時光雞 (Closed)

大家除咗行屯門市中心之外其實都可以過嚟置樂花園嗰邊行吓一入置樂有個萬寶商場，賣嘅都係小店舖既女仔衫，修甲，港女既聖地另外行入啲既利寶商場，裏面專賣Game,係男人既浪漫地方 至於樓下亦都有啲小店嘅食肆近呢二個月開咗間新嘅店舖仲要係黃店😍希望屯門引入更加多嘅黃店佢除咗炸雞之外仲有其他炸物小食可以選擇，其他食物詳情可以睇返圖片（芥末蜜糖炸雞$52 有5塊）可以做到外脆內軟，食落好Juicy 炸粉唔會好厚粉，炸雞件件都好大件芥末醬係偏酸，加入蜜糖有酸甜嘅感覺中和炸雞嘅油膩感，而且芥末醬係有一粒粒既籽，好有誠意店舖仲好貼心咁提供手套，不過如需要叉都可以問佢哋拎

位於置樂唔起眼既‘時光雞’ 有次經過買水果先見到禁黃既間鋪，係賣炸雞！天氣凍凍地就買啲黎試下啦一口芝士雞柳平民的雞柳隱藏了芝士，愈咬愈出芝士味，但又唔假好真實，又睇唔出！呢個食多兩粒都覺好味😋神戶和牛風味薯餅炸得香脆的薯餅，薯蓉又軟綿綿，外脆內軟，加上和牛肉粒，確實唔錯！明太子雞翼餃子滿滿的明太子放係雞翼肚內，啖啖滋味！重頭戲 - 炸雞！炸雞無骨，啖啖都係雞肉！重點係好嫩滑好有肉汁，仿似每隻雞都飲飽水，肉質超讚！蒜香牛油味，蒜味突出，蓋過左牛油味，因為我鐘意蒜，所以覺得特別好食😋蜜糖芥末醬，平衡點好好，兩者味道唔會搶，哥哥超鐘意呢個！兩個醬都勁推薦！真係好好好好味

有日碌ig見到💛懲罰祭💛有呢間時光雞🤤見到呢間新開既良心小店，的起心肝今日收工要去懲罰下佢😋❣️我地叫左主食：1️⃣蜜糖芥末炸雞 🍯2️⃣蒜香牛油炸雞 🍗 炸雞外脆內嫩，仲要係即叫即炸😍唔會放到乾爭爭，我一路拎住袋外賣番屋企一路聞到勁香😢勁想快啲番到屋企開黎食！！餐廳仲好貼心比左獨立包裝既手套，超衛生呀！抵讚✨我個人好鐘意蜜糖芥末個味😝酸酸地好開胃，仲搞到我唔小心放肆食多左🤧我男朋友就鐘意重口味啲既蒜香牛油味～食落都唔會好膩，反而好有驚喜😍勁香勁邪惡呀！小食類就叫左：1️⃣神戶和牛風味薯餅 $28/2件份薯餅勁大塊🙀性價比極高！食落好脆口～入面個餡都好好食😍2️⃣香甜蕃薯年糕 $18/8條超鐘意食蕃薯嘅我見到呢個緊係不得不叫啦！煙煙韌韌咁，口感好過癮！😝3️⃣明太子雞翼餃子 $32/2隻呢個超得意呀！佢係無骨雞翼黎既，咬開會有啲明太子係到🙊唔怪得知叫雞翼餃子！哈哈🤣我同男朋友一致認同可以一懲再懲🤪咁高質又平民嘅黃店，真係唔介意瘋狂懲罰呀！🤩

愈邪惡的食物，愈是美味😈邪惡的炸雞香氣你是忍不住口要吃的！🍗 脆卜卜的外層，咬開是清脆的咔咔聲，隨之而來是熱辣辣的嫩滑雞肉，很想要吧👻外脆內嫩的炸雞🍗咬開仍然濕潤juicy, 十分誘人😍蘸上醬汁味道更多變化，頗喜愛這個蜜糖芥末醬，又甜又辣，夠曬刺激😁還有另一款沙律醬，蘸上感覺可緩和一下熱氣和油膩感除了炸雞還有蟹肉忌廉薯餅(點的全都是炸的)，哈哈😂不錯吃，軟軟的薯蓉好好吃，很厚的餡，吃一塊也飽了😚

