澳門台山水佬榮火鍋專家 (Closed)

個海鮮艦 睇好過食。唔知係唔係太早到，啲海鮮 有部份唔係咁新鮮 （八爪魚🐙唔得、蟹6隻 有3隻 唔得）。加水 唔加湯。雖然飲品唔算好貴，但連熱水都要收$10/位，有點不太好！肉類反而不錯！整體勝價比不太高 ！

同舊同事gathering，都係想搵個地方有得吹下水有得吹下酒，咁啱上網見到介紹呢間食海鮮，而且隻船咁吸晴，就去咗呢到。。。。首先價錢唔平，份量都唔多，海鮮大概係一人一隻左右，蝦同蜆會多小小，但食完完全一啲飽肚感都無。。而且成鍋一齊煮，啲熟嘅情況又好參次，真係質素麻麻。再叫打邊爐配料，都算正正常常打邊爐，不過不失。無咩特別。總拮而言，真係俾隻船騙了，無下次:<

一班朋友興祝生日 Book左水佬榮試下，見到相有個好誇張既海鮮航空母艦，影張相都抵，book左8點，好快就入得一黎就叫左呢個餐，但望落其他唔太新鮮，食落真係一般，因為海鮮緊係煮熟D好，但之後食有幾款海鮮都煮太熟😰

其實我開始寫食評的第一篇就是因為水佬榮對水佬榮情有獨鐘 是因為他們專注、單一、這麼多年來對火鍋的執著火鍋開到成行成市 火鍋配料的種類、質素都沒有什麼大改變花甲蟹鍋小辣仍然是我最愛的湯底味道花甲鮮甜、小辣至中辣味恰到好處牛肉雖然說不上全港最靚但配上這個鍋底還是很令人返尋味鵝腸靚、梅菜豬肉丸香滑有咬口、小心牛丸好得意 、刺身也靚 （不過最好提早訂因為人太多時好快賣晒）如果想坐得舒服啲可以去銅鑼灣 溫馨點就要留喺佐敦了

相約朋友聚餐，呢到個位置有點難搵，因為網上地址有出入，我同另一朋友去咗佐敦另一位置，打電話問先知網上資料錯，間舖係近佐敦廟街口過邊。坐下來就叫西瓜汁，開頭真係覺得好貴一jar，等咗好耐都未送黎，一催先知，係新鮮切西瓜🍉榨汁，無加甜同無溝水，飲落真係唔同，好清涼有果肉唔會有糖水甜，都有5-6杯，咁幾十蚊都算ok la套餐最少要4人份海鮮，另有5款餸可揀，當中嘅肉都唔係差嘅平嘢😋👍🏼本來想點菜食，但原本個鍋已有多菜，加上朋友話點貴肉抵d同飽肚d😁咁多款肉都好好味海鮮鍋叫咗少辣，唔覺辣但就幾香，唔錯，如果太辣就會蓋咗海鮮味。因為一鍋過煲，所以一開始要先食丯、聖子、扇貝，除咗菜、白蜆、尤魚同蝦份量多，其餘都係按人頭一件。開頭都覺會唔飽，但咪睇少呢盤海鮮同兩層肉，真真真飽肚，我地仲叫咗兩個面，差點食唔晒。蒸海鮮、粥底海鮮同呢個比，我個人較喜歡呢個，可能湯底帶出海鮮鮮味，而大部分嘅海鮮鍋都會用冰海鮮，基本上鮮味無乜再清蒸或白粥煮，係會較淡味。我好欣賞呢個一套餐、幾支啤酒，兩jar果汁，每人三百多，這質素都算正常價。

慕航艦的名而來，當然點了一艘共享。一行5人，整體海鮮鮮甜，蟹每人各有一隻，可惜略嫌瘦削。推介蟲草雞丸及梅菜豬肉丸，手工整且味道有趣。相反蝴蝶腩（豬）很韌。湯底十分味精。注意飲品的價格稍高，是次人均消費$400，未必再來。

