日月茶點點心專門店 (土瓜灣)

Open Now

Now Closed

尋晚同同事去咗土瓜灣新開嘅中式點心店「日月茶點」！😋我地點咗以下點心。。。1️⃣水晶鮮蝦餃$30外皮晶瑩剔透，蝦肉Q彈👍🏻2️⃣香菇蟹子燒賣$28豬肉新鮮彈牙，配上清香嘅冬菇，皮薄餡靚👍🏻3️⃣潮州粉果$20配料豐富，外皮煙韌👍🏻4️⃣鮮蝦菜苗餃$24多菜少肉，粒粒飽滿，蝦肉爽滑👍🏻5️⃣蟲草花膠灌湯餃$38配料竟然有鮑魚仔同花膠，好足料，湯底好濃郁👍🏻6️⃣滑雞扎$28包住又粉又香嘅芋頭、腍滑嘅魚肚、入味雞肉、冬菇，口感豐富😂7️⃣香茜牛肉腸$22濃濃嘅芫荽香，鮮嫩牛肉，配上滑溜腸粉👍🏻8️⃣白灼唐生菜$19正常發揮👍🏻9️⃣蜂巢芋蝦盒$24好少地方有芋蝦食，外皮炸到香脆，裡面有芋泥同炒香咗嘅肉碎，用心之作👍🏻🔟蜆蚧鯪魚球$24炸到外脆內軟，鯪魚肉新鮮👍🏻1️⃣1️⃣杞子紅棗糕$24甜度適中，口感軟糯👍🏻呢間嘅點心都係即叫即蒸，熱辣辣咁送上！🔥下次想品嚐佢地其他點心！食物高質、侍應態度親切！❤️

尋日陪媽咪喺土瓜環街市，買餸夜晚上姨媽既屋企打邊爐，買完見攰攰到就入左呢間新開既點心小店，食番個下午茶醫醫肥抖一抖，下午時間唔算多人，坐位闊落。醬汁蒸鳳爪 $20豉汁味道微辣帶甜，鳳爪炆得好入味，肉質淋身得黎又少少彈牙。蜜汁叉燒包 $20一盅有三個，唔會太大舊幾易入口，叉燒內餡肥瘦均勻，咬落口口鮮嫩多汁，麵皮蓬鬆柔軟剛好味道鹹甜而不膩。虎皮煎釀尖椒 $22煎得金黃香脆可口，尖椒味道有少少辣，比起釀青椒多左份辣，估唔到又幾好食。花旗參燉竹絲雞 $30用鮮嫩竹絲雞、杞子和花旗參、紅棗、蜜棗、淮山等藥材放落入炖盅炖數小時，飲落口微甘，不但生津止渴仲可以抗疲勞。茗茶每位＄5

放假來個一盅兩件，這間日月茶點點心店舖不大，裝修簡潔，假期的下午仍然爆場，因為這裡勝在平價抵食。一頁的餐紙有蒸點，蒸飯，腸粉，炸點，連燉湯及甜品都有。這裡的蟲草花膠灌湯餃最抵食，灌湯餃皮薄，有蟲草，花膠，鮑魚都只是$38, 湯底清甜。鮮蝦菜苗餃$24, 皮薄。爽彈既鮮蝦搭配滿滿鮮嫩的菜苗，清爽滋味。鳳爪排骨飯$28, 飯粒分明，排骨又唔會只得肥肉，蒸飯熱度十足。蜜汁叉燒腸 $24, 外皮透薄，柔軟及夠滑。虎皮煎釀尖椒$22 , 尖椒煎到焦香，形成表皮有皺紋虎皮的效果，尖椒軟而不爛，鯪魚肉香而不膩。峰巢芋角盒$24, 用芋泥作皮，炸得金黃，形狀像蜂巢般，外皮酥脆，內邊包著豬肉、香蔥，冬菇等作餡料，內層滑軟，有微汁。每款燉湯只是$30, 眉豆花生瘦肉燉雞腳，材料充足，味道清甜。

