一寿司 (Closed)

上夜班的晚上...與同事們下班後到一壽司暢快一下...一行8人...差不多0000先入坐...一坐低成班好似顛左咁狂叫....淨係三文魚壽司都叫左17碟...幫我地落單既侍應都問左我地兩次係咪真係叫咁多~~~今次食左好多黎左幾次都買晒既野...牡丹蝦壽司...超鮮呀!!!和牛壽司... not bad~仲有叫左好多好多野...都食唔晒...~淨左好多...下次都係唔好顛左咁叫喇~~~(睇d相就知我地傻架~~~)黑夜時段真係好抵食...~ ( 不過記緊唔好浪費食物呀!!~)

之前見呢間係雅蘭的一壽司, 夜一夜都排晒長龍, 就諗住要去試吓 , 而家我先知, 排長龍唔一定係好嘢.我同啲fd去食, 仲要係正價時段. 講真正價時段啲嘢, 正常都好過半價宵夜啦, 點知......唉......1) 三文魚三食 => 全無魚味, 賣相亦差2) 火炙海膽 => 以為食緊煎過的魚春3) 玉子壽司 => 無蛋味無甜味4) 蟹子壽司 => 見到啲色都覺得佢唔新鮮, 食落口亦完全無味5) 汁燒帶子 => 朋友評價 : 普通瑤柱都好味過佢6) 另外仲叫咗 三文魚沙律同幾款刺身壽司 => 結果嚟到, 我們睇完都唔敢食, 我們驚食完會肚痛7) 於是唯有試下叫串燒 , 諗住會好啲, 雞翼, 雞肉串, 以為佢即叫即整, 因為我們都等咗成15min先有得食. 呢次啲嘢叫做有啲味, 可惜完全feel唔到佢有熱度, 頂多都只係比微微微微微暖8)唯一夠熱又夠味的係鹽燒三文魚較 , 不過食完都一樣想死, 一碟小小的魚較, 碟上剩低的油足夠你炒一大碟菜食物已經夠差, 服務態度更劣, 叫佢攞對筷子幾乎叫咗15min. 不過有一樣嘢佢地的效率就好高, 就

同男友食消夜,十點幾十一點想食壽司就去一壽司睇下要排幾耐,拎左飛後我地行左落樓下卓悅買d野上返去等左幾個字就有位刺,果然真係好抵,大部份有半價,係沙律,天婦羅無姐,d 三文魚尚算新鮮,以呢個價錢黎講吾錯! 而牧丹蝦都幾大隻,算係咁! 今次係我第一次係一壽司食半價時段,老實講人係多又坐到迫迫地而食物賣相跟正價時段比又真係差d但以呢個價錢黎講OK既! 呢餐食左二佰幾蚊,抵!!

一行2人去旺角一壽司食, 6:45pm攞位, 時限2小時要交枱, 可接受。同呢位友人已經嚟過好幾次, 估唔到次次都坐番同一個位, 搞笑。由於我地勁鍾意食一壽司, 所以係叫咗勁多的(希望唔好嚇親大家..哈哈)：壽司：三文魚x 2：夠肥美。魷魚鬚：一般, 不過燒汁好味。蟹棒：唔多好食, 有點失望。好似羽壽司好食d。帶子：好味, 夠鮮甜。吞拿魚：好薄, 味道一般。依家好似好難有d好食的吞拿魚。(唔記得)貝：ok。赤貝：爽口, 好味。魷魚：爽口, 好味。軍艦：螺：好味, 彈牙。蟹糕蟹肉：一般, 所謂蟹肉係蟹柳。手卷：友人(海膽)我(軟殼蟹)：今次麻麻地, 個軟殼蟹太多粉。串燒($48/4串)：雞亦x2, 冬菇、鰻魚各一。次次嚟都食, 好味。冬菇多汁夠”林”、雞亦係鹽, 正、鰻魚好汁, 好味。芒果蟹子沙律x2：必食, 好味, 不過少咗芒果。燒玉子：好味, 不過要趁熱食。飲品 ($39買一送一)：我：巨峰提子乳酸：好味, 唔會太”藥水味”。友人：熱情(西柚、士多啤梨、仲有一種唔記得)食物仍然好味、service一般啦, 唔知係咪有幾位係新的, 所以嚟嘢食講嘢食名時係錯哂, 不過唔影響。其實以我地”

同舊同事撞下運氣試依間日本料理,肉厚,環境舒服,兩個人就好快等到位啦!食飽後,又有coupon 同dollar card送,嘻!意外驚喜.

