Smile Cafe Yogurt.Cake.Comfort Food (Closed)

約左老公去唱k慶生，但太忙所以未有預先訂定蛋糕，於是趁老公仲未到，去撞下手神睇下有冇細細個又唔太貴既生日蛋糕買。點知又真係有，個樣仲幾靚既mixed berry cake!! 比錢個陣問佢有冇生日牌比我，佢話有仲問我想寫咩，我一心諗住係d 膠生日牌咋, 原來係朱古力牌~~雖則佢話要等5~10分鐘寫，但我問可唔可以快d, 因為趕時間 (老公已殺到)，果然3分鐘左右就寫左比我，非常好既服務!! 仲寫得幾靚tim~至於蛋糕，好綿好好味，出面d cream 好creamy~~ d berry 多到連裡面都夾住好多，老公都讚好食，果然冇買錯! 同埋呢個size 岩晒2~4人食，食完唔會飽得滯。

Smile Yogurt 就食得多，蛋糕就第一次食。仲有我最愛既 Earl grey, 必試！！！其實 本來口癢想食佢杯 coffee yogurt, 但又太大。佢 d yogurt又扁酸，cone又無 coffee flavour. 咁岩見到 earl grey cake就 買咗件試下。 第一啖食落去就有 淡淡 既奶油香，earl grey味可以再濃 dd. 蛋糕有少少實，但係加埋 d軟綿綿既 earl grey jelly/pudding又好夾 !!! D earl grey jelly好香。蛋糕面仲有 d crunchy既 粒粒，好正。蛋糕唔算甜，整體口感 加 香味都好好。我會再返去買 !!

以前常去K11的SMILE食YOGURT，原來它們在旺角這家還有堂食，反正很久沒有食，於是便跟寶寶坐下來慢慢享受。環境很舒適，每個座位都很寬敞。點了Vanilla Sky($53)。喜歡這裡的Yogurt是因為覺得它的甜度和酸度做得最平均最對味，偏微酸的Yogurt加上它的Vanilla Sauce和配料，味道就剛好。Vanilla Sky裡有薄薄的杏仁餅乾，很香的杏仁味，增加了口感層次。中間還有芒果粒，十分好食。

今日下午我們去咗旺角新世紀廣場Moko行街，行過見到一間擺放咗好多杯賣相極之精緻嘅Yogurt吸引咗入去呢間「Smile Cafe」食下午茶！我們叫咗煙三文魚橙柳沙律伴乳酪檸檬醬、慢煮挪威三文魚、Golden  Smile、Banana  Split、The  Garden同Super  Moko！煙三文魚橙柳沙律伴乳酪檸檬醬嘅煙三文魚非常嫩滑，煙燻味相當濃郁，而且份量都幾多，沙律菜好清甜新鮮，加埋乳酪檸檬醬一齊食，真係好惹味！慢煮挪威三文魚嘅肉質相當嫩滑多汁，唔會好乾身！Golden  Smile嘅菠蘿薄片口感好特別，味道非常香甜香脆，芒果超新鮮同香甜，唔會好酸，乳酪嘅質感好軟滑，味道酸酸甜甜，非常開胃！The  Garden嘅千層酥網相當酥脆，桂花啫喱嘅味道好香甜清新！

每次經過Smile都會比佢地好令既yogurt杯吸引住, 但近呢年Smile既吸引力好似低左, 可能係有太多同類型既產品推出, 今日同屋企人經過呢間smile cafe,見除左有yogurt之外, 仲多左好多cake同輕食, 所以就坐低試下~呢個vanilla sky Vi之前好中意食, 所以今次再叫番, 但yogurt好明顯比以前差左, 質地好硬身, 唔夠軟滑, 但味道都係幾好食既, 酸酸地有d奶味, 裡面夾左餅碎, 但餅碎有d林左, 所以今次對呢個yogurt有點失望~另外試左幾款甜品, 呢件earl grey garden賣相幾令, chiffon cake都係earlgrey味, 中間夾入住d earl grey jelly, 所以入口earlgrey味幾濃, chiffon cake亦軟熟, 但cream太多所以有d漏~而呢個Fresh Fruit & Strawberry Marble Yogurt Cake其實姐係士多啤梨yogurt雪糕蛋糕, 食落酸味味, 加左strawberry幾好食, 但無咩特別, 只係雪糕蛋糕, 旁邊既strawberry加左d好甜既果醬, Vi

