豆研心事

Open Now

Now Closed

食完飯想食甜品，去咗買豆研心事。佢哋啲自家製豆腐花好滑溜，可以選擇加唔同配料，我揀咗黑糖桃膠，滋補又好味😋 桃膠份量非常慷慨，而且佢嘅桃膠囗感好，食多啲都唔夠喉三色芋圓系列仲正，一兜有齊幾樣嘢！我覺得F4嘅配搭最好，有豆腐花、芋泥、仙草同花奶，味道同口感都好豐富。芋泥香甜軟糯，芋泥控表示滿意！呢度啲甜品都幾飽肚，口感qq嘅芋圓有幾個味除咗甜品，呢度仲有自家製豆漿，豆味香濃，買來做早餐唔錯。呢間鋪比同類型嘅豆品店平啲，經過開嘅時候可以試吓。

沙田友搵食甜品，係博康邨街市呢間中西式甜品幾抵食!!街市翻新後都未黎過，係屋企附近終於有間正正甜品食啦~#特濃豆乳 HK$16大支個樽又靚，豆味幾香，唔算太甜。仲有2碗甜品，佢地用嘅外賣碗好好，完全密封唔到倒瀉架!!#鮮奶木瓜雪耳桃膠 HK$38桃膠木瓜滿滿，料超足，木瓜勁多呀!!食落都唔會好甜，好滋潤呀!!#雜果仙草芋圓 HK$42再加左HK$5紅豆，又係勁多料。雜果有火龍果，西瓜，蜜瓜，芋圓係偏軟的，仙草都滑滑的。食完好飽滿足~~餐牌:

博康村終於有糖水舖啦😍😍博康邨上年翻新咗裡面光猛咗又乾淨咗好多仲新加咗幾間熟食檔口其中一間係👩🏻最期待嘅糖水舖 今日我哋order咗黑芝麻豆腐花黑芝麻味道香濃又唔會稀豆腐花有豆味婆婆都話好食👍🏻芋圓3號內有紫米、紅豆、仙草、豆腐花、芋圓口感極之豐富芋圓食落唔黐牙仲好煙韌又有咬口多芒西米小丸子好大粒芒果肉🥭又甜又多汁小丸子口感唔錯黑糖芋圓桃膠👩🏻大愛桃膠成碗都係桃膠 份量超足配上黑糖不會太甜女士滋補之選👍🏻雜果仙草芋圓店主推介 果然無介紹錯雜果有西瓜、火龍果、芒果夾埋仙草芋圓好好味份份糖水都好大碗又足料👦🏻👧🏻話下星期又要再買糖水同公公婆婆食😋豆研心事 (沙田)📍沙田沙角街6號博康邨街市地下50號舖#糖水 #沙田圍 #沙田美食#美食 #推介 #hkfoodpic#hkfoodstagram #hkfoods #hkfoodlover #yummy #foodpic #foodphotography#foodlie #foodstagram #食 #hkfoodie豆研心事

📍豆研心事最近越來越多豆乳甜品，今次比我喺沙田圍搵到一間，附近既街坊得閒都可以去試下，呢間親民小店都主要做街坊既生意👅芋圓4號 $38呢個就有豆腐花做底，上面鋪左厚既芋泥，中間仲有仙草，面頭就係巨量芋圓，我再另加左煉奶，唔想食奶類既朋友可以唔加。豆腐花唔知係咪有啲黃糖呢，甜甜地，仙草都夠滑，芋圓比我想像中彈牙同埋大粒，都好大兜，夠哂滿足。👅鮮奶木瓜雪耳桃膠 $36想滋潤下既話就可以叫呢一個試下，我叫左熱食。木瓜都甜，雪耳同桃膠既份量都好多！呢一個甜品係女士恩物呀～👅紫米豆乳 $18最後叫左支豆乳飲，唔會太甜，紫米好香好有咬口，娘親都大讚～～

屋邨街市翻新，加咗冷氣， 乾淨企理咗， 落街買野都會入去行下，而家開埋小食檔更加方便。附近幾條邨好耐都無甜品店， 買菜時見到呢間甜品店新開， 買兩碗返去今晚做飯後甜品試下先！😋先試桃膠糖水， 一碗係黑糖仙草， 呢碗真係偏甜，可能我慣咗少甜。 另一碗係紅棗桂圓蓮子， 都唔錯。 其實兩碗都好足料， 唔記得攪下佢先影相， 每一兜有足兩個飯碗有多。 下次會再試其他 😁