今日同一班朋友打邊爐聚一聚夜晚九點都只係$238一位好抵食我哋叫咗一個航母海鮮盛宴依個套餐係包左8款指定海鮮另外再揀5款火窩配料我地一班meat lover就揀係全部揀哂肉啦湯底就揀咗海底椰魚湯隻「航空母艦」黎個陣大家真係嚇一跳超大隻啊！！！！！而且入面放滿海鮮有鮑魚、蟹、青口、貴妃蚌、蜆、蝦、蠔同八爪魚～我地首先飲左個湯海底椰湯好鮮甜海鮮既味道完全滲入哂個湯度所有海鮮亦都好新鮮啊特別係隻花蟹！！又多汁又多肉肉類方面我地點左：安格斯肥牛、新鮮牛仔粒、新鮮滑牛、黑豚肉同鮮雞件依度既肉類絕對係高質‼️唔係平時百零蚊任食火鍋可以食到既質素最好味既係安格斯肥牛油脂比例好均衡入口一d都唔韌架～飲品我地叫左竹蔗茅根同埋檸檬薏米水清熱解渴又健康火鍋必備

每次朋友聚餐中都梗有人提意食海鮮(包括我😝😝😝) ，而打邊爐爐就係一班人可以慢慢食同吹水嘅活動首選，所以約食海鮮邊爐一定可以滿足大部份人嘅意願la😙朋友揾左呢間位於佐敦嘅水佬榮，睇相已經夠晒吸引，我地叫左最基本嘅航母海鮮盛宴($238/每位)， 包括8款時令海鮮 及四款蔬菜 ，之後自選五款配料同埋鍋底， 今次我哋揀咗海底椰魚湯底 ，因為食海鮮唔想個湯太濃影響海鮮果味道， 呢個魚湯真係好鮮甜 就咁飲完全唔覺有味精 ，仲食到一粒粒海底椰。海鮮方面有鮑魚 、蟹、 蝦、花蛤、蠔、青口 、八爪魚仔、 扇貝， 全部都好新鮮， 尤其係鮑魚大大隻又爽口又彈牙!!! 自選配料我哋揀左 新鮮 滑牛、 安格斯特級肥牛、 新鮮牛仔粒、鮮雞件 、蝴蝶腩肉, 分量好足夠!!!另外不得不讚佢嘅烏冬面都係好好味唔酸同埋唔會滖到林曬!! 總結一句就係抵食又好味 , 一定唔會失望!!

講左咁耐🤤終於終於終於比我約左4個大食朋友仔一齊圍爐取暖☺️ 日見夜見d 人同個大爐合照☺️我就黎食下你係咪咁內外都正先🤤一黎就決定食佢地既航母海鮮盛宴（$238/位）入面會包8 款式既海鮮，重有自選5款打邊爐料，最後就湯底🤔為左食到海鮮既原汁原味！我地係決定左叫海底椰魚湯底😳！一上台！相機食先既環節又黎啦😆☝🏻🤳🏻放上台真係震撼到我😱真係密封平面既海鮮😳🥰由鮑魚到蜆大曬冷🥳🤤🤤🤤 之後重有4種蔬菜🥬（蘿蔔、粟米、椰菜、蕃茄）係一大輪相機食先之後😳姐姐就會進行加湯！上！蓋！勁得意呀！個蓋係航空母艦樣🤣好有心思🥳海鮮方面包括有青口、花蟹、蝦、珊瑚蚌、鮑魚、魷魚珊瑚蚌可以話係肉地好厚👍🏻☺️鮑魚仲大隻過匙羹😊花蟹多肉清甜😊👍🏻全部海鮮都非常新鮮令人回味無窮🥰配菜我地叫左肉肉肉肉肉，因為有朋友係食肉獸☺️🤣安格斯特級肥牛肥瘦均勻好得靚靚仔仔啲！牛肉軟滑好食新鮮牛仔粒呢個需要煮耐小小！係一口牛牛黎😳🥰新鮮滑牛鮮雞件新鮮蝴蝶腩（豬肉）三樣都好食！特別係豬腩，肥而不膩，脂肪嘅滑滑口感係口腔入邊溶化🥳 澱粉質方面你可以揀烏冬或者出前一丁公仔麵🤤係囉牛肉之前就首先享受咗個麵先，麵會收晒啲湯底清甜好味❤️😚 以防

