壽司廣廚房 (Closed)

今晚6個人去咗沙田連城廣場食飯 見到有日本野就入咗去😂 食嘅就係呢間壽司度廚房了環境一般啦 同普通日本野差不多 都坐得舒服 但冇牆或玻璃隔開餐廳同商場 有機會有啲嘈 但我果晚還好小弟非常中意食刺身壽司 立馬叫咗個特上大刺身拼盤數量不多但款式撘救 有八款 色澤都好新鮮 每款得兩到三塊 每人食唔哂所有款 我食咗吞拿 鯛魚 帶子 有一個共通點：都好新鮮 吞拿魚唔腥 但魚味豐富; 帶子爽口 亦帶鮮甜; 鯛魚則帶點點魚香味我地覺得刺身不錯 朋友亦推薦刺身的拖羅 所以我地決定叫呢個中大拖羅拼盤果然冇令我地失望 拍得住黑門市場另一推介係鰤魚胶未見過咁多肉咁魚胶 好正六個人食咗23樣野😂😂 三千幾埋單😂😂

由於新城市成日太多人，所以選擇在平日先來行街街。行到差唔多肚餓，決定想食日本野，就揀左呢間入去食。始終平日，唔叫太多人，等左10分鐘左右就有位。先叫個薄切平目魚試一試，雖然比較細碟，但味道好鮮，再加上附上既醬汁非常醒胃。開胃菜黎講絕對滿足到我既要求。呢個就純粹滿足我自己，因為好鍾意食明太子，但總覺得普遍香港食到既明太子都不甚了了，見呢度有個季節限定既就叫黎試下。除了中間那款比較普通外，其餘兩個都食得出新鮮明太子既味道，特別係配芝士那一味，明太子撞芝士真係會叫人唔夠喉，可惜無得單獨叫😆之後到內子最鍾意既吞拿魚腩，平時係街食一個吞拿魚腩飯都要百幾蚊，仲要強行食晒d 飯，今次入黎食呢間主要佢見到餐牌呢度可以只叫個吞拿魚腩碎送紫菜，都只係$130！呢個絕對值得再試。由於佢真係太鍾意食吞拿魚，所以叫多兩款吞拿魚比佢食，事實無令人失望。特別係個大吞拿魚腩，絕對比板x元x 既水準好，唔係話佢地差，只係呢個真心覺得好，入口溶得黎仲食到d 油份既鮮味，真心推薦👍🏻食完生冷野，媽咪教點都要叫食d 暖野暖下個胃，我地揀左壽喜燒牛肉鍋食，因為本人嗜吃牛，而有d 湯同烏冬就岩啦～d 牛上碟時的樣子，份量足夠有餘

晚上在這裏享用晚餐，坐下不久便遇着一位比較上年紀帶眼鏡馬尾女侍應黑着面叫我們坐迫一點。很不滿意我們坐出了界。不知何來的界。食飯俾人黑面，唔明點解要再來。女侍應全晚由頭黑到落尾，非常爸霸。完全茶餐廳格局。舉手當你透明咁款。佢同師傅講嘢亦粗聲粗氣。唔建議大家幫襯，除非俾錢受氣。不過呢間野都係出咗名懶巴閉。無啦啦又係度鬧自己同事，好懶係高級咁話，令場面非常之唔美觀。食個飯好似去咗街市咁，無啦啦有個阿嬸黑面兼嘈怨巴閉。

