扒王之王 (Closed)

不是朋友說來這裡 , 也沒有想過會來 . 上一次是去佐敦那間 , 已經是 3 年多前 , 兩次也是朋友叫 . Lunch 也沒有所謂 , 上到去個格局好奇怪 , 轉了個圈才是餐廳 , 走的時候又行錯了 . Set lunch 有好多款 , A, B, C 餐要看另一個 menu , 因為常變 , 所以沒有set 定 . 我叫了 B 餐是香草豬扒 , 可跟飯或意粉 , 我選了意粉 , 豬扒有兩件 , 薄薄地 , 又 "林" , 不錯 . 意粉一般 , 沒有特別 , 可能汁不多 , 有些少乾 . 蘿送湯的味道也夠濃 . Lunch $40 也可以接受 , 不會太嘈 , 坐得也舒服 . 服務好好 , 好多笑容 .

點解我咁講呢我唔覺佢d 野入得口可能我窮啦, 次次去都係叫六七十蚊果d 餐我覺得最好係個包囉d 扒次次都無味o既 , 叫個牛肋條餐得兩條中指咁長o既無味肉條切三份就finish食完都覺飽, 減肥就最o岩上去都係諗住佢地方好坐有大卡位睇電視

29-May 去這裡食cheap cheap dinner ，點知個經理比左2個餐牌我睇時最平個餐都要$1XX，佢仲推介我食咩鵝肝餐要成$168咁貴，後來女友問佢有無另外d餐牌，佢先拎d平嘅餐牌比我地。後來叫左雜扒餐($72)&一口牛柳餐($95)雜扒餐有1x牛扒, 0.25x雞扒, 0.5x豬扒, 2x腸仔 (味道ok)一口牛柳餐 4x牛柳 (一件要兩啖先晒，仲要好un要用刀切先得，味道差，肉質仲差過雜扒餐嘅牛扒。)用餐時仲發現佢地，原來有客入嚟只會比貴餐牌，平餐牌要問佢先比。埋單仲嬲 (兩個餐 total $167 加10% 應該係 $183.7，但係張單 show $167 , 加一服務費 $17 total $184，10% = $16.7 why show $17???電腦都會計錯數)，雖然只小小幾毫，但唔應該騙人

上星期日無咩頭水之下去左扒王之王來食個tea..我叫左個吉列魚沙律+檸檬茶...一上枱份量都幾多吓2個人都夠食呀..不過味道就真係麻麻, 理應雪藏魚都唔會有咩魚味, 但係都未至於有"梅"架...沙律比起魚好好多..不過佢地d炸魚就炸得唔錯既金黃色又唔油不過可能來貨有d問題啦引致味道麻麻.

昨日到扒王之王吃飯，抱住開心心情，點知唉.........失望： 第一:服務差 第二:牛扒頗硬 第三:麵包硬，不軟熟 第四:餐湯凍 失望而回

很多年前吃扒王之王，覺得都幾好味，而且剛出的時候，餐廳一直推崇其對牛扒的專業知識，說是侍應都經過訓練；多年後，朋友約吃宵夜特價餐，9:30p.m後，就有平均30幾蚊的特價餐。想不到味道差得禁緊要，先來的羅宋湯像用水溝出來似的，裡面浮游著幾粒紅蘿蔔。期待的牛扒終於上桌，天啊，比想像中小都算了吧。但無論叫「紅妹牛柳」、雜扒還是牛柳都沒有肉味，仲叫扒王之王，而且有點凍，令我們對整塊牛扒的熱情都馬上冷卻了，草草吃完就算。平野真的通常無好野，我真的寧願到翠華吃個鐵板雜扒。

一心嚟食宵夜..柯打o左三個雜扒及一個田螺和一客扒王沙律.......................心死....全部都唔食得...罐頭田螺都有沙??????豬扒可以未熟仲有血添oli&vinger sauce just have oil 無醋>?so....what's happen..and then 問個部長先知道換了廚師...李先生是否沒有錢請良材....我真的感覺可惜.......改革吧如果不是....要我再幫襯就難了.

想据扒，本身佢提議去大家樂，但我就想食扒王之王既鐵板，於是走左黎呢度...初時我以為可能早，所以冇咩人。我地2個都係叫左澳華利牛柳，因為係個度極力推介。我個紅湯可以接受，但一睇佢個白湯水汪汪咁，就知道出事。等左一陣就有main course，我一見到就覺得好細碟，男仔點都唔夠飽掛？我要5成熟，但我覺得塊扒起碼有7成熟，仲有d "un" tim，d薯條就過ok啦！杯奶茶我覺得都ok，有茶味，但飲緊野既期間，見到有隻野係度飛來飛去，好煩！唔怪得之冇人啦，真係拍蒼蠅~

去e間野之前我就真係冇咩興趣~ 不過朋友叫先無奈一下..去到之後叫左幾個餐一個澳華利牛柳一個一Q骨(個名好似係咁) 一個扒王牛柳一個牛肋骨白酒生蠔 仲有田螺~~~ 第一個問題就出現喇.... 個澳華利牛柳同埋一q骨足足等左30min-45min ......真係想死仲有個澳華利牛柳我叫5成..但係點睇佢都起碼有7成.仲要好鬼細件個menu好似係寫8oz但我就唔覺有.. 不過味道都ok~係仲有個扒王牛柳叫7成. 佢就得5成...可能係鐡板上的問題要如生d啦.. 仲有個湯都未講.. 個白湯真係好麻麻好鬼粉... 咁就百幾蚊都真係唔多直....叫自己做扒王...我就覺得佢地d扒好普通冇咩特別仲要貴...成數都做得咁差又等得耐仲有個好奇怪ga野佢地有電視播但係冇聲~同時佢地又播d唔知咩音樂奇奇怪怪不過d卡位都幾好唔錯張卓又夠大~

