Supreme Steak & Grill

Open Now

Now Closed

👧🏻😋👅🍽✨經濟靚牛靚薯條😍-Supreme Steak & Grill 🇭🇰 深水埗福榮街161號永邦樓地舖 🇭🇰-➿Steak set有包薯條任食同汽水咖啡➿水泥色牆身同木色枱營造舒服感覺➿雖然店名叫Steak & Grill, 但除左Steak set仲有其他午市套餐, 主食由$60至$110不等, 豐儉由人-🇦🇺 🥩 澳洲 M7 和牛里脊 200g $280💯瘦長既tenderloin有炭燒坑紋, 五成熟處理得好好, 咬落爆肉汁💯牛里脊即係牛腰肉, 瘦得黎又超嫩滑, 少少黑椒吊味已經好夠, 汁都唔使點☺️-🐮 🥩 安格斯級肋眼牛排 200g $190✨圓圓肉眼扒七成熟, 切開粉嫩✨筋位有咬口又唔會太韌, 同軟腍既肉眼一齊食好享受😍-🍟 任食薯條90分鐘 套餐包括💯幼身薯條即炸即上, 食到最尾都仲係香脆熱辣辣-

聽講深水埗有間價錢平質素高牛扒餐廳，我立刻約埋牛魔王（我個friend）一起去試下，餐廳裝修工業風，整潔乾淨，座位闊落。安格斯級封門柳套餐（200個）HKD 190封門柳外表煎得十分焦香，7成熟切開超多肉汁，肉質嫩滑粉紅色，牛味超濃陪黑椒汁，非常好味😋好驚喜咁嘅價錢咁高質牛肉牛魔王坐低先講她過敏唔可以食牛🐮，最後她選擇左食魚烤比目魚排配阿根廷香草醬套餐 HKD 170錯有錯著，比目魚扒都有驚喜，魚皮烤得十分香脆，魚肉超級嫩滑，一Ｄ都唔腥又無骨，啖啖肉，配上清新香草醬真系好好食🤤套餐包括薯條🍟+汽水🥤薯條系細薯條，熱辣辣非常香脆好味，重點系薯條任食，唔夠可以一直加。相當值得去試下平價高質餐廳

又到糧尾🥺冇乜budget但又想食高級嘢😞係深水埗見到間新開嘅Steak House!!!門面簡約唔起眼👀不過食完絕對有驚喜❤️‍🔥晚市套餐包括90分鐘薯條任食🍟1罐汽水🥤幼薯條但熱辣辣 脹卜卜 外脆內軟 滿滿嘅薯仔肉適當嘅鹽唔會過鹹 一口接一口 輕易refill多幾輪🌟烤比目魚排配阿根廷香草醬 $170估唔到咁好食!!! 魚皮煎到薯片咁香脆唔油膩魚肉一絲絲 入口滑嘟嘟唔鞋唔會乾渣渣滿滿魚油係口腔爆發出嚟 配合埋個醬😳一流🤤🌟安格斯級肋眼牛排 200g $190食塊牛扒就知餐廳嘅食材質素!!!我嗌咗7成 表面焦香但肉質唔會鞋口😳每次切都會標哂牛肉汁🤤🤤真係好正🥺性價比高內有乾坤平民Steak house!!!有service但不設加一服務費!!! 大推🔥📍Supreme Steak & Grill深水埗福榮街161號永邦樓地舖

見到openrice寫深水埗平民高質扒+任食薯條就去試八點入座，8:10點餐，等到8:50先上菜（包括薯條都等咁耐先上)，足足四十分鐘。食到9:07叫店員加薯條，餐廳收10點，店員竟然話已經截單無得refill，但轉頭見到佢送一份薯條去隔離張檯，係真係截單定唔想俾客人refill？叫左封門柳同比目魚，得汽水同咖啡係唔洗加錢，食物質素還好，但標榜任食薯條90分鐘一次都唔俾客人refill，實在令人好失望!