我哋一行五人一早擇左日今晚食水佬榮😍目標只有一個: 航!母!海!鮮!盛!宴!🐙🐚🦀🦐🦑book左枱一到即刻入得😎⛴ 航母海鮮盛宴 除左指定的海鮮同蔬菜，仲可以自選5款配菜， 我哋呢班食肉獸叫咗三牛🐮一豬🐷一雞🐔落單之後就可以自己係呢個九宮格度混醬😁OMG呢隻航空母艦真係冇改錯名😂😂大盤得好誇張好大陣容，員工好耐心等我地狂影左一輪先加湯煮🤣🤣🤣有八種海鮮每樣都好高質，貴妃蚌/鮑魚/青口/蝦/蟹/海蜆/生蠔/八爪魚🦈🐙🐚🦀🦐🦑 鮑魚超大隻勁厚肉!!一啖咬落去勁彈牙😍 青口 平時食開嘅都係比較瘦，呢隻巨型啖啖肉😉貴妃蚌好鮮甜😆 主要嘅海鮮都係一人一隻唔使爭🤣🤣🤣蝦同蜆就大量🤗🤗🤗差唔多食完海鮮就可以打邊爐，安格斯肥牛最正!! 厚薄啱啱好，油花分佈得好靚🖒 牛仔粒就好重牛味，我哋太專心拆蟹煮耐咗都唔會覺得老 或者韌😂😂 滑牛名副其實超級滑😆 黑豚肉都好高質，平時打邊爐嘅豬肉都比較鞋口，但佢好嫩滑😍😍 雞肉都好好食!最後不得不提個海底椰魚湯，超級十分鮮甜!!!我地忍唔住個個係咁'不'嚟飲😂😂絕對唔係一般嘅味精湯，啲雜菜吸曬啲湯極正😋😋 基本上全晚都唔需要再點豉油都已經好夠味🖒🖒🖒 竹蔗茅根&檸

同朋友食團年飯，緊係要食得豐富啲！🥰之前已經見好多人介紹水佬榮嘅大大隻海鮮航母, 好吸引!😍😍😍成班人都咁愛海鮮, 一於一齊去試下😋😋等埋朋友收工都9點, 我地緊係叫返個航母海鮮盛宴 (每位$238)A: 每日8款海鮮海蝦 貴妃蚌 鮑魚 青口 蜆 蟹 蠔 八爪魚海鮮大大隻, 好新鮮, 蜆都冇沙經理仲特登過黎提我地要早啲食海蝦!我最愛貴妃蚌, 好大隻!☺️☺️蟹肉都好鮮甜！正🤤加4款蔬菜, 有蕃茄, 椰菜, 蘿蔔同粟米, 吸收晒海鮮嘅湯汁, 好味😋😋😋B: 多款配料 (5款)安格斯特級肥牛 新鮮牛仔粒 新鮮滑牛, 重肉味，推介！🤤黑豚肉爽口, 鮮雞件好嫩滑, 好食!👍🏻出前一丁 烏冬加埋個湯汁正C: 海底椰魚湯底, 非常鮮甜, 用嚟煮海鮮真係一流! 我地個個都係咁裝啲湯嚟飲!正!☺️成隻航空母艦，好得意😂再加薏米水同竹蔗茅根，好足料, 唔會太甜, 打邊爐必叫!總體服務態度好好，味道唔錯，下次可以同其他朋友再試😋

妹妹今個月升職話帶我地去食好東西，真係滿心期待, 佢話之前同朋友食過好誇張好好食，一去到見到其他枱上面嘅食物，真係陣容好勁。好一個「航母式軍艦海鮮鍋」。 最平二百幾蚊一位有交易。有海鮮又有其他火鍋必備嘅食物，亦有配菜。見到呢個鍋真係有啲嘩然嘅感覺，心諗五個人食食唔食到咁多啊。😱😱😱我哋湯底要左番茄湯，咁大盤海鮮真係第一次見，呢個時候當然要相機食先啦！ 盤入面有好多種食材，真係數都數唔晒，分別勁大粒帶子，好厚鮑魚，會郁嘅海蝦，口擘擘嘅蜆，花呢花綠嘅花蟹，長長既貴妃蚌，仲有好多配菜例如蕃茄芹菜係入面！一開始店員叫我地先食海蝦，隻隻都好大隻，仲好估唔到咁鮮甜，之後開始食帶子，基本上真係有一隻手掌咁大，小女真係第一次品嚐咁大又鮮甜嘅帶子。唔使講啦鮑魚亦都好美味，佢吸收埋番茄湯嘅味道。好啦開始食蟹啦，雖然唔算好大隻蟹，但估唔到肉質咁鮮甜爽口，仲有啲唔夠喉嘅感覺，因為太好食啦。食完海鮮仲可以佢嘅海鮮蕃茄湯底繼續打邊爐。但由於我哋個個都已經九成飽所以只係叫咗幾款。我哋點了肥牛、萵筍同蜂巢豆腐，當然唔少得炸響鈴！ 以為佢淨係海鮮出名，但原來牛牛都咁好食，牛嘅味道好濃，再加上我哋嘅番茄湯底，味道夾得好好

