スーパー丼 Express (Closed)

餐廳主要賣丼飯。有刺身丼同肉野菜丼揀。揀左吞拿魚牛油果他他丼$98。有飯沙律同湯。+$12可以加一個小食。加左炸雞。炸雞有3件。見佢好快就整好。仲快過個刺身飯。唔係即炸。到食嘅時間只係微暖。唔夠脆。明顯用左好重調咪黎去雪味。味道偏甜。有啲奇怪。😵沙律菜尚算新鮮。麵豉湯普普通通。唔香麵豉味。吞拿魚牛油果他他丼。飯底調味過重。同埋比一般魚生飯熱。令到啲醋味奇怪地突出。吞拿魚魚生用上赤身。新鮮度屬一般。口感偏粉。刺生係室溫溫度。配埋個飯嘅熱度。腥味都幾出。😖質素最好算係個牛油果。夠熟夠滑。個汁亦都有驚喜。總括而言。成個丼飯融和性較差。食物溫度控制上亦令人失望。溫度同時影響食物衛生。希望餐廳改善。

eaton 改裝左做 food court，今日嚟望吓真係幾靚幾舒服。$68 一個照燒雞 don ，送埋沙律同埋味噌湯，你都唔好話唔抵。個湯普通一般質素，個沙律就真係幾好，份量都多，同埋啲菜都切得幾細條，幾有 heart。成日去啲餐廳會送啲勁Hea既沙律，啲菜似係洗完就亂咁擺上嚟，賣相唔靚食落又辛苦。個雞飯唔夠汁係一大敗筆，有少少乾爭爭咁格硬食個飯嘅感覺，雞肉嘅份量都幾多，白飯都好多，有汁嘅飯唔夠，多汁既話就會好好食。加$12有餃子，個餃子唔夠熱，但味道不錯，最正係個餃子汁，小小柚子味好好味。總括黎講，多汁啲個飯會 perfect。

特選燒鰻魚丼 $78日式食物我最鍾意食鰻魚去到邊度都要試佢嘅鰻魚丼😛呢度嘅鰻魚同平時係日式連鎖店食到嘅一樣質素 味道與口感都一般如果一心打算食好好味的鰻魚 就不適合你啦😔不過如果你只係想過口癮 咁都可以一試😉。👎🏽唔係原條 鰻魚 呢個要求會唔會太過分😂👎🏽鰻魚汁好唔足夠送🍚👍🏽當你真係好肚餓 珍珠米的份量好足會令飢餓感完全消失😂。要一讚嘅係 逸東地方算闊落 可以任坐日式裝修風格 令我再一次大開眼界🤙🏽。

逸東酒店地下同地庫經過大裝修後，地庫變咗幾閒食肆，大部份都開咗，隨意行，見有刺身丼，$80咁上下有得食，都OK呀，試下嘛~因為接近LAST ORDER 時間，所以好多位揀，都幾好坐，已經諗緊多D黎搵野食~揀左：香蔥吞拿魚腩蓉丼 $78可以參考下張相，份量都幾OK 架，新鮮同味道都唔錯，慢慢食坐得又舒服。佢地嘅丼有生食（魚生，較貴）同熟食（牛肉、鰻魚等，較平）嘅選擇，已經考慮緊下次試一試個鰻魚飯，值得推介~

快快腳由公司走過來 以為很多人等位去Eaton Hotel Food Hall 食丼飯第一次食 左諗右諗 最後決定食最愛鰻魚飯（$78）螺肉及味噌湯幾好 天氣開始轉涼飲一碗熱的湯總是好選擇但係丼飯沒有鰻魚燒汁 嚴重扣分飯很乾 普通珍珠米 不過份量夠