晚上放左工去食....因為撞正半價時段，呆得左一個鐘先有位。入到去，叫左大概10碟到，畫左叫極都無人收order紙....叫到有人啦，又叫得等陣....比張紙佢又哂左我10分鐘又呆等左半個鐘先有得食。但其中漏單漏左足足3碟...之後叫左既野飲無漏過....問d職員話check check check....check到個人都唔知去左..幾個都係咁....之後要叫經理....睇住佢check...先講無講到單....全程叫左4次侍應加水...都係得一個答案....轉頭....但到我走都無人加過....之後叫埋單....都無人埋.... 坐係到呆等....最後又要走埋去經理到睇住佢禁張單出到即刻比埋$佢....唔好再係到浪費時間.....漏單漏左4份1...食就食左都唔知有冇30分鐘....呆等左1個半鐘以上....下次唔再去....半價佢又唔係好平，但就食到一肚氣...咁我下次比多少少錢食得舒服d....另外想講多句.....好心請多幾個人啦.....成個場咁大....得幾丁友....一係就唔好開咁大個場....搞到要咩都只有︰等等、轉頭....垃圾

再過多幾天,是本人我的生日大日子,呵呵...自己話大日子.這幾年大家的生日.大紅,MANDY和我,都會出來慶祝一番.昨日早上,舊同學大紅打來給我,問我生日想吃什麼,她給了幾個日子我選擇,第一就是昨晚,第二是今天,第三是明天,後來就選定了昨晚吃.到問我吃什麼,我一直都未想到...到最後,大紅打來給我,問我吃日本菜好嗎????我話好呀 她可能知我鍾意吃日本菜,但我不好意思嘛....她們約了我去雅蘭中心的一壽司,她們先到,就在門外等著我,問我意見,因為限時吃2小時,我初時以為是吃自助餐,望真又不是,為何要限吃2小時.後來,我跟她們說,進去吧...侍應說:如果有客才叫我們離開,不然會讓我們繼續坐下去.坐定之後,就在落單紙上點東西,點了的包括 ....軟瞉蟹手卷 $20 - 好味海膽雞軟骨 $22 - 好味清酒煮蜆 $35 - 冇乜肉食,可以不叫枝豆 $12 - MANDY至愛,差不多全部是她吃香芒蟹籽沙律 $22 - 芒果好番,正南瓜雪糕,菠蘿雪芭,蘋果雪芭 $35 外型討好,吸引食慾,不過就貴D 多款壽司等等...這裡的食物由十多元到至貴百多元的東西,不要以為十多廿元很便宜,點了這麼多,到

之前食過雅蘭間分店...今次第一次系度食,而且第一次食半價時段...一行9個人~九點多D就排隊等位=.="由約十點食到成十一點幾~叫左好多野食...好滿足呢...其實係抵囉...服務好一般...叫好多次先有人應你...環境暗左D,都ok....最愛的甜蝦同三文魚壽司都好肥大,但唔多鮮甜...仲有燒玉子今晚覺得麻麻地...冇之前食咁好味...辡汁加州卷 D辣汁好惹味...又唔係好辣~ok ar^^三文魚刺身OK...甜蝦刺身好唔得..."梅"梅"地咁杯荔枝蘋果飲品正!食左好多野...整體都唔差~^^total食左$1136....

前日肚餓又想食壽司，走左去排..排左成2個鍾就係為左蘆筍蝦壽司真係好好味，講真佢迴轉檔+半價黎講算係唔錯環境:就腳，個場夠大，魚缸一流食物:唔差,但係排隊排左成個幾鍾,好多野都無哂order了蘆筍蝦壽司←最愛,去親都會食甜蛋←煎得好好味,個鰻汁味道恰當,只是蛋汁較為甜左少少壽司(帶子、三文魚、甜虾、蟹膏軍艦)←帶子最鮮枝豆←無意見,間間都係咁上下服務：太多客了,未必能服務周全,但係都會不斷加水,d侍應服務都ok既,只係間唔中聽到有人會係你後面唱下歌娛樂下你洗手間要使用公眾洗手間又係排呀排.....

一行5人黎lee度食壽司..由9pm開始排隊..9:54pm拎到籌..10:30pm先正式入去食..限時1.5小時~最喜愛都係有三文魚的壽司..$9一客..半價後只係$4.5一客..大家都不停地encore..有芒果的壽司感覺好fresh..雖然係宵夜時段..但食得出大部分的用料都係新鮮的!!!不過要彈的是..軟殼蟹確實又凍又唔好食..唔建議大家叫黎食..服務方面..都算好好喇..好主動咁幫你收碟同埋加茶..唯一要彈ge係..叫左你個籌果陣..又要等多3個字俾佢執野俾你入去..成日都話就得就得..好心佢就執好哂野先話俾人知入得去la~~入面果d侍應冇乜問題..係出面叫籌個侍應黑口黑面咁o者..不過我黎係食好野..而D野食都out of expected般的好食~值得我俾一個哈哈笑呢~值唔值得等咁耐..就真係見人見智喇~但我可以講..佢一定好食過一休/九代等類型的鋪頭~價錢差不多的!!

