超級無敵車仔麵

Open Now

Now Closed

每次經過，總見它門外出現一條長長的人龍。這個情境告訴我：是時候開飯啦！看到牆上的雜誌，才知道這家店子曾被介紹過，怪不得人氣如此爆燈。這店原本是太安樓的街邊檔，後來生意滔滔，越做越好，後來搬入現址。舖頭面積非常小，左邊是廚房，放滿不同款式的食物；右邊則擺放了三張椅子，供顧客堂食。眼看餸菜款式最少有三十種，不外乎是坊間的貨色，包括冬菇、豬皮、蘿白、豬紅、蛋旦、紅腸......麵底方面，可配米粉、幼麵、粗麵、油麵、瀨粉......兩、三、四餸麵，分別售十五元、二十元及廿四元，價錢合理。如要加餸，一般為五元，部份食材如豬手則要多付一元。至於調味，可選腩汁、咖喱、沙嗲及辣醬。由於地方狹小，大多數顧客均叫外賣。如像我那樣選擇堂食，則要有心理準備背後有不少人經過，跟旁邊的食客亦難免會碰撞手肘。阿姐服務態度非常好，即使食客想很久才柯打餸菜，亦不會發脾氣。她們亦毫不吝嗇，位位贈送兩片生菜先試湯底，由於加了沙嗲醬，非常惹味。豬腸雖然沒有押味，但煮得不夠時間，口感像粗橡筋牛腩全是瘦肉，或許是長期烘熱的關係，硬得死實實，要花點牙力才咬得開咖喱齋夠入味，吸滿湯汁，正魷魚超級爽口，吃時索索聲響，過癮非常油麵頗有彈

Went there last night and made two order.... both the portion is rather small..... the dumbling are hard like rock...... the curry smells ok but no taste..... the only good thing is the vegetable springroll..... =.= Rather go to the one next door for similar quality but no need to line up.....

我放假多數食車仔麵。呢檔同太安樓個檔都係首選。 我通常只叫 冬菇、蘿白 、豬紅, 廿零蚊一碗, 幾大碗, 冬菇好食, 蘿白都係 。講真，我真係分唔到呢2檔D味有乜唔同！我近排泥多左泥度買，唔係佢好食左，而係太安樓個檔成日排長龍，個度條龍短左好多，點解？你話呢！ 食慣左，都冇乜驚喜啦，總之平平地食飽就算。佢係有D味精，但比起榮記仲差好遠。榮記D味精好似唔駛錢咁，大贈送！

食車仔麵最緊要係要多款俾人撰擇 有日lunch 都唔知食乜行行下見到個招牌咁犀利就一於試下,,,叫左3個餸 ,先係送一條生菜, 其餘要左羅白,鮮足卷 同埋紅腸我睇住佢放咁多 料落去已經好開心...唸住起碼都30蚊啦點知20蚊搞掂,,,,!!!!!!!!真係抵食,,,,不過堂食就得幾個位,,,食得好唔自然...

不嬲都好鐘意食車仔麵, 由於家住元朗, 所以成日都食許祥昌, 永年更加係由細食到大, 今日因為要去耀東村整指甲, 坐van仔落番西灣河去鐵站時見到呢間車仔麵, 記得阿蘇介紹過, 所以咪去試下囉! 叫左雞翼尖, 蘿蔔, 豬腸, 米粉加咖哩, 首先, 咖哩色就有啦, 但又無味, 又唔香, 要自己再加辣椒油; 雞翼尖唔入味之餘, 仲一陣雪味, 好難食!! 豬腸佢係用大腸, 好肥, 麻麻地, 唯一值得一讚係蘿蔔真係幾甜, 總之就名聲大過一切啦!!! 坐得又唔舒服, 個店員絕對懷疑係賓賓, 總之就唔ok啦!!! 仲話自己係人龍鋪, 不思進取遲早死得!!! 之後請得都唔會再去!!!!!!!