琴日準備去嘉年華前係呢到食個dinner..一行6人黎扒王之王..自己就係第1次黎扒王..一上到去..環境有少少暗..見到3個應該係扒王既員工食緊野..有人食緊煙..仲而為自己去錯地方!!之後再行過d..就見到有人出黎招呼na..咁都好ddddum..我就點左個白酒煮青口(大概係咁既名..唔係好記得)..等了又等..d野食終於黎na..個賣相唔差..睇到都流口水..一食落去..嘩..d味真係唔識形容!!可能係d酒味太勁..我d朋友食都覺得麻麻..不過叫左無理由唔食架嘛..唯有一個頂上食哂..但食落..又覺得幾好味..都唔差.....不過如果有得比我簡..我會簡另外一個蒜容焗青口囉.!!!!男朋友就食扒//唔錯唔錯..配黑椒汁..簡直無敵好味好味好好味..=]不過個白湯就差左d..好稀..唔岩我口味囉..

行過，和男友上黎食下午茶。似乎間間扒王都有唔同茶餐。係銅鑼灣道果邊有的，呢邊無的。咁我地都點了三文治。本來我常食法包，點知佢無。男友點了炸紫菜腸仔卷，我要了火腿芝士焗多士。我兩其實係為想飲杯奶茶的，梗係點了奶茶。奶茶黎了，真係好奶的茶，個杯已經係細，點知得一半多少少，仲奶多茶少，又唔熱。真係!好彩三文治補了不足，因兩樣都係即整，所以都熱肋肋的。唯一有意見的是，d雜菜沙律切得太碎，有d怪。值得一提的是，呢度的裝修唔錯，有一d半圓形的Sofa位，幾適合幾個朋友圍住一齊食下傾下。

去銅鑼灣開會,順道係銅鑼灣食late lunch~想食得豪一點,之前朋友們對扒王的食物好壞參半,自己對扒王的印象都只係一般貨色。但我想俾個機會佢...最後一行兩個人上了謝斐道扒王。我叫了一客龍蝦湯、一客奧華利"必see牛柳"(碟上7oz)、一柸凍奶茶、一客藍梅蛋糕;我朋友要了一客白湯、一客極黑豬鞍排(碟上8oz)、一柸凍咖啡。先講湯,朋友的白湯,好好,忌廉味好夠,有d雞蓉,口感不俗;我的龍蝦湯也非常ok,雖然肉只係普通急凍大蝦肉,但湯味非常濃郁,正!!我要的牛柳係一個驚喜,唔要汁,只落table salt希望可以享受一下牛肉味,的確,真材實料,牛味出色,肉質淋得o黎唔會粉口,又唔會"癲"牙,而且煎扒的功夫也好到家,我要六成熟,以我食扒經驗,非常準確,一絕!試了少少朋友的極黑豬,超正,係舊肉本身已經好好,汁多肉嫩,豬肉都可以八成熟,真係估唔到,要帶家人試下~驚喜地方既然係餐茶,我的奶茶,茶味香濃、無茶青味又好滑,可知焗茶時間非常確準,而且茶與奶比例洽到好處,奶應該不是普通cheap奶,因為一點"蘇"味都冇~超地道的香式奶茶。我朋友的咖啡都不俗,柸面一點咖啡粉,十分美觀。至於件cake就係

最近發現銅鑼灣扒王有早餐食諗住一心上去試下因為平時習慣食晚餐點知一上到去員工冇笑容(唔知係咪未訓醒)人手又得幾個咁我都算幫我落單個女仔好似黑面神態度差水杯冇水都冇加雖然我只係坐左二十幾分鐘但我發覺她番工只會做一樣野就係落單然後就走來走去好似好忙雖然扒王之王早餐有好多選擇不過要有咁既服務食早餐我一定唔接受晚上同早上既服務差太遠啦可否改善一下呢

對上一次去扒王之王食o野已經係一個月之前啦平時去多數會叫什扒食點知今次上去有個女侍應介紹老板推介既牛柳比我地食落都幾好點知叫第二個女侍應同我落飲品佢好似全部人怕左佢一D笑容都無今時今日咁既服務唔得既我好記得個女人短頭髮個樣就唔係好記得記得唔好比佢服務你唔係你一定無哂心機呀

前幾日...同男朋友一齊上去食晚餐...一上都去冇人理我地...企左係到一陣...先有一個女仔理...我同男朋友點左安格牛柳同田螺..肉眼扒...食物就好好食...不過...服務態度就好差..杯水冇哂水叫左好耐先有人理...叫左杯奶茶飲完全冇茶味...之後同一位打呔既男人講...佢好冇禮貌答我...一句唔好意思都冇講...我真係想知扒王之王點可以請一個咁冇禮貎既人做打呔...就算食物有幾好食...服務態度咁差...我真係以後都唔會去呀.......