Sugar Land (Closed)

經過剛才冰雪公主的失望之旅，唯有轉戰路徳圍的甜品聖地，試試Sugar Land...可能店鋪比較小，所以餐牌上的選擇不多，而且比較貴價。這次肯定店員有落單了，唯有耐心等候。心太軟伴雲呢拿雪糕配威士忌 - $62等了20分鐘後，終於來了一個心太軟，切開心太軟，朱古力醬馬上留出來，流心做得非常好而且很香濃。加上威士忌，減低了朱古力的甜度，不會太漏。可惜再追單，店員才告知梳乎厘製作失敗，現在才重新製作，又要等多15-20分鐘，唯有取消。今天真是出師不利！兩間都有問題，難到出問題侍應都不可提早告知？浪費時間...

荃灣真係好少黎，不過尼度多坐好多好熱門既餐廳，所以今次都特登過黎試下。食完晚餐慣例會再去食甜品。見到有間裝潢吾錯既甜品店就入左，環境都舒適，牆壁係黃襯黑搭配，有好大既鮮明對比。芒果拿破侖-個樣根本就係反傳統，完全吾似拿破侖更多係似個塔。個樣望落又幾過癮。有3層，每層均是滿滿的忌廉及芒果醬夾心，足料。但酥皮吾夠脆，亦都無牛油香。

在一條滿佈食店街既一角，見到一間開放式裝修既甜品店，頗為特別，所以入內一試，有驚喜喎🙊我叫左個Mr Yellow入面有芒果同雲尼娜雪糕 牛奶布甸芒果好鮮甜 布甸唔會太硬身配合一齊剛剛好 甜度適中友人就試左個原味梳乎厘由於係即做既關係需時20分鐘呢個會配一個雲尼娜蛋糕梳乎厘甜度適中 蛋味很重估唔到喺街頭都搵到間有水準的甜品店

同友人行完街想食甜品就去左呢間sugarland試下我就試左個楊枝金露份量好大而好多西米露奶味亦很重 配合埋芒果味道不錯友人就試左芒果waffle叫左個石板街雪糕友人話個餅好脆 份量剛剛好可惜就貴左少少 但可以再試既！

今日同一大班舊同事敘舊，食完晚餐之後大家傾計都未傾得夠計。所以我哋去咗一間甜品舖在食嘢再傾下計，初初望入去我覺得都唔會好食得去邊，希望唔難食都算好，所以我點左個，相信唔會差得去邊。甜品嚟到嘅時候覺得個樣都唔差，細細粒嘅棉花糖係面，底層係啲燉蛋。棉花糖嘅味道係士多啤梨，但我本先覺得啲棉花糖係原味，雖然我唔係咁鍾意士多啤梨味嘅棉花糖，但食落口個味道都算唔差，個燉蛋都算幾滑，整個甜品都算唔錯比我想像中好。環境方面都算唔錯，坐得幾舒服。餐廳有室內同室外，今日落大雨外邊嘅位濕晒，坐裏面都算OK，但如果冷氣再大少少會比較好，因為走嗰時食完熱嘢甜品，總有覺得有啲熱。

今日心血來潮想食久違了既sugar land～sugar land係西式甜品舖，主打甜品係奶凍，有10幾款，而窩夫呀燉蛋個d都有，令人好難選擇近排sugar land裝修過，已黑白黃做主要色調，比以前光猛左帽子型既燈～like!!今日就叫左兩款甜品-Mr 3.6同香蕉窩夫Mr 3.6係奶凍類既招牌，雪糕用haggan dazs，所以一定有質素保證，唔會難食，奶凍用3.6牛乳所以有好濃郁既奶味，呢到既奶凍比出面個d無咁實，軟軟綿綿而且配上粟米片同oreo碎，味道同口感同時提升雪糕同樣係haggan dazs，窩夫屬於偏重蛋味，但可惜上枱個陣已經凍左少少，微暖，如果唔係會更加好食...香蕉亦都燒左層焦糖係面，但個人覺得燒得唔夠脆，但整體黎講都好食埋單$104，價錢唔算十分便宜，但西式甜品係咁上下，而且甜品有賣相，味道好，侍應態度都唔錯，所以一定會再幫襯

很少到荃灣那裡逛，今天跟友人在荃灣吃過晚飯後就隨便選了一間甜品店滿足一下口福點了一客梳乎厘附加雲尼拿雪糕因為是即叫即製等了約10分鐘，所以梳乎厘是熱騰騰的。軟綿綿的口感很棒，不會有吃泡的感覺。吃過不少甜品店的梳乎厘也是硬身的，幸好這間的淋的，個人較喜歡淋一點雲尼拿雪糕味道很濃郁，和原味梳乎厘很搭，不錯不錯。整體不會太甜太漏。我覺得這家的甜品價錢是中上的，這個梳乎厘約60元找數。不過味道還是不錯的。

個日同朋友一齊去荃灣行街，食完晚飯覺得意猶未盡，就決定去SugarLand食甜品。黎到店嘅門口其實都多人等嘅，而且SugarLand本身係間細店，所以比較多人等位。小編等左10分鐘左右就入座喇。小編同朋友分別叫左2個甜品，朋友叫嘅係「綠茶心太軟配石板街雪糕」，小編嘅係「原味梳乎厘伴雲呢拿雪糕」。小編自己對綠茶冇乜好感所以冇掂過朋友嘅甜品，但係小編嘅梳乎厘認真梳乎。首先個外觀黎講其實都算靚，個梳乎厘嘅外觀個色都好吸引！食落去嘅第一下反應係「好梳乎呀！」 ， 仲係熱嘅，而甜度係岩岩好！食完呢個甜品之後瞬間覺得等30分鐘都值得！

