麻辣年華 (大壩街)

Open Now

Now Closed

今日同個食得辣既朋友去左荃灣麻辣年華食左個麻辣青春二人餐,有好多野食,食到飽飽~前菜係冰鎮藤椒魚皮魚皮爽滑彈牙、加埋滕椒辣油，有陣陣麻辣香，過癮好味！金湯酸菜江團魚好大盆既酸菜江團魚呀！江團魚煎香左，魚肉又嫩，仲有一大堆配菜：豆卜、金菇、洋蔥、薯仔，酸菜、好惹味！串燒拼盤(有生蠔、羊肉串、牛柳串、雞肉串、魷魚鬚)串燒拼盤都好貼心，有蠟燭烘熱住！生蠔鮮甜，其他串燒夠惹味十六香小龍蝦其實係我第一次食小龍蝦，肉質又幾甜，仲布粟米台灣腸等配菜，勁豐富至尊水果茶800ml大大杯水果茶，岩晒食辣野解辣，好足料，有:西瓜、熱情果、蘋果，西東，青檸，好清新話梅青檸梳打酸酸甜甜既話梅青檸梳打，炎炎夏日飲完好清涼不得不讚職員服務好殷勤又貼心，招呼同到成日同我地換碟，又會驚烤魚太多湯會滾瀉，主動幫我地畢開D湯先，大讚！

我們睇完戲後經過見到有一間..一直想試吃麻辣烤魚，以前我未試吃烤魚，決定去試試吃…入去環境…有霓虹光管..給我感覺..似80年代咁～我們點餐⋯有四種不同的魚(清江魚、江團魚、海鱸魚、海烏頭)，決定這條魚～～醫肚～～1. 江團魚 $298主菜既烤魚，包括金針菇、薯仔片、千頁豆腐、娃娃菜，我點小辣，怕我的男神吃不晒辣，揀小辣，烤魚來了，見到沒有乜魚骨，很好，肉質好嫩滑，真是好吃，烤得好，一啖魚肉真是好吃又滑！真是香口，十分好滿足！2.超值組合 $158串燒來了，共有45串揀中辣，咬一口有味道的辣味，烤得好～我們開始吃..串串上有嫩嫩的肉既肉塊，包括有芝士腸、粟米、雞翼尖、魚豆腐、魚旦、牛肉、豬頸肉、烤豆乾、…辣度勁香料味，好岩我吃～十分好豐富！3. Hoegaaren $68買啤酒500ml 店慶免費再送一杯500ml 👀

近年香港開左好多烤魚餐廳，今次約左朋友黎到荃灣大壩街呢間麻辣年華食晚餐，順便試下佢既烤魚同小龍蝦。今次我地試左海鮮烤魚套餐，感覺多野食同抵啲。冰鎮滕椒魚皮：魚皮好爽口，卜卜脆，小吃一流。串燒、生蠔：套餐入面既串燒有齊牛、雞、羊肉串。特別欣賞羊肉串，夠香而且有羊肉既羶味。至於蠔方面，都幾大隻，落埋蒜粒同蔥花好惹味。小龍蝦一啲都唔小，辣度可以自己選擇，每隻都啖啖肉！平時食開麻辣烤魚，今次試左店員推介既滕椒味烤魚，估唔到又幾惹味。泡椒同其他配菜豐富，有土豆片、豆卜、金菇、娃娃菜，仲有蝦同鮑魚添呀！條魚又大條，啲魚肉好似食極都仲有甘，好抵食！套餐仲會包大大杯水果茶！

朋友好想食烤魚，然後我們在OpenRice睇到這間「麻辣年華」，各款菜式都是我們想吃的，所以就預約一齊去食啦！我們叫了以下的二人套餐❤️江團魚+青藤椒(小辣） 江團魚的肉質鮮嫩，麻麻辣辣的味道，很惹味 。配菜還有鮮蝦、鮑魚、豆腐卜等….既新鮮又 豐富。🧡生蠔（2隻） 燒蠔🦪新鮮之餘，加了蒜蓉和辣椒，令到味道 更豐富。💛至尊羊肉串（2串） 羊肉串的味道比較濃郁，有一種獨特的香氣， 有些人覺得有點膻味，但我就是喜歡這種味 道。💚黑椒牛柳串（2串） 牛柳粒林林的，又入味。🩵计燒雞肉串（2串） 雞肉嫩滑，汁燒入味。💙烤魷魚鬚（2串） 魷魚新鮮💜暴力青瓜 青瓜爽口，酸酸辣辣，非常開胃。🩶至尊水果茶 800ml 水果茶有西柚、百香果、青檸、蘋果等…幾解 渴，又健康，食辣嘢必備之選。🤎西瓜啵啵冰 既消暑又解渴。❣️蒜蓉小龍蝦🦞 紅卜卜的小龍蝦，齋睇都很吸引。

