Springtime (Moved) New Location

上網搵到柴灣必食既餐廳，有次本身諗住夜晚去食的！但因冇提前訂位！結果上到去FULL左冇得食。終於星期六得閒去食午餐！午市開到3:00。個日叫左2個牛扒餐同1個意粉再加個豬仔脾套餐。有跟湯/沙律！沙係紅菜頭雜菜湯！好好飲！好多菜同紅菜頭！味道都好好飲！沙律🥗都好食！之後來左2個牛！賣相都幾靚！但味道就唔好食！同平時食既牛唔一樣！我第一次食到咁難食既牛！好大雪藏味，連我個女最鍾意食牛扒都話唔好食，好失望對塊牛，但意粉係好食既！好有味道同好多汁！嗰個豬仔脾套餐加配埋呢個黑松露薯條！豬仔脾啲肉都幾滑，都幾入味,黑松露薯條都好好食，薯條上面真係有黑松露醬。總括嚟講個湯沙律薯條其他嘢都好食既！係個區好差！大家去到就可以食下其他嘢唔使嗌牛。

是咁的 最近已經厭倦食小西灣附近嘅餐廳同事提議不如試下去柴灣發掘新嘢咁就揀咗呢間位於工廈入面嘅餐廳雖然工廈外觀殘舊 但去到餐廳門口恍若身處沙漠見到綠洲咁 餐廳同隔離單位如霄壤之別中午餐牌牛扒嫩口唔韌又無羶味/雪味  咬食落仲有少少肉汁流出嚟幾juice薯條即叫即炸 酥脆好味叉燒軟嫩多汁 炒什菌清淡中帶一點香味很易入口燒春雞皮香脆 雞肉香口嫩滑 再配上醬汁令人回味無窮只是份量比較少 建議另外再加配其他小食味道清甜入口無酸味但可惜分量不多好快飲曬以咁嘅價錢嚟講呢間餐廳質素相當唔錯希望以後都可以keep住水準

平時去開小西灣，搵野食真係一個超大嘅難題，就係咁樣就激發起我要行均柴灣搵好味嘅野食。依間餐廳喺一棟好Up Dup嘅工廈入面，一開頭我都諗:得唔得㗎依間野。。。但係一出𨋢見到間餐廳係乾淨企理，環境都唔錯，個心就定番啦。依度嘅午餐周不時都會換，由burger到据扒都有，搞到我都揸唔定主意。今次我叫左牛扒餐，雖然98蚊係貴左啲，但係塊扒無雪藏味同羶味，亦唔會過咸;切落去唔會韌，啱啱好👍🏻。太陽蛋正常水準，法包脆，薯仔新鮮炸起，熱辣辣。但係最正嘅係中間點牛肉嘅汁，唔太鹹，點牛扒同薯條都好好食😋跟餐可以配湯/沙律/凍水果麥茶，我今次就揀左最後嗰個。其實佢係麥茶底+鮮橙，麥茶淡淡地，加埋橙又估唔到咁夾喎，值得一試。同行fd子點左半隻燒春雞，強烈推介！！！肉嫩多汁，完。柴灣原來係有好西㗎！😭

偶然發現呢間喺工厦內嘅西餐廳，距離地鐵站只係幾分鐘嘅路程，而且見到openrice食評唔錯，去開柴灣，所以試吓。店內座位不多，大概有三十個座位。食客須以半自助形式，自己去收銀處先點餐、付款，然後就會有服務員將餐送上。食物方面，有漢堡、飯類、意粉、沙律、甜品供選擇，可照顧不同口味。我地一行三人，叫咗漢堡、羊肋條飯、燒春雞、心太軟。羊肋條煮得夠冧，大概有4~5條，味道清而有羊味，下面配有蔬菜，仲有隻太陽蛋，很好下飯，好評。漢堡份量足，肉質及調味一般。反而松露薯條更香脆好味。燒春雞雖然寫明係半隻，但size真的非常細小，幸好薯條夠份量及好味搭夠。心太軟雖然要等二十分鐘製作，但非常有水準，好好味。柴灣區內餐廳種類不多，如可稍微提高食品及服務質數，必可獨當一面。BTW,我對此店表示支持💪

In a part of town not known for Western food, hidden in the third floor of an industrial building lies a very good restaurant. It’s casual but clean and cutely decorated. Service was fast and friendly. The chips could have been a bit crispier but the food was well prepared and of high quality. We’ll definitely be coming back.

