星巴克咖啡 (Closed)

My late dinner drink - green tea latte (grande size).Love the aroma and the richness of green tea. In summertime, my favourite is green tea frappe and now, green tea latte for no doubt.But, perhaps i'd shift to caramel macchiato in this winter~~~keke

曾經喺 Das Gute 買過一款朱古力古法冬甩，我同亞仔都覺得好好味，最近經過 Starbucks, 發現原來佢都有一款朱古力古典冬甩出售，由於有之前美味嘅經驗，所以立即選購咗一個。朱古力古典冬甩 ($17) --- 呢個同 Das Gute 嗰款有啲唔同，Das Gute 嗰個只係用朱古力覆蓋冬甩嘅其中一邊，但 Starbucks 呢個係全個冬甩都用朱古力冚住，朱古力味濃郁啲，雪凍食仲有少少脆口，但甜度亦相應提高咗，會覺得"漏"啲，有種甜到痺嘅感覺。 Starbucks 呢款整體嚟講不過不失，但價錢較貴，Das Gute 上次做 promotion, $11 兩個，依家就 $7 一個，比較抵食。另買咗一款蘋果酥冬甩 ($17) --- 賣相怪怪的，好似脆蔴花咁，外面有層薄薄嘅糖霜，但一啲都食唔出蘋果味，咬落去個冬甩煙煙韌韌咁，不過無古典冬甩咁甜，食吓食吓竟然有食緊牛脷酥嘅感覺。

實在係X'Mas 晚既食評,因為久久未能忘記, 於是決心記下 Lemon Tart : 自從食過某地方既Lemon Tart 之後經常心思思食, 今晚黎到starbuck 第一眼已經被黃到發光既 Lemon Tart 吸引過來 一不離二...... blueberry Brownie 同時送到枱前先從酸味入手, 樣子像蛋撻, 只是多了一小條Lemon 皮在面, 留到晚上既Tart皮明顯已淋, Lemon 酸味味, 味道okay, 但只是沒有驚喜 甜魔師兄師姐們 請告知何處搵到好味既 Lemon Tart ? Blueberry Brownie: 遠同近睇都無疑係一件朱古力 cake 但賣相討好, 像一間聖誕屋仔, 十分可愛 特濃朱古力加上輕盈的糖粉, Balance 一下苦味, 畢竟X'mas 都係應該甜多點 質感香滑實在, 柔滑感略迅, 中間層blueberry 果漿, 當然沒有流心感覺, 但一甜一酸, 味道夾到無倫 如果獨食真是難肥, 小女子願意接受這個咀咒

這是繼 Ugly Coffee Dome 後推出的類似包款，上面有一層脆皮，有點像墨西哥包，表面灑上咖啡粉，不過其實咖啡味道不重。裡面的咖椰比較像奶黃，椰香淡淡， 反而麵包本身夠煙韌好咬，配齋啡也是甜美的早餐。別看 house (drip) coffee 好像很淡，咖啡因有時比 espresso 底的咖啡還要高的。又，這分店有座位在店外，其實那兒人來人往也不怎麼好坐，不過有時有些長者走累了，在這些位子坐一下也無人干擾，可算是德政吧。

成日經過Starbucks,想試佢今季既"限定",今日終於走去試,點知...真 ~ 係 ~ 好 ~ 唔 ~ 掂!個薄荷朱古力咖啡一D薄荷味都無,朱古力味又蓋過D咖啡味,飲飲下仲飲到D好似朱古力粉既感覺,我覺得似淨飲用超市都買到既朱古力粉沖既朱古力多過係飲咖啡!浪費左我成三十幾蚊!好唔抵!好肯定咁講,唔會再試!!

想搵個地方溫書, 所以就走入是打北...原本想飲杯野, 不過見到有個新口味嘅scone, 我呢隻鬆餅怪又點會放過佢?!最後一件俾我要埋...哈哈~翻熱後餅面嘅topping脆脆地, 好似apple crumble嘅topping, 鬆餅本身就唔太甜, 主要甜味都係來自topping, 肉桂味適中, 不過蘋果味就少咗d, 都幾啱我呢d咩都要少甜嘅人食, 哈哈~

每次黎Starbucks都想試下Blueberry Cheese Cake，不過一個人食又太heavy，於是決定買番屋企同家姐share，順手買多個Chocolate Laminton味道不過不失啦，值得一讚係Blueberry好fresh，有口感~

見到有兩個新cake出左~反正要等爹地~所以同媽咪share食!!!一個係apricot tart~另一個係passion fruit cake~apricot tart面既apricot都幾甜~個tart都唔錯!!!不過overall比較甜..share會好d~自己食晒都幾漏...passion fruit cake相對黎講好味d~中間夾住d passion fruit sauce~酸酸地~中和下蛋糕既甜味~唔算十分好味~但都可以一試既~p.s. 0個度d service好好~~~

貪其整潔輕鬆的舒適環境，愛其咖啡、小食，也欣賞店員friendly而非假到出面的機械式禮待。磨菇芝士餡餅(mushroom and cheese pocket $17)外型有點似碎子包，烘熱的麵包皮硬身而帶煙韌，餡料簡單但磨菇與芝士幾夾，好食。加杯cappuccino($27)就是一頓滿意午餐。