nov 18, 09,友人帶我嚟+餸 : 1) 淨4餸 (hk$20)-我揀咗蝦卷,芝士波 (個樣好似火腿丸)-友人就揀蘿蔔同冬菇-蝦卷中規中矩, 芝士波好味,不過唔會有好多溶芝士喺裡面-蘿蔔入味,甜,無渣, 冬菇正常* 多謝友人請客..........因我去佢屋企"痴餐".........hehe * 友人話呢間以前好似亞so介紹過..........宜家入咗舖...........平時好好生意.........成日要排隊

今日去左食佢果到好細，又冇冷氣.,下次再去一定要係冬天先佢坐果D椅好小,上面只有2個風線叫左3樣 $20<豬紅,豬腸,紅腸>D豬腸好好食,唔會咬唔到豬紅OK啦紅腸都是OK啦冇食到炆冬X,,,我見到個個人都有叫不過食完真係好口渴,

在東區吃車子麵，這間算是比較好的選擇，這里的燜冬菇、雞翅、尤其是蘿卜， 都煮出滋味。但食客們注意，如果不想受氣，千萬記住外賣帶走，這里地方狹小，只有大概四個座位，兩個站位，若有人不守規矩插隊，你會陷入有理說不清的境地。2009年7月20日，中午一時多，我與朋友二人來到這里，好不容易終于排完長隊，叫了平時鐘意的東西，見今日難得有三個空位，于是埋單的時候說明了要堂食。但當我端著一碗面回頭的時候，發現一對打扮斯文看似辦公室職務的男女，突然沖過來，把他們的手袋放在凳子上。按照上次店員跟我說的，都是買好了東西，才坐下來，不可罷位。這對男女并沒有點任何東西，就想先占先機。我對那位女士說：“唔好意思，我哋先到噶。”二人置之不理，說：“我哋又唔系罷位，我哋都想系度吃。”男的急忙跑去點野。女的繼續罷位。剩下一個位置，我的朋友只好站在一旁吃。我和朋友兩人各端一碗面，對那位女士再說一次：“我哋先到，而你哋都沒叫野食。”女的望著男的同伴問，該怎么辦？男的立即對我破口大罵：“吵咩吵，嘈喧巴閉！俾你坐羅，#￥……@￥&%@×（#￥%。。。（后面說什么我聽不見，因為氣到難以置信有人會這樣子）”重復了幾次。大庭廣眾之

在5-6人既人龍中排緊隊時﹐睇住師傅熟手地一手滾麵﹐一手畢餸﹐忙得很。要了三餸 - 齋﹐牛肚﹐雞翼油麵。齋- 幾煙韌﹐但好像煮得唔夠透心﹐還有些位置仲係生生脆朴朴。牛肚 – 幾淋﹐入味雞翼 – 中size,入味。因鋪位細細﹐座既位置得4-5個﹐所以人多喺度食麵時少不了會有些碰撞

之前真係幾仲意係這間野食....但係最近次次食完都好鬼死口渴...我老公都係咁話一定係落好鬼死味精先咁有味....唉 以後都係少去為妙......................希望有人睇到會落返少的味精啦.....

又叫長龍車仔麵, 昨晚去到, 人龍就唔長, 但等候時間超長. 話說有人一次過買八碗, 有D客等得唔耐煩, 排排吓都走人.講番食物質素, 真係幾好. 廿四蚊四餸麵, 淨睇價錢, 唔覺特別平, 但睇埋份量, 真係抗通脹的典範, 魚蛋都俾左六七粒! 點了油麵跟大腸, 咖喱魚蛋, 咖喱齋同豬皮. 話說某蘇姓飲食節目主持人強烈推介, 門口又貼著雜誌稿件, 第一次去, follow吓D提議. 蘇某見議的咖喱齋, 講到好好食, 前面兩位小姐都揀咗, 所以又跟隨吓. 發覺...咖喱味唔夠, 好多齋舖的咖喱齋好食過佢. 大腸好味, 豬皮同魚蛋標準貨色, 個湯低加腩汁都係OK啦.諗諗吓, 各樣細分都係OK, 一般, 但加埋個感覺良好, 係好過OK好多, 可能係好食的車仔麵真係太少喇, 好耐都未食過. 有機會會值得再去.

