川莊

Open Now

Now Closed

🐟Sichuan House 川莊🌶成都水煮魚-桂花魚（珍寶）$418.先講下環境，整體都幾靚，裝修比較中式大方得體，如果見重要朋友、親戚同事、家庭聚會，甚至乎約會都好適合。因為場地比較大，枱與枱之間嘅距離比較近，個人覺得食呢啲辣野就係要熱熱鬧鬧咁樣食先正！自己試過中午同夜晚入去食，中午就比較靜啲，夜晚就比較熱鬧啲。如果坐近玻璃窗位，可以望到下面朗豪坊全個景，望住咁多人喺下面行街，然後自己坐喺度食水煮魚，個感覺都幾正！🤣.飲品方面：我食咗兩次都係叫芒果沙冰$48，因為貪佢夠大杯，而且我覺得佢非常解辣，飲到底都會仲有芒果嘅甜味😬.點心方面：我嗌左重慶黑糖糍粑，口感非常糯𣷸𣷸，佢嘅黑糖漿都幾多，我每咬一啖就會點一啖黑糖漿，依家諗返起都好肚餓好想食😖不過比較貴，一碟得六條$48。.我叫左成都水煮魚-桂花魚（珍寶）$418價錢偏貴，但係啲料係真係多，食到最尾真係會食淨少少，同埋食完之後會覺得好幸福，因為你食到最尾都仲可以搵到有魚🤤。我試過食正常size😞，好快就搵唔到啲牛柏葉🤣同埋好快就KO左（自己本身算大食😂）.桂花魚好嫩滑，有少少骨，而且係好短嘅，不過大家食魚點都要小心啲。如果你好彩撈起魚

叫酸菜魚時,問我哋揀咩魚,我哋問有咩分別同價錢，因為餐牌上只有寫桂花，另一款就冇寫咩魚，所以咪問吓佢，跟住服務員叫我哋自己睇😑😑咩服務態度，其實服務差，就算食物好食都唔會再去。

講起食辣 一定會諗起川莊我同朋友黎過川莊好多次 次次都一定會叫佢個水煮魚 真係好好食 自從食過一次就上左癮 間唔時都會想約朋友再食😋⭐️成都水煮魚片（正常size） $216⭐️配料另計個色好靚 味好香 食落又麻又辣辣到我流哂鼻水 但又食到停唔到😋我同朋友加左午餐肉 薯粉 同 雞髀菇兩個女仔岩岩好清哂 份量好多好飽唔止配料 連魚片既份量都好多 所以配料都好入味好好食不過比起薯粉 我更建議大家食粉皮 仲入味（不過好辣）依道菜唯一一樣美中不足之處就係唔夠熱🥺但都無損我想食完再食既心😂❤️

類似既川菜，我食唔少。我本人麻麻，多數係同人去食。先講環境，個場係靚既，舒服既，朗豪坊高層。衛生自然也不差，再講菜色：我本人唔鐘意食蕉，但都食到，整得好脆，係唔錯。普通酸辣湯，夠濃味，但係價錢貴人幾倍。普通水煮魚，辣度十足，但唔覺得值幾百蚊，有劏客感覺。螞蟻上樹，唔好食又淋既鼓油粉絲，賣78蚊一碟，那裏來的自信？對我來講，除左係甜品特別好，其他野好普通，但就可能因為環境而吊高嚟賣。最後3個人午市埋單食左8百幾蚊。8百幾蚊絕對有大把更好選擇。

餐廳整體整修真系吾錯 好有感覺 服務質素都不錯 今次叫左碗酸菜魚 Jumbo 好大碗 啲魚就好少 個底大部分都係薯粉黎 串燒未試過 但見隔離檯食得好好味 價錢就一般偏貴 兩個人食左400幾蚊咁

其實已經第二次食川莊記得第一次係食小菜第二次係食酸菜魚酸菜魚首先酸菜味略嫌唔夠出都五夠油香但係佢個薯粉非常之好食薯粉真係索晒湯汁嘅味道單食薯粉唔使送湯都有酸菜魚湯嘅味道但係都係個句啲魚少得可憐

去買嘢比大蛋糕，順便食埋飯，迷你蛋糕同小蛋糕對魚無任歡迎八寶茶味道似麥茶加煎茶，豐富香濃麥味水煮魚桂花魚4度辣魚肉有細骨厚切大片，軟滑不易散，濃厚麻辣，麻比辣更突出加購牛肩肉口感似生滾粥滑牛，滑軟厚切無筋，迷你蛋糕覺得好食配菜4款：芝士脆皮腸正常午餐肉炸完再放湯好掛汁娃娃菜索哂汁，迷你蛋糕食完個樣好複雜鮮腐竹同樣索哂汁，好過癮菠蘿檸檬沙冰解迷你蛋糕食完娃娃菜既辣，唔太甜夠凍食完都未溶哂，菠蘿味比檸檬味突出