從前在逸東酒店basement底下的那所coffee shop，一直是小弟愛流連去hea之地，貪其幽靜又無人。有時叫杯咖啡來個ciabetta，一坐就是一個上午了....事隔多時，酒店來個大改革，將一切推倒重來。咖啡廳沒有了，取而代之是一個有好幾個飲食品牌進駐的foodcourt。之前吃過主打越南河粉的"Fuhn"，今次則來試一試在銅鑼灣做得有聲有色的"Superdon"在此開的分店....店則開，人流自然不算多。來得此店，自是獨沽一味只選don來吃....選了價位差不多最高的吞拿魚蓉丼，後再追加一小碟炸廣島蠔，便是一頓挺豐富的don午飯....吃飯前，先嚐一口麵豉湯。是平常包裝用粉開出來，偏鹹的普通貨色，沒甚麼特別....再來嚐主食don。吞拿魚蓉的缺點是肉帶少許筋渣，不過整體上鮮度是ok的。當伴和少許wasabi及醬油時撈勻食，是還可以；不過反而更吸引我的，便是置於一旁的那堆醃菜，特別是那幾條醃得甜與辣味恰度又爽脆的牛蒡及原粒蒜頭，以此來伴飯，確實連主角的風頭也搶去....至於小食的炸蠔，外皮略覺沒做足掠油功夫，有點偏油膩了；不過皮本身算脆口，蠔肉軟嫩能保持juicy的狀態，算是挽

同朋友黎到逸東酒店既food court發現都有好多間餐廳選擇，見呢間既丼飯幾吸引就決定試下。叫左兩個飯同一份小食。角切什錦魚生丼: 魚生都新鮮既，三文魚同吞拿魚味道普通，魚子係咁多種魚生之中味道最好既，一咬落去係鮮甜既味道。蒲燒饅魚丼: 饅魚味道唔錯幾有咬口，但汁落得太多有啲咸。炸廣島蠔: 炸得幾脆皮好薄，蠔唔會腥，點沙律醬食係好味既麵豉湯: 出乎意料幾好飲，唔係好咸嗰種，配埋豆腐飲幾好。整體黎講，味道普通，俾呢個價錢唔係好值。份量就足夠既，睇落以為好細碗但食落會覺得岩岩好。

大裝修後諗住去試下試，因為附近番工所以lunchtime去左搵食。Foodcourt有5間野食，1間bar, 1間coffee shop. 見到呢間都幾吸引，open kitchen 見到啲staff煮得幾用心 。有多種日式當飯選擇~叫左生薑燒豬肉飯有小食同湯跟餐，CP值都唔錯！豬肉喺即炒，好香，汁亦好夠味~

諗住方便就出事呢間丼飯完全唔掂！將D野好似求求其其放埋一齊1. 油甘魚又細又唔新鮮2. 吞拿魚腩蓉味怪怪地3. 甜蝦就一般其他鋪既丼飯好食過佢好多豐X水產, 定食DoraXX我諗就算連板長既丼飯都應該好食過佢質素太普通！

$58 +$12原來Eaton Hotel入面有個Food Hall連Superdon都開咗係入面🤣喺呢到食仲要無加一感覺上抵咗好多🤘🏻呢個雞飯都算幾好食如果啲雞可以多啲就好🤤但係個芝士年糕就麻麻地食落覺得好油膩👅

There are 11 new restaurants at Eaton new food hall, and I highly recommend the Donbori restaurant “Superdon” at the corner next to the entrance on Nathan Road! They are running the same whole day menu, so I can still order a set for my late lunch at around 3pm today✌🏻 It is around $88 but will lots of diced sashimi (including fatty tuna, salmon, lots of salmon roe, scallop, clupea, yellowtail....) on top of the rice! It is very fresh and delicious! Nice try! For me, the set alone is quite full,

How nice it is to have high quality Japanese food in a food court. I’ve been a fan of the original causeway bay store of superdon, but found it quite expensive to go there very often. Superdon express is slightly more affordable but I feel it doesn’t compromise on quality. The miso soup here is actually better than the one I had in the original store. We actually decided to go for the pork chop with curry instead of the sashimi don. It was really delicious! The portion of rice was just right, an

逸東酒店地下同地庫經過大裝修後，地庫變咗幾閒食肆，有啲開咗，有啲裝修緊。其中一落樓梯，右手邊會見到呢間Superdon。隨意行過去，望下個menu，佢嘅丼有生食（魚生，較貴）同熟食（牛肉、鰻魚等，較平）之分。因為地庫食客較少，驚魚生唔新鮮，所以去叫咗個生姜牛肉飯，再配咗份餃子，盛惠80大元。味道算幾好食，撈埋隻生蛋都仲正。大家見圖啦，賣相算幾好，起碼好過吉x家。除咗上述生、熟丼之外，魚生愛好者更好者更可自選魚生款式（最少三款），價格隨客人所點嘅種類而浮動。最後希望店舖努力經營，亦恭喜我居然成為佢第一篇食評。嘻嘻。