澳門台山水佬榮火鍋專家 (Closed)

近排天氣轉涼，心血來潮就想吃食火鍋暖暖身，咁岩有朋友介紹水佬榮，試完又覺得幾唔錯所以好想同大家分享一下。其實本來已經聽聞過呢一間澳門名店，但試就真係第一次。本身以為就咁好普通一間火鍋店，但入到去先知原來有好幾層，我地坐既位仲係獨立房，感覺唔差！有著咁多間火鍋店存在既香港，食過水榮佬你一定唔會忘記佢航空母艦咁款既海鮮鍋。一個大鍋入面混集晒多種海鮮、蔬菜，單講賣相已經吊起我食欲。基本上咁多種海鮮我自己都好鍾意，全部都好入味，無論係海鮮定蔬菜都有好多選擇，當中我最鍾意就飽魚同蝦，飽魚就幾爽口，蝦就夠晒大隻鮮甜，好值得推介。不得不提係員工真係好有誠意，全程都好照看著我地，一有需要就會黎幫手，又會同我地推介有咩好食，最令我記得係佢仲主動問我地冷氣會唔會太凍，其實真係幾貼心。最後當然唔少得有甜品，總括黎講水榮佬係唔錯，誠意推介既。

期待已久 今次終於可以黎呢間邊爐一試 上網睇人地食就睇得多 今次終於到我啦 睇下佢係咪真係咁好食 今次我好醒目 一早打黎卜位 比左間四人房我 私隱度勁高 可以自己一班人傾計 又吾會比其他人阻住同騷擾到 勁有高級vip既感覺🤘🏻由於我自己吾係食得太辣 一於揀左微辣 十分值得一讚既係佢呢度既員工 服務態度都勁好 LIsa姐勁級熱情同有禮貌🤤☝🏻準備野食既過程都吾耐🤘🏻 見到佢成個邊爐拎上黎既時候 真係好莊觀 勁多份量既海鮮 有青口 貝殼類既 帆立貝 珊瑚蚌八爪魚全部都好新鮮仲識郁生牛牛咁加左啲湯落去煲嘅時候個蓋仲郁下郁下咁可想而知究竟有幾咁新鮮作為一個海鮮狂魔見到呢個畫面已經十分之興奮海鮮最緊要嘅就係佢嘅新鮮程度海鮮質素就係在乎於呢一點食海鮮又點少得生猛既蝦隻隻都識郁肉質鮮甜肥美加埋本身微辣嘅湯底可以話一絕千祈唔好以為剩係得普通嘅海鮮其實仲有鮑魚鮑魚識得郁已經不在話下仲要好大隻肉質有救鮮甜雖然只係得一隻每人一隻但都已經好滿足嗰邊樓最緊要嘅地方係佢係海鮮第入面加左好多好多大量嘅蔬菜令到打邊爐嘅時候嗰份肥膩感覺消失我都係個比較鍾意食菜既人所以呢一part都啱晒我心意個人最喜歡帆立貝同埋係底嘅貝

本來同d朋友去食銅鑼灣西餐，放工時候大家都覺得好凍想改去打邊爐，左搵右搵間間都冇位，跟住眼前見到水佬榮銅鑼灣店，就臨起佐敦都有分店，朋友們都仲係九龍區，就打去佐敦問下啦，個姐姐好好人，咁啱有張枱，佢肯留10分鐘比我，如果趕唔到去就放比walk in客，又好彩朋友趕到去。去到見到好多人叫佢地個航母，但有限時我最唔鍾意，而且咁啱朋友都驚食海鮮會皮膚過敏，我地就決定散叫。最終叫咗肥牛，粉腸，鮮淮山，粟米，西洋菜，墨魚滑，鯪魚滑，牛舌。而個窩底就叫咗水佬榮豬骨窩，正體雖然牛只係普通手切肥牛，但係合格的。至於環境有點迫，而服務都可接受。#散叫冇限時

