魯一居利寶閣宴會廳 (Closed)

太太喜歡吃火鍋和羊肉, 看雜誌說魯一居有任食火鍋所以想試試,因為可以同時滿足她兩個願望. 最初時感覺奇怪的是標榜山東菜的中菜館做火鍋會有什麼特別呢?依我所見有以下的特點:-1.火鍋不是一般酒樓所用的平底鍋而是像中國北方所用的燒碳模樣的火鍋爐,但當然不可能燒碳吧.但我的意見是請大家小心那中間像煙囪的部分,因為當我把羊肉不小心碰到該部分時會被撚住,證明溫度很高,要是手指碰到一定非常危險.2.一碟海鮮拼盤是送的,內有生蠔,青口, 帶子和魷魚等,份量也不小的.3.我們當然要多點羊肉和安格斯牛肉,應該它們是此火鍋的神采所在.我覺得羊肉很不錯,味道很濃而且沒有太多脂肪;安格斯牛肉就比較瘦,只有少許的油花在頂部,但對我們此類喜歡吃牛的人來說也不算太難接受.4.吃火鍋可以自己”撈”調味料是一大樂事,根據自己喜歡的口味調配不同的味道的SAUCE就像自己製造獨一無二的香水一樣的好玩, 現在只有一些比較大的火鍋酒家才有此安排與客人來自己搭配調味料.5.火鍋紙內可以點的食物不算太多,主要是肉丸類,菇類和菜蔬,但是特別的是多了具北方的餃子和拉麵類可以點選,最後更可以選中式甜品來吃,我推薦豆沙鍋餅,味道很好的.6

昨天晚上朋友幫我慶祝生日,因知道我好想食片皮鴨,所以來了這裏食飯,好開心可以食片皮鴨呀,我們四個人叫了一隻片皮鴨,因驚食唔晒咁多,所以另叫了一個肴肉,醉雞,跟住仕應推介我們食粉皮,所以就叫了一客試下.肴肉-好味呀,其中一個朋友好鍾意食,不算大碟,但都有十幾件的,肉不算肥,都幾廋,好味醉雞-呢個又係另一個朋友鍾意食的,幾入味幾重酒味呀,雞都幾滑粉皮-有紅蘿蔔絲,青瓜絲,雞蛋絲排得好靚,每種材料圍邊的,食的時候把肉絲及洋葱絲再加花生醬撈暈一齊食,粉皮好爽口好味呀,其它材料再加起花生醬都配合得好好,好特別的一道菜片皮鴨-好大碟配一籠薄薄的皮,有一碟蒜條,青瓜條,醬,將每樣野放一件再加些醬用皮包起食,d鴨都幾廋,好好味呀,都食左四五件,但我地四個人都食淨.呢度d服務都幾好,同埋都幾多人.

我與同事到九龍灣魯一居午膳，午膳後其間遇見朋友，他們吃罷後將收到的coupon交給我，而該coupon有效日期是由即日起，但當我付款時，收銀小姐拒絕收該coupon，當收銀小姐將事件交予一位姓柯的男經理處理事，該位柯經理好有分量說：『唔收就唔收，唔洗解』既然coupon沒有寫下當天不能使用，而coupon本身亦沒有條碼，一句說話唔收就唔收，今日的服務算什麼??

之前睇報紙好似好平, 去試下啦..點知除左清湯同芫茜皮旦湯之外, 其餘都要另外收費自助醬汁bar又冇寫明乜野打乜野...唔通真係樣樣試咩..丸類都幾好, 不過主打安格斯牛同涮羊肉有d唔對版, 第一次叫都好好味架仲放到靚靚咁...不過第二碟就麻麻喇...賣相仲放得好求其..抄埋一碟就算不過佢d菜肉餃真係好鬼正, 唔怪之得叫第一次佢先比兩粒咁大把啦.比較失望, 唔去再去喇....

