爭鮮迴轉壽司 (天澤商場)

Open Now

Now Closed

日本美食在香港一向都好受歡迎，但係唔係間間都有咁高嘅質素而爭鮮開到咁多嘅原因都係在於佢平，靚，正 呢間分店係天澤商場3樓圖書館隔離，除左出面有得坐之外，人多時都會開埋入面個個。如果可以自己揀位，極度推薦坐係啲邊邊位，因為係最近食物出口食物方面，爭鮮啲三文魚切得好厚，油脂分布都算平均。而我自己就極度推薦「蒜味螺肉」，夠辣之餘仲有口感，好好食。其次係「芥末八爪魚」，wasabi 夠勁，記得記得可以唔駛再點wasabi！第三就係紫薑，夠酸夠辣，再搭配食三文魚，可以消除膩嘅感覺，食多幾舊！

開心就係假日同屋企人一齊出街食飯！爭鮮食過好多次，但係多數都食外帶，爸媽都食過迴轉店，今次一齊去爭鮮迴轉堂食，要排隊，$8/碟好抵食，食咗31碟，4人食$280埋單仲有找，人均消費都唔使$70，大滿足😁爭鮮有入手日本嘅帆立貝同油甘魚所以特別試咗油甘魚壽司、帆立貝壽司、帶子壽司、帶子裙邊小食......味道都好新鮮🍣原來帆立貝有「順風滿帆」嘅意思，油甘魚有「出人頭地」嘅意思，食多啲應該會好運！😁

喺天水圍北要搵嘢食真係冇乜好食，適逢今日想食壽司，但又唔想用太貴嘅價錢，結果選擇左這間新鮮壽司，平日晚上都有不少人排隊，剛巧今天人比較少，所以決定入去進食一番。雖然價錢平，但有部份嘅壽司都有一定嘅水準，食十幾碟已經可以填飽個肚，依家前有只係百幾蚊，真係唔錯嘅選擇。

前幾日收工去食飯，咁嗰度啲嘢都他人幾好食，但係等入去嗰陣，又無標明係邊到排隊咁夜晚多人起上嚟真係要標明係邊到排隊，搞到唔知邊到係拎外賣，邊到係等入去，仲要俾其他人串，要排隊先得，唔係唔想，係真係唔知你哋係咪排隊定係等埋人先入去，（嗰日多人到又唔搵人安排反啲人點企，又唔分反開兩邊，啱啱去到的人真係唔知點，整反個標示出嚟話俾人知係邊到排會好啲）呢嗰只係本人建議下次再去食，可以見到呢方面可以會做得好啲！！真心啲嘢真係好味

天水圍分店的爭鮮都好大，坐得都好舒服。好多人一家大細去食的。見到有冬天限定的食物。轉下轉下都好過癮。但我聽見店員不斷要求啲人褪位、坐過一格，比新一批客坐，感覺唔係太好，不過平價餐廳多人排隊，算啦。啲食物都ok 新鮮的，款式都多。蟹子多到瀉，見到立即拿。蒜容扇貝，正正常常嘅。炸蝦就... 放咗太耐，唔脆了。有三文魚飯，細細碗，有4塊三文魚，都好抵食。三個人食咗13 碟，已經好飽了。3個人$120 有找，其實都好抵食。

昨天開家長日，姨甥仔成績得到老師讚許，我身為呀姨當然給他獎勵，不得不走到呢間位於天水圍"爭鮮"與他慶祝，因為接近他的家。我也是坑口分店常客，人手不足，迴轉帶上永遠都是出現食物短缺情况。相比這間天水圍爭鮮卻不同。短短的40分鐘，令我們吃得飽飽。種類繁多，三文魚腩，刺身，火炙三文魚，鰻魚，枝豆，蟹柳等等。甜品中有芒果布丁，奶凍。"爭鲜"提供綠茶茶包，免费添飲，而迴轉帶上的薑片，聽說是每吃一客壽司便要吃一片薑片，清除味蕾上的感覺，就這樣才可吃出壽司的真正味道。如想減肥，必須先揀選枝豆，令胃部填個8分滿，就這樣餘下的2分便少吃了壽司飯了。由於太肚餓，我們二話不說，也吃了二十多碟呢!!