朋友一早預約左呢間近排好hit既航母海鮮盛宴，成幢大廈有幾層都係佢哋既，位置好多，而且越夜黎食就越平!!!!一盆海鮮最少4人份量，約埋一班好朋友聚埋一齊就最岩😊坐底揀好湯底同配料有小食食住等，同時都可以開始調製醬油。有成足足八款唔同既海鮮：蝦、蟹、扇貝、象拔蚌、蜆、鮑魚、青口、魷魚。有d好明顯見到仲郁緊！店員會淋上熱湯，再封蓋煮，出煙就可以叫店員打開蓋食得😍我地叫左個小辣湯底，睇到已經洗晒口水！海鮮煮得耐就會冇晒鮮味，所以建議一水滾食得就即刻食咗一啲比較容易熟同”un”嘅海鮮。我就即刻食咗象拔蚌同元貝，好大隻好鮮甜，一食就知好新鮮。鮑魚好有口感，新鮮鮑魚食起來鮮味濃郁，啖啖肉好滿足～蝦大隻鮮甜，肉質好爽口，加上小許既辣味，刺激味蕾！仲有好大隻既蟹，清甜而且肉質鮮嫩，蟹殼偏軟，比較容易食。另外仲可以選擇五款配料，我哋叫咗牛仔粒、安格斯特級肥牛、魚皮餃、冬瓜片、炸響鈴卷。安格斯特級肥牛脂肪分布平均，咬落去好似融化左咁，而且仲有香濃嘅牛肉味。唔使驚唔夠飽，成個套餐仲會有送公仔麵！將麵放入湯底度煮，索晒湯底嘅鮮味！

第一次去水佬榮食野！係佐敦站一出好方便！ 我地4個人 佢安排左間包廂比我地！周平時既邊壚感覺好吾同！哩度私人度高好多！ 仲有個侍應專門負責服務你！個格局好吾同！我地叫左個小辣！ 佢隻湯底好出名！ 叫小辣都已經好夠味！好濃！果隻辣好特別 吾係平時果隻麻！而係偏香口 後勁既辣！雖然佢有提供好多醬料，但我覺得吾使點已經夠哂味！個海鮮火鍋超新鮮！！哩個價錢真係超值！入面有鮑魚 蟹 扇貝 蝦等等⋯⋯⋯真係飽到上身口啊！ 我地4個人食 2個男仔都食吾哂！佢既蟹係水蟹！膏吾太多 主要食肉！ 但好吸味！ 令到成個蟹香好出 仲有繩紮住 保證新鮮啊！個套餐仲包左個出前一丁公仔面！而且，佢仲會配埋5樣火鍋配料，有菜有肉！ 份量勁多！我地叫左肥牛！勁有牛香 同平時出面任叫果d真係好吾同😂☝🏻

之前家姐話想約埋男朋友一齊食個飯，見fb推得好熱既水榮佬，大家都鐘意食海鮮，所以挑左呢間，一個星期前到book位😎未食果日已經好期待😆 有幾層既，我地預先book比左間房我地😍 好似海底撈甘會有個伙計行過來介紹自己叫咩名😂 之後選野飲同湯底，湯底我地挑左招牌既微辣，清湯好似浪費左呢餐，辣得濟我地又食唔到 😢一來到我地係甘哇哇哇 🤩🤩港女打卡一流呃like ，成個牌場冇得輸😙選5個菜，按人頭比番8款時令海鮮😋鮑魚好鮮味，如果洗乾淨點就冇得輸！蝦鮮甜彈口，蟹亦係活生生既，唔係死左果d🐙🦑🦐🦀🐡🐟湯底鮮味絕對唔會搶左海鮮味道 😋😋😋如果可以多d菜應該會開心d，食到最後所有野都好入味 愈食愈滋味😆安格斯牛好好味，牛味重又唔肥。雞件都滑口。蓮藕片爽脆🤣最後仲送芝麻和芋頭糯米糍😙😙物超所值😎😎😎多d菜就完美了

Girls gathering on Friday night, from the beginning just like to give a try as I saw some many posts from others, location is a bit difficult to find as we mix up the jordon center. The seafood hot pot is jumbo, fresh, come with prawn, abalone, scallop, octopus, clam, veggies and u can pick 5 others like beef, chicken, meat balls, ham, etc. service is good! a little bit pricy than what we expected but still worth it 😋😋

之前見到fb熱推既食店，身為港女打卡既愛好者當然唔可以錯過呢個千載難逢既好機會😄預先book左人，四個人比左間好舒服既房我地，四個人可以好好甘傾下計又唔怕比人打擾🤓來到之後就比張紙我地可以選5個配料，安格斯牛必食！時令海鮮就餐廳安排，送野飲我地選左竹庶茅根，絕對唔係糖水飲料亦有足料湯渣。未上主菜前會提供呢個12格調味區比我地，我就落左d蔥而已，唔想破壞海鮮鮮味。最期待當然係係呢個航母艦鮑魚、青口、扇貝、象拔蚌、蟹、蛽、八爪魚。湯底我我地選左微辣水佬榮，超級無敵入味，鮮甜又有少少辣，絕對有讚冇彈！！！ 蔬菜有粟米、椰菜、菇和蕃茄，真係好味到完全停唔到口😂😂😂😂安格斯牛和鮮雞都係極力推介，海鮮和牛已經值回票價🤩🤩 大家都好滿意既一餐☺️ 服務員lisa抵讃👍🏾👍🏾👍🏾 一轉涷食火鍋 仲要甘高級既火鍋 😍😍😍