收工後, 突然想試下太安樓0既車仔麵, 不過實實梨話好似入0左舖, 之後我再search 一下, o...原來係之前經過過的<超級無敵車仔麵>. 去到0既時候, 原來0個度得四個位, 真係好細喎, 好彩我都有位坐. 仲有入面真係好熱, 好焗, 雖然有兩把風扇, 不過真係頂唔順呀, 勁流汗, 下次去真係要考慮下呀!!! 1. 積奇車仔麵 ($21) ~ 豬腸, 咖喱齋及冬菇配公仔麵!!! 豬腸普通, 而且d色澤好似放0左一段時間咁. 咖喱齋0既咖喱味唔夠重, 口感略厭太"淋", 無煙煙韌韌的感覺!!! 冬菇反而不錯, 夠入味. 至於湯底就比較普通, 唔夠惹味!!!P.s. 車仔麵三甲(味道方面): 金寶, 車仔麵之家及唐記粉麵小食(排名不分先後)!!!整體評價：普通車仔麵, 三甲不入!!!

一心想試，就趁一個加時作賽的工作天，來吃個快晚飯。到粉麵米河等等完全沒有興趣，只想集中吃幾款配料，就來個生菜底，加冬菇、蘿蔔、咖哩齋及雞翼，要沙嗲醬。冬菇真的炆得很腍身，甜美入味，冬菇本身夠厚身，吃起來有咬口，果然不錯；蘿蔔也清甜，但吃起來有渣，也有些硬皮未刨淨的，味道好但口感差，可以更好；咖哩齋不是我所喜好的一味，但也得承認，味道是真不錯的。咖哩味道夠冶味，放了湯也不失味道，吃多幾年也可以；雞翼普普通通，味道不過不失，炆得入味，但是雞肉有點實實的；沙嗲醬加清湯也好，味精不算多，情況絕對可以接受。離開時已十時半，赫然發現門外有條長達十數人的人龍，果然犀利。埋單24蚊，味道是不錯的，可以一試。

真的不知何解每次晚上經過都好像好多人幫襯!?我食過好多次但每次都是陪人食...坦白講車仔麵最緊要係湯底, 好可惜佢地湯底好一般,以我食車仔麵幾十年輕驗,湯底應越深色越好,因湯底越深色代表越濃...本人較欣賞銅鑼灣"榮記"雖然這間"榮記"跟我廿幾年前起鰂魚涌得利樓樓下嗰間阿婆阿叔都比不上, 但起碼湯底一樣夠濃夠深色! 好想講這間"超級無敵車仔麵"單靠落'腩汁'係無用嘅...真係唔明白"蘇絲黃"何解讚到佢絕論!? "蘇絲黃"究竟有冇去過"榮記"!?西灣河嘅街坊你地唔係咁低要求吓!?希望"超級無敵車仔麵"店主有所改善...(還有此店用發泡膠做碗, 熱湯太熟溶化發泡膠食得多會生Cancer,食客要小心!)

轉個街口，就來到呢間前身响太安樓嘅車仔麵檔...對太安樓嘅檔口不嬲冇乜好感，對蘇絲黃嘅推介更係嗤之以鼻(通常佢話好食嗰D，你唔好去幫襯就啱數嘞)。不過今次因為要來個food tour，要响短時間內要食幾餐，所以就嚟食碗麵，等胃納可以有喘息嘅機會...來個蘿蔔、豬腸、餐肉及牛腩油麵。湯底頗甜；蘿蔔入口冇乜渣，頗甜；餐肉size頗巨，上碗時用剪刀剪成小塊。下次有機會再食應該叫佢原塊上(原汁原味D ma)；牛腩不算十分淰，豬腸亦有一點異味，不過質地幾淰..嚴格上水準還可以。但絕不能稱之為出類拔萃...