小妹對爭鮮ge甜品真係有一種情意結(芒果布丁除外)是次同家人去食晚飯,小妹又是試左一款新甜品,也許已經唔叫"新"啦,因為小妹想食時,已經冇名牌介紹此甜品名字,但食過後小妹自己同佢改左個名 叫"藍莓乳酪蛋糕",蛋糕下層係一層薄薄的白朱古力,面頭有一尐尐椰絲,蛋糕藍莓味蠻濃的,帶有酸味;椰絲的點綴 個人認為有尐多餘。蛋糕好似唔多受歡迎(其實小妹都唔多推介啦) 小妹拎黎食時,蛋糕已經變成室溫,而且外觀好完整,但匙子一落就發現原來成個蛋糕都已經係溶左反而好想推介"朱古力慕絲蛋糕" 中間ge牛奶朱古力慕絲蛋糕好香濃好幼滑,下面同樣係一習薄薄脆朱古力墊底,上層係黑朱古力粉,一啖入口 先苦後甜 一個蛋糕三重享受 最重要的小妹呢次手氣好好,拎到ge蛋糕冰凍感十足

是旳哥哥話想食爭鮮,於是我地一行人又黎到天澤3樓開飯被安排入B區ge我地坐低後就開始拎野食啦~小妹今次試左個"蒲燒鰻魚玉子",飯上面先有一片燒玉子之後再放一片鰻魚,一入口玉子原全係搶晒鰻魚ge味,只係食到玉子ge甜,再加上玉子同鰻魚口感都係差唔多,所以冇話有邊方面ge突出/推介,不過食到最後一啖終於食到鰻魚味再食個山葵八爪魚,山葵味好重好攻鼻,但八爪魚好淋,一d都唔爽媽媽大人好鍾意食一碗仔ge三文魚魚生飯,今次小妹都試左一小碗,飯只係貼住個碗底薄薄的一層,上面有一些角切三文魚,小妹運氣不太好,尐三文魚都係冇光澤欠鮮味,即使有1-2舊睇落靚靚仔仔,但食落都係欠鮮味

因為開在娘家附近，所以有一段時間真係去得好密，連續幾個月，個個星期都會去1-2次。記得開開張時，因頭三日半價，第一日小妹冇去排，第二日低估左半價的威力，六點先去排隊，但家人最遲7點半要返工，所以排唔到一半就轉左去食大家樂，第三日，小妹中午時去過一轉，完全唔使排隊，可以直接入店就坐，但家人仲未試過,為左7點前可以入店就坐，小妹於下午未夠5點就去排，但條人龍都已經九曲十三彎 長又長回憶完畢，講講今次嘅經歷先；母親的提義下，今晚一行三大一細又黎到爭鮮開餐，小妹好明白，去爭鮮食壽司真係好講緣份，緣份好起上黎，話唔定可以食到質素同元乜板物有得揮嘅壽司；而今晚整體黎講,小妹嘅運氣真係唔錯。可能係假期關係，小好一行人八點幾鍾到達，都要等一輪先有位，今次被安排入b區。安頓好後，首先先黎一碟有餡的腐皮壽司，曾經小妹真係好鍾意呢一碟有餡的腐皮壽司，因一一碟兩舊壽司，一舊有中華沙律 一舊有吞拿魚沙律，中華沙律嗰邊冇乜可能會出事，腐皮微甜，中華沙律爽口得黎又帶少少辣，成舊壽司唔點豉油wasabi都冇問題吞拿魚嗰邊更加好味，吞拿魚中夾有粟米粒撈埋沙律醬和住壽司飯一齊食，真係冇得輸再試火炙三文魚皮壽司，個名雖然有

原本我係無諗住準備寫食評，但食完之後真係覺得不吐不快，所以大家唔好介意我無相.....今日，我經過商場新開張不久的爭鮮迴轉壽司。因為肚餓，又未試過，於是試下。餐廳除了環境乾淨舒適，侍應態度友善，最重要是食物質素好。但這爭鮮迴轉壽司，只做到頭兩項......我想不到最沒可能做得難食的壽司，都可以造得那麼不堪....... 那件紅紅地既螺仔醬壽司，螺仔很腥很腥，就是這一碟，令我對這間餐廳徹底失望，埋單走人!第二位，就是一碟魚乾壽司 ? 沒有標示名堂出黎，一塊窄窄紫菜，包着一片黃黃地既野，下面就係果塊長長地既啡色魚乾，味道 ? 苦過DD，究竟條魚係咪食黃蓮大嫁，我覺得係囉。點解個師傅 / 餐廳會認為人會喜歡食一條禁苦既魚，又點解佢可以過到自己果關，呢個問題好嚴重，一係佢無試過就出品，二係有試過，苦之麻，又唔係本餐廳食，第三係，梗有試，苦到正呀喟!!! ......第三位，就係佢地D飯跟wasabi，佢地D飯，根本食唔到有落醋，或者D醋冇醋味 ? 而且其他壽司食材並非特別鮮味，冇左醋味既飯，真係完全唔似食緊壽司。諗住加D wasabi ，又係好淡，完全唔攻鼻，可能正宗wasabi 係唔攻鼻，但