呢間餐廳晚市套餐有扒類🥩、意粉🍝、漢堡包🍔等選擇，每人包一罐汽水同90分鐘薯條任食🍟。90分鐘薯條任食真係聽到都覺得吸引，所以呢度晚市坐滿人架。餐廳用咗工業風裝修，簡潔既水泥牆設計。安格斯級封門柳 $190鐘意肉味濃既朋友一定要嗌！👦🏻👧🏻叫咗5成熟，切落去肉質軟腍，食落仲充滿肉汁添阿！肉味好濃，煎到熟度啱啱好！幼身薯條炸到金黃色🍟，外脆內軟，配埋茄汁食，令人一條接一條咁食😋！安格斯級肋眼牛扒 $190呢款同樣叫咗5成熟，煎到個網紋好靚😍，切落去帶嫩粉紅色💖，肉汁飽滿。配埋黑椒汁，味道更惹味😍！可樂 跟餐免費芬達 跟餐免費📍 Supreme Steak & Grill (深水埗)深水埗福榮街161號永邦樓地舖

估唔到深水埗區，都有咁高質素嘅牛扒經過門口見到set dinner 有90分鐘任食薯條🍟加上餐廳環境好簡潔舒服，於是同朋友一齊叫左2份安格斯級牛肉，然後慢慢任食薯條再吹下水。 上枱估唔到2份牛扒都好厚肉🤩切開又淋又滑，素質極高，我地2份都叫左7成熟❤️安格斯級肋眼牛扒：呢款比封門柳口感煙韌，扒邊有少少根位，肉身厚，好肥美👍🏻安格斯級封門柳：好厚身，口感較軟+淋，牛肉鮮味濃厚，多汁juicy 👍🏻睇相都見到牛扒肉質均勻鮮嫩，質素之高可以媲美酒店級的牛扒👍🏻但係深水埗區食，價錢就抵好多啦😋識貨之人唔好錯過呢間性價比高嘅扒房

🎀深水埗。平民體驗高級扒房牛扒🥩🎀🪄店名* #Supreme Steak & Grill🔮地址*深水埗福榮街161號永邦樓地舖 🔮🗾分店地區🗾 沒有分店💰價錢$380(2人)➖➖➖➖➖➖➖➖➖➖➖➖➖想睇更多同區推介👉地區搜尋🔍🗾#pickyme_深水埗剩系食呢一類👉食物類型搜尋🔍🍜#pickyme_西餐➖➖➖➖➖➖➖➖➖➖➖➖➖🎵餐廳環境🎵講起深水埗,通常都係舊店居多好少會話過黎鋸扒chill下無意中聽同事話呢間環境唔錯,所以就黎試下由地鐵站一出黎,大約行5分鐘就到啦 相當方便去到舖頭已經睇得出與別不同,高格調裝修,黑白為主 偏工業風格餐廳內整潔寬敞 位置頗多 可以容納好多客人食既時候越黎越熱鬧 爆曬場😵😵但係服務都好快速有禮 值得讚好🙆🍽️食物質素🍽️見到最近原來餐廳換左新餐牌質素高質左好多😍見到都流曬口水🤤而且叫steak set仲可以薯條🍟任食岩曬我呢個薯條怪🍟😍😍如果有粗薯條我就更愛拉🤗貼地價錢可以食到高級扒房牛扒,真係好難穩 👀評分💖💖💖💖💖🪄安格斯級封門柳(肉味極濃)200g $190餐牌入面已經標明肉味極濃一試便知龍與鳳😎果然同期望一樣平時出面食細細舊封門柳已經300幾以上

Supreme Steak & Grill 🥩🍖今日嚟到深水埗呢一間，只要俾平民價錢就可以享用到高質牛扒既餐廳！💓💓平均$200左右就可以有一份主菜、餐飲同埋薯條任食🍟🍟真係超級抵玩，絕對係性價比高steak house!👍🏻安格斯級封門柳🥩(肉味極濃）(200g) $190封門柳叫左七成熟，牛扒嚟到唔會過熟，口感亦都非常之鬆軟，肉汁亦非常多，封門柳肉味都比較濃郁，$200唔使嘅價錢就食到非常抵！！💯性價比非常高，推介下次大家嚟呢度都可以試一試佢哋嘅封門柳👍🏻👍🏻💓澳洲 M7 和牛里脊 (200g) $280叫左三成熟，外層煎封，肉汁完整保存，切開肌肉纖維十分細膩，肌肉中夾雜少量脂肪，有平均大理石花紋。入口收嫩滑細緻，咬開時肉汁爆開，而又不起筋。