其實想寫這店很久，總是沒有完成這篇食評，見到有食友寫開，自己也寫一下。因見到有涮羊肉牛肉任食和想試試涮羊肉所用的煱而來，一年之前也來過這裡吃小菜，於是就再來。那天全場坐滿，我們吃第二輪，結果沒有羊肉，惟有叫多些安格斯牛肉吧，肉質有不錯，沒死實實的，只是略不夠肥，但脂肪分佈尚平均。海鮮盤雖然有少見的螺片、蠔、帶子和蟹，但我最愛的蝦卻很少，honey又不喜歡吃螺，有點可惜。涮羊肉所用的煱用在煤氣爐之上，究竟有沒有作用，我有點懷疑，也算是玩一玩吧了。肉丸、蔬菜等要出外自取，被其他食客弄得有點零亂，我想還是由侍應送過來會好些。人手明顯不足，見他們大都走來走去，幾近沒法回應人客，我們取位時，連那知客也要幫手開枱呢。

仲有唔夠十五分鐘就過年! 為左等減價年花我決定寫埋個食評再落街 呢間係尋日同family睇完 IMAX BATMAN 去食既題外話BATMAN真係好好睇!!!!!! 我第2次入戲阮都覺得好看!!!仲要有 IMAX 既質素都只係五十元．大家唔好放棄重上畫既機會呀!講番呢間．真係有小小失望...我地一家三口既個人家庭團年飯...入到門口見裝修幾令．加上係海嘯下都冇執以為佢應該幾好食呀...點知..叫左個2人SET．有湯．有西芹蝦仁、有高力豆沙．有餃．有海參另外叫左2條黃魚．三色豆腐．叉子燒餅．一條銀絲卷同埋一個搶湯羊肉面個人認為西芹蝦仁．高力豆沙同銀絲卷最好吃黃魚．燒餅．餃同海參就不過不失其他都失望...ESP個羊肉面同豆腐..豆腐既source超酸...羊肉面苦既...真係苦...埋單竟然要440!! 我知我叫得多...唔可以叫貴...不過俾咁多錢但係冇樣好食...連小南國都係120一位喳!!! 而家貴左．又冇樣好食...我唔會再去...

睇完film一行三個人去食下野是夜叫左炒拉面 : 唔好食 膠膠地炒反: 炒得幾好食喎 但高層話阿二靚湯好食d小籠包: 好食only 三樣野唔知點解埋單 $230俾錢同事話唔愛check 單 ..............

朋友見到呢間店的食評幾好, 老遠走到黎一試見門口推介涮羊肉任食火鍋, 之前亦見食友推介, 又立即有位, gogogo~~~環境幾整齊, 唔算污糟, 任食部分用料一般, 就算加錢要的帶子亦係比較差的貨色反而贈送海鮮中的珍珠蠔比較好整體黎講, 用料其實同其他任食火鍋完全一樣...... 可能唔係好滿座關係, 呢度比其他任食火鍋店整齊乾淨是事實有要求或期望高就可以揀過第2間

和女朋友看完戲，讓我們發現了一間叫「魯一居」的山東菜館，被涮羊肉的poster吸引了，而且任食任點也只係$88一位場地環境氣派不錯，就算是任食任點也有很多種類，還送一大碟海鮮拼盤，有蝦有蟹有蠔有青口有螺片魷片..... 正!!! 還有九種醬料給我們混醬，更顯派頭羊肉不酥，肥牛不是太肥，但一小碟已經很多，但略嫌個湯底無咩味結果一打便打了超過2小時，吃得飽飽，很滿足，價錢都合理不過有一點扣分，就係埋單埋左好耐，相信係漏左我地單，整體上waiters的服務不錯，但估唔到追左兩次都追唔到張單，我肯俾錢但無人埋來收錢....... 所以扣分最後計埋茶及小食及湯底等結賬時約$133一位

今天同幾個中學同學去魯一居食飯, 個經理介紹新時令莱品, 叫全羊宴, 咁我地就試吓啦！頭盆有4碟, 其中有素鵝 - 幾好食, 芝麻西芹絲 - 非常醒胃又健康 (最啱我).跟住有琥珀羊肉, 這個菜呋道很特別, 入口時脆脆地, 又有少少甜味, 冇乜羊蘇味, 都幾好. 應該老少咸宜. 個羊肉湯, 是用魚和羊骨煲的, 魚和羊加埋真的很 "鮮".京燒羊腩和燒汁大蝦都唔錯. 我的同學一個人吃了5隻羊肉餃...非常厲害!!!最特別是 - 山煎羊肉飽 - 羊肉很有味, 飽煎得好香口, 國內師父真是零含不同. 這個餐for 6位用都只是$6XX, 幾低食. 還有打包明天午餐吃.