如果嗰排食開辣嗰排就會無時無刻都想再食辣🤭只能夠說很擔心個胃但嘴巴還是很想吃👅✨成都水煮鮮魚片✨ $318(珍寶價)🐟辣度有1-5可以揀我揀左1姐👀（淆dee）個盆大到呢😆我覺得唔係好辣個湯係好香好麻🤤加埋我最愛嘅薯粉真係想大叫❤️魚片比較薄身同細塊但肉質都幾新鮮無骨唔腥👍🏻✨甜奶迷你小饅頭✨ $38幾得意呢個真係好細粒口感煙煙韌韌個皮唔太脆😂✨重慶黑糖糍粑✨ $44 🍡糍粑熱辣辣炸起外脆內軟😍👍🏻但黑糖汁唔夠多味道唔夠香甜🤭✨七雞雞翼拼盤✨ $86 🌈👃🏻香辣👅麻辣👱🏻‍♀️韓式辣🍠紫薯⚫️芝麻🍼沙律醬🧀芝士總括而言呢間野d串燒係幾好食😛雞翼表皮微微燒焦咬落就好juicy☺️但d醬有d多所以咸左少少🤏🏻

突然想食辣野 就黎呢間位於朗豪坊既川莊食野 之前都食過幾次 食物都服務都唔錯既 但今次既服務就一般般了 唔知係因為臨閂舖忙定人多 舉手等左10-15分鐘先有人得閒幫我地落單同加單加水 但食物質素係❤️❤️❤️❤️ 很好 而且好夠辣🌶🌶1. 水煮牛肉 ⭐️⭐️⭐️⭐️ 🌶🌶我地叫左小辣既水煮牛肉 我個人覺得唔算太辣 但幾麻 另外啲料都好多 好正！2. 辣子雞 ⭐️⭐️⭐️⭐️🌶🌶🌶辣子雞就冇分辣既程度 同埋佢越食越辣 係可以辣過小辣既水煮牛肉！啲雞亦炸得好脆好嫰！3. 孜然香酥羊腩 ⭐️⭐️⭐️⭐️⭐️呢個真係意外！我個人本身唔食羊肉 但呢個試完一舊係停唔到 好好食 有少少羊蘇味 同埋佢點既個隻汁好夾！值得encore !4. 蒜烤豬頸肉 ⭐️⭐️⭐️⭐️皮脆肉嫩

食得好過癮嘅一餐🌶🌶辣度係可以由一至五度揀 我哋揀咗中間3度一開始係覺得夠 但後期唔知係習慣咗定點 就覺得唔夠辣🤣下次可以挑戰4🤭🤭整體都係好食~~但唔講嘢食嘅話 服務態度認真好麻麻 啲樓面姐姐姐態度非常一般 如果唔係個水煮魚都幾好食嘅話 應該會一肚氣😒-🌶招牌水煮魚 (鮮魚片) 🐟🌶配料: 萵筍 | 蓮藕片 | 杏鮑菇 | 木薯粉條🍲-先講主角水煮魚 鮮魚片肉質非常滑 而且係完全無骨🥰不過份量可以再多啲 食到有啲唔夠喉🤣配料嘅份量就好多 強烈推薦蓮藕片同寬粉😋蓮藕片食落好爽脆 而薯粉可以話係麻辣鍋類物體必叫嘅嘢食 索晒麻辣湯嘅精華 好好食🤤不過可惜去到最後已經覺得唔太辣 反而係越食越鹹🤭同埋我覺得可以個水煮湯底可以加多啲花椒 更突出麻辣中"麻"嘅部份會更加好食😋不過最後都講多句 如果你係要求有一定嘅服務態度 千祈唔好去😂我個加一服務費都唔係好想俾😂