平時返工食lunch，都幾鍾意嚟呢到食，好難得有cafe㗎呢到~呢到環境好舒服，皆因好多綠色嘅植物，感覺好清新!同埋呢到嘅menu久唔久就會轉一次~幾有新鮮感。而到喺半自助形式嘅，揀咗要食嘅野就可以直接去點單果到比錢，佢會比個定位器你，之後就會有人送餐去你個位到架啦~今次試蕃茄蟹肉天使麵，蟹肉都算多嘅， 而且有蟹味又夠濃。佢仲有好多蔬菜喺入面架，撈埋啲意粉食都好夠味。我最鍾意佢少鹽少油，覺得幾健康，推介比上班一族。呢到Set lunch可以跟沙律/湯/凍果茶一杯，而且免加一。

If you are planning to visit the restaurant on weekend, I am afraid you might be disappointed unless you have a booking.Springtime is something you have never seen in Chai Wan and it give us a big surprise on its suppers.From the punkin soup to the main dishes, bbq pork and roasted chicken with fries, are delicious.Highly recommend it!!

好耐未踏入過柴灣區，為左唔想大肚婆周圍走，地點已近佢為大前提。估唔到今次有驚喜餐湯係南瓜湯，主菜係燒豬肋骨併黑松露薯條，豬脾豬肉絲意大利飯，大啡菇意大利麵，豬肉菠蘿漢堡包。甜品有朱古力心太軟同apple crumble。全部主菜都幾出色，分量足夠。由其係意大利飯同漢堡包裏既豬肉絲，煮得好入味，但又不食過咸。而且意大利飯都有唔少蔬菜，平均返個白汁既濃味。甜品方面，朱古力心太軟有流心郊果,味道冇過甜。返而apple crumble 落得太多粒粒，本身蘋果涵既甜度係啱啱好，但佢d粒粒太甜，如果少少少甜會更出色。總結：百幾蚊食到性價比好高既一餐，不過佢只收cash同octopus

放假唔煮飯，因附近餐廳選擇多了不少， 今次試呢間西餐。工廠大廈入口是在卸貨區， 這裡升降機是自動開關，不是舊式要趟閘，方便多。入到餐廳，空間好闊落，環境好舒服。 只有兩人負責的餐廳好忙，客人要自己去柜枱落單及先付款。 餐牌好清楚，很快決定選餐甘荀湯，好creamy, 唔錯龍蝦汁大蝦海鮮意大利麵，以為只有一隻蝦，其實麵內仲有蝦及蜆肉。卡邦尼長通粉 +$12 烤雞片雞胸肉好嫩紅酒牛肋條 配 黑露 薯條 其實个汁配法包，好个蒜蓉包角落有得意擺設， 簡單令人放鬆。咖啡好香，不用加奶都好飲。但咖啡奶是温的，要加分。配這超好味 心太軟 好欣賞這樣的餐廳。

柴灣工廈其實都有幾多高質工廈cafe同餐廳~ 呢間就係其中一間啦! 環境好舒服 坐耐少少傾下計都得 價錢相宜 而且食物質素不錯! 主要係食西餐 夜晚有set dinner 都係$70起 包餐湯同餐飲~ 黑松露醬什菌大蘑菇忌廉意大利飯（$98）（8/10分）呢個意大利飯好啱菇迷既口味! 黑松露味道好香濃 除左飯面既大蘑菇之外 入面仲有大量既什菌 菇!全部都係菇呀！整個飯好creamy 意大利飯既生熟度都啱啱好 最驚就係太生既飯 香港人食唔慣真係會食到胃痛焗蘋果金寶伴雪糕 （$55）（6/10分）每次見到Apple Crumble就會忍唔住叫 但係整得好食既真係少之又少 呢個亦只算係普通質素~ 肉桂味道夠香濃 crumble都好脆 不過整體有d過甜 蘋果亦煮得唔係咁夠冧 同埋始終中意碎d既crumble

之前食開柴灣運動場及NGO主理的好西，但過完農曆新年就執左，所以就要在柴灣另尋好西，之前見柴灣人介紹了好多次, 就在3月頭來試試假期工廠大廈要登記身分證才可上樓，好彩看更伯伯好有禮貌，好好傾上到去環境唔錯，又唔算多人，好快選了高枱坐下，有侍應馬上送上餐牌，原來要自己出櫃檯先下單，又見有取餐位置，應該繁忙時間要自己取，但可能當日少人，他們提供了送餐服務，感覺更好。最先送來是南瓜湯，好味好rich, 細食的飽了1/3之後送來的是紅酒燴羊肩肉飯，配了太陽蛋多士及橙汁，驚喜就來啦，一口咬落件羊肩肉，係馬上令你要同朋友講好淋好juice呀，係完全估唔到的，呢個飯好快就只剩空碟，汁都好味到撈左飯跟住送來牛排配黑松露醬薯條，牛排本要7成但最後變了10成，幸好唔太鞋，味道ok, 如果7成的肉質應該好味更多而黑松露薯條，雖然眼見好少黑松露醬，但幸好也算鬆脆及香，如果可以將黑松露醬放在cream cheese 做點醬可能更好食呢間會再返來的，希望可以長命d

