新華記

Open Now

Now Closed

呢日同朋友去新華記火鍋店打邊爐順便聚舊。問過間餐廳沒有用餐時限，方便慢慢飲下食下吹水。餐廳裝修整潔，食物非常有特色。首先嚟個招牌小食涼拌魚皮，依款嘢唔係度度有，仲要整得幾好食。跟住主廚推介食返隻肥美日本生蠔。蠔身飽滿鮮甜冇介紹錯。跟手再點一條黑池魚刺身，份量十足，鮮甜美味！魚骨同魚頭仲可以攞嚟涼瓜炆，冇諗過會咁野味！真係連啲骨都冇嘥。食到咁上下就點返個招牌蕃茄湯鍋，個湯鍋又多料又濃蕃茄味，淨係飲湯都覺得正。打邊爐食料最正我覺得係佢哋嘅手手切牛頸脊同埋手切本地肥牛，肉身鮮嫩而牛味濃郁。其他食材都好新鮮，食得出佢哋係好用心揀同埋做啲食材。嗰度啲酒水又唔貴我同朋友喺嗰度食咗5個鐘頭，過咗一個好愉快嘅晚上。有機會再約朋友嚟食飯吹水飲酒。

一間非常普通嘅火鍋店。點咗個肥牛，日本蠔，餃子，九肚魚，海蝦，仲有個刺身拼盤。肥牛真係好肥，冇乜肉未。不過佢有手切肥牛，但係冇叫到，可能會好味啲。啲蠔唔好食，仲有啲苦同腥味。啲餃子好普通，同街市買嘅冇乜分別。海蝦生猛，不過味道冇乜特別，似基圍蝦多啲。最好食係個刺身拼盤，不過成三百幾蚊有啲唔係好抵。食物就普通，不過記憶猶新嘅係佢冇冷氣。食完好似焗左個桑拿。我見佢有部室內冷氣機，開咗都仲係好熱。臨走前問佢係咪日日都係咁，佢話啱啱壞咗冷氣。咁我剛剛打嚟定位佢又唔同我講聲，熱到冇心情食。

雖然位於大角咀(最近深水埗方向港灣豪庭對面)，但熟路既話都唔難搵。火鍋配料選擇都幾多，差不多過百款，刺身都接近二十款，仲有即炸小吃，約多幾個朋友嚟就啱了，可以試多幾款。而且冇限時，可以邊食邊傾，唔駛趕住埋單，正!!胡椒豬骨湯：比坊間的多料，胡椒味夠但又唔會太嗆喉。椰子雞湯：一上枱已聞到好香椰子味，邊滾椰香味更出，增加食慾。雞件都唔錯，可以encore。即炸小食及火鍋配料：最愛炸雲吞，勁香口。響鈴同餐肉放湯食好啲。牛肉拼盤(大)：有齊手切牛、牛頸脊、牛𦟌、牛粒、牛胸油等，牛味夠，下次可以重點食手切牛同牛頸脊黑豚肉Wasabi 墨魚丸：呢個超驚喜，一吃已食到墨魚粒既鮮味，彈牙，之後Wasabi 爆出嚟好夾，但太過睇少佢成粒啪入口，即攻鼻到標眼水，大家食既時候小心啲啊其他唔細講了，大家去試吓啦！

第一次到訪，食物質素高，特別是海鮮，推介象拔蚌刺身章紅魚刺身勁新鮮甜美，餃子令人回味，炸物也非常好味，炸𧐢必食，樽裝汽水有童年回憶，地方寬躺，一定會再光顧🥰