今日一行四人下午到新城市廣場shopping. 到晚飯時間女性友人話想食日本野. 咁search到呢間壽司廣集團旗下嘅中價分店. 於是就決定去試下. 可能閒日既關係，好快就有位入座. 店入面座位都算幾寬敞，坐位都舒服.坐低後，我地即刻叫左野飲，刺身同吞拿魚腩碎食住先再睇下大家想食咩。我地四個都叫左呢杯新出既白桃梅酒，入口有清新桃香，同有淡淡嘅梅酒味。就連唔好酒既朋友都覺得唔錯之後隔左一陣，刺身拼盤同吞拿魚腩碎都上檯刺身我地叫左特上大刺身，有八款每款兩至三件。每款都好新鮮鮮甜，無雪味。另外吞拿魚腩碎十分推薦，魚碎仲保有魚香外，再配上附帶既脆脆紫菜包住食，真係絕配食緊頭盤嘅同時，我地都order左其他主菜主菜就叫左特選手握壽司，壽司上既魚生都係好新鮮，特別係海膽好鮮甜。（因此之後再散叫了每人一件海膽軍艦，但忘了影相）之後就叫左個鯖魚箱壓壽司，佢呢款壽司嘅魚味特別濃，魚肉質地又比較軟身，喜歡鯖魚魚味既朋友會好鐘意。但唔喜歡太腥嘅朋友就唔好試喇（好似榴槤咁，唔係個個啱）另外再叫左個店鋪推介menu中嘅伊勢龍蝦焗飯。墊底既飯索晒龍蝦既汁，再加左少少既蕃茄碎粒係飯中刺激味蕾，旁邊仲焗到有少少脆口飯

今日和太太往壽司廣廚房食lunch, 點了午餐(炙燒飯, 照燒雞飯、茶碗蒸蛋和魚頭味噌湯), 炙燒飯是炙燒三文魚, 文魚食落甘香, 有油花, 三文魚配上山葵食落口感豐富,冬菇粒食落彈牙, 紫菜食落爽脆, 飯好軟綿, 口感十足；照燒雞飯雞肉肉質鮮嫩彈牙, 醬汁鮮甜味美, 蔥花帶出雞肉的美味,雞肉燒汁連飯進食味道醒胃；茶碗蒸蛋蛋好香滑, 好有蛋香,蟹柳食落鮮甜, 白果好腍, 整個茶碗蒸蛋蛋香味濃,口感十足；最後魚頭味噌湯是三文魚頭湯, 三文魚頭肉質鮮甜, 個人認為如果三文魚頭骨少了一點口感更佳, 因為三文魚頭比較多骨碎, 小朋友和長者食要小心, 蔥花鮮甜味美, 味噌湯飲落清甜, 鹹度適中,口感十足,整碗魚頭味噌湯整體鮮甜味美。餐廳座位舒適,午餐份量十足, 食物美味, 我吃了一頓足料午餐。

今日去到新城市廣場壽司廣廚房食雞烏冬午餐, 雞肉大大件, 食落肉質鮮嫩, 爽口彈牙, 鳴門卷食落彈牙, 烏冬食落爽口, 配上蔥花能帶出烏冬的美味,昆布和大蔥食落爽口,湯底味道清甜, 食落口感滿足的雞烏冬；午餐配上三文魚和肉鬆飯糰, 三文魚飯糰三文魚食落鮮甜, 飯好有飯味, 口感十足, 配上香脆紫菜食落美味, 肉鬆飯糰肉鬆味道香濃, 配菜青瓜食落開胃。餐廳座位舒適, 食物美味有質素, 食了一頓口感滿足的雞烏冬午餐。

夜晚和老婆行新城市，我們兩個都好喜歡食日本菜，所以去水牌望望有乜選擇，見有間叫"壽司廣" 未試過咪去試~店舖有壽司兩字，就主要點壽司和魚生食，沒有點拉麵之類，總覺得如果要食拉麵不如去專賣拉麵的地方食。而本人比較喜歡和牛，所以都想試試以作比較，另外自然留肚食個甜品才完美~吞拿魚，我覺得最好味是中拖羅，而當我一見到個中拖羅真係眼前一亮，從色澤就知唔會差得去邊，當放入口後簡直想叫多碟自己食，但餐牌咁多選擇無理由再叫相同，所以唯有留待下次再食過~和牛西冷唔算特別，但不妨一試。試一次就夠，始終唔算平，下次我會用和牛西冷這個價錢去試其他壽司。總括來說，性價比都可接受，壽司魚生材料新鮮，還有幾款特色甜品色想試，下次再經新城市，都會考慮再光顧~

