火箭餐廳

Open Now

Now Closed

個人而言，入迪士尼都係陪女朋友架啦，所以有餐飽飯食好重要但呢間火箭真心抵食，叫左個double burger配辣薯條，女朋友就叫左個炸雞餐個double burger 係好飽既，夠熱，個肉都厚身，仲要有兩塊所以係滿足既薯條係粗薯條，薯條係粗身先好食既，辣粉都均既唔會一d辣一d唔辣，提一提，女朋友既炸雞餐內既原味薯條唔熱，係暖暖地既，薯條大忌唔夠熱丫。所以鍾意食薯條就叫辣薯條

同朋友入迪士尼玩 本身食左少少野先入去～但去到下午茶時間大家都有少少餓 又想坐下行到明日世界 就去左火箭餐廳叫兩個餐share食～🚀🚀🚀-元旦日去迪士尼竟然無咩人 同埋可能下午茶時間 所以都好多位可以選擇～～-一行4人叫左兩個牛肉漢堡餐同加左個芝士條漢堡無乜特別 比m記好少少 但絕對唔值呢個價錢 不過入樂園玩就無所謂啦🙂🙂芝士條諗住會熱辣辣可以做到拉絲效果可惜只係微暖 無特別😮‍💨

買咗套票入嚟感受吓迪士尼嘅萬聖節氣氛，樂園佈置得好靚，影相排隊排咗好耐，淨係排個南瓜都排咗20分鐘。排完隊有啲肚餓，特登上網搵定食評睇吓邊一間好食啲，入到樂園食物同飲品當然貴過出面，貴都冇問題梗係揀間好食啲啦。好多人都話呢間好食，呢個時間冇乜人快啲入去食返餐，我叫咗魚柳包拼薯條，落單之後唔使1分鐘，個餐已經ready攞得，心諗：有冇咁快啊！ M記都冇佢咁快！果然係迪士尼服務係唔同呀!坐低，快影一張相，即刻食條薯條先，哎呀!薯條應該放咗好耐，一啲都唔脆！特登揀啲細細條邊位嗰啲再試真啲，都係唔脆㗎！唉！食埋個魚柳包，塊魚柳都係唔脆㗎！佢係咪驚人哋熱氣，所以炸定放低一段時間先俾客人，咁體貼（曲嘅要說明)連杯汽水都汽㗎！成個餐要成$1XX，都已經收得咁貴，又唔係有人排隊，佢哋一啲都唔忙，點解要炸定㗎？好失望！睇定食評做資料蒐集，都好易中伏。。。。。。

中午時份，最好就係去火箭餐廳嘆返個新出既聖誕狂歡拼盤。個餐$188無得用會員優惠。加埋杯中可樂$25。總共$213。個餐有薯條、炸雞粒、炸魚柳、泡菜。混入亨氏蕃茄汁，咁就滋味無窮。成個餐好大份。三五知己一齊當下午茶咁食，都好抵。個炸薯條好脆，好食過M記。炸魚柳入口即溶。好美味。炸雞粒好重韓風味。上等雞肉。泡菜屬上等韓國泡菜。入口開胃。加埋杯可樂，可以將滋味無限擴大。火箭餐廳上午11:30開門。個人建議一家大細最好一早去到霸位。

香港廸士尼在政府疫情措施稍為放寬後，晚間城堡🏰煙花show已經重啟了，晚上8時準時開始。入園的廸士尼粉絲會早一兩個小時坐定靚位等待。不過等還等，在園內除了餐廳外，依然要長戴口罩。等到肚仔餓，坐在園外一邊食一邊等可能會比職員勸阻。而且小朋友企在美國小鎮大街看煙火，極有可能被前方人士遮擋。這次我無意間發現了火箭餐廳戶外位置，原來可以無遮擋坐近城堡，一邊吃，一邊欣賞煙火🎆。至於餐廳食物方面，除了炸雞薯條在水準之上，還有魚柳包，呈不規則的長方形，肉質和平時快餐店的正方形魚柳有些少分別，加上麵包🥯配洋蔥絲沙律醬，一啖咬，味道甚不錯。魚柳包餐定價$140，有會員全年入園證享75折，折後$105。