素鵝：很爽口，好吃。盤絲餅：特別，食得出師傅很用心的做，不錯。小籠包：好吃，肉鮮，湯甜，皮薄，推介。雞豆花湯：原來豆花是用雞肉打成，不油，比較清，但雞豆花很滑，得意。雲吞雞：不油，湯很香，很足料。高力豆沙：綿綿的，不會太甜。其實不清楚自己那壺是什麼茶，但好飲，好香。至於服務態度沒有其他食評說得那麼差，而食物也不會等太久才送上。

今天我和三位好友到Mega Box 聚會，酒樓門口貼上很多推廣，其中山東燒鷄魚翅餐4位，原價720元，推廣價498元，包括以下七款菜式：1. 素鵝拼水晶餚肉2. 紅燒竹笙鷂絲翅3. 山東燒鷄半隻4. 宮爆杜鵑蝦球5. 家鄉魚塊6. 素素蒸飽7. 高力豆沙香蕉感覺上有七款食品，一定足夠我們4個不是很大食的男人，不消十分錘己有五碟食品奉上，碟碟和一般小食份量差不多，每人每碟祇可食一件，山東燒鷂則可以，令我覺得很氣憤，所有份量全部都是4件，連廉價小棠菜亦衹有4件半邊伴住4塊約一吋丁方魚塊。整個套餐衹可足夠1至2個人，可能大家以為紅燒竹笙鷂絲翅值回票價，其實比一般翅相差很遠，感覺是滿口槳糊，翅毛都沒有。如果以原價720元吃這頓低質量的套餐，一定呻笨，笨，笨。奉勸大食者，切勿試套餐，祗可試其湯麵及小籠包，其它食品價錢比一般貴。

昨日去MAGABOX食飯，再去幫襯這間魯一居，食了高湯小籠包、盤絲餅、魯家魚餃、百頁小棠菜和魯家冷麵。冷麵雖然有些辣但就十分好味，小籠包亦唔差，反而盤絲餅就比以前差左小小，記得上次食時盤絲餅是要等的，食落十分新鮮，但今次就好快到，雖然味道還是不錯，但就少了份新鮮感，百頁小棠菜不過不失，魯家魚餃就完全唔得，冇乜味，以後不會再食。值得一提的是那碟餐前小食的豆腐，是乾豆腐拌麻油，好香好好味，不可不吃。埋單218，平日去MEGABOX人又少，又有3個鐘泊車，感覺十分良好。

星期六同女友試o下呢間餐廳,環境唔錯,但d待應真係唔得,又沖錯茶,又落錯單,唉~~!d野食,一般啦,佢果d麪太淋啦,反而d小籠包唔錯,d津白加火腿都ok,但怪味雞真係唔得,干真真,又冇味,食到成口炸粉,差!價錢偏貴,兩個人,差唔多300蚊,o廿既質素,真係唔值!

同2個FRIEND (HARDBOIL & KEITH) 去食晚飯~~其中阿HARDBOIL兄有砵砵車~~所以就黎左呢度交通唔係好方便平日好少去既MEGABOX~~去到見到有食山東菜既~~香港比較少見~~所以就試下~~叫左:山東燒雞--唔係好似燒雞, 似鼓油雞多D~~海蔘鍋巴--D海蔘少X到呢~~山東大鹵麵--D麵算幾彈口, 都OK鍋鰨魚盒: 其他野食好淡, 不過唔知點解呢個就勁咸~~蘿蔔絲鰂魚湯: 呢個好有HOME MADE既感覺, 幾鮮甜~~服務唔錯, 女服務生幾靚 , 不過D野食貴左D囉~~