朋友生日，指定要買smile的 rose garden蛋糕。 之前， 只試過yogurt icr-cream, 未試過其他產品。 我和其他朋友都滿心期待。看見蛋糕時， 我們都讚蛋糕很美，周圍是粉紅色的cream, 表面放著很多用玫瑰花瓣托著的士多啤梨 , 旁邊則放了藍莓和紅莓。 士多啤梨因為表面的糖漿， 吃起來酸酸甜甜的。可惜， cream的份量太多, 而海綿蛋糕則很少， 所以每一啖都是cream, 感覺很甜很膩。海綿蛋糕很好吃， 很軟綿， 如果可以將cream 和海綿蛋糕的比例調轉便好了。

今日在moko廣場剛剛食完午飯就梗係要食個飯後甜品所以選擇位於地下嘅smile由唔知幾時開始一杯乳酪竟然可以等於三個飯盒嘅價錢一杯乳酪要70幾蚊！當然佢都俾到我無限滿足！我點左杯the wild summer,屬於酸酸甜甜嘅口味入邊有荔枝同芒果同埋啲餅底碎味道清新亦都非常夾食咗咁大杯都唔會覺得膩

之前有食過Smile Yogurt的乳酪，貪其款式多、賣相一流，而且味道不會太甜，就算貴一點也是值得! 最近第一次惠顧於新世紀廣場的Smile Cafe，老老實實，完全失去食慾，雖然廚窗的Fruity Fruity Yogurt 模型賣相不是很特別，但也不至於在非繁忙時間，hea得令人完全不能接受，鮮果乳酪整杯只有眼見的四粒藍莓和蜜瓜一片，用芒果做間隔的份量也不見得多，雖然主打是乳酪(味道跟平常吃到的一樣，不會太甜過太酸)，也不至於「簡單」得過份吧!食店桌子沒足夠客服整理收拾，加上位於商場出入口位置，人來人往，喧鬧嘈雜，完全不是吃甜品的理想環境。唉，要是想轉型成Cafe，請先好好處理core食品、店員質素吧!

食完壽司，當然要食埋甜品先叫完滿，記得商場地下有呢間雪榚店，食過其他分店，呢間地方最大，商場一角，白底金字，裝修簡潔，門口嘅大雪櫃放滿色彩繽紛嘅甜品蛋糕，好搶眼，雪榚款式多，雪榚杯內好多配料，店內有圖餐牌睇到杯內嘅配料，揀好就去櫃檯落單，再攞票等叫號碼，櫃檯已有齊餐巾膠餐具，但又無托盤，攞住兩杯雪榚唔方便！Vanilla Sky($53)賣相靚！份量大，兩個人一杯合理啲！乳酪雪榚微酸，試了一啖，呍呢嗱味唔重，雪榚幾滑！golden smile ($70)好大杯，我同肥髀分享，賣相搶眼，菠蘿薄片搶眼，乳酪雪榚酸、芒果、士多啤梨之類水果酸、紅莓布甸酸，整體太酸！雖然每樣味道都好味，水果爽口，芒果又足料！唯一唔酸係自家製脆粒！整杯乳酪唔夠平衡！份量大，最好兩至三人食一杯，唔係凍到頭痛！鄰桌一杯五人分！店員比較隨意，肥髀係為了golden Smile嘅雪葩，圖片係放在頂，我去問店員佢好似唔清楚，要再問廚房個店員先知，原來放了中央！解決了疑問！

Wild Summer($70)Lam脷: 5/5抵食: 3/5相機: 5/5新世紀新開既Smile cafe除左有froyo之外仲有多款甜品，不過Vi都係俾令令froyo吸引住 今次試Wild Summer, 酸酸甜甜既froyo配上荔枝同紅莓醬，中間夾住芒果肉，好fresh 大大杯可以當light lunch tim!Let's Smile Vanilla Sky ($51）Lam脷: 4/5抵食: 3/5相機: 5/5比較簡單既Vanilla Sky 大大杯froyo面頭有杏仁脆片同vanilla sauce，裡面有芒果，藍莓同餅碎yogurt 酸酸甜甜，夠滑，配埋vanilla sauce好味 最中意入面有好多餅碎，同埋芒果肉都幾多

行街攰同朋友搵地方嘆杯咖啡MOKO的Urban只可坐半個鐘...就揀了戲院旁的Smile休息一下！5點半左右，有很多空位～不錯但無人執枱和清潔...店內一覽盡是蛋糕和雪糕，但不太看到Drink menu (更誤會了門口的stand上放著餐牌 Orz)排隊龍和看menu的人都集埋一堆，有啲混亂加上取餐處在同一位置，客人們都唔知企邊度好...前邊因為店員找續問題，耽誤了不少時間其他店員各忙各的～即使我站在點餐的位置，仍看著店員在忙上上上位客人找續的事....點了一杯熱latte和友人的凍mocha等候時間大約15分鐘雪糕會比較快，咖啡只有一人在弄～咖啡苦而不甘，可能煲燶左...latte奶味不足，熱啡上亦無拉花 (小失望)杯身有咖啡漬亦是敗筆之一！朋友的凍mocha，沒什麼特別 (小貴)同類型的店會比較相宜名氣雖有，但服務/味道/賣相略嫌不足畢竟是賣yogurt主打，下次還是早少少上Urban享受一下咖啡~