諗住試新野，全程員工態度麻麻，地方迫陝，環境麻麻，完全無問人搭唔搭枱，自動安排上面，冷氣超凍，風口吹住客人個頭，堅持要開冷氣，完全唔理客人感受，點心十分難食😰😰杯茶完全無茶味☹️☹️叫左四個點心，鳳爪十分咸😩😩珍珠雞d 飯好硬😑😑好似冇蒸過咁😫😫馬拉糕完全無味😵‍💫😵‍💫腸粉一夾就穿😮‍💨😮‍💨完全無一樣好食😣😣超級失望😞😞一定無下次😩😩一試就中伏☹️☹️

同屋企人去土瓜灣探親戚，親戚介紹呢間點心專門店話好好味，價錢又唔貴，叫我地去試下。點心款式都幾多，價錢仲唔貴。同屋企人叫咗幾款點心，都唔洗2百蚊。~~水晶鮮蝦餃好好味，蝦餃好足料，好多蝦，蝦好彈牙。皮都好薄。~~沙嗲金錢肚好重沙嗲味，金錢肚煮得好軟熟，連蘿蔔都好甜。~~原籠蔗糖馬拉糕呢個係我的最愛，好好味。馬拉糕食落好鬆軟，好香蛋味，唔會好甜，一定要叫。~~蟲草花膠灌湯餃好足料，灌湯餃勁大隻，仲有花膠同鮑魚，真係好抵食，個湯好清甜。~~韭黃鮮蝦腸腸粉皮好薄，有好多蝦。蝦食落都好彈牙同爽口。~~蜂巢芋角盒炸得好鬆脆，唔會太厚。同埋，一d都唔油。啖啖芋泥，仲有芋頭粒，好好味。餐廳仲要唔洗收加一服務費，下次一定會再嚟，好高質嘅點心專門店。

朋友在土瓜灣工作, 早上見到這點心店蠻多人光顧, 我很喜歡吃點心, 便約我放工來吃夜茶點心, 這裡茶位每人$5又不收加一, 價錢實惠, 吃點心時間又彈性，所有點心即叫即蒸，新鮮好吃。蝦餃$30皮薄而軟熟，蝦肉豐富，蒸出新鮮味道。香菇蟹子燒賣$28坊間有些燒賣肥肉比較太高，每口都好油好膩，但這個卻在肥瘦間取得平衡，肉質有彈性。山竹牛肉球$20我們最愛的牛肉球，做得非常出色，口感軟身，牛肉和香茜比例剛好，用料新鮮，配上喼汁簡直完美，想來多一碟。鳳爪排骨飯$28香噴噴熱辣辣的蒸飯，精髓在於鳳爪排骨的香氣滲入了飯中，所以每口飯都不單調，鳳爪只有一隻但排骨數量足夠，頗有肉香。蟲草花膠灌湯餃$38很可惜今晚兩款湯也沒有了, 我們一心想喝湯, 唯有叫灌湯餃代替, 這個蟲草花膠也都幾香, 灌湯餃皮薄薄的, 內餡軟綿細緻。千島醬脆皮蘿蔔糕$28本來應要戒口不吃, 但無奈忍不了口, 煎炸過的蘿蔔糕, 入口微脆香口, 咬下去吃到大件的蘿蔔絲甜又多汁, 著實不錯。

朋友之前黎日月食過一次，大讚，我咁耐無飲茶食點心，聽到即叫朋友同我食番餐～點心種類都算多，樣樣都想試，價錢唔高真係樣樣都想order, 奈何胃就得一個，唯有揀最有代表性既點心。蝦餃同咸水角正常發揮，灌湯餃又鮮味又抵食，$38 又花膠又鮑魚真係不得了，燒賣同芋角非常出色，最最驚喜係釀虎皮尖椒，真係香口得黎又鮮美，尖椒乾身唔油既同時魚肉又juicy, 係我今次既最愛🥰🥰侍應哥哥姐姐服務都好好，親切又快手，呢餐食得好開心，希望快d 有機會encore 啦😚

