爭鮮迴轉壽司 (大埔廣場)

Open Now

Now Closed

我番黎香港係9月 驚喜發現爭鮮壽司多左很多新品種 特別係精緻既迷你丼飯 最愛玉子紅蝦丼飯 飯唔多 但係有兩片玉子 紅蝦（生）同蘿蔔絲 可以點芥辣豉油 若唔夠味 加d甜姜一齊食 超級正 又發現左一款新壽司 唔知叫咩名 感覺係有土豆沙律同毛豆既味道但係我發現吞拿魚壽司 壽司飯上紅紅地 我既第一反應係🙀 吞拿魚係假既 染色 唔怪得咁紅 食左一次有d唔敢再食宜家出左巨型帶子壽司 板長壽司50蚊一個 尼度8蚊一個 很抵食 帶子口感甘係無50蚊一個既好 不過8蚊我已經滿足啦總體不錯 不過好奇大家一般食幾多盤 作為女仔我係咪是太多了？🤣

來陣時某位，後來等左幾分鐘先有位，食玩時，見到好多人響出邊排隊，真系people mountain people sea 人山人海，打噻蛇餅，後來我哋食完，先5點鐘，天嘟未黑，就食完晚飯了

今個春天 爭鮮壽司重新裝修，話5/5重新開張 但我1/5路過大埔廣場 估唔到佢已經重新開張 出面望入去 好似高級左d wor今日終於有時間入邊食 星期一既12點 人唔多 唔洗排隊 行入去發現座位安排同以前一模一樣 只不過迴轉帶換左新既啦 個位置都係有小小逼 無位擺袋 唯有自己抱住佢壽司都係同以前差唔多 但係講真 款式變少左 都係一d最基本既壽司 心諗 不如買爭鮮外帶啦 仲平d⋯⋯我之前鍾意爭鮮回轉壽司係因為佢款式比外帶多 又精緻 但宜家好似唔係甘今次唯有簡d最基本款 黑色碟倒是有新野 試左尼個芝士蝦壽司 仲有一舊菠蘿 爽口之餘又有香濃芝士 壽司飯雖然唔多 但下面鋪左一層海苔 幾特別! 除左尼個芝士蝦 爭鮮壽司就無咩特別 無咩驚喜 壽司款式仲越來越少 睇來裝修只是外在 本質並沒有提升 唔跌已經很好了唔該！變返以前多d款式 得唔得？

既然新裝修就試吓啦不過要講返飯就唔OK架啦丶乾身易散，始終唔係手握壽司吖嘛＄8一碟，要求唔可以太高雖然每碟都係＄8，但同男朋友專揀黑色，一碟得一件果一種嚟食油甘魚，劍魚腩，紅蝦蟹膏等等都相當唔錯👍就算＄8件依然都係性價比高另外呢個煮蜆唔錯喎，比想像中新鮮，可以一試

同朋友二個人睇完戲又唔係太肚餓就去左食爭鮮，因為係晚市時段，所以都好full要排左一陣隊先有得入…甜蝦係無可能唔叫,以前有甜蝦刺身嫁!!!都唔知點解唔可以出刺身!!!?不過佢地既甜蝦壽司有三隻甜蝦,雖然細細隻但係都好鮮甜。魷魚壽司味道唔係好掂,魷魚有點腥味,之外都無咩味道,口感煙靭。三文魚就有剌身,偏厚切而且幾肥美,不過有點”鞋”。之後拎左個辣海帶,佢地既辣味幾惹味,有D綠色既配料幾爽脆~最後呢舊唔知咩名,但係味道一般!!!咬落去幾有質感,不過味道腥…

第一次係香港食爭鮮回轉壽司，8蚊一碟，fd話好過爭鮮外帶壽司，今次去驗證下去到係星期六12點，已經開始排隊，排左4個字，太瘋狂了，究竟有無咁正？的確，迴轉壽司係比外帶壽司足料d，壽司飯好似都好味d，選擇都多d，有魚生同幾種外帶壽司無既壽司，比如話大蝦壽司等，雖然一碟得一個大蝦壽司，但超級滿足，蝦口感好，仲有幾條青瓜絲，小小灰色既醬，我估係豆泥但係吞拿魚魚生三舊一碟，每一舊有d細，相比台北一碟8蚊，仲要加一，相比台北既爭鮮其實係幾貴架，台北既爭鮮除左壽司，會focus on 各種素食，香港爭鮮focus on 係唔同種類既魚壽司同埋海鮮刺身，所以可以簡一d外帶無既壽司品種和魚，我一共食左8碟，4盤壽司（2+2+1+1=6個壽司）大蝦壽司太好味，食左兩碟，魚刺身食左照燒鯖魚，吞拿魚魚生和扇貝（好大隻，點照燒醬，唔錯）加一碟海草，加一後係70蚊無錯啦！下次再會去食，不過只會食外帶無既壽司