我不嬲都係壽司廣既fans,尖咀同老銅分店我留過唔小腳毛,今日同friend 行沙田搵食(好日都唔去沙田),原來佢向沙田開左分店叫加左廚房兩隻字,作為粉絲,我竟然唔知佢開分店,真係枉為粉絲,為左補償我既過失,要入去放低錢先走得。去壽司廣食壽司是常識吧!鯖魚箱壓,同其他分店一樣,肥美,新鮮,好食!!!!做法同一般唔同, 佢係用鯖魚魚生奄製, 不是用熟鯖魚, 再配証梅子夾, 帶出鯖魚既鮮味,好食我最愛得亦都係去壽司廣必食,海膽軍艦從來都無令我失望過,海膽爆到瀉,爽呀!!!壽司廣好利害,竟然仲可以俾到驚喜我,呢個蔥吞拿魚腩蓉,真係好食到震,紫菜感同薯片無咩分別,配上腩蓉,以後去我都會再叫牛肉喜酌燒,我去親日本餐廳都會叫,老實講無咩特別,成鍋野其實最貴係D牛,牛味濃郁,肥度適中。甜品控就一定會食甜品,對甜品奄尖既我揀來揀去,揀左呢款法式焦糖燉蛋,明明食日本野,叫法式甜品,我就睇你咩壺蘆賣咩藥; 焦糖燉蛋比較甜, 配上帶酸味既生果, 中和左, 感覺好清新,仲要有新鮮既紅石榴,,呢個甜品好出色。到最後亦都係我最愛壽司廣既原因係因為佢既薑係我食咁多間日本野最特別而又最好食的,佢既薑唔係一片片的,睇相

遺憾未看食評就幫襯，看menu覺得價錢中高檔，圖片看賣相尚接近中價質素。點了一個九州丼，來到的質素跟低檔外帶壽司一樣，那隻蝦跟圖完全沒一點相像，頓時讓我想起商品說明條例。麥當當的巨x 霸跟實絕對有大分別？明白租貴，人工貴，材料貴，但收這個價錢，至少也給一點點合理食材，顧客不是永遠是對的，但至少不要當客人是傻子。做生意不是一次過，從不要求回頭客？中伏，中伏，中伏，重要事情要說三遍。三思，三思，三思，幫襯前請三思。

上星期同一理大學同學去沙田食飯,平時食咩多數我揀,但今次日為太忙就由友人代辨,約好去沙田食壽司廣廚房,去之前個日得閒無事做上黎睇下食評如何,睇完我諗今次大檸樂..勁多負評,馬上打俾朋友可唔可以改地方,朋友話約好晒好難改,咁唯有硬住頭皮去試一試;我無同人講我睇過D差既食評,任由朋友仔發辨,平常心去食餐飯。一個字-鮮  睇相都見到厚切得很,又中拖羅又北寄貝又鮑魚,你仲想點?唔明點解D人會話呢間野貴,淨係個三件,海膽,飛魚子,蟹肉都唔平喇,最後我地5條友叫左兩轉一個字-抵 俾左勁多我地,呢張相差不多食左一半先影,個個餓鬼咁,紫菜好脆,腩蓉好味,原本想encore,但我諗叫多三個都食得晒…所以食其他野講到食冷烏冬,我都可以話係半個專家,因為我真係好鍾意食冷烏冬,壽司廣呢個烏冬好彈牙,配冷汁係鰹魚汁,清得黎又好夠味,一讚,最後呢個我無同人share,自己食晒成晚最好食就係呢個,個奄列做得好滑,有半熟既感覺但唔會生,汁好味牛肉好淋,和牛先有咁既效果,如果唔係和牛都做到咁,我寫個服字,唯一缺點,飯俾多一碗我都食得晒,因為個汁好送飯真心講,我好小去食日本野時食埋甜品,因為多數都係咩芭菲或者抹茶之類的東