話說本人同另一位朋友生日,一大班fd 諗住開開心心幫我地一齊慶祝啦...~我地知多人排~so由八點九就去排~排到九點九,一開始都即刻有位入啦,我地8個人坐卡位d野食其實都黎得快, 質素ok啦~冇板前果d咁好,可能價錢問題跟手因為我地帶左蛋糕入黎切...仲收我地50蚊....~算啦~~好多間都收...因為宵夜時段得粒半鐘....影埋相切埋蛋糕....佢已經係度吹我地話快d...咁我地拿拿臨食完走.....咁食完走左落地鐵諗住番歸,我諗前後都冇十分鐘!!!我發現自己袋入面條毛巾冇左!應該係漏低左係上面卡位的...咁咪急急腳上去搵!!~我地之前坐既卡位已經有一家人黎左!咁我就好禮貌問佢地有冇執到條手巾仔,佢地都好好人話岩岩有staff 執起問佢地,叫我問佢地拎番~咁我心諗冇死啦.....點知!~一個貌似經理既女人......叫左個waitress黎問佢有冇執到.....我見到佢地係行埋一邊"支支沈"!!跟手同我講話佢地扔左落垃圾筒!!!問我係咪真係要番,係既幫我搵下,拎番上黎....仲話唔知會有幾dirty!! 咁我梗係話要啦...我問佢地如果我漏低部電話,佢地係咪都會隨手就扔,佢地話電話又

一壽司同金水都係人龍王為左睇下邊間值得排d我又要餓到十一二點先有飯開* 排左幾耐? 50 分鐘 *十一點拎飛十一點十有得食唔算等太耐*service* ok 會積極收吉碟, order完5分鐘有野食, 上得幾快*食物* 一般叫左三文魚, 帶子, 油甘魚, 蟹棒, 特長海鰻, mango三文魚壽司 海膽魚子 & 葱吞拿魚腩軍艦 軟殼蟹roll 仲有炸雞軟骨 三文魚身刺油甘魚 & 葱吞拿魚腩係完全唔新鮮 軟殼蟹係凍而冇味帶子, 蟹棒, 特長海鰻 海膽魚子等就味道普通唔特別好味全晚最ok 就只有三文魚, 算係最肥美新鮮, mango都幾甜炸雞軟骨都ok既, 不過個dip 真係完全冇味, 原來係咩海膽dip真係比mayonnaise我好過*總結*如果半價又唔洗排超過30mins既話我會食既比起金水其實佢真係冇咁值得排因為佢只有sushi, sashimi , roll 同 drinks 係半價小食and 其他果d 係正價而且又唔及金水新鮮quality 同 quantity 都輸左

今晚我9點半黎到已經排好長既隊拎左都幾後既飛等呀等~等到11點先入得3個人食左三文魚, 軟XX, 玉子, 凡立貝, 鰻魚, 初吻?, 北寄貝....仲有杯菠蘿加乳酪唔知叫咩名~~都幾甜,BF就話好酸仲有唔記得左~其實都OK !!~幾好食嫁!不過可能之前食左少少野去.好快就好飽玉子甜甜地,食一舊都覺得濟= =!不過都OK初吻? 姐係有青瓜包住又有芒果果隻....算我唔識欣賞真係麻麻= ="""唔好食................其他都普通有水準!不過自己都唔太喜歡咁夜先食....UN住個胃...隔粒幾2粒中先訓得!

一直都覺得呢間野好浮誇不過見佢個黑夜時段門口萬人空巷 咪試下果然真係一分錢一分貨那件強調入口即溶"的A5和牛味道係濃既但我諗食"有筋"既A5和牛應該都係~~~~唉至於魚類又唔係切得特別大件又唔係特別肥美or鮮...真係好普通咋仲有舊飯好多醋搞到林晒好難食唔知正價d壽司係咪都係咁細碟??如果正價黎食既話,我會勸你去第二度好過~~~~

今次真係要開返個post黎講至得其實由呢間鋪頭岩岩開我已經成日黎食架喇有時同女朋友,有時同屋企人,有時同舊同學去食因為我係雅蘭附近返工其實呢間野之前d野食同服務真係好ok架(兩年之前=_______=)我仲記得零七年開果陣我地一班同事超開心,又近又抵果陣成日係度等黑夜,果幾個recept姐姐真係幾靚架 有個仲十足stephy!而家去親都見到d四眼妹妹同埋惡死疑似女經理一d笑容都冇,smile,mcdonald d 員工都識la....!!!因為果陣公司接左單大project成日都ot,所以成日都可以食半價講真佢半價d野真係好抵,d帶子,3文魚刺身又新鮮雖然等得耐,都覺得好值得但近排,食物同服務真係每況愈下好似前兩日咁,我同2個同事9點鐘就去排隊,9點9就有得入,因為排得前好快就有得入坐低第一round梗係叫晒d貴野先喇點知等左好耐個d刺身都未黎,再吹吹佢喇佢就同我講漏左單,不過赤貝刺身賣晒個問題唔係有冇得食赤貝,而係個waiter果句「下,赤貝刺身賣晒喇喎!」喂!好似我地錯咁之前個火x玉子真係好好食ja,但而家果d就凍既!都好例牌食下d半價野但d waiter好似全世界得罪左佢地咁,黑