明星海鮮酒家

Open Now

Now Closed

襯weekend放假同家人到明星飲茶.係大埔黎講, 呢間明星既點心質素都算係中上.當日嗌左我至愛既炸雲吞, 熱辣辣, 蝦肉需小但亦算彈牙, D炸皮好香口好味.但嗌左隻特價乳鴿就有D失望, 等左大半個鐘先到諗住會係新鮮炸起, 但黎到唔算太熱亦無咩肉汁, 裡面D肉有D乾同黑.

星期日外婆壽宴，到了廣福邨的明星海鮮酒家，晚宴每圍$1888（星期六、日及假期），訂了兩圍，6:30。 當紅乳豬全體，每次壽宴，必有乳豬，好意頭，外皮香脆，但肉偏少，味道不俗。 千島汁天婦羅蝦，估唔到有日式料理出現，比平時食的天婦羅蝦大隻好多，外層酥脆夠乾身，好大隻蝦，幾爽口，有鮮味，味道幾好呀。 碧綠花姿螺片，爽口彈牙，都幾香味。 鮑參燴翅，唔太足料，但味道不俗。 翡翠龍躉炒球，幾厚肉，但魚肉味較淡。 明星極品脆皮燒雞，皮脆肉嫩，幾好味呀。 枝竹雲耳蒸龍躉頭腩，幾惹味。 金瑤燴雙蔬，芡汁味道濃，鮑片薄。 鮮蝦荷葉飯，荷葉飯味道清香又惹味，好美味呀。 蓮蓉壽包，壽宴必有，味道普通。 環球生果盤，西瓜清熱氣。 食物味道不俗，見晚市做不少優惠，下次可來試下晚飯了。

集團果然係集團野食keep得到同其他分店差不多價錢好似仲平過大埔中心嗰間少少雖然裝修翻新咗幾好碗碟杯全新正常好乾淨不過啲坐位真係好窄可能呢間真係客多到要咁逼都爆滿