想食炸雞，而且係爸爸媽媽都俾我食先出奇！！！佢地吾太愛食炸雞都有讚～～～yeah 我揀得冇錯！！1。蒜香醬油炸雞 5 件$48蒜香醬油個味甜甜地又有蒜味！2。蜜糖介末炸雞 5件$52佢吾係一支支果啲，而係有一粒粒野係上面果隻！吾係假果隻！好surprise！！！3。蟹肉忌廉薯餅$18/3件爸爸最中意呢個，佢話勁香口又好重忌廉味！食完心心眼啊佢！4。和牛薯餅$28/2件5。蕃薯年糕$18/8條6。芝士雞翼$28/2件食到佢地都開心！！！！！yeah ！！！全部野食都好新鮮！！！！食得出係岩岩整，而吾係整定嘅～～～希望大家都去支持下啦～

今日同男朋友經過置樂見到成間舖頭都係黃色，一睇就知道要懲罰啦！主要係買韓式炸雞佢都有好多唔同嘅口味仲有小食添，學生餐望落都好抵，可惜我唔係學生🧀🍗時光芝士炸雞 $58/5塊車打芝士配上無骨啖啖雞肉，雞肉嫩口多汁，金黃脆薄既外皮加埋芝士醬真係一流既配搭！🍯🍗蜜糖芥茉炸雞 $52/5塊(甜酸炸雞 $48/5塊)兩款醬係另上既，食嘅時候淋上去就好過慢慢點醬，炸雞既份量都岩岩好，啲醬料都好野咪可以襯托到香脆炸雞！小食方面🍘北海道芝士薯餅 $28/2件一咬落去爆滿既芝士餡湧晒出黎，滿口既北海道芝士真心好滿足！🥟大泡菜餃子 $18/6件估唔到泡菜餃子嘅外皮金黃，不只皮薄餡靚，泡菜既辣度岩岩好，材料足之餘令你想倉完一粒又一粒！🍡香甜番薯年糕 $18/8粒細細粒年糕好可愛，好煙韌既口感又有濃厚既甜薯味，當做甜品都不錯！

屯門新開炸雞小食店💛😍雖然主打炸雞但其它炸物都好出色👍要多多支持小店啊💪-炸雞🍗 $78/8塊炸雞有多款醬汁同數量可以揀店員話最多人揀係芝士同蜜糖芥末咁即管試下😌呢度好在醬汁同雞係分開就算唔係即刻食都唔會影響到炸雞個口感唔會整到個皮林哂👍芝士就建議即買即食因為仲要既時候個芝士係最正😍芥末醬就似係自己調制不過芥末味唔太出🤔所以相對下竟然係以為無乜特別既蒜香醬油比較突出因為個醬油好夠味😋-大泡菜餃子🥟 $18/6粒炸正宗韓國餃子！佢用左韓國圓咕碌個款餃子😍皮脆爆餡多汁泡菜味好濃係有少少辣🌶-香甜蕃薯年糕 $18/8條呢個推介！一拎到手已經勁香蕃薯味🍠外皮係紫色既年糕包住蕃薯餡好甜😋-北海道芝士薯餅 $28/2件芝士控必試呢個🧀薯餅就無乜特別唔介紹因為都係薯蓉再炸😂個芝士係好creamy同流心😍

.一間新開黃店炸雞：時光雞。炸雞偏向韓式，有好多唔同嘅醬。我今次就叫咗蒜香醬油，蜜糖芥末同埋芝士。佢嘅炸雞好脆，外賣拎返屋企隔咀一個鐘都仲好脆。雖然炸雞唔算好大件，不過都算juicy。講返三隻醬汁，蒜香醬油好香，甜咸適中，我幾鍾意。蜜糖芥末就無咩特別，反而芝士醬都幾香。三隻裡面最推薦醬油。小食叫咗泡菜餃子，餃子細細粒，一啖食曬啱啱好。唔會好辣，幾特別。至於神戶和牛薯餅，味道正常。反而芝士薯餅好有驚喜，食落好流心，成堆芝士湧出黎咁。

