蜀意

Open Now

Now Closed

平時好中意食米線，今日諗唔到食乜野，就叫左呢間外賣。叫左單骨雞翼酸辣米線小辣，外賣好快就有。拎到返公司，係分湯的，所有有餸同辣味都係冇湯個碗入面，湯只是普通清湯。一倒個湯落去，試一試個湯，冇乜酸辣味，而個米線都比較淋身，係雞翼相對好味，有好香香料味，亦都入味。但我覺得整體黎講，我下次都會試多次其他，雖然唔係好辣，但起碼唔係非常難入口，而雞翼我亦都好中意，夠香口，夠入味，夠方便。所以我亦都會推薦比同事去試一試

呢間舖頭已經係公司附近開左一段時間，上一次食係岩岩開左冇耐，覺得性價比唔錯，今日甘岩想食紅薯粉，就一於去幫襯多次啦我叫左個擔擔涼拌紅薯粉($38), 可以自由選擇辣度，我要左中辣，辣度適中得黎帶少少麻，再加上擔擔面特有ge花生醬味，簡直同紅薯粉係perfect match ！不過要留意呢個價錢只係淨粉，唔包任何配料，所以我要左多個上次冇機會食到ge手撕雞(+$9)手撕雞分量以加$9黎講算係偏少，但因為外賣全單有88折，埋單$42,性價比平均黎講算幾唔錯，而且紅薯粉分量真心唔少，連我呢個平時大食ge女仔都食到飽一飽劃重點ge係，平時出面轉紅薯粉通常都要加錢，但呢度轉紅薯粉唔需要加錢，簡直係紅薯粉愛好者ge福音啊！題外話，老闆娘好好nice好好禮貌

叫咗酸辣豬扒紅薯粉， 單骨雞翼紅薯粉個豬扒醃得好入味， 炸嘅時略嫌有少少過時，少乾。 個湯底嘅酸味我好鍾意， 酸得黎唔會係太假， 唔似係人工調味料做出嚟嗰種。雞翼係即叫即炸， 味道都唔錯， 食得出 醃咗一段時間。呢間係小店， 叫個炸豬扒 紅薯粉 外賣八五折之後39蚊， 平到我都打咗覺突。 鋪頭係老闆娘一個人經營， 收錢煮嘢落單一腳踢。 老闆娘 好客氣， 其實我只係等咗十分鐘左右， 講咗成四五次唔好意思要等咁耐。希望喺逆境之下 可以繼續做落去。

新開張的餐廳，見有蜀字，應該係川系菜，想去幫襯下。但没有诚意，外賣齋粉面没折扣，夹硬要加餸先有折扣，奇奇怪怪既算法，38红薯粉+1蚊外卖盒+8蚊鸡扒，折完41。。。可能外卖盒唔算，但张单计的唔清唔楚。后悔未影低鸡扒，得鸡皮出边包住粉面炸到酥，没咩肉，伏中之伏，又细细块。擔擔湯好淡冇咩味。拜托小店已经唔起眼，新開張可否摞d誠意出來吸引客？？咁真係趕走d客。絕對絕對唔會幫襯第二次！收銀女仔態度又麻麻，後悔幫襯！