最近一田特價，緊係要去買下平嘢，作戰之前梗係要填飽個肚所以去左荃灣廣場附近搵野食，呢間餐廳喺正荃灣廣場對面，行過都好香烤魚味道，所以心郁郁入咗去試吓入面都幾新淨又好坐，入面抽氣系統做得唔錯，食完都唔會成身烤魚味，呢度烤魚嘅款式都幾多，又有套餐，串燒，麻辣燙等。今日試咗個二人餐同麻辣小龍蝦，份量十足，食到勁飽🫣🤣💫燒烤拼盤有牛肉，羊肉，雞肉，魷魚，生蠔，我最鍾意生蠔同羊肉，生蠔夠大隻啖啖肉，燒到啱啱熟，配上蒜茸牛油，好味到想再單點🤣🤣 羊肉幾香羊肉味，加埋有羊脂肪，令成個串燒更有羊脂香味👍🏻👍🏻💫滕椒魚皮魚皮夠凍又爽彈，加上麻辣嘅醬汁，真係一個幾好嘅開胃小食💫麻辣小龍蝦份量好多，應該有成二十隻小龍蝦，而且個麻辣味都好香濃，小龍蝦既肉都會有少少麻辣味😋😋💫蔥香紫蘇烤海鱸魚海鱸魚有預先烤過，表皮上有少許香脆，好香既孜然粉味，海鱸魚都好大條，又冇乜骨，基本上淡淡肉，職員話蔥香紫蘇葉呢款係新湯底，所以試吓，又幾好味，個湯底多左淡淡既紫蘇葉味道，又有麻辣同孜然味，另外仲有兩隻蝦同鮑魚，食得出都係新鮮貨😋😋💫至尊水果茶，百香果多多水果茶有唔同種類嘅生果，啲水果真係食得🤣🤣而且幾好味，絕對唔係裝飾品😹

母親節同媽咪一齊食海鮮烤魚套餐！真係食到停唔到口！😂🌞至尊海鮮烤魚🌞海鮮烤魚好豐富，內面有:鮑魚、蝦、金菇、娃娃菜，仲有主角江團魚！我哋選擇左青藤椒烤魚，魚面舖滿左青藤椒，越煮越出味！江團魚上枱勁大條，而且本身沒有幼細魚骨，魚肉外面脆，內面嫩滑，集鮮、脆、辣於一身，仲要越級入味，越食越過癮！👍🏻👍🏻🌞麻辣小龍蝦🌞小龍蝦又紅又大隻，蝦肉飽滿、新鮮！而且香辣味滲晒入蝦身，越食越想食，完全停唔到口！😍😍🌞冰鎮藤椒魚皮🌞一大碟藤椒魚皮，份量超級多！一d腥味都無，好爽口，口感好正！🌞串燒🌞我哋食左雞、羊、魷魚同牛！串燒都燒到外脆又多汁，勁juicy🤤🌞生蠔🌞生蠔大隻飽滿，鮮嫩肥美😍仲舖滿蒜蓉，好野味！好正🌞至尊水果茶🌞水果茶勁大杯，每杯用800ml，有百香果、西柚、橙、蘋、檸檬等，酸酸甜甜，又冰涼，食完辣野飲就最啱！🤤整體來講，麻辣年華嘅海鮮烤魚套餐真係份量好足，食到好飽，而且食物真係好入味，夠曬辣，好過癮！❤️❤️

今日我哋嚟到一間荃灣大壩街嘅一間四川店，入面主要食係串串鍋, 呢家介紹下佢啦。呢度主打既串串鍋味道絕好，而且種類非常豐富，最重要係平。我哋叫左呢到既串串鍋Set，百幾蚊就有成30幾串！麻辣味（微辣）加上啲新鮮嘅海蝦、魚豆腐、鳳爪、雞翼尖、腸仔、鴨胗、牛肚、牛百集、脆魚丸、西蘭花、海带、香菇、豬鎖肉、鮮鮑魚，啲食材幾新鮮，入口都唔會太辣，好適合麻辣控同串串鍋初學者。🔥🍤🍢🍗🍄🐷再黎試下其他烤物。烤生蠔啲肉質鮮美彈牙，好飽滿，重點係夠大隻；烤年糕啲外層烤得好脆，入口好Q彈；烤大大張豆皮啲口感有啲似烤薄餅，但係質感更加鬆軟，差唔多係最好味果隸；烤雞脾菇有啲香口，同埋唔會太乾，烤得啱啱好；烤饅魚串同埋啲其他烤串都唔錯，肉質好滑嫩，每一口都好過癮。加上微辣調味，味道更加突出。最後嚟杯飲品消消夜啦！我哋試咗吉禪金桔蘇打同全尊水果茶800ml，兩款飲品都好解辣，甜度啱啱好，適合搭配串串鍋。🍹🍉🍓總括而言，呢間串串鍋店嘅食物質素都好高，適合麻辣控同串串鍋愛好者。而且價錢亦都好平，可以嚟試下。