同朋友仔行街行到又攰又餓，諗住搵間餐廳可以坐得舒服食啲嘢，睇到水牌有日本嘢食，咁我地咪去試吓啦！去到，見到啲裝修同餐牌都唔錯，就入去試一試啦！我地叫咗：特上大刺身拼盤、壽司廣特選手握壽司、日本產黑毛和牛Omelet同焦糖香蕉French Toast特上大刺身拼盤：款式多同厚切、又新鮮，GOOD!!!壽司廣特選手握壽司：有海膽、帶子、海鰻、飛魚子、中吞拿魚腩⋯⋯好！日本產黑毛和牛Omelet：蛋滑，汁香，肉淋，美味！焦糖香蕉French Toast：一句講晒，正！總括來講，不錯吃，可以encore！

本身好鍾意食日本菜，放工後又想食，係新城市行行下見到呢間。見佢個餐牌啲野食幾吸引，又幾啱食就入去試下喇！我同先生兩個人試左下面幾樣：北海道壽司set，油甘魚刺生，中拖羅刺生:所有魚生都好新鮮，好甜，壽司set真係好抵食，油甘魚都好肥美，中拖羅口感真係好，肥瘦程度剛剛好豬肉生薑燒: 味道夠，唔油膩士多啤梨芭菲: 好味道，不過士多啤梨唔夠甜，可能個雪糕本身係甜影響左柚子雪芭: 原個柚子上碟好得意，雪芭做得好，柚子味夾雪芭無得彈，不過唔食得酸就可能唔啱食

今日晚餐有兩個大人兩個小朋友去食左呢間餐廳，總數埋單$995。我地叫左一個壽喜燒，一個蕎麥面，一個漢堡牛肉飯，一個士多啤梨巴飛及一個綠茶雪糕球。埋單貴到嚇死人，唉又唔太好味，壽司既米又唔一粒粒好糯米糍咁，紫菜又唔脆不特止，其實等既時間超長，壽喜燒只有既塊牛肉，一上枱d牛肉就黑色，其實好明顯就唔新鮮，壽喜燒本身個味道又一般。最好食係$65既士多啤梨巴飛同埋價值$25 蚊既綠茶雪糕了。。確實不值得一去。

被環境吸引入來, 叫了個牛肉烏東, 麵身非常淋, 湯唔熱, 牛肉好零碎,個碗似用過好多年!朋友的冷麵同樣情況, 麵身一pat pat, 冷麵汁竟然冇味! 其實咁嘅價錢, 百幾蚊一個食物, 完全遠離合理水準,

準備去看pixer展，故打算就近於沙田吃個中午。星期日一點多，四處滿滿都是人，人山人海很是恐怖，距離新年一段時間，怎不見人流少些。。。我看還是偏僻地區比較適合我。同樣食店，壽司廣廚房顯得特別顯眼，皆因店門沒有人排隊，所以考慮片刻即入座。看完餐牌選了兩味迷你丼及湯套餐，感覺兩丼一湯價值hkd180還能接受，吃完才知道，還是遠遠標貴了。蔥呑拿魚腩碎丼+鰻丼+蕎麥麵hkd180感覺質素有點像我上班附近價值六十元左右的刺身飯，不過不失。鰻魚迷你丼的鰻魚份量感覺像兩件鰻魚壽司，味道還行。蕎麥麵口感味道正常。炙燒魚丼+天婦羅丼+魚頭麵豉湯hkd180正常六十元套餐的日式飯。天婦羅微脆，溫熱，正常。冬菇、雞肉滑蛋，味道偏淡。魚湯。。。咸而淡味，油膩感。味道是正常，價錢相比是昂貴，繁忙時段沒人排隊是合理。