假日約了YIN行街,天氣仍然係咁熱,禁不住又去左商場涼下冷氣,順便搵個地方坐下,經過呢間,見好耐冇食過乳酪,一於呢到了,新世紀的Smile Cafe,特別在有埋熟食,但我地今次只想食甜品呢。賣相好靚呀。樓底高,有空間感,坐得幾舒服。多款選擇,好多想食,看了一會先揀到呢。THE GARDEN & VANOLLA SKY。THE GARDEN,$53,原味的乳酪,配料有千層酥網、紅桑梅棒棒、桂花啫喱及荔枝玫瑰汁,中層是草莓蛋白脆及自家製脆粒,配料豐富,乳酪質感軟滑,配上酸酸甜甜的餅及啫喱,有咬口不過只得乳酪太漏,幾好味呀。VANOLLA SKY,$53,YIN的,原味的乳酪,配料有杏仁脆片、自家製脆粒、芒果、藍莓及雲呢拿汁,豐富的配料,以生果較多,比較清新。雖然是比較貴的乳酪,不過真係幾好味,間中食都不俗呀。

同婆婆去新世紀廣場飲茶，被要求去買野，順便行下街。角落見到smile yogurt就立刻入去。我之前係銅鑼灣分店想買，但果陣食得太飽無買。今次捉緊機會。我最中意朱古力所以决定叫chocolate lover。我行到去收銀，個收銀員玩緊手機。佢抬頭望左我一眼，之後繼續玩。我火都黎，不過好想食乳酪所以算啦。乳酪夠味，正！個朱古力冰皮卷夠煙un。朱古力條脆，brownie好chewy。所有食物一齊食好match。中間有多d brownie。下次一定再叫！

假日想到花墟逛逛買花，經過Smile yogurt就食本yogurt 消消暑啦！ 原來呢間CAFE 除左yogurt之外，有蛋糕、輕食如三文治，仲有好多種類的飲品。Yogurt 的款式都有8款，我係Almond Vanilla 同 Chocolate banana中最後選擇左清清淡淡的Almond Vanilla。呢個yogurt底層有藍莓、一層yogurt之上再有mango、再一層yogurt就到manuka 蜜糖，同埋幾塊杏仁脆片。杏仁脆片我覺得好好味，雖然有少少甜，但很有杏仁味。而yogurt質地亦算結實夠凍，唔會好似軟雪糕咁眨眼就溶左。Cafe係自助形式的，經常會見到餐枱上殘留的容器、紙巾及食物碎片。侍應久不久才會出走收拾一次。就以我坐的4人枱為例，我坐下的時候，桌上疊起的yogurt杯有4個，紙巾以及地下的食物就不提了。不過仍然都有好多人幫襯。

星期日的晚上，心情有點沉重，大概是因為要迎接痛苦的星期一吧？（笑）跟不太熟悉的親戚吃了晚飯，是飽了，可是心裡有點覺得空虛，就自己一個人去逛逛街吧。偶然經過這間店，喜歡這裡總是有一種甜蜜蜜的感覺，而且它的裝潢總是有一種讓人放鬆的氣氛，就自然的走進去了。看著滿櫃子可愛又美麗的YOGURT，很快就可以拿著回座位去了。有不同的味道可以選擇，適合不同風格的客人，想要吃熱的話也有意粉或是三文治，很適合幾個朋友來吃個甜點，聊聊天，享受一下生活。我叫的這個叫做2015，2015年雖然已經過了大半，也沒有很順利，可是我喜歡它的裝飾讓人很有希望。特別是上面的蝴蝶裝飾，精緻的紋路擄獲了女生的少女心。YOGURT的奶味很重，而且吃起來甜甜的，配上微酸的芒果，洗刷了剛才油膩的晚飯，讓口感變得很清新。一小粒一小粒的芒果跟YOGURT配著吃，開胃又健康。加上自家製的脆粒，和那個手製造型的朱古力牌，替原本是平淡的YOGURT增添了很多趣味，也抹去了本來的失落感，吃著甜品真的會讓人多了一份喜悅。