明星海鮮酒家

Open Now

Now Closed

1月1日，14:30和太座到數碼港看過"黃金革"後，便到這裡開餐。假日午市人不少，要等位。要了點心如下：1. 山竹牛肉：粉太多。2. 鯪魚球：有少許魚味，欠陳皮。3. 灌湯包：浸湯包，皮厚，餡料少。4. 蘿蔔糕：蘿蔔味濃郁，稍淋。5. 咖喱魷魚：咖喱香濃，魷魚有咬口。6. 鮮竹卷：油水足，粉多肉少。7. 蝦腸：冰鮮蝦大特賣，腸粉太淋。8. 蠔仔泡飯：蠔仔欠鮮味，肉餅粗糙。整體食味一般，和價錢成正比。伙計勤快。食店禁煙的第一天，感覺非常好。題外話：時光匆匆從身邊飛逝,轉眼便結婚20年了。人生還有幾個廿年？我祇可向太座說句：謝謝！

完咗畢業典禮, 回hku影畢業相. 一行十人想到西環找地方食晚飯, 結果選了打邊爐.這裡是任食火鍋, 一棚人去食晚飯的好選擇, 因為不用等位, 而且價錢又不算貴, 食物都幾新鮮. 我們點肥羊, 肥牛, 芝士腸,雞肉, 九菜餃, 墨魚丸, 黑椒牛丸,豆腐, 生蠔, 好多好多菜..... 每樣食物都好新鮮, 不過唯獨是魚皮餃怪怪地, 魚質比較散, 煮多久也是未熟的樣子. 一年多前我吃過大埔的明星, 魚皮餃也是有問題的.... 我想是供應商的問題吧!

好味!好味!環境好味道好服務好好抵食好乾淨

環境唔好，超嘈，TV 又開得大聲，令人覺得好stress... 食物普通, 但勝在午市點心選擇多...又夠熱服務就認真麻麻, 一坐低就狂催你開茶，問幾十次飲咩茶，有時都要諗咖！價錢Ok lar

而家$12碗, 之前$10仲平, 超大碗,佢叫泰式不過一d都唔辣, 只係比d醬你,有肥牛, 春卷同雜錦揀,呢個雜錦咩都有d, 牛丸, 豆卜, 羅白, 菜, 魚片同魚旦, 個湯就太味精..... 可以試下o既都

4 個人去, $37x 埋單...不過食野o既種類真係唔可以多,佢一碟o既分量唔會因應你係幾多人,我知我mom鐘意食餃, 佢有水餃, 菜肉雲吞同魚皮餃,佢一碟成20粒都有.......... 咁唔知仲可以食d咩...另外叫左碟獅子狗, 有2x條...菜肉雲吞, 牛肉丸同鯪魚球都好難食, 可以唔叫!!其他都可以, 不過如果少人order野食真係要小心d!!

環境幾好. 食物普通, 但午市點心選擇多. 服務普通, 有時沒人加水. 價錢可算便宜, 幾抵食.午市好多人等位飲茶.但上菜好慢, 要等好耐.晚餐試過幾次, 都幾好. 有些水準.晚餐都抵食.

本人與母親於下午二時半左右，至西營盤明星酒樓飲下午茶，其酒樓內的侍應及知客服務態度非常差，(第一)酒樓大堂內負責登記的知客，當客人向知客登記取位時，並未有詢問客人是需要吸煙區或非吸煙區位，求其給予客人安排座位便算及非常之無禮貌(第二)取得枱號後由電梯直上，由另一位知客帶位，點知到知客帶到一半路後，便用其手指一指之下就算數，並未有帶到枱前(第三)搵到紙上所寫的枱號了，原來此枱客人還未離去(第四)詢問待應如果此枱客人仍未有意離座應如何是好?其待應沒有禮貌地回覆，如此枱客人仍未離去將會安排另一枱就座，但是侍應說完此番話後便一走了之。真是氣結，收費平又如何呢?茶餐廳的服務態度都好過它又無須支持加一服務費。

主要黎食象拔蚌刺身同聖子王, 都無失望, 象拔蚌刺身很鮮甜, 而聖子王真的很大隻, 用蒜蓉蒸, 的確很好味. 但其他小菜的味道只係一般, 其中一味芝士花蟹伊麵底就十分唔抵, 超細碟, 得一隻蟹及幾”住”伊麵, 要六十八蚊. 這個價錢夠食兩碟小菜.另外, 上菜非常之慢, 仲哀過擺\酒…食完一道菜要等十幾二十分鍾先上第二道菜, 真係唔耐煩, 坐左個半鍾先黎埋最後一碟餸, 真係要改善一吓.