吃貨日常❤️ 細細個喺附近住，今日黎開附近回味一下，見到有一間專食炸雞🍗而上網又見到評語又唔錯，所以決定試一試無論男女老少都喜歡嘅香脆炸雞 ，不但口味選擇衆多，而且仲好適合一大班親朋好友一齊分享。係介紹食物之前，我好想稱讚一下店員嘅好禮貌👍👍👍佢熱心嘅介紹，再加上店舖都有好多唔同款式食嘅炸雞🍗所以買買下就買咗好多唔同款式😂炸雞價錢💰$58/5塊；$78/8塊；$108/12塊💖 時光芝士炸雞入面充滿豐富嘅芝士，一係切開入面啲芝士有少少拉絲，但係又唔會太膩，而且芝士嘅味道同炸雞好配合，各自帶出咗對方嘅味道😋😋💖 蜜糖芥茉炸雞 $108/12塊蜜糖芥茉甜甜地，再加埋炸雞嘅香味，完全冇我最驚食到嘅雪藏味，而且完全帶出到炸雞嘅味道😋😋薯餅價錢💰$48/5塊；$68/8塊；$98/12塊💖 神戶和牛風味薯餅 呢個薯餅嘅感覺其實類似喺日本食嘅可樂餅🤩馬鈴薯泥加上一些牛肉，成件薯餅都好香，而且可以馬鈴薯可以好似醬，入口美味，超正!!既然而家去唔到日本🇯🇵不如嚟呢度試吓食返件神戶和牛風味薯餅啦！💖北海道芝士薯餅 我自己真係好鍾意食芝士，呢個薯餅除咗有薯仔🥔啖啖濃厚芝士味，好豐富好好食🧀但係又唔會好膩😋

屋企附近開左新既炸雞店，聽個名都知💛到發金，當然第一時間要去支持下啦💪🏻 嗌左甜酸炸雞 ($48/5塊)、神戶和牛風味薯餅 ($28/2件)🤤 熱辣辣炸起既炸雞咬落勁juicy，肉質好鮮嫩!! 好欣賞佢個脆漿整得好好，唔會太厚身，好夠脆口!! 甜酸醬調味都好出色😋 薯餅都好好食，本身有2件，我光速食左1件完全忘記要影相😅 好喜歡時光雞既炸物唔會有果種一咬就成口油既感覺，亦都零油益味🤓 好鐘意食煎炸野既我，食過太多千年油炸物，所以一食就高下立見😎 誠意推介俾大家😌PS 個slogan好正好似急口令，跟我讀一次: 時光炸雞人都buy! 何家炸雞何家try!

時光雞位於置樂嘅一條巷，所以之前都唔覺眼，今日經過嘅時候就俾佢吸引住。淨係個名都已經有喙頭。時光芝士炸雞：芝士在雞肉外面，帶有少許鹹味。外皮炸得脆口而又唔厚粉，內裏嘅雞肉滑口又帶一點肉汁。味道好好，果然係招牌菜。神戶和風牛味薯餅：揸得外脆內軟，入口即溶。牛肉融入薯蓉裏面，味道非常之好。價錢亦都唔貴，我覺得佢嘅薯餅比炸雞更加好食，呢個牛味薯餅係我喺香港食過最好食嘅薯餅，如果下次經過我一定會再嚟再買多次。另外想講嘅係，店員好有禮貌，而佢嘅食物包裝都好靚。一定大大力懲罰佢啦