我最喜歡吃它的三文魚壽司和刺身。三文魚肥瘦均勻，不會有過肥過多白色脂肪的情況。而且非常鮮味。店舖擺出少量的刺身和壽司，方便賣完了才再補充。壽司由此可以保證最新鮮和最衛生。

來到爭鮮迴轉壽司，當然想食實惠的壽司及生魚片，試過以下挺好食的款，覺挺值得推薦！第一款：龍蝦沙律魚子壽司味道很濃郁，食上好新鮮及很滑的感覺，不錯！第二款：醬汁鰻魚不用言明的味道，甜甜而香，絕對不會使人失望的一款。第三款：辣味螺味壽司以為壽司辣極都有限，但這款試上確是辣，但挺鮮而有少少咸味，挺好食！

平日每逢假日，就會到爭鮮食壽司。昨日星期六，因為爭鮮人多，平日排隊超过20分鐘，所以五時半就去了，不用排隊！！食物方面，我首推帶子壽司，大大塊帶子，又夠新鮮，每碟兩舊都只係8元！！三文魚超肥美，蟹腳又甜又大，燒魚很香，種類繁多，碟諜8元，真係又平又好食！！ 可是等待時間太長……爭鮮真是必去之選！！！

今日大概20:30係大埔爭鮮迴轉壽司店,食食下見到個壽司師傅離開壽司吧個時,竟然以戴有手套的雙手按住個地下爬出o黎!!!當時見到E個情況已經好不安,皆因個地下始終都由無數人踩過!之後該名師傅竟以那雙按過地下而戴有手套的雙手去搬壽司碟!完事後該名師傅由迴轉帶下個窿爬入壽司吧繼續整壽司!!!但明顯由頭到尾該名師傅都冇清潔或更換過手套,以及清潔雙手!!! 我覺得你唔洗手,都換下手套,唔換都洗下對手套呀!!!!但完全冇囉!最得人驚係佢仲要立刻去整壽司!!!!當住D客面前都咁誇張,背住D客個時都唔敢想像!去到最後完全冇晒胃口,拿拿臨比錢走人!!!post出黎都係想話比其他人聽，間野既衛生情況，係想比其他人知日後要多加注意！！以上件事，完全屬實！

大埔e間爭鮮都已經食過10次以上～每逢星期日質素係最差，員工又唔夠，壽司上得唔快，成日條line都空～晚上多人，一定要排隊！所以同女朋友一系就11點半前去，一系就tea time 3點之後去最好就平日XD gum就包有位，坐得舒服，又多款選擇每次食得又開心，又滿足XD碟碟$8～　有任食就好lu

之前去台灣旅行...見到大多數捷運站都有E間爭鮮外帶壽司...旅行期間仲不斷幫襯tim~返到黎香港,,,估唔到都有...大埔E間仲要唔係外帶....而且碟碟8蚊...又真係好抵...決定試一試...雖然有限時間...不過我覺得唔錯呀...刺身都8蚊....真係抵啦...我都已經去過3次...真係唔錯...蟹肉棒壽司真係好正..次次去都係等佢出...

之前只是在地鐵站附近見到爭鮮的外賣店。曾經在地鐵站買了件三文魚壽司試覺得三元來說算是不錯了。今次經友人帶我來試試迥轉壽司，友人說覺得八元一碟算是不錯的！入座後，我才知道限時五十分鐘的。怪不知等位算很快呢。而且是沒有紙叫壽司的，全部在迥轉帶上拿的。但個人有點擔心有些壽司放了很久也沒有人吃，那麼變得不新鮮，吃了後怕拉肚子呢。。所以我大多數拿剛放出來的壽司呢！三文魚壽司：口感不錯，沒什麼味～帶子壽司：帶子是平常食的一半，但都鮮甜，有點驚喜！玉子壽司：不似蛋，只有甜味，不好吃。。蟹棒壽司：有點彈牙，味道不錯！其他很多都不知是什麼魚的壽司，但味道也可以呢！但飯真的有點實，而且很易散呢！似用機整的！時間到都不會趕人走，比想像中好。以這樣的價錢當然不要有很高的要求啦！

每次喺大埔廣場行街時,都見到好多人排隊....心諗呢間'爭鮮'應該ok好味先有咁多人等位...所以懷著希望入去一試, 誰不知坐到入去,眼見迴轉上的壽司,件件賣相都麻麻地第一樣試'帶子'一入口感覺好腥...之後無奈地試吓其他....三文魚,鰻魚...等等...越食越唔掂...真係好唔掂....唯一一件比較好的係鯖魚但, 只係比較好而已食完之後心情好down, 真係好down, 好難形容未試過食完晚餐之後會咁down以後都係唔會再幫襯了

今次去醫間壽司店都掂!!!我兩個人去食，而今一次啲野都好食，最好食哥個都蜜汁櫻花蝦壽司,仲蟹腳壽司,三文魚都好。不过魷魚前菜唔係太好食有啲声味囉,但係八蚊一碟都好食嫁喇!!!!