唔搵都唔知深水埗有地方食牛扒，雖然唔係嗰啲好fancy嘅地方，但係價錢質素都好唔錯！🤓🤓 .✨🥩安格斯級封門柳(200g) $190🥩🥩 安格斯級肋眼牛排 (200g) $190我一個叫咗5成一個叫咗7成，提議大家最多叫5成好了！🤣佢上枱，兩塊牛扒都煎得好靚，一坑坑咁🤩封門柳同牛排好唔同，對比起上嚟封門柳出色啲，肉質一絲絲腍啲又重肉味啲。除咗牛扒，佢跟餐重包一杯飲品同任食薯條，薯條即刻炸起，好香口！

今日去左位於深水埗既Supreme Steak & Grill，因為已經到左晚飯時間，所以好多人等位，我地都等左陣先可以就坐🙈入到餐廳後，餐廳裝修光猛，亦都非常整潔，餐廳牆上亦都有不同的牛扒顯示，好多都好吸引，睇完我地就叫左以下既野：- 安格斯級封門柳- 安格斯級肋眼牛扒- 蜜桃熱茶🍑我地叫左安格斯級封門柳和安格斯級肋眼牛扒，2個扒都唔錯😋肉質鮮嫩，口感亦都好好，味道也很不錯🤤而且份量岩岩好，令到我地非常滿足🥰另外，叫左晚餐就可以有90分鐘任食薯條，真係非常抵食🤣薯條🍟熱辣辣炸出黎真係好正👍總結：餐廳非常光猛、整潔，值得加分，食物性價比高，最吸引係可以任食薯條🍟包保你可以攬住個肚出餐廳，想搵扒鋸既朋友真係唔好錯過喇😋

前排係Mxx club睇到個post，話呢間野巧勁！個老闆好注重牛排🥩，近近地試試佢🥳入去 Ok啦簡簡單單既裝修！乾淨企理舒服嘅✨可能我哋時間尚早5:30，晏d就唔知喇🤣 我叫咗安格斯級肋肉眼扒 5成熟(200g),送過嚟時覺得好香好正不過好似細塊咗細d😅切開我哋黑人問號咗，真係五成熟⁉️。。。。。中間位置我覺得 ok既，似五成熟既，但側邊位真係生到食唔到，我諗三成左右🤔🤔但個牛係香既，食得出靚牛所以最後我食咗半塊牛，走果時仲未飽🤭🤭😂佢叫咗個安格斯級封門柳五成熟200g,佢本身可以食得比我生，但一黎切開生到三成咁真係食唔到，最後我哋叫左個侍應黎問吓呢個係幾多成熟驚落錯，結果個侍應要睇張單先答到我哋幾成熟，我果吓好奇怪🤔️如果你哋既成數穩定既點解要睇單呢🧐🧐🧐最後唯有麻煩佢幫我哋整熟少少，哇！D面色衰不突止，仲聽到廚房d人鬧🙄下圖第二張係反煮過的5成牛排Btw,兩款牛質素本身唔差，牛味香濃，尤其封門柳確係唔錯另一個搞笑事係佢哋標榜90分鐘任食薯條，但係個薯條食完全冇人refill，成個場得一個收銀再加一個waiter,忙住出餐完全叫佢唔住，好彩無加一如果唔係仲㷫算！食完快D走我都唔想留喺度