食炸野最怕放耐左會淋同埋唔脆。呢間店最值得欣賞既地方係員工好貼心，俾炸雞你時會問係咪即食，如果即食就唔冚蓋，食既時候先又熱又脆。服務重要，但食物先係最重要。平時係屋企都會整炸雞，但好易會太乾或太油。但時光雞既炸雞就炸到剛剛好，多汁juicy 又唔乾，即使我係買外賣返屋企airfryer 翻熱都無過乾，值得一讚。炸雞我點左三款，分別係時光芝士、蜜糖芥末、蒜香牛油。時光芝士炸雞個芝士醬味親香濃，岩哂我呢個芝士怪。不過最好味係蜜糖芥末炸雞，甜味可以中和炸雞既咸味，味道剛剛好，絕對要一試。蒜香牛油就好香蒜蓉味，不過我都係鍾意甜甜地既蜜糖芥末多d。除左炸雞外，我最喜歡黑糖蕃薯🍠條，因為其他野都係咸，所以食番d甜番薯條中和一下。蕃薯條唔同普通炸薯條，面有一浸黑糖，所以係硬硬地個種脆身，比一般好快淋既薯條更勝一籌。薯餅我點了兩款，分別係神戶和牛薯條同埋北海道芝士薯條。一切開北海道芝士薯餅，D芝士餡多到漏出黎，真係真材實料。炸豪都好食，炸到脹卜卜，不過當然最出色的還是炸雞。

巷仔裡的署光💫雖然佢係巷仔，但都係好多人幫襯有爸爸媽媽，年青人，學生韓式炸雞（七個口味），我當然揀最熱門嘅口味，芝士同埋蜜糖芥茉炸雞唔會話好大件，一啖一口蜜糖芥茉會分開另外裝，芝士會喺面神戶和牛風味薯餅$28@2好鍾意食薯餅，好香口，而且唔會成口油明太子雞翼餃子$32@2好多明太子，而且食得好方便，唔使論骨香甜番薯年糕$18@8甜甜嘅番薯味，細細條，唔會話好流一口芝士雞柳$38@5好細粒好似一口芝士咁，但淡淡既芝士味，雞柳好好食，唔會話好流媽呀，全部都係炸嘢，唔飲涼茶都唔得！！！仲要有部黃卡機，我即刻問佢唱錢扭左幾張#hkfoodie #hkblogger #tm #chicken#korea #yellow #懲罰 #芝士 #炸物#熱氣 #黃卡 #邪惡

.🔺時光雞🎗小編好鐘意食韓國炸雞 配埋啤酒真係好正😙最近發現屯門開左韓式炸雞店😍除左炸雞仲有好多日式炸物🤤.韓式炸雞🐥炸雞有唔同醬汁揀小編試左蜜糖芥末、蒜香醬油、甜辣、酸辣😽特別喜歡蒜香醬油同埋蜜糖芥末😺雞件無骨啖啖肉 脆得黎肉質仲好嫩 😻.黑糖蕃薯條🍠外脆內軟嘅口感😚蕃薯甜甜地好好味 小朋友最like👍🏻.明太子雞翼餃子🐣一份有兩隻 雞翼釀得好飽滿明太子辣辣地 惹味之選🤤.神戶和牛風味薯餅🐮大大件薯餅 薯蓉比例較多唔會炸得太油膩🙌🏻

好難得食到一間咁出色炸雞店，除咗炸雞好食之外，其他炸物亦相當好食！我品嘗咗以下呢幾款炸物同大家分享吓👇🏻👇🏻👇🏻👇🏻👇🏻💛時光芝士炸雞👉🏻外層炸得鬆脆，內層相當嫩滑，一啲都唔乾，炸得非常juicy!每件炸雞都帶住淡淡嘅芝士味，好香口💛蜜糖芥末炸雞👉🏻同時光芝士炸雞一樣，都係炸得非常鬆脆！每件炸雞都鋪上蜜糖芥末醬，甜甜哋，幾滋味😋💛日本南瓜薯餅👉🏻香脆嘅外皮包住甜甜嘅南瓜蓉，入面完全無油膩嘅感覺👍🏻正👍🏻💛一口珍珠餃👉🏻迷你的骰嘅韮菜餃，每一粒都皮薄餡靚，炸得好香脆！忍唔住食完一口又一口，包你食到上癮，勁邪惡😈停唔到口👍🏻👍🏻💛明太子雞翼餃子👉🏻雞翼帶啲咸香嘅明太子味，惹味得嚟，又不失雞翼嘅嫩滑質感，口感亦相當豐富！呢間小店非常多人幫襯，大家要俾多少少耐性等候，繼續支持本土小店！加油💪🏻香港人🙌🏻