荃灣廣場附近對面餐廳林立，好近西鐵站幾方便。見到有燒烤店，有興趣試一試。店內裝修得很年輕化，有霓虹光管，打卡一流很豐富的一餐SPUN串燒組合45串 $158很Igable，最適合一班朋友吃，很多款式，有雞肉串、牛肉串、豬頸肉、雞翼尖、烤豆乾、烤脆丸、烤粟米、魚豆腐、芝士腸。每樣小小，共45串，不會過飽，可以吃其他食品。海鮮組合 $1682條秋刀魚、3條烤魷魚、3件烤鮑魚、3隻烤海蝦雖然有加味粉增加燒烤嘅嘢味道，但仍然食到食物嘅原有味。烤極品生蠔 3件 $86好多蒜蓉，燒烤生蠔好夾。燒烤後嘅好唔會太細隻至尊紅柳羊肉串 2串 $96黑椒牛肉 2串 $29兩款都很大串，本人最怕羊肉騷味，但這個羊肉串完全沒有，很好味。牛肉也很惹味，黑椒味不會搶過牛肉味，恰到好處。全尊水果茶 80Oml $48吃串燒必然要一杯大大的飲品，這個水果茶十分經濟百香果多多 $39很香的百香果，又不太甜。魚片+肥牛套餐鮮茄濃湯米線 $63 大大碗米線，因為朋友不能食辣所以安排走辣

展開復活節假期，沒有外出旅遊，決定留港消費！假期第一日梗係瞓到黃朝百晏，2:00落樓搵嘢食，決定食啲辣嘢開下個胃口！見到呢間餐廳幾新潮，就決定入去！難得放假，一於食豪啲！叫咗$598嘅麻辣青春二人套餐！包括1.至尊海鮮烤魚，2.串燒拼盤，3. 涼拌滕椒魚皮，4.兩隻蒜蓉生蠔生蠔勁多蒜蓉！夠大隻，好肥美！魚皮，夠爽口，又夠凍！份量都好多！串燒拼盤，包括兩串雞，兩串牛，兩串羊，同兩串魷魚！最好食係魷魚，好彈牙，唔un!!串燒嘅味道都幾好，唔係死鹹味！嚟到主角烤魚！我哋揀咗店員推介嘅青藤椒江團魚！條魚冇乜骨，又夠滑！食到尾都唔會鞋口！果然係好推介！飲品方面，揀咗水果茶，同百香果多多！水果茶有好多水果，藍莓，西柚，橙，蘋果，青檸！食住熱辣辣嘅嘢，配上喱杯茶！真係爽晒！

新開左間食麻辣野同烤魚既鋪頭，一於試試佢😋😋今日叫左個海鮮烤魚套餐（ 麻辣青春二人餐）特價$598！👍🏻鋪頭新開裝修都好有玩味，什至連杯野飲既裝飾都好令，打卡一流👍🏻首先上左個開胃小食先 - 冰鎮藤椒魚皮。撈埋少少麻辣汁非常之惹味。入面有好多青瓜絲，唔會有油膩感，魚皮都好爽好滑👍🏻跟住食埋個串燒，串燒用烤盤熱住，燒住食香只噴噴！依到有出面好少食既羊肉串，有少少羊肉羶味！串燒有魷魚，羊肉，牛肉同雞肉。但全部都唔同味，好香口，送野飲一流。店家仍有啤酒賣，送串燒都好正！👍🏻跟住上左兩隻肥大既燒蠔，用超多蒜蓉一齊燒，我係蒜蓉迷，所以覺得一流👍🏻😋成啖蠔撈埋蒜蓉食，滿口都係蠔汁同蒜汁，好香。蠔亦都好新鮮，就算燒完都仲係好肥美👍🏻👍🏻👍🏻重頭戲一定係個烤魚，店員話係江豚魚，有成兩斤重。條魚一開二，勁大條，冇乜魚骨方便食👍🏻肉質勁嫩滑，魚皮都好滑，一啖湯頭一啖魚肉，正！👍🏻個湯十分鮮甜，酸酸辣辣好開胃！上面亦有蝦，小鮑魚。下面就有金菇，娃娃菜同豆卜。全部都好吸湯，個湯真係好味到可以飲晒佢🤣🤣👍🏻叫左杯800ml水果茶，好豐富，有西瓜百香果橙等等…飲完食完仲有水果食👍🏻😂