以往年少，就可以一早吃東西(breakfast+brunch+lunch)，吃到飽一飽先至入去這些主題公園🎑，然之後離場之後再出外面吃東西。但現在帶着小嬰，你不累他也會累也會肚餓🍸於是這次便在這間火箭餐廳試一試它的快餐。炸雞和麥當勞，麥炸雞有點相似，還減去麥炸雞的辣味，小嬰都可吃吃雞肉。但薯條就更見出色，夠新鮮，但又不算太鹹，而且外皮不算太厚。另外，漢堡的麵包，都有點香，小嬰也連忘搶吃；內裏的肉亦都蘊含些少肉汁，除此之外，就有些大量芝士，洋蔥以及蘑菇調味。以往讀書時見80-90元一個漢堡餐，當然覺貴；現在外邊求其一家BURGERMAN/嘉寶都要七八九十，那麽入到來即使見百二三蚊，都不會覺得特別過份大大舊的落單櫃、出餐枱，極之舊式般。大家一見到入去嗰邊，即是餐廳入去嗰邊，座無虛席，大感驚訝。我們推咗嬰兒車，更加不能走入狹小的通道，於是唯有叫外賣，拿着外賣的餐具。豈料！原來有另一邊餐廳座位區，發現了很多🈳位置，世事就是如此，未能解決的問題，原來換個角度，迎刃而解🤷🏾🥃

諗咗好耐好無寫呢篇好，最後都係決定要落筆😂細個去𝐝𝐢𝐬𝐧𝐞𝐲最期待就係食火箭餐廳個炸雞🍗今次趁𝐡𝐚𝐥𝐥𝐨𝐰𝐞𝐞𝐧都入去𝐝𝐢𝐬𝐧𝐞𝐲應節一下順便接𝐥𝐢𝐧𝐚𝐛𝐞𝐥𝐥翻屋企🥹 - ✤ 炸雞籃套餐 $𝟏𝟑𝟓 經過多年再次尋回童年味道與回憶，怎料一口卻係極度熟悉味道、口感以及油脂滿腔爆發😂老實說，真係同𝐌記一模一樣😂值得一讚嘅係新鮮炸起，外皮金黃酥脆，內裡嫩滑無比，入味如舊，好味😋 ✤ 惡人之光梳打 +$𝟏𝟓 友人話𝐇𝐚𝐥𝐥𝐨𝐰𝐞𝐞𝐧一定要𝐨𝐫𝐝𝐞𝐫啲應節東東🤩不過呢杯超級無敵甜嘅怪異綠色𝐬𝐨𝐝𝐚真係好難飲呢💚配合埋一粒發光橙色糖果燈🍬應節十分🎃！

去得主題樂園都知道冇啖好食，一係啲嘢食就好貴！可能係依家出邊餐廳求其食飽肚嘅餐，都已經好貴？依間餐廳價錢我覺得同出邊差唔多啊。漢堡包勁多芝士，漢堡肉質鮮嫩！一啲都唔會dry! 份量都足夠！薯條超級香脆，雖然好熱氣不過就超級滿足。另外叫咗個兒童餐，諗住同麥記個兒童餐應該差唔多，都係分量足夠。誰不知原來迪士尼樂園嘅兒童真係比超級小嘅兒童食，份量超級少啊！我覺得只係適合幼稚園生食，個包係平時嘅三份一份量，薯條會變咗粟米。下次叫兒童餐之前真係要睇吓入面係乜嘢😹😹

火箭餐廳 starliner Diner 🚀🍗炸雞籃套餐 $135 （海水加大 +$5）每次入park玩全日都會食火箭餐廳，其實真係由細食到大🥰貪佢夠快靚正！ 炸雞薯條🍟又最少機會中伏～每次食都覺得炸雞🍗熱辣辣同好香脆，雞脾會滑啲juicy 啲～雞胸就啖啖肉！不過，今次調味就略略鹹咗少少。薯條係粗切，而且都幾長，份量都幾多，金黃香脆，幾好味架！ 食完之後完全幫我地叉返電，超讚🫶🏻👍🏻細食人士share 都夠～我們大概6:30左右到餐廳用膳，見到好多都係一家大細食緊飯，以百幾蚊喺park 嚟講，其實唔算太貴，係園內性價比較高既餐廳，亦係其中一個最方便快捷之選！

