路飲一路用小叉食水果 好特別👍🏻.宇治抹茶雪球用軟熟既糯米糍皮包住可自行加上紅豆同ᴄʀᴇᴀᴍ好夾啊～最中意係佢呢個雪糕球好大唔怕唔夠喉🤤.朱古力心太軟即點即焗 等20分鐘左右～雪糕可以自己揀口味 我就配左海鹽雪糕朱古力心太軟既甜配咸咸地既海鹽ɪᴄᴇ ᴄʀᴇᴀᴍ心太軟既流心感唔錯 熱辣辣外脆內軟 正吖～

脆雞窩夫漢堡配炒滑蛋 Crispy Chicken Waffle Burger w/ Scrambled Eggs $88炸雞幾香脆, Waffle 如果外層再脆d 會更好. 夾係兩者之間係沙律醬, 炸雞mix 沙律醬味道有點似M記炸雞漢堡...個人覺得轉其他sauce (eg honey mustard) 會吸引d. scrambled eggs炒得夠滑味道都唔錯紫薯手抓餅 Sweet Potato Flaky Pancake $40中間係chedder cheese, ham, lettuce. 有紫薯顏色不過唔太食到紫薯味, 亦唔酥脆一字骨雞翼配秘製咖喱醬 Single Bone Chicken Wings w/ Secret Curry Sauce $38咖喱醬幾辣幾惹味. 如果雞翼可以再醃入味d 就更好.焦糖百利甜酒班戟 Caramel Baileys Pancake $66味道唔錯, 喜歡caramel 中帶bailey 酒香. 唔喜歡飲酒但喜歡rum bailey dessert, 有人都係咁嗎？

本身想食隔離既beams,但太多人排隊就行左去另一邊見到呢間甜品店，應該係新開既店員主動推介，叫左2杯cocktail同甜品食品唔差，但出餐有啲慢cocktail 8點前買一送一會再幫襯

食野飲去飲杯野, HEA下, 見呢間無咩人就入去試下.D甜品同飲品都比較貴, 個定價錯晒, 唔怪得無人.我點左杯最平既Blue Monday $48 (其他都要6, 70), 味道還可以, 不過外表真係10個靚另外坐位比較舒適, 衣個都係賣點