自己對正宗川菜叫有少少少認識呢個水煮魚的確係有細個北上嘅味道🤍例牌成都水煮鮮魚片($218)/桂花魚($298) 𝗥𝗮𝘁𝗶𝗻𝗴: 𝟴.𝟴/𝟭𝟬兩種魚都食過 桂花魚理應係滑啲同再少骨啲不過我同個fd食桂花魚嗰次佢話覺得冇平時咁滑 唔知係咪直頭比錯魚嘅關係 我覺得兩種魚口感差唔多 鮮魚片應該都係鱸魚(?)魚片都好夠滑 唔腥冇乜骨可以免費跟四款配菜 試過水晶粉皮 木薯粉條 凍豆腐 海帶結 茶樹菇 木耳我自己鍾意超彈牙嘅嘢 所以水晶粉皮會啱我多啲 同索曬湯嘅餸 凍豆腐同茶樹菇要嗌！湯底麻辣鮮香做足曬 有1-5辣度揀食過2同3 覺得2啱啱好 如果好食得辣可以3起跳整體其實偏鹹咗少少 食完會幾口渴🤍七彩雞翼拼盤($86) 𝗥𝗮𝘁𝗶𝗻𝗴: 𝟱/𝟭𝟬好啦其實我係見佢幾靚所以先嗌食完覺得就真係唔抵試喇🥲分別係芝士 青瓜沙律 黑芝麻 紫薯 麻辣 香辣係七隻一樣味嘅雞翼 只係上面嘅醬唔一樣啫其實上面啲醬同雞翼入口係好separate🥲真係為靚for 打卡而整的🤍紅油龍抄手($70) 𝗥𝗮𝘁𝗶𝗻𝗴: 𝟲.𝟱/𝟭𝟬Um 就係一個普通嘅抄手覺得鍾意紅油再多少少嘅 重啲油香味個汁都係普通 勝在啲雲吞全部都好大粒 皮

之前都食過幾次酸菜魚，味道都還好，但今次叫酸菜魚實在鹹到不得了，且沒有酸味，職員願意搵廚房師傅調味，但調過一次味道後，只是多了酸味，還是十分鹹🤮🤮🤮。薯粉每一條都是鹹的,真的吃不下去，最後白白浪費了整盤酸菜魚，無辦法繼續食下去，決定以後唔會再去。三百幾蚊酸菜魚竟然咁既質素。😤😤😤付款時已向職員反映廚師是否新廚師從而導致味道有差異，使食物質素下降，未知他們會否處理。不過實在鹹到不得了，實在令人十分失望。

間鋪一開始見到覺得靚靚淨淨就同frd入左去食。結果由嗌野食開始就發現唔對路。個阿姐（May）自己唔專心聽唔到我地講野又係到躁，明明menu寫住小辣中辣大辣，我地話要大辣佢就話你要幾個辣椒？你自己餐牌咁寫仲要躁我地？真係無理取鬧。落完單兩分鐘上左口水雞，涼菜可以預先整，上得快都算，食落都幾唔新鮮唔知係咪擺左幾日。五分鐘後又上左毛血旺，正常咁大兜熱菜微波爐都無咁快叮完喇係咪呀？咁都算。之後食食下，我個frd一路擺左支寶礦力係檯，個阿姐（May）無啦啦行過來話，「呢度唔可以自帶飲品㗎喎你飲係要俾錢㗎」，我個frd由始至終都無㩔過支嘢，唔知佢咁樣行過來係有咩問題呢，我地個個都呆哂，真係不知所謂。整餐飯都係麻麻地，味道偏鹹，性價比超級低，三個人食左一份口水雞，一份酸菜魚，一份毛血旺，一份蔬菜，一份主食 咁都九百幾，份量又唔係大，真心唔推薦！

<地道川菜🌶>~~🐟珍寶水煮桂花魚 $418有例牌同埋珍寶兩個size 我就叫咗珍寶😆上枱個碗真係好大個 成個洗手盆咁🙈桂花魚🐟肉質嫩滑 魚味濃郁😋 全部都起晒骨 食落啖啖肉☺️辣度可以揀1-5 我就試咗中辣🔥 味道唔會死辣 仲會帶點麻👍🏻另外仲可以選擇四款配料 推薦薯粉同埋萵筍 薯粉質感煙靱 非常吸湯🤤 萵筍係切條 食落爽口多汁😋.🐔霸王辣子雞 $149成碟佈滿爆香左嘅辣椒🌶 食落去唔算太辣雞肉嘅份量正常 不過每一粒都好香脆 味道好惹味😋 食到唔停口😆~~評分📈味道 7.5/10環境 7.5/10性價比 7/10

昨晚宿醉，嘔吐了一大輪。早上起床的時候，胃部有點不適，但肚子十分肚餓，想吃一些酸酸的食物。朋友提議不如食酸菜魚。那便起行了。我們在中午一時左右到達食店。店內人流不多。只有兩台食客。心想會否中伏呢。我們叫了口水雞及酸菜魚。朋友點了一杯水果茶，而我就選擇了檸檬梳打。首先口水雞來到。辣汁非常惹味。而且雞肉沒有雞骨，啖啖肉之餘更方便食客。主角個酸菜魚來到了。酸菜魚份量非常多。而且魚嘅數量都俾我哋想像中多。有薯粉加底。但略嫌是粉煮得比較淋。兩杯飲品都很出色。整體來說，除了價錢比較貴一點之外。其他方面食物質素非常不錯。還有一點，侍應嘅服務態度比較差。