星巴克咖啡

Open Now

Now Closed

自己選擇位置坐時， 這裏職員唔比坐，要留比4人坐，我諗無人鈡意坐路口位。 這時係1430-1445左右，不是lunch time， 最後職員口講的檯都係1個人坐左。Starbucks 比人感覺自在， 唔係茶餐廳，又唔係高級餐廳要訂位。為何有指定人客坐位呢？唔想當面理論， 不喜歡當眾嘈嘈幣，係這平台寫，其他人也知道。未去過咁差的Starbucks, 不去也不覺得損失。

今日放假，約左班朋友去葵芳行街同埋睇戲～～～太耐無行過街，又想去買下啲新衫😁😁😁😁😁😁行街就當然唔少得飲飲食食啦😂😂😂行街行到咁上下，大家都見攰，想搵個地透坐下、休息下、抖下.....咁就揀左呢間喇～～😄😄我都係揀返我最愛亦都最常飲既飲品👉🏾👉🏾👉🏾👉🏾Green tea latte👈🏾👈🏾👈🏾👈🏾😂😂😂味道一樣咁好味！！！有綠茶味之餘，亦都有淡淡既甜味，但係陣甜品又唔會over左，蓋過陣綠茶味😋😋次次去都係會飲呢杯～～真係無失望過👍🏾保持到水準🤗🤗

轉季減價潮開始, 同老婆大人走左去葵芳掃貨, 不論平貴都買到, 一條天橋管通兩個商場, shopping行到攰, 經過Starbucks見到出左新品, 我地就買左其中兩款試下凍豆腐花醇香鮮奶抺茶 $47中日合壁好特別，豆腐花細滑，飲落充滿濃郁豆香味，層次感豐富。芒果石榴凝珠洛神花星冰茶 $44 芒果醬max洛神花飲落酸酸甜甜，加入石榴凝珠，令口感好豐富，消暑一流。p.s.唔知點解search 唔到 starbucks free wifi

等睇「獅子王」，我們仨正在百無聊賴，what should we do ....走到 Starbucks 呷口 Cold Brew 之餘，再叫多一杯新推出的 "凍豆腐花醇香鮮奶抹茶" 大家 share 來飲 ~ Venti 杯用上一盒「山水豆腐花」，鮮奶抹茶是用上抹茶粉加鮮奶打成，茶帶醇味之餘，隨後是鮮奶的奶香混和豆腐花的濃郁，尾部可嚐出點點甘甜 ~ 若然是想喝杯甜飲品，這一杯應該不會是你的茶，因為整杯飲品是以綠茶為主 , 甜味是單靠豆腐花 ~本篇完 ~

每次Starbucks出新飲品都會好想試！尤其係星冰樂系列🤤夏天飲真係好爽好正！今次出咗芒果同馥莓石榴✨兩款感覺都係比較清新💖而對雜莓/酸酸甜甜毫無抵抗既我 即刻買咗杯MixBerry Frappuccino黎飲😝🙌🏻😍💜馥莓石榴凝珠星冰樂 (8/10) $47MixBerryfrappuccinowithpomegranatepears味道酸酸甜甜 有啲似乳酪 夏天飲好Fresh！馥莓味道濃郁 仲有好多粒粒石榴爆珠 幾乎每啖都啜到😛咬爆咗石榴珠配埋馥莓星冰樂好夾又好飲！唔會過酸過甜😋好值得去試！重點係杯野紫色好靚🤤💜

星期六早上大多數都會來新都會的這間吃個早餐喝杯咖啡。再開始美好的一天。這間咖啡是我試過那麼多家覺得沖調比較香的一家。其他家就見仁見智啦！我個人比較喜歡這家😝醃肉蛋的這個包也是我必吃的一款早餐。

Starbucks 近日粉紅（櫻花）熱，除咗櫻花杯，試試新產品抹茶紅豆忌廉花見星冰樂及草莓雪山Cream Puff，星冰樂味道不錯，雖然冇濃濃嘅抹茶味，但每一口都有好香的紅豆味，至於個雪山Cream Puff就⋯⋯比較伏！買嘅時候職員問我使唔使翻熱，我反問：puff唔係應該凍食嘅咩？ 職員答我：隨個人喜好冇乜所謂！一向食Puff都係凍，但試過Starbucks 呢款草莓雪山忌廉泡芙真係凍唔過😒😒😒，泡芙皮乾得嚟有啲硬，同坊間泡芙店買到嘅Cream Puff 簡直差天共地！可能熱食會好啲

只學生時代之後，已經好耐好耐好耐冇黎葵芳新都會呢邊啦，呢邊商場同隔離葵涌廣場係有條天橋連住嘅，通常啲人都會去隔離葵涌廣場掃小食，因為Facebook嗰啲隔幾日就會介紹嗰邊有新嘅小食，新嘅飲品，不過今次過嚟並唔係為咗尋找兒時回憶嘅，都係去Starbucks買杯我最愛嘅Green tea latte，靜靜地坐喺度，玩下電話，希望我朋友快啲收工過嚟搵我啦。好欣賞Starbucks係可以喺電話落單，唔駛等咁耐。

夫妻之間都要約會，hea下 .... 沒有甚麼目的，衹為坐下來喝一杯 ~紅絲絨紅莓慕斯蛋糕 : 慕斯的軟滑是帶有濃郁芝士味，紅絲絨蛋糕夾雜着兩薄層紅莓漿的酸甜，還未計算慕絲層內的紅莓乾果，咀嚼時果香滿咀，更突出芝士的香濃~凍飄雪特濃朱古力咖啡 : 外觀有聖誕氣氛，尤其是點綴在浮冰上的奶油山，覆滿很有聖誕色彩的脆糖及脆米粒 ; 喝口特濃朱古力咖啡會嚐有果仁香，咖啡的香氣與特濃朱古力能夾出平衡味道，沒有過份的甜膩，是一杯有性格的 Mocha ~本篇完 ~

