SP Flower & Tea Room (太古城中心) (Closed)

今日Lunch 阿姐帶我哋去試新嘢！餐牌款式不多, 起初以為只有蛋糕, 窩夫, Pancake 食, 好彩原來都有意粉食嘅! 因為要留肚食甜品嘅關係,我哋4個人叫咗3一份意粉, 一份窩夫, 一份pancake嚟share! 雖然我哋只係叫咗3個餐, 但都送來4餐湯比我哋, 確係好!正餐食到尾聲時個肚都仲有啲空虛感 , 然後每人一件再食多件蛋糕咁就真係啱啱好喇! 另外, 不得不提佢哋嘅凍檸茶, 飲第一啖時我同同事即時對望了一下, 此茶底原來是非一般紅茶, 而是南非紫薯茶! 香味獨特, 鍾唔鍾意就見仁見智, 不過我就有飲晒嘅

行過見到間餐廳, 佈置雅緻, 淺粉格調, 舒適宜人勾起少女心, 就走入去試下佢個LUNCHSET餐都係三文治類, PANCAKE類同沙律類種類選擇較少包一杯細湯都一杯茶 118蚊起個湯夠香, 味道不俗, 真材實料, 唔係溝粉開水果D湯飲落仲咬到瓜菜碎!鮮果乳酪PANCAKE非常健康!!裝碟都算唔錯, 乳酪唔會凍, 食落啱啱好!! 女仔忌食凍野嘛! 呢個溫度啱哂我!焦糖醬溝埋乳酪, 甜度適中PANCAKE暖暖地, 味道一般, 普通PANCAKE一個, 冇乜特別南非檸茶, 香味獨特, 可以一試

之前試過SP Flower 係尖沙嘴嘅分店，好滿意佢地嘅食物同服務，只可惜週末去要限時90分鐘，坐唔耐。今次試下太古新店，可能位置比較入，唔當眼，所以2點幾walk-in都有好多位，員工無話限時，仲有lunch set tim😊我同朋友都叫咗雞扒，分別係配waffle同包，兩款都好味！沙律菜配日式芝麻醬，每片菜都均勻沾上醬汁，唔需要自己撈。跟餐有南瓜湯同咖啡、玫瑰薄荷茶等等餐飲，要轉整壺茶可以加$30。我地兩個人，入去時無咩人，員工好好咁畀我地坐最入面嘅四人檯，只係如果多人，要轉返檯。最後一直坐到夠都唔使轉檯，好舒服呀！😇最入面嘅位置充滿空間感，朋友話有家嘅感覺。