赤柱餐廳 (Closed)

工作中的「快飯」。是日「快飯」是枝竹牛腩飯：相比起同事叫的「快面」，真的快足三倍- 不用三分鐘便上檯；相比起同事叫的「快面」，真的大足三倍- 你見過猶如手臂般粗的牛筋嗎？這張圖，取材已盡量「降低」個volume，但看似仍很震撼。老火牛筋腩很入味，味道也調得不錯...只吃牛筋腩，不吃枝竹，不吃米飯，已飽得過份。咖啡還是一貫老茶的大cream 咖啡，幸而喝到午飯的最後一口也沒變酸。以一個旅遊區而言，這個價錢，這個份量，還有這個質量，太過份了。

到赤住吃中菜我推薦到赤柱酒家,好味足料足份量,好多街坊客,不收加一,地方雖細細,但菜色多.....推介:炸子雞,咕嚕蝦,海鮮豆腐羹...他們晚餐時間送糖水,記得留肚...因為我到訪多次他們的糖水都有頗水準,好味又抵吃的地方

以前入赤柱都會在這裏食飯，貪佢味道好，即叫即炒，價錢又相宜，但今次卻遇著一個態度好有問題的侍應，令我對這食店的印象大打折扣！話說有一位四眼的哥哥幫我們落單，我們正在七咀八舌地討論著要點什麼菜，誰不知那位哥仔好不耐煩地搭訕說：點菜麻煩對著我說，否則我不會替你落單！當時店內只有一兩台客，又不是繁忙時間，要這樣不耐煩嗎？而且他還落漏了單，我想我們是去食飯，而不是去受氣的！

食物一般；店內充滿食客留下的煙味；午飯時間相當混亂；過路歇腳還可；專程到訪不值；屬中下級茶餐廳。

入聖士提反玩風帆，個心一直想著食燒味燒味燒味~，便lur著同學仔出去吃午飯。行了三個字終於都到，大汗搭細汗，入到餐廳佢話我地濕濕要坐出面。(唔係掛，來都是為了冷氣，我地又無濕到滴水)，跟住佢先換d圓給我們。還說他們的是絨毛不可以濕水(跟本就不是絨造)。坐下叫個乳豬雞飯，今‧天‧沒‧有‧燒‧味‧飯？噢... 星期日公眾假期無？無可能，上次我都係星期六和日來的!!!! 一心來吃卻沒有，不高興，求祈叫了點便算了。

自從做野後都冇黎過今日呢種天氣至適合去下郊外專登搭車入黎行個圈中午黎到未食野朋友仔選左呢間試下叫左個菠蘿炒飯,錦江海鮮豆腐煲同凍檸茶兩杯全部食物都係即叫即做所以都要等左十幾分鐘先有得食不過至抵讚係叫佢少油真係做到少油但仍然好好食菠蘿炒飯($55)～呢個好得，原個菠蘿咁上，有好多料o係入面，包括新鮮菠蘿肉,臘腸粒,雞肉，蝦仁等等．．．．．炒得好香但唔會油淋淋，味道o岩o岩好，食到菠蘿鮮味又有少少咖喱香味，兩個人share o岩o岩好錦江海鮮豆腐煲($55)～呢個用細鑊上，好多豆腐，海鮮都係新鮮材料，但份量就少ｄ，有魚柳，蝦，鮮魷，另外仲有ｄ炸過既筍，味道ｏｋ啦，無菠蘿炒飯咁得！凍檸茶～一般茶餐廳茶色，但唔知點解叫兩杯，入面既檸檬片數目會差兩片咁多！食食下有兩個外國人搭檯阿叔ｄ英文好得好細心咁介紹ｄ食物俾佢地又話包佢地好食唔好食包換俾佢唔好睇佢地個樣好似好惡但服務真係唔錯有問必答而且反應快但講真茶餐廳黎講都唔平味道4分係俾菠蘿炒飯既!

除左太興，我以前係唔食燒味飯的。這餐廳食過兩次，我都係食燒味飯，兩次d 燒肉皮都係脆的，其他叉燒、雞都ok。玩完watersports 出去食lunch，成身濕濕的都可以食，店外有台丫~ 廿八雙併連熱飲

兩條友去左赤柱,d野好似幾貴又唔知邊間好,平平地去左間茶餐廳,佢d檸水幾好飲,d飯都ok,不過環境就嘈d囉....

佢地呢到d野食夠鑊氣!有水準.

菠蘿炒飯勁正!!連我平時食午餐都冇乜胃口既人,都食咗起碼四份之三,這個炒飯可供兩位用,五十多元.另外,魚香茄子飯亦好正,夠鑊氣!!去親赤柱我都會幫襯呢間,因為佢地d食物有水準!有機會會見到李麗珊係個度食野假,我見過兩次啦.

服務一流!