由於咁岩係屋企見到張爭鮮既傳單，開張個幾日$4碟，咁岩有一日撞岩我放假...所以個日就10點幾搭車去天澤排隊，一去到真係好多人，好彩排左一陣已經有位放人入去...所以其實都唔算等得太耐既，但係之後差唔多到我地既時候，條隊已經排到去大家樂個邊...我地一行4人去食，一坐低就開始要與時間競賽，因為只係可以食40分鐘架炸 三文魚刺身:雖然size細左d，不過$4碟算係咁上下啦，都算唔錯既...條迴轉帶見得最多既就係三文魚刺身同三文魚壽司，所以不停有人拎，不停咁出，都算新鮮既 三文魚壽司:塊三文魚同元綠既$10碟三文魚壽司一樣咁薄，相對呢個就抵好多啦，不過食落麻麻，都係刺身好好多...鰻魚壽司:呢個食落幾好 真係估佢唔到呀 蟹棒壽司:一食落口就有種感覺係佢已經唔知放左係道幾耐，無咩特別，認真麻麻 芒果布甸:意想不到咁好味，同甜品鋪既有得比呀泡芙:初初以為都係普通既cream泡芙，點知放入口竟然有士多啤梨味，再咬開第二粒一半睇真d，入面真係有紅色既士多啤梨果肉定唔知係士多啤梨醬，都有驚喜 螺肉:無咩特別，普通貨色，算好味 藍莓芝士蛋糕:呢個其實記得有影相，但唔知點解睇返電話又無

上回係灜壽司食評講到，個日4蚊雞一碟D人排到好似水蛇春咁長所以就冇去到！今回佢正常價8蚊碟，我諗今次冇死錯人啦點鬼知一去到，仲係一早去到，都係咁鬼多人，好似去參拜釋迦牟尼聖典咁，個個都好神心咁等食，唉！好彩一早就到排得都幾前吓，大約等左45分鐘，終於都入到聖壇，用口參拜吓D刺身同壽司，不過順便一題係佢地要人齊先可以入場，仲要限時50分鐘進食！入到去，佢地係分開两個食堂，4條迴轉壽司line，人就十分多，個個迫迫澀澀咁，有D似偷渡係船倉屈蛇食咁，迫住黎食十分辛苦。佢地既格局，一包濕纸巾就一包wasabi，吾夠wasabi就係運輸帶到攞OK！跟住就佢地D出品黎喇！三文魚壽司，十分之的骰，比出面個D細件比係西鐵外帶店個D品質吾同，係比較好食D嘅！再黎八瓜魚壽司。甜虾壽司，一般啦！冇乜特别。螺肉壽司，哩個係我較為喜歡，螺肉爽口好味。仲有刺身類。三文魚刺身，三件裝好的骰精緻！元貝，都吾錯，好鮮味！而佢地有壽司、刺身、蛋糕、布甸我就比較喜歡佢地嘅螺肉壽司、玻璃虾刺身同甜腐皮壽司，其他都好一般。個日3個人砌左40幾50碟都吾夠飽！仲要返左屋企冲左個杯麵先夠喉，我真係頂！總括:價錢抵，碟碟8蚊雞，款式

爭鮮回転寿司 開分店開到周圍都有 新開幕 半價4元碟 22/9-24/9 對於壽司迷既我都梗係要去嘗新 不過第一日半價都好多人 都係採用排隊形式入座 等待大約半個多小時 不竟是特價 所以人比較多 前身係七福神的位置 想不到入座時發現 地方頗大的大約有六條輸送帶每邊可以坐大約8/9個人 地方頗大 但坐位跟坐位的空間不太 是十分逼挾 坐下後員工放下杯子 五十分鐘的回転寿司正式開始 岩坐下就急不及待拿下三文魚壽司 因為每碟都是四元一碟 毫無顧慮的從輸送帶拿下食物 時間不知不覺也過了一半輸送帶的食物不斷轉換食物 款色頗多的食物：坐下第一件事就是食三文魚  右上角那碟是三文魚不同的頭尾吧 不過我最愛食這些三文魚 加上甜甜的醬汁 真的美味 肥美的三文魚 令我一碟接一碟的吃 飯是機械做的 因為坐位近廚房 能清楚看到廚房造飯過程 小碟的三文魚底下是椰菜底 只有頭十分鐘看到 後來也沒有機會再次嘗試 現在想想也流囗水了 海膽墨魚 在我印象中 我未有嘗試過 而今次令我留下深刻印象 因為味道不錯 脆脆的墨魚配上海膽 不會說海膽搶了風頭 海膽味不算濃 但剛剛襯托著墨魚燒鯖魚 不管到那我也會點上這道美食 因