星巴克咖啡

Open Now

Now Closed

有抹茶嘅地方當然有抹茶控嘅出現見到近排廣告賣得好痕，Starbucks 新出呢杯抹茶伯爵啫喱星冰樂，就點都想試下今日同朋友仔食完Dinner自己喺旺角行左陣就嚟試下，順便食個甜品Order左杯+件Blueberry cheese cake後就坐低等blueberry cheese cake唔洗1分鐘就出到咁就諗住等埋杯飲品先一齊享用，點知等左成10成鐘都未聽到有人叫攞飲品，因當時無咩人，心諗無理由咁耐，點知行到埋去就見到我杯飲品放左喺度，𠱸知幾時出嘅咁算啦，攞左杯飲品就坐低享用，唔好影響心情抹茶伯爵啫喱星冰樂～抹茶味唔太濃，清淡啲，伯爵啫喱好似台灣啲仙草咁，食落好fresh但無廣告圖片咁多，大約佔杯嘅6分1左右，整體好味，如啫喱多啲更好

最近starbucks又有新口味，而且係全新感受，不似以為的口味，用多了茶款，我比較喜歡茶，所以正中我口味。雙重朱古力抹茶星冰樂, (特大$48), 雙重朱古力都幾重，以為會好甜，原來加左抹茶，所以甜度減低左。味道似平時的抹茶星冰樂，但加多左一份朱古力嘅香甜。不時似到朱古力漿，朱古力粉絲一定要飲。朱古力紅茶伯爵啫喱星冰樂 ，(特大$48)，更加清爽既星冰樂。因為茶味更突出，而且飲時會有好多伯爵茶啫喱，好滑溜直落喉嚨。伯爵茶味由其濃重，飲完都唔膩。

約左朋友去旺角, 朋友未到, 所以去starbucks坐下等佢.叫左一份藍莓芝士蛋糕, 唔知係咪放係雪櫃放得太耐, 個芝士蛋糕雪到好硬, 味道方面唔係太甜但係無乜芝士味, 但係藍莓雖然細細粒, 不過粒粒都好甜同埋實淨, 食落都算新鮮.

今日，我好肚餓一落車就仆到去starbucks 買野食!感覺上starbucks 啲野無咁肥。入到去就即刻衝入去叫沙嗲雞卷，因為沙嗲的野食多數唔會係伏。侍應為左confirm 我叫咩，叫我指番食物。由落單到俾食物不須5分鐘。(連埋叮熱食物) 雞卷有二件，都夠一個女仔的份量，餡料方有雞肉﹑生菜同紅椒;紅椒唔係一片又淋又軟的一塊;而係完整同生無疑的一塊:生菜無出現生金秀的樣子;雞肉已經俾人整到雞絲然後混入醬汁，雞肉就無咩味，反而醬就好似沙薑雞味，但又幾好食。

能夠繼續寫多篇「好友狂嚐曲」，當然又喺要多得好友嘅心意啦，送小弟一小包星巴克嘅意大利脆餅「Almond & Raisin Biscotti」，但亦有唔少人當佢喺曲奇。記得以前晌工聯會學整曲奇，教過依一款意大利脆餅，嗰時個阿Sir話，依款嘢做法似麵包，食落唔知喺餅乾，定曲奇，喺一種幾有趣嘅脆餅。基本嘅版本喺以杏仁為基礎，不過，依家有落果仁，有落朱古力，好友所贈嘅喺杏仁搭提子。一包有4條，個樣「膚色」 黝黑， 內裡有唔少杏仁同提子，入口脆脆硬硬，質感較為粗糙，好有質感，食落仲有少少果皮（唔喺中式陳皮曬乾嘅果皮，而喺蜜餞咗嘅橙皮），以及輕微玉桂味，不過，由於質感粗，唔喺人人識欣賞，故不妨浸浸咖啡食，效果不一樣。其實Biscotti喺意大利文，解作烘焙兩次嘅意思，即喺點解？小弟摷咗家中本「日嚐甜品2」（大坑Jam Bakery店主Anita所撰寫），抽咗製法嘅最尾一段俾大家參考，就明白咩叫做烘焙兩次。今次晌公司嘅蛇王下午茶就無沖咖啡，反而泡杯香茶，夾啲意大利脆餅又唔錯喎。