Video
7-min walk from Exit A3, Wan Chai MTR Station
continue reading
Opening Hours
Mon - Sun
07:30 - 23:00
Above information is for reference only. Please check details with the restaurant.
肥仔芝士麵🧀🤰🏼🧡新記 相信有唔少人聽過 熱愛芝士既人一定有食過 🐵係中學時期Lunch time成日都會黎食芝士撈公仔麵 今次經過灣仔🐵就拉左我過去 同佢重拾中學回憶喎🌚🏫▫️雞排太陽蛋芝士公仔麵 $47芝士香濃誘人 芝士醬應該有加cream同奶 所以食落口感會再香滑啲 而且份量完全夠撈勻成個個麵 撈埋啲蛋黃汁 好邪惡呀媽咪(＞人＜;)煎香左既雞扒就正正常常啦🐤🐵表示 係食到一半既時候突然係度諗 如果加多種芝士會唔會仲正呢 不過就可能要自己私下求證嚕😏
continue reading
難得放工來灣仔覓食，想試吓呢區嘅小店，於是揀咗新記。望吓牆上嘅星級推介餐牌，冇一樣食物係超過$55 ，對於想慳錢嘅打工仔來講，絕對係一個天堂。由於係冒着佢嘅芝士撈公仔麵而來，當然要試吓啦！揀咗芝士汁豬頸肉撈公仔麵，芝士汁極多，幾乎好似湯咁浸住d麵，相信芝士迷絕對會鍾意。但因為最近想食清淡啲，對我來講，咁多芝士絕對有點兒負擔，最後食唔晒。另外亦叫咗一碟炭燒豬頸肉煎蛋飯，豬頸肉燒得好爽口，配上留心嘅太陽蛋同事甜豉油汁，非常適合送飯，好快就食晒成碟，加埋個凍檸茶，一個字爽！唔係芝士迷嘅朋友，可以試吓佢嘅碳燒豬頸肉系列！
continue reading
當日下午開始突然狂風暴雨，又還未吃午餐，在灣仔一帶，便想起這間一直久聞但從未試過的芝士麵茶檔，順便當避避雨。一入去，餐廳侍應挺友善，面帶笑容，熱情安排座位，我們想要水、紙巾，都很Helpful 的拿給我們，有一次，我其實只是抬頭四周張望一下，侍應見狀已立即主動上次、面帶微笑地問我們想要什麼，他們沒有一般茶餐廳侍應的臭臉，光是這一點已令人感覺很好～～坐下後，環顧四周，貼滿了名人、歌手、藝人光顧這店的照片，看來的確是有水準之店。和朋友看了餐牌一會，朋友推薦一定要試芝士麵加太陽蛋，便聽他說的，點了兩款芝士麵。雞扒太陽蛋芝士麵，凍奶茶 $49 (凍飲加$2)漢堡扒太陽蛋芝士麵，凍檸茶$49 (凍飲加$2)兩款芝士麵，雞扒不油膩，鬆脆得來有咬感，Size 也不少～～ 而漢堡扒共有 2 塊，兩樣東西各自配上濃厚的芝士，聞起上來已很香濃！選配太陽蛋的話，將蛋黃戳穿，加上芝士，所有東西撈埋公仔麵一起吃，實在非常美味～ 熱愛芝士的人真的不能錯過～！吃完後再喝一口地道茶餐廳風味的凍奶茶／凍檸茶，一個簡單又滿足的下午，就這樣渡過 😊下次出開港島，一定會再次幫趁～～
continue reading
今日係第二次黎新記食芝士麵，隔籬華星依然係咁多人。我地三點幾黎到，客人坐滿左好幾檯，大家都睇緊電視播溏心風暴😂。我同男朋友都未食野，大家都嗌左芝士撈麵。今次既芝士變左淡黃色，上次黎食係鮮黃色🧐。不過份量依然係咁多，撈到最後都仲有好多芝士。最後都係食唔曬，因為太多芝士會太膩🤣。可惜今次隻蛋煎得太熟，唔係好「太陽」，啲蛋黃已經變左固體😭！今次既侍應態度好好，收錢個陣仲同我地講聖誕快樂🤣🎄！
continue reading
啱啱去咗買外賣，叫咗個蜜汁煎蛋豬頸肉撈丁，要$50連凍飲，結果出咗嚟係營多撈麵加豬頸肉加煎蛋。佢冇話係辣嘅，結果出咗嚟都幾辣，搞到我個仔一啖都食唔到。品牌效應真係犀利！我咁大個仔都未食過咁貴嘅營多撈麵！好嘢我一定會再幫襯。
continue reading