性價比Max! $190高質牛扒➕任食薯條‼️ 平民扒房😛 餐廳主打貼地親民價錢食高級牛扒 環境衛生乾淨 叫 set更可任食薯條🍟 性價比超高！晚市好旺場 座無虛席🫢====dinner set由$135起 均包括90分鐘任食薯條🍟 主食 及汽水或即磨咖啡====᪥ 安格斯級肋眼牛排200g $190肋眼扒油脂較豐富 口感軟嫩鮮美 味道甘香 我地都鍾意肉眼多啲😆᪥ 安格斯級封門柳200g $190封門柳肉味極香濃 油脂較少 肉質鬆軟帶一絲絲口感 ====᪥ 任食薯條薯條熱辣辣 香脆可口᪥ 汽水

前一排喺instagram見到有人話好食，特登琴日由屯門出去試下dinner。都抱住幾期待嘅心情去試。琴晚6點半左右去到，一入到去個侍應冇乜禮貌，冇同我打招呼，淨係望住你，我話兩位佢先同我講嘢，都算啦，照坐低食，佢話其他台都book晒，得返一張門口位，咁冇所謂啦，坐低之後聞到浸臭味，同佢講可唔可以調位，佢塊面開始西，但係都調左第二張枱俾我哋。之後叫左2塊牛排，1塊3成，1塊7成，牛扒係幾好食，薯條都夠熱，但係叫佢refill薯條一次，等咗四個字都冇，睇住佢不斷上其他枱嘅食物，之後仲要收埋我隻碟咁我嬲嬲地就去埋單，同佢講唔等啦，佢一句唔好意思都冇。

今日同朋友去左食dinner，我叫左份7成熟牛扒同龍眼茶。 龍眼茶個外表幾靚，幾香，都算ok。牛扒上菜既時候外表都唔錯，配薯條同醬都幾岩打卡。但切開入面大約得2成熟，得塊皮唔係血紅色，似係用火槍噴一噴就上菜咁生。之後舉手叫人整過，過左一陣終於再上菜。都係果碟牛扒但佢可能叮/再煎多陣，切開終於熟左d，5成熟左右，但已經唔敢再叫佢整過，怕廚房加料。加上果時又人多，怕佢地又忙中有錯。講番件牛，最後食落好多根，多肥肉，切左太生/有根/肥果d之後，得番1/3。應該用料唔靚，如果唔係生d我都可以放落口。建議黎食既話，想食3成叫全熟，想食5成就叫全熟再叫佢叮多次，想食7成可能要靠運氣。（ps見到隔離枱有一塊係煎得幾好有7成熟，佢就好🥲）最後$200埋單，我既話覺得只值$30，$20係龍眼茶$10薯條。Ps:環境都幾嘈，可能果時人多

深水埗這間工業風扒房晚市套餐全部都有90分鐘薯條任食🍟餐廳座位寬敞乾乾淨淨燈光亦不錯，很適合影相😆我跟閃光分別點了安格斯級封門柳($190)以及新西蘭法式羊架($240)套餐除了薯條還跟汽水或熱咖啡另外亦可以轉配其他飲品🌼封門柳封煎三成熟好厚肉肉質軟腍多汁肉味香濃但唔會血淋淋配上自家製洋蔥黑椒汁甜甜辣辣好惹味😋法式羊架份量亦不少，足足有3大片肉質亦是軟嫩唔會太羶👍🏻如果有薄荷醬就更加搭喇～～～任食薯條係幼薯嚟新鮮即炸沾着黑椒汁食一流🤏🏻如果單吃再多點鹽會更好吃呢-🥩Supreme Steak & Grill🏡地址: 深水埗福榮街161號永邦樓地舖☎️電話: 9880 2237🕙營業時間: 12:00-22:00 (Mon-Sun)———————————————🌿以上圖文由Bobowannaeat版權所有，轉發需授權喔🌿鍾意我的分享請 ᴄᴏᴍᴍᴇɴᴛ, ʟɪᴋᴇ, ꜱʜᴀʀᴇ & ꜱᴀᴠᴇ ❤️🌟繼續關注我的貼文請𝙁𝙤𝙡𝙡𝙤𝙬 @bobowannaeat (ㆁωㆁ*)