約左友人試試個航母海鮮盛宴4人份量 係食唔晒既湯底要左微辣 好惹味 海鮮新鮮 蟹無乜肉食飲品價錢偏貴 叫左一jar竹蔗水 太甜 想飲杯水 問侍應拎水 佢比左一壺滾水 係滾水比我地自己倒 唔知點飲另外 係走廊等toilet期間 有個呀姐拎住壺湯係滾既湯底 一壺 一野倒左落我小腿道歉都無一聲就走左上樓上 燙到我小腿紅晒有無搞錯 咁大間食肆 員工完全無安全意識連檢查下顧客有無受傷都無 慰問一聲都無其實在場有好多一家大細食飯 如果滾到小朋友可以好嚴重 總括黎講 呢間野食物唔錯 但重味精員工服務態度差 可一不可再

第一次食既水佬榮...食物質素高質...服務態勢好正...特別係阿 Dee既熱情招待...食得開心又放心......推薦海鮮愛好者...仲有出奇好味既安格斯牛...忍唔住追加左碟...用湯底煮埋個出前一丁...絕對係完美...

留意咗呢間嘢好耐，畀呢盤巨型海鮮盤所吸引，由於佢一盤最少四位用，所以今次終於到齊夠人，拉埋啲friend一齊嚟試下。侍應捧住盤巨大海鮮盤上嚟都十分吃力， 嚟到先至倒入湯底，見到啲蟹同蝦都腳仔郁郁好新鮮好生猛，安格斯肥牛肉亦馬虎好嫩滑。呢間個巨型海鮮盤，影相post上網又可以呃like一番，食物用料都好新鮮都幾抵食，飲品方面，檸檬薏米味道怪怪，飲落好澀口， 而另外一款涼茶就好淡口冇涼茶味，好似溝多咗水咁。總括嚟講呢間味道都可以值得一試

剩係睇想就知吸引，$238包八種時令海鮮、四款蔬菜和五種自選配料。埋單加一連茶水約$309一位，以旺區計，呢個價係冇得輸。本身我係一個邊爐控，但外出邊爐我好少叫海鮮，主要原因係怕洗得唔乾淨，但呢到個航空母艦一上時，D海鮮洗得好乾剩，元貝係冇黑邊的👍🏻所以我食得好放心。而且亦好新鮮，所以好好味。自選配料，一定要叫牛，無論係肥牛定牛粒，D雪花都好平均和好有牛肉味。此外，自家手打丸亦好足料。整體來說，呢個價錢加質素，絕對可以值得一試。

見呢期咁多朋友仔係fb post食呢間，果盤海鮮咁震撼，我同一班同事一行9人都來試試先，我地book星期五 7:00pm每位$268，另加醬料費每位$18， 小食2份加$20我地選了安格斯特級肥牛、牛仔粒、鮮滑牛、炸響玲同山根，小食就有炸魚皮同炸芋頭，清湯底一上枱確實好有睇頭，有8款海鮮今次我地有蟹、扇貝、鮑魚、青口、東風螺、蜆、蝦、八爪魚，盤內有d菜、栗米、菇，另外仲有豆腐同出前一丁，另叫了一壺竹蔗茅根同兩壺茶海鮮都算新鮮，不過蟹同東風螺太細隻無咩肉食到，響玲亦不夠脆口，整體來說價錢略貴了少少，埋單每位要$340，試一次就夠了

未試過諗住第一次去試食，佢啲嘢係好食， 淨係嘢食好食係冇用嘅，你啲侍應服務咁差， 客人問你一句你可以咁嘅態度回覆人哋， 大佬而家我哋有畀錢㗎， 仲要好似我哋有問題， 唔會貼錢買難受囉，以後都唔會再嚟幫襯😠

咁大盤係幾過癮，d蟹落煲時仲旭緊，所以一定是完全沒有處理過的。自問我地唔係好嘈果咋，係開頭大家高興地說'飲杯'的時後梗會大聲少少，個男小二(唔知係咪經理)竟然喺度＂薯＂我地😒，整佢個制之後隔離幾張檯都好興奮大聲，佢又唔制止，講到尾，試一次便夠，完！