奶奶60大壽，又唔想老土，又要坐得舒服，又要影到大合照無柱位，佢親自揀左間樓上cafe，估唔到氣氛會咁好✌🏼🎉🎉🎉店內嘅佈置好簡潔，我地加啲汽球、橫額就已經好足夠，兩張長枱，坐滿30人都好鬆動，啲親戚朋友食得好開心，傾幾耐坐幾耐都得🤪店員都好好招呼，我地想幫手上菜佢地都唔好意思，雖然係工廈，但係招呼搭夠👍🏼野食都好有水準👍🏼👍🏼👍🏼朋友話呢個炸雞超好味👍🏼👍🏼👍🏼而我就最中意佢地送嘅甜品，超好味😍🤤好重料！仲有好多食物upload 唔曬🙈

柴灣有很多工廠大廈，但這些工廈不像觀塘區那麼活化了的工廈那般熱鬧，所以連餐廳也是在商場的連鎖餐廳較多，但又怎會甘心去到老遠的地方結果午餐只是麥記SAM哥或雞爺爺吧?結果找到這家在工廠大廈內的餐廳，既近地鐵站，而且環境舒適，不過稍要注意的是餐廳午時只運作到三時，錯過了便要晚上六時才可光顧~由於過了最繁忙的午餐時間，所以場內的食客大多都是食飽聊天，站在收銀處邊看著餐牌感到很是懊惱，因為很想吃漢堡包配薯條，但又有些喉嚨不適；西式飯及意粉當下又吸引不了我…(人類真是矛盾得很的生物LOL…) ，最後很健康地選了滷豬軟骨飯伴溫泉蛋($55) ，可是天氣太太太熱了，所以忍不住加配了凍荔枝紅茶(+$10)拖著又熱又餓的身體在高枱上就坐，還沒有吃的就唯有靠著音樂這精神食糧撐著，不過店員很快便奉上杯子沙律菜，沙律菜很冰凍，所以吃了很快便透心涼了，只是底部那黃黃的沙律醋實在是酸得要了我的命，要飲了整杯水才得以解脫…😖😖😖主菜很快也接著而來，一看到我是呆了兩秒，因為我以為的溫泉蛋是像日本拉麵店那種實蛋白半流心蛋黃，結果我錯了…整頓飯都努力以不弄穿這蛋為目標，結果我又錯了…那可怕的蛋黃跟滷汁幾乎混成一體時，要快

柴灣區本身比較少西餐廳或者cafe,今次特地嘗試工廈入面既springtime,星期六，日都照常營業，餐廳既位置很方便（係恆生銀行隔離），離地鐵站5分鐘左右!呢間餐廳半自助式，客人需要自己到收銀處購買食物同飲品先，再由侍應送餐給客人!今次我地就叫左黑松露野菌飯，朋友覺得黑松露味道不夠強烈，另外我地叫左美式bbq豬排骨加黑松露薯條，共有七塊豬排骨，但係比較細塊……以118蚊套餐價黎講，有d唔值，不過味道係唔錯!至於黑松露薯條，可以加多少少黑松露粉啦!如果係男士食呢個餐既話，就會唔夠飽!不過呢間cafe係一個好岩傾計既地方，感覺係好relax及支持環保既餐廳!我都係第一次見餐廳使用鐵飲管，而非即棄既飲管!整體既味道係唔錯!如果係柴灣人而又想食西餐，呢間餐廳都值得試!

係附近做完野，想搵個地方同朋友食飯方便傾下計，於是搵到呢個位於工廠大廈上既CAFE，地點好近地鐵站，2分鐘內到達，好方便。一入到去，唔使等位，估唔到都有唔少人，唔好睇工廠大廈外面甘舊，入到去同出面既感覺好唔同，自成一角甘。不過我無影到入面環境，燈光都幾柔和，真係幾岩傾計。埋位坐低左，店員會俾餐牌你，之後，你要出去叫餐，同自己拎餐，好似快餐店形式甘。不過，店員都表示，如果唔係繁忙時間，佢地都會儘量幫忙送餐。呢個加分。我地分別叫左2個餐，一個手撕豬肉菠蘿漢堡，同一個黑松露蘑菇意粉。先黎左個餐湯，係蕃茄蔬菜湯，個湯就麻麻地，我食到有沙粒，味道是小小酸，唔係濃湯。主食，黑松露蘑菇意粉，的意粉汁調味都夠，有濃郁既忌廉味，松露味就唔係好出，份量都幾足，蘑菇上有菜苗仔，有好多小蘑菇係底。之後，黎左個手撕豬肉菠蘿漢堡配薯條，漢堡材料有紫洋蔥，生菜，菠蘿，蕃茄，豬肉餡都算多，不過略嫌有的干，可能豬肉沒有肥肉的關係，應該都幾岩怕肥既女仔食。如果可以有的醬俾人額外揀加就好啦。個薯條有的諗，唔夠脆香。個包有烘過，是偏軟身，夾埋一齊食，味道都幾清新，唔膩。橙汁無挑剔。總結一下，送餐都幾快，食物水評都OK，店員都