火箭餐廳尊食炸雞同漢堡包、趁今次有生日優惠、可以買一送一、再試吓食物有冇保持水準。星期六日、餐廳都系人頭湧湧、極之擠迫、好好彩今天系平日、人不多、極易找位。室內一般快餐店裝修、光潔明亮。由於買一送一、所以選了特選牛肉漢堡套餐同炸雞籃套餐、配可樂及凍檬茶。現價$135一个套餐、有買一送一真係好抵。炸雞咬落去極之juicy 、可惜有些咸、食完有D口渴、真係要改善吓、不過薯條份量都唔少、都幾好食。特選牛肉漢堡套餐、牛肉都好有牛肉味、不过不失、這個套餐薯條分量比炸雞少。總括來說、在迪士尼樂園食嘢、一向偏贵、質素重唔可以要求太高、不過若有生日優惠、就抵食好多。

Vivian入迪士尼好少會食野（因為貴），但有時玩得耐頂唔順搵餐廳醫肚都係食呢間（以Vivian多次入迪士尼觀察所得，呢間最多人排隊）Menu每次入黎都係食呢個餐～炸雞籃套餐 （$125）（因為有金卡食野有折）$125一個餐（炸雞，薯條&可樂）係貴，但佢真係好食，每次食嘅水準都一樣，快餐黎講算係咁，佢個炸雞皮夠脆唔洗講，仲要大大件，啱哂Vivian又有少少肚餓食🤣🤣，咬開雞肉嫩滑多汁，好食，薯條係正常水平，但成個餐配埋可樂，一個字：正，不過入園間唔中食一餐其實都好開心，呢個價錢都算值嘅～Overall好唔好食？好食會唔會再幫襯？唔會次次入園都食野，但如果食都會揀呢間

🍽 火箭餐廳 📍地址: 大嶼山香港迪士尼樂園明日世界區💰只供參考💰人均$100-$200😋👉🏻火箭特選牛肉漢堡套餐 $125上次試咗魚柳包，今次就試牛肉漢堡套餐，估唔到去呢個漢堡好食過魚柳包 雖然魚柳包係大塊啲，但係都冇得比 呢個牛肉漢堡 因為佢牛肉漢堡其實係超級多汁 塊芝士係溶嘅 跟住仲要有少少碎洋蔥係汁入面 同埋牛肉係好正 幾嫩口題外話： 園區仲有萬聖節嘅活動係俾你去拎糖嘅仲有個紙盒俾你接着裝糖 👻 trick or treat好味指數: 4/5性價比: 3.5/5 環境: 3.5/5

早兩天星期六一行四人入迪士尼樂園玩，下午才踏進樂園，當然第一時間食個快午餐才慢慢玩，火箭餐廳當然是我們的首選😋入到快餐店我們先搵位，然後再購買食物，遊客眾多但排隊仍是井井有條，店員友善地提供二維碼掃描，以手機查閱餐牌😋我們點了三個火箭特選牛肉漢堡套餐及一個炸雞籃套餐😋四杯無糖可樂😋 我們不用很久便已取餐，因工作人員效率很快😋牛肉漢堡唔厚但幾多汁，再拌洋蔥幾豐富😋炸雞表面唔係咁脆，但內裏雞肉很嫩，炸雞同薯條都一樣唔會多油😋我們補充完體力後再大玩特玩😋

嚟迪迪尼玩到咁上下要揾啲嘢醫肚，見生日有買一送一於是嚟咗呢間，同埋諗住薯條應該冇咁易中伏嘛🙊🔸炸雞籃套餐 $125有兩件炸雞，同一大堆薯條炸雞熱辣辣同埋幾脆，調味略略鹹咗啲，唔算好食但都唔算好伏嘅～薯條算係粗身，份量都幾多～🔸朱古力麥芽飲品（凍） $33美祿嚟～又出乎意料地沖得幾濃幾好飲！🔸炸芝士條 $48叫炸芝士味麵筋貼切啲🤣🤣 完全唔係拉絲芝士，不過迪迪尼嘅餐廳都預咗🙊總結係朱古力麥芽飲品幾好飲，其他只係用嚟醫肚🤣

迪士尼食嘢選擇唔算多，既然買咗餐飲套票就嚟食吓魚柳漢堡套餐做午餐人流好多，排隊都一段時間，分頭行事，霸位加買嘢同步進行套餐如圖，魚柳個樣係ok嘅但成個包一咬落口，嘩😰咩事，啲魚點解可以有浸霉味（唔新鮮加腥腥哋）未去到難食到嘔，但真心唔好味，淨返一大半食唔落我可以大膽講，麥當勞啲魚柳包仲好食過佢，呢嚿魚加啲茄汁都救佢唔到薯條，ok嘅，冇出事，脆度合格的😂😂😂汽水我要七喜，冇嘢可以講，普通汽水味