Starbucks的薑餅人有兩款造型，還有心思地改了兩個可愛名字。縱然知道食味該是一樣，還是毫不猶豫地一拼買下了。薑餅人質感對版，是鬆脆曲奇，可是薑味與玉桂仍是欠奉。曲奇甜度不高，Coffreestains與朋友努力細嚐，方吃到一顆小小的薑粒。整體來說，《Starbucks》的薑餅人比《Pacific Coffee》的略勝一籌，但仍在水平之下。今次的薑汁鮮奶咖啡，無論咖啡味與薑味皆非常淡薄，質素比之前喝過的差，令人失望。試了兩款沒有甚麼薑味的聖誕限定產品，筆者開始懷疑自己的味蕾是否壞了。

今日約左朋友睇戲,但可能琴日太累好早訓左,今朝早左起身😁,咁咪早d出去睇下有咩好野食,黎到葵芳,其實都想去葵廣到掃下街,但太早又唔係好開胃,難得天氣又幾好,咁就去左starbucks坐下,過番個悠閒d既早上,點左個croissant, matcha latte🍵,慢慢上網睇下野,等個fd出黎,雖然唔係成日黎葵芳,但每次經過都見到好多人係到,好似開會既多,星期日早上時份,唔算多人,係窗口感受下d陽光,都幾舒服😊

知道Starbucks新出左仲夏系列，分別係杏脯蜜桃乳酪星冰樂同紅提子啫喱星冰樂，作為桃控嘅我當然要試杏脯蜜桃啦。等左一陣終於有啦，先睇個賣相，面層有有橙黃色嘅杏脯醬，中間有乳酪，底層有蜜桃啫喱加白桃果肉，真係靚到成幅晝咁!其實未影相已經忍唔住飲左一啖，因為未攪混嘅關係只係飲到個底，蜜桃味超香甜濃郁，啫喱同果肉好細粒，食落有啲咬口好得意，攪混左再飲，成個感覺唔同晒，桃同乳酪真係好夾，軟滑香甜又有啲酸尾尾，仲好香杏脯味，乳酪星冰樂比普通星冰樂更加creamy更加出色，所有野加埋簡直真係perfect match!推廣期間rewards 會員有得免費升級，用tall size價錢就有grande享受，用黎做lunch真係啱唔啱好!

早上喝了濃奶茶沒甚麼胃口，到Starbucks午餐也不想喝咖啡了。想找點清新的，就試試剛推出的杏脯蜜桃乳酪星冰樂，食品則點了檸檬薰衣草士干餅 。這個星冰樂冰感不太重，水滑質感。沒有Whipped Cream 感覺健康，但賣相確實沒平常星冰樂那麼吸引頂層是杏脯醬，不太甜但杏脯味不甚突出。中層的乳酪我選了脫脂奶，味道微甜超微酸，比我想像是酸酸甜甜醒胃的有很大落差。底層是蜜桃肉啫喱，白桃果肉份量不算多，啫喱亦不是Q彈的類型，食味不濃郁但添了口感。這杯新品口味比較淡口，沒有其他奶類星冰樂那麼邪惡重口味，對我來說頗失望。追求健康的朋友可以一試，但下次我還是喝回忌廉系列的星冰樂好了～SCONE是我在星巴克常吃的小食，這款士干餅上有白色糖霜塊，附紫藍色的薰衣草小花，最頂部放上一條蜜餞檸檬條，很有文青FEEL。翻熱了的SCONE微脆但稍乾，不過伴飲品吃還算可以。吃前和朋友猜想薰衣草會否帶人工肥皂味，結果原來薰衣草沒有任何味道，糖霜塊只帶輕輕的甜味。蜜餞檸檬條側是亮點，煙煙軔軔口感中帶點清新。檸檬薰衣草士干餅食味不算太突出，無甚特別，也只可說一試無妨。

百無聊賴 , 就坐低喝一杯 Iced Americano , 看看靚女 , 細看人生百態就是不錯 ~Iced Americano : 咖啡的味道真是千變萬化 , 同一公司 , 同一的咖啡豆 , 統一的製作方法 , 但不同咖啡師弄出來的咖啡 , 就是有著太不同的味道 ; 這一杯 Iced Americano , 入口味道清香亦帶點苦澀 , 嗅起來有一種帶有果香的香氣 , 酸度偏高 , 一直喝開黑啡的我就感到暢順 , 但若是喝開 Cafe Latte 的朋友們應該會感到不習慣 , 不過這就是 咖啡的 奇妙之處 ~本篇完 ~

可能是習慣吧，係好天既嘅時候見到Starbucks總想坐坐，相信係佢畀我嘅經歷一向都好舒服，好遊閒，所以每逢天朗氣清的日子都好大機會會去Starbucks! 其實我每次食呢到既cake都係揀blueburry cheese cake或者all-in-one bagel, 真係永遠都唔變，因為呢幾款係最好食嘅。記得由26蚊食到而家，確係貴了，但味道質素始終不變。個Cheese cake 味好濃，好有質感，上面既bluebuerry永遠大大粒又新鮮。All-in-one bagel有芝麻有onion, 焗完香到不得了，再搽上cream cheese, 簡直係一大享受!飲品方面我都會嘗試唔同既新口味，今次揀咗Macadamia Mocha Frappucino, 即係Mocho加咗nuts, 多咗口感，味道分別唔大，但都可納入我的好味之選