和太太經常在路德圍附近食飯，見這間甜品店裝修不錯又明亮幾有feel，所以入來一試。當然點甜品必食，心太軟來測試，價錢不算便宜，62蚊一個小小的配一小球雪糕……一出來，成個爆開左，倒塌左，證明局的時間唔得……個夥計仔就見如此立即話侷過另外一個，呢個食住先……當然也試試味道，感覺內部未熟透，外層太琳，所以企唔住……結果再等第二個，但是30分鐘後，它沒有出現，全場幾乎只有我一枱客，我去bar枱問佢地，原來忘記左……成班細路你眼望我眼無人知道點處理，之後有人擺個心太軟入爐叫我再等六分鐘，咁我話我唔要，我比翻雪糕錢你地，結果俾咗十二蚊就走咗。

難得經過荃灣，睇完戲想搵下甜品食，本來想去cafe但成11點就close左，見到條街好多唔同既甜品店，見到呢間唔洗等位就試下，係食西式甜品既，款式唔算多，店舖細細坐得都ok既，係迫d!抹茶控既我未試過抹茶心太軟，所以叫左嚟試，佢有2個口味雪糕揀，我揀左石板街，佢仲有3款酒，係甜酒，威士忌同伏特加!放入係針筒到比你自己注入個心太軟到，呢個方法幾特別!個心太軟都好味，d抹茶漿爆晒出嚟，唔會太甜，也不錯，稍為覺得價格無咁可愛，盛惠$63

sugarland之前都有食過，不過因為價錢都唔便，所以多數都會選擇轉個彎就到既明師傅同埋松記，因為係個到食兩碗糖水先等於呢到一碗😅不過西式甜品價錢又真係會貴d既~何況味道又唔差賣相又靚，所以間唔中豪一次都值既！Mr 3.6，上面係哈根達斯呍尼拿味雪糕，仲有d綿花糖同埋粟米片，下面就係奶凍，奶凍味道夠濃，撈埋粟米片食都幾夾同埋幾特別，又有d口感，不過奶凍份量可以再多d，因為就咁睇相都知個奶凍幾薄😓食幾啖好快就無哂lu~另外一個係綠茶心太軟，叫個陣一路糾結緊要朱古力味定綠茶味，最後都決定叫個特別d既！木板襯綠荼味既野食個feel好夾😆佢個雪糕有得揀味嫁！但我都係揀番呍尼拿味，綠荼心太軟個味就係綠荼味既朱古力咁，唔知大家明唔明😅係好食既！不過我下次都係會既番普通既朱古力味睇相都流哂口水😝 總括而言，雖然貴，但真係好食而且賣相靚既，另外亦都要讚下d侍應態度好好，係門口個陣已經識主動行埋黎問幾多位，上菜又會講埋個菜名，又有禮貌，good呀！

年初二晚到路德圍搵糖水吃，四圍都咁多人，但發現Sugarland 比較少人等，於是一試，可惜即時中伏，鬧交收場，食物賣相ok, 但味道奇差，舉一例子，心太軟無流心，變了一件堅實的朱古力蛋糕，服務態度差到不得了，等了半小時還要催促三次才有得食，年青服務員無禮貌、無招呼、無跟進、無反應，總之一肚氣。無人等位係有原因

年初一，去完媽咪度拜年返屋企，經過荃灣諗住同老公撐枱腳先返屋企，點知大部分糖水舖都無開，得返友記同 sugar land 有開，但友記勁多人等位，咁見 sugar land 唔洗等唯有試下，反正未食過綿花糖燉蛋，唔可以話好好食，算係一般朱古力梳乎里，比想像中少朱古力味，我以為有朱古力味，點知和原味沒有分別總結：有得揀未必會揀…

女人，有兩個胃一是咸食，另一個當然是甜食啦（其實係可以兩個都for甜食的！）同朋友食完泰國菜，正盤算去那裡吃正餐（其實甜品才是正餐，呵呵~）...松記無興趣、明師傅成日食（而且收得早）、Sweet Talk門口勁多人、Beans已關門...和朋友討論後，決定食Sugar Land。和朋友分別叫了Ms Lady和Mr Black....味道不錯...玻璃瓶很大...但那層奶凍薄得要命，份量小得驚人！兩個甜品合供$108，性價比很差，而且上菜龜速，難怪沒什麼人幫襯坦白說明師傅的奶凍好食得多，收費也更合理而且服務也好一點....呢間...實在無下次...

食甜品, 棉花糖加燉蛋燉蛋上鋪滿小粒棉花糖, 放入焗爐裏焗, 時間要掌控得很好。就算從焗爐裏拿出來, 其自熱能力會繼續把棉花糖燒得更焦,因此甜品師的能力要強。燉蛋奶滑、蛋味香, 不過甜度不算高, 還好 ... 因為棉花糖焗焦後會帶黏更甜, 與燉蛋及拉起絲絲的焦棉花糖一起吃, 焦焦．香香．脆脆．甜甜．滑滑, 怎樣吃也無得彈!