喺網上見到這間出名海鮮火鍋而且我最鍾意食海鮮🦞🤩 跟住就訂咗8點五位。去到餐廳唔係太多人，侍應很快地安排我我哋坐卡位。坐落後覺得有少少逼夾，餐廳侍應很快安排我們坐大圓枱 （感覺闊落不少😀）我們經過一輪討論後就決定叫蕃茄湯底，大約10分鐘就已經有嘢食了 啲海鮮非常新鮮，啲蝦🦐仲跳下跳下 😀大約食咗半個鐘真係覺得不錯海鮮鮮味十足，而且值得一讚是元貝和蟹。元貝非常大隻仲好有鮮味、蟹非常鮮甜且偏向多肉。食嘢期間店員都非常勤力地不停幫我們換左喲碟 ，我認為呢個價錢可以食到咁有質素的海鮮真的不錯這餐飯我地都食得很開心🥳

到左一月真係凍左好多又係時候食下火鍋暖下身先。澳門食過一次海鮮鍋後一直念念不忘，又咁啱俾我搵到香港呢間水佬榮，一於約埋班朋友去試下先。樓下通知接待已經訂左位，一上樓就可以入座啦。星期一至四好處就係唔會太多人要等位。店面環境簡潔明亮，坐低就揀左每人$238嘅航母海鮮盛宴加多渣竹蔗茅根清下熱一見到個航母真係呆左，係勁。大。堆！目不暇給到唔知應該望邊樣先好..經理哥哥好好人提我地影相先，因為佢仲要加湯熱左先有得開動架全部都一人一隻唔洗驚爭崩頭唔夠食，呢個不得不讚今次揀左個蕃茄薯仔湯，加埋個鍋本身咁多配料一流！追加配料我地揀左安格斯牛肉，凍豆腐，萵筍，響鈴卷同鴕鳥肉。配料份量都好多，今次有排食海鮮係超鮮甜，無論係海蝦，貴妃蚌，帶子，鮑魚，蟹等等...每一樣入口都係好鮮美，所以食到最後個湯係比我地飲哂，因為吸收哂海鮮同菜類真係甜到不得了！最鍾意係鮑魚同海蝦，入口彈牙豐腴，配埋唔會喧賓奪主嘅湯頭絕對係掂！聽講佢個椰子湯同麻辣湯都唔錯，要搵日食多次！

天時凍到咁，當然要搵Ｄ熱野落肚暖下身啦。朋友搵隊話佐敦有好西食，仲要係大大盤時令生猛海鮮喎，二話不說即刻去會一會佢～舖頭位置方便，佐敦道無論地鐵定巴士點都會經過；因此雖然係樓上舖但都非常之就腳易搵。預約八點半準時入座，樓下有接待櫃檯確認左就可以上去啦好在預約星期四，上去馬上就入到座啦。一入店內就見到三四個大大水缸養住生猛大大隻海鮮，又龍蝦又瀨尿蝦仲有象拔蚌…不過今次大家目標清晰：$238一位的航母海鮮盛宴！睇餐牌見到相都吸引呀，拿拿聲揀多五個配料，叫埋啤酒蔗水起就筷啦上檯時真係嚇左跳，五人份量冇花冇假新鮮海鮮，上檯時個盤；冇錯係要用個盤字黎形容呀，係直頭搵個ＢＢ仔入去沖涼都夠做！各式各樣海鮮…大過個五蚊銀的帶子同鮑魚，貴妃蚌，青口，沙白，花蟹…仲要係人頭一人一隻唔洗爭崩頭架～經理哥哥好好人咁等我地影夠相過足癮，準備好先加湯～我地揀左蕃茄薯仔湯底。加左湯之後上蓋大約10分鐘左右就起動啦，經理哥哥先溫馨提示我地食左貴妃蚌，帶子先；至於沙白同海蝦就先撈起唔好煮過龍。每種海鮮都好甜好鮮，皇點推介配料安格斯牛肉呀～