星巴克咖啡

Open Now

Now Closed

早上叫了杯熱Green Tea Latte, 即綠茶鮮奶, 可惜綠茶味不夠, 反而太重奶味, 一般啦, 不過冬天飲完一杯好溫暖!

果日經過見到呢間店...覺得幾得意..第1次試=]淨係飲左杯朱古力咖啡...個人係朱古力愛好者..對朱古力陣味好敏感...好明顯呢杯冇咩朱古力味..不過都幾好飲既~有少少苦苦的感覺..買野果時個女WAITER幾好=]見我眼望望唔出聲主動問我想要咩..感覺幾好=]未試過D CAKE..下次去應該會試..因為果時岩岩食完LUNCH~太飽冇試到..哈哈..

新出未試過, $25一件, 可惜size偏少, 好似不太抵!個批基本上是好食的, 上面的菠蘿片配合吉士, 甜甜酸酸的好清新, 可惜是餅底太厚了, 佔了三分一都是牛油酥餅, 加上比較, 太多了. 如果增多些鮮果或吉士餡, 減少些餅底, 應更好更值.

今早買了個新推介的健怡藍梅鬆餅, $14一個比普通鬆餅貴$2, 應是所謂健怡的關係吧, 但可惜不太好食, 雖然內裡都有好多藍梅, 但個鬆餅比較淡, 不夠甜味, 亦不夠香, 都是食番普通款好過.

晚上經過見它已換了聖誕的甜品, 轉了幾款新口味, 買了個"低脂蜜柑芝士餅"($27), 貪佢叫低脂. 個餅是長條形, 面有兩片蜜柑及兩粒紅莓, 下層有芝士與蜜柑混合的餡, 底層是普通蛋糕, 整體都是一般啦, 不太特出, 雖叫低脂但食完仍有些漏的感覺. 價錢是偏貴的.

早餐買了個新出的甘筍蘋果鬆餅, 番熱後食, 面有一條條的甘筍, 紅紅色幾靘下, 食落反而普通啦, 不覺有蘋果餡, 可能已經溶了? 始終覺得藍梅最好食.

今次試"芝士蘑菇餡餅"($17), 這個真是好味過"西蘭花"那款, 芝士溶了混合蘑菇, 好夾, 個包有軟熟, 好好味, 推介!

要一早到屯門做嘢,誤打誤撞,見到Startbucks,雖然坐位不多,但勝在位處寧靜,縱使隔離係美心快餐,可能比較偏僻,無乜人幫襯,可以靜靜地享受一杯熱咖啡及一件Almond餅,很enjoy,下次有機會再去,但唔知識唔識路揾返.

好多甜點已試過了, 今次試它的包包, 選擇了素食之"西蘭花蘑菇餡餅", $17不算貴, 回家叮熱後食, 個包好香麥味, 因全個是麥包做的, 包皮有小小脆, 而內裡是軟的, 質感好好, 餡是西蘭花加蘑菇, 夠味夠清新. 總括是好食.下次會試同系列的蘑菇芝士味, 可能仲好食, 因有芝士做餡.

今次試了藍梅士干($12), 回家叮熱食, 好香, 質地較鬆餅硬身, 比較不太甜, 仲有好多藍梅肉, $12大大個算抵食. 不過下次都是食回鬆餅, 因個人鍾意較軟綿的質感.

上次試過籃梅覺得好好食, 今次就試另一款蜜柑鬆餅($12), 回家叮熱後, 明顯與籃梅不同, 面不夠香脆, 整個比較濕潤軟綿的, 內裡有些生果粒, 只覺一般, 個人比較喜歡香軟的.

聽個名以為是咖啡蛋糕. 原來是整個黃色的蛋糕, 不知那裡有"咖啡"的成份, 食完整個都沒有蛋酒或咖啡的味道, 只是似一個清蛋糕, 不太喜歡, 還要付出$24呢, 不值, 這次選擇錯誤.

上星期ｓｔａｒｂｕｃｋｓ在市中心開了分店，實屬驚訝！雖然本身不是咖啡愛好者，但那裡的小食很吸引我啊（特別是三文治～）。最後一件藍莓鬆餅給前面那位師奶買走了，唯有買同一價錢的蜜柑鬆餅。不知道是否隔了一晚，鬆餅變得好濕，林劈劈的口感，味道除了微弱的蛋味也吃到椰絲味；生果亦是一劈劈，有橙﹑菠蘿等，分佈為：面頭２粒﹑中間１粒﹑底部２粒。不知叮一叮它會否好吃一點？