went to 明星have lunch with classmates..點心多選擇..有蝦餃燒賣外..仲有泰式湯粉,印度烤餅and other snacks...taste is just ok...but the price is really very cheap~

星期日晚同一班大學同學黎左呢度打邊爐,哈哈,今個星期第二次8:30先開始,雖然book左都仲要等一陣先有位...都幾旺場......大家一坐低就點食物,個鍋都未滾d野食已經黎晒,幾efficient下食物種類都算多,連我最鍾意既羊肉都有,真好~~~仲有蝦,肥牛,豬潤都好新鮮,魚皮都炸得幾好食席間有人牛一,所以我地訂左一籠壽飽,haha~~~新鮮出爐,好開心~~~加埋4-5 jar既果汁同壽飽,埋單都係$675 (9個人食8個人分),好抵呀!!!聽聞8:30後小菜都係$18,遲d真係要再黎試下

這間酒樓的食物質素是同區食肆中至好!!! 價格平宜,食物種類又多!! 平日下晝的外賣$ 10 有交易, 但飯盒不太好味,飯好硬+ 餸的選擇少~不過, 泰式湯粉就係本小姐highly recommended!!好好味!!父親節晚一家去明星慶祝, 食了5個餸 $400 sth 落樓,有生果送!!在節日,價錢+ 食物+ 員工服務都算不過不失!!順帶一提, weekend 同特別節日都勁多人, 所以最好預先book 位~~~

同屋企人，近近地在此食一餐. 4個人order:明星酸辣骨- 我最愛一味, 油泡骨加青椒及泰式雞醬炒埋一碟, 好正.蔥油雞半隻- 滑, 夠熟, 冰鮮雞半隻收你$38, 無話可說.北菇紅燒豆腐- 多左2棵"大"棠菜, 4條(2棵開半)已經佔了半隻碟.芝士烤餅- naan 加芝士粉, 普通.乳鴿2隻- 脆, 嫩, $19.8一隻.古法蒸桂花魚- 所謂古法, 是加上冬菇絲及肉絲, 炒後放上魚上蒸, 將豬肉的油滲入魚肉中. 今日條魚蒸得剛好, 岩岩離骨, 比昨晚利苑果條魚更好味, 真係激死.最激死者, 連汽水茶芥白飯只係$247埋單, 比昨晚平一半有多!

20050414 7.30pm因為大家都唔餓兼無咩胃口, 晚飯只是跟男友食o的小菜.2人吃-* 白灼東風螺($38) - 得幾粒螺, 點海鮮醬, 好在味道都算唔錯. 不過白灼都無咩可能唔好食wor其實.* 鹹魚粒炒時菜($38) - 問部長時菜有咩揀, 佢竟然答:" 唔知o架, 廚房比咩咪有咩lor" 吓?? 咁都得??! 味道一般.* 叉燒炒蛋- menu 上面無, 只係我突然間想食, 8pm order, 8.45pm 先上檯足足等左45 分鐘! 比我自己炒食埋走左添啦, 不過好在都好食o既, 但係叉燒炒蛋又係無可能唔好食的.本來想點的煲仔豉油雞已經無o左, 另外部長waiter 全部新人, 個個都戇居居十下十下咁樣. 唔知想點. 9pm 全場爆滿, 街坊酒樓o黎講算好唔錯了.埋單$160, 好似乜都無食過咁o既, 好在屋企燉o左糖水jet!

今日一家五口來到西環明星海鮮酒家同爺爺麻麻食晚飯,七個人叫了:<br /><br />﹙1﹚乳鴿一只(忘記價錢)<br />﹙2﹚片皮鴨$88 + 兩食$28(七彩炒鴨絲)<br /> 片皮鴨冇問題,但係用來包鴨個碟薄餅皮內竟然有玻璃!!!好彩爸爸吐到出來.但冇Complain.(怕之後D小菜會\"+料\")另外,包埋一齊食o既蔥唔夠(大概得六舊)要再Order.<br />﹙3﹚三菇炒時蔬$38<br /> 用咸蛋白炒金菇+冬菇+秀珍菇. 造法同金銀蛋莧菜差唔多,幾好味.<br />﹙4﹚西蘭花支片$48<br /> 西蘭花好翠綠,賣相OK.幾好味. <br />﹙5﹚薑蔥炒羔蟹仔﹙三只﹚$38<br /> 睇價錢就知道D蟹仔有幾蟹仔,但唔明點解會用隻大蒸魚碟上,好奇怪.<br />﹙6﹚啤酒一渣$20 + 白飯x 6個<br /> 埋單$450 * 送西瓜