這間在鄰近土瓜灣站的日月茶點點心專門店，主打點心及燉湯，全日每位茶錢都是$5，而且不需要加一，點心價錢亦很貼地，比酒樓平一大截。水晶鮮蝦餃蝦餃皮薄且晶凝通透，蝦肉新鮮爽口，還有少許爽口筍。香菇蟹子燒賣燒賣肥豬肉不多，帶點香菇味，豬肉餡結實有汁。山竹牛肉球牛肉不會太多粉，中間有爽口馬蹄及香茜。瑶柱珍珠雞珍珠雞中間餡料都幾多，糯米不會蒸得太腍，味道調較不錯。春風得意腸春卷炸至金黃香脆，中間蝦肉爽彈，腸粉爽滑，即叫即做，新鮮熱辣。千島醬脆皮蘿蔔糕蘿蔔糕炸至表面香脆，中間軟腍，還有絲絲蘿蔔。沙爹金錢肚金錢肚炆至腍身，沙爹汁夠香濃，有花生香，下面用蘿蔔墊底。

今日做野去左土瓜灣個邊 有2個鐘break就去左嘆個茶先🤣點可以餓親自己同同事呢？沙嗲金錢肚😍一直都係我既favourite 😍😍入口即溶 超重牛味 連伴碟既蘿蔔條都好鮮甜 差d黏埋個碟😆例牌實叫鳳爪排骨飯排骨啖啖肉 唔係剰係得骨🤣蝦餃燒賣必叫！依間點心店好出色 蝦好大隻 隻隻都好彈牙👍🏻皮薄饀靚 蝦腸叉燒腸同平時食到既唔同 佢既腸粉皮唔厚 真係要讚！同埋都非常足料🥳好味！山竹牛肉球啖啖肉好滿足啊！配埋塊腐皮 perfect match!!千島醬蘿蔔糕平時食既通常點甜醬 不過食落又Ok喎 幾驚喜 都埋勁多 好飽啊😝

屋企人不嬲都好中意飲茶🫖食點心 今日趁放假就帶屋企人出去試下新野✌🏻土瓜灣既日月茶點點心 果然真材實料 即叫即蒸熱辣辣🤍怪唔知咁多人食啦韭黃鮮蝦腸/蜜汁叉燒腸🥢真係做到皮薄餡靚 腸粉切半食係基本🤭蝦腸切完每邊依然有原隻大蝦🤤叉燒仲要微脆架✌🏻水晶鮮蝦餃🍤晶瑩剔透仲要係大大隻蝦 超彈牙好新鮮🫶🏻香茹蟹子燒賣依然皮薄冇麵粉味👍🏻陣陣既香菇味 好正啊仲有卜卜脆蟹子粒🤍山竹牛肉球🤤牛肉球我唔落喼汁🤭依個牛肉球冇芫荽 我比100分 同埋好彈牙北菇滑雞飯🍚D飯唔乾 滑真係有10分滑😍值得encore~~家鄉咸水角一碟三粒唔洗爭一人一粒😁香脆外皮 軟糯餡料😚千島醬脆皮蘿蔔糕依個好新奇所以叫左黎試下 有小小章魚丸feel🤣正方形粒粒既蘿蔔糕 容易夾起冇散開👍🏻

剛在上星期揾食肥華和靚媽，在此店飲咗餐非常滿意嘅早茶，但因無食到此店名物芋角及燉湯，攪到此餐早茶有美中不足嘅感覺，為求彌補遺憾9月18日肥華和靚媽，再到此店飲早茶食埋呢兩款名物外，更試多一兩款上星期飲茶無點嘅食物，以肥華多年食嘢經驗，在短時間內翻啅一間食店，可能無咗新鮮感，個感覺一定無首次咁好，但此店點卻令肥華沒有此感覺出現，點心出品及燉湯可口美味保持到肥華對此店食物嘅A+評分，而侍應姐姐對顧客服務態度亦貼心到位，此店值得一讚再讚💯👍👏👍👏👍👏