餐廳主打烤魚同串燒，但黎款特色既串燒就未試過，所以今次就揀左串燒。入座就送上前菜擺竹籤用串燒超值組合 $158 （45串）黎個串燒組合真係好抵食，雞肉串、牛肉串、豬頸肉、烤雞腎、烤豆乾、烤脆丸、烤粟米、魚豆腐同芝士腸一共45串，計返唔洗4蚊就有一串。串燒仲要左鐵板盛載，一直有餘溫 鹽酥雞 $48鹽酥雞得酥脆可口 至尊水果茶 $48食串燒唔少得野飲，黎杯水果茶大份量，足足800ml，而且水果量十足，淡淡茶香再配以水果既香甜，夠晒清新 百香果多多 $39百香果酸酸香香，夠晒開胃消滯 😋整體食物質素：3 / 5💰性價比：3 / 5👍推薦指數：3 / 5

#ftf_荃灣窮人恩物 超值午市套餐糧尾冇有怕！黎麻辣年華，保證食到你花樣年華！午市套餐$50有找，升級加埋等緊大大杯先大約$20 ！真係抵到爛！想再好啲，食埋串燒先加$10-20不等！呢個價錢食到你惹火又夠惹味！價錢貼地，裝修環境精美又乾淨舒適，真係超抵！魚片套餐 $48⭐️⭐️⭐️⭐️見佢有隻手指公推介，當然要試一試，果然口味夠正宗！金湯酸菜，湯底清甜，薯粉煙靭，配料豐富，魚片新鮮，厚薄剛好，份量果然夠大方！肥牛套餐 $48⭐️⭐️⭐️⭐️肥牛都是多人喜歡的選擇，牛味十足，完全沒有肉質的硬度，口感非常好。淋上一層濃郁的蕃茄濃湯配上，蕃茄濃湯的味道酸甜可口，有著濃郁的蕃茄香氣，非常開胃，口感很棒，讓人食慾大開。配料有生菜、肉碎、木耳、豆卜，味道夠多層次！這些配菜的清爽口感和肉質的鮮美相得益彰，讓這道菜更加美味可口。百香果多多 $20⭐️⭐️⭐️⭐️這是一款非常清新、口感獨特的飲品。喝進口裡之後，會感覺到一種酸甜的味道，非常清爽開胃，解膩之選。這款飲品的甜度非常適中，不會太甜，也不會太淡，讓人喝起來非常舒適。總之，百香果多多飲品是一款非常值得推薦的飲品，口感清新、豐富，甜度適中，適合各種口味的人喝。至尊水果茶

原來哩間係新開嘅餐廳冇咩人評過咁等我寫吓啦寫少少背景，我本身都唔係好食得辣，最多都係微辣至小辣嘅程度。今次挑戰食麻辣烤魚，已經叫定一人一杯大大杯,,, 800ml嘅至尊水果茶!! 如果鍾意辣嘅食物，咁一定要試下嚟呢度食麻辣烤魚！條魚好啊，已經預先煎好，好香口而且好新鮮，唔係靠味精或者調味帶出嚟，本身都已經好滑，啖啖肉，size好似手臂咁長，佢嘅魚肉鮮嫩多汁，烤得啱啱好湯底仲有啲菜，包括豆卜、金針菇、淮山、黃芽白.....就可能因為浸得耐所以好辣不過食得麻辣嘅人就唔怕為味蕾帶來刺激同快感!!!總括黎講，呢道菜係好辣嘅人必試嘅美食之一。45串串燒! 都好好味同埋有趣嘅燒烤美食。串上有嫩嫩嘅肉塊、栗米、香腸、豆干、魚豆腐......全部都烤得啱啱好。味道香濃。串燒好易食 (除咗雞翼尖)，好適合一人一串。我地仲食咗個茄子小食，蒜蓉味好重，好特別係油D..最好食都係魚放食完嘅串燒竹枝筒都好靚呢

荃灣廣場 附近有不少特色餐廳，見到有間 麻辣年華 幾抵食就3條友去試吓，每人$170都唔洗幾抵。超值組合，小辣入面有45串唔同食物，有肉有蔬菜，辣度不高勁香香料味幾惹味。八珍海鮮米線，入面勁多海鮮而且新鮮，米線不少幾滑但感覺偏淋身，湯底辣度不高，配再叫個白飯變泡飯都好食。三隻小辣烤蠔，沒想到咁大隻不錯，食得出新鮮蒜味十足。鹽酥雞炸得幾香脆雞肉不鞋身不錯。飲品冇諗過咁大杯，百香果多多和青檸金橘梳打打卡一流，甜度可以，味道幾濃郁。