非常肯定當大酒樓結業後，有功力的點心師傅都流落到各區大大小小的點心店。土瓜灣下鄉道日月點心，完全無諗過小店可以有如此質素，本來打算黎個平日早午茶十二點半去都到一點半，小店無時無刻都坐滿客人有阿伯一支公食荷葉飯有公公婆婆黎食牛肉叉燒包，附近上班的也有三三四四來吃午餐，真的超多人。-最吸引的，我想還是那即叫即蒸的美味，-山竹牛肉大粒實肉有肉香而唔係鬆肉粉那種化學味。蝦餃晶瑩通透，蝦肉彈牙飽滿。燒賣大粒得黎有豬肉香有蝦肉的爽口，真材實料。珍珠雞落葉香都滲進糯米飯裡--想大食一點，叫盅鳳爪排骨飯，米飯蒸得剛好唔會太削，排骨也沒雪味叉燒腸有米香， -鯪魚球即叫即炸粒粒金黃彈牙。叉燒包也鬆軟，內餡 調味調得好食， 不會粒粒肥肉。真的很愛這種地道小店。

此店近期在網上爆紅，在不少FB飲食評論專欄得到不少為食網友出POSt讚賞，風頭之盛可說一時無俩，有見及此9月12日揾食肥華和靚媽亦跟紅頂白到此人氣店朝聖，當日早上O9：30左右肥華和靚媽便到達此店，見店内巳有八，九成入座率幸好店員可以安排一張二人枱給我們，唔使同其他茶客共用一枱，坐低後就點了幾款點心，因此店標榜所有食品都係即叫即做，製作需時所以食客要有心理準備，而肥華當日所點之此店食品，每樣都係有水準食物，最高評分係個蟹子燒賣有A++評分虎皮尖椒亦有A+評語，而其他食品給予A級評分亦恰如其份，若此店出品能保持今日水準，肥華和靚媽又多咗一個飲茶食點心嘅好地方💯👍👍👍

依家想食點心多數都幫襯點心店，可以叫到好多款點心，埋單都唔洗$200，真心抵食😋蝦餃、燒賣好大粒，蝦餃餡料好足，蝦肉爽口，燒賣就有好香既菇味，仲有蝦籽！金錢肚有香濃沙嗲味，口感爽口，好惹味😋蝦腸除左包住蝦肉，仲落左韭黃，口感都幾豐富，腸粉亦好滑身！珍珠雞入面包住豬肉、冬菇，仲有埋蝦米，好食🤪小籠包就皮薄餡靚，好多肉汁，好juicy😍!特別推介就係千島醬脆皮蘿蔔糕，同平時嘅蘿蔔糕好唔同，蘿蔔糕切到四四方方，外皮煎到香脆，上面加左千島醬同木魚絲，口感超正🤤係必試😚

收工可以食點快真係好開心，我喜歡吃點心，因為可以一次過嗌好多野食，滿滿的幸福喔🥬香菇蟹籽燒賣一定要嗌，以大蝦配上香菇及鮮味蟹籽製作而成，粒粒飽滿，味道豐富，味道鮮甜香滑🤪口感彈牙😘山竹牛肉球，一般以半肥瘦的牛肉製作，牛肉新鮮，帶點馬蹄、芫荽碎和吸滿喼汁的炸腐竹，好味😝鮑汁鮮竹卷，軟軟的腐皮充滿豆香，包上清爽的餡料，配合鮮美的蠔油醬汁，味美非常😃上肉小籠包，新鮮爽口豬肉，皮薄餡多，同時能承托包內湯汁，尖端位置外皮皺褶工整，賣相好靚。北茹棉花雞，滑雞塊、冬菇和魚肚做成棉花雞扎的形式。魚肚吸收了鮮美的雞汁，美味呀😜春風得意腸，腸粉皮包住左炸油條，入面仲有馬蹄同蝦肉做餡，上面再加蟹籽，食到淋、脆、爽三個唔同口感😃白灼菜心♥️♥️♥️