爭鮮外帶壽司 (港鐵天水圍站)

Open Now

Now Closed

自從天水圍西鐵站開左間爭鮮外賣店，真係極度方便我呢d懶人，成日懶得諗就會買個外賣返屋企食! 而且每次經過都有勁多人排隊買壽司今日放假訓到晏一晏，屋企人同朋友飲完茶就去左爭鮮買外賣壽司返黎俾我食~每件自選壽司都係$3，而且件件都係獨立包裝，真係好方便!爭鮮都有幾多款式，生/熟既壽司、軍艦、丼飯同小食屋企人求其揀左10件壽司 - $30分別係八爪魚x2 / 熟蝦 / 刺身蝦 / 鰻魚x2 / 小帆立貝x2 / 赤貝x2鰻魚係幾惹味不過整體飯質偏硬，味道就正正常常，$3一件既壽司，質素算係咁啦

講到平靚正壽司緊係近期當道既爭鮮，開到七仔咁多，每個地鐵站西鐵站總會見到佢。但原來近期佢都不斷食緊腦，研發左壽司以外既野，就係關東煮！係香港咁講效率既地方好多時飯都冇時間食，到時就搞依啲小食救你一命。除左壽司竟然有埋關東煮，飽肚得黎又暖胃。雖然佢冇話好好食好高質，但叫入到口不過不失，始終都係打邊爐咁淨係滾水淥一淥。如果有去過台灣既便利店應該都見過，其實差唔多之餘能方便又便宜，認真抵讚yummy yummy

爭鮮在不少地區都開設了分店，所以對爭鮮已經好熟悉，因為無論工作，又或者逛街，好像都有一間爭鮮在附近。3元一件外賣壽司，應該人人都知。連西鐵站裡面，都有爭鮮外賣店。所以真是超方便的一間店。今日又途經西鐵爭鮮店，所以口痕又走了去買幾件壽司，才3元一件，賣單12元，已經有4件壽司，好便宜，又可以止我心癮想食壽司😁😁👅👅⋯⋯所以爭鮮真方便。芥末魷魚壽司，微辣，好味。八爪魚壽司，甜甜的，醬又多。螺肉壽司和辣螺肉壽司都ok 。👍👍👍重點，夠平，夠方便。

呢間外賣店位於西鐵站入面 每次翻屋企都會經過 條人龍都好長 如果個日唔知食咩好 都會入去汁翻幾件壽司走🍣🍣$3@1其實好抵食 汁夠一盒夠頂一晚了！ 但因為太多人 我朋友試過簡完壽司發現部電話被人偷左 所以要小心🤭🤭🤭

又時加班遲返歸，都會在西鐵站間爭鮮買D壽司和三文魚飯返屋企食，因為夠平又方便，但係食物質數係一時時，有時ok，有時就好差，睇彩數。那晚我買左蟹棒壽司，味道好好，因為D蟹棒新鮮，好食。另外個花之戀拼盤，花之戀不錯，因三文魚新鮮，個沙律醬唔錯，但係D蝦和火灸蝦壽司唔新鮮，有D腥，八爪魚好吃。鴛鴛井，吞拿魚不新鮮，三文魚不錯，醬汁也好吃，價錢抵。可惜係手卷，腐皮壽司都賣光了對於最愛腐皮既我黎講，簡直係一大打擊。最後揀左三文魚飯，但好驚喜個飯好好吃，因為那天三文魚新鮮!

今晚又黎幫襯爭鮮嘅外帶壽司啦，平時收工經過呢度，唔知食咩嘅時候，通常我都直接柴入去買壽司返屋企食，因為自己不嬲都唔鍾意食刺身通常你買開都係買鰻魚壽司多啲，推薦你要首先每一次買都好新鮮，唔會有陣曼魚腥味，仲有唔好咁遲臨收工先入去買，因為有好多次就係呢啲時間入去，搞到好食嗰啲都全部俾人買晒啦！我自己就比較鍾意食有少少暖嘅壽司，返屋企用微波爐叮十幾秒，超好食！鍾意食日本嘢嘅你收工經過呢度，一支公唔知食咩，唔使諗啦！快啲嚟幫襯啦！

岩岩係天水圍打完波 正當唔知食咩好既時候 就見到爭鮮係夜晚十點開始做特價 買夠70蚊有7折 我二話不說 即刻掃左三盒野 加埋先50蚊 好抵 鰻魚好厚身 成盒飯既份量都多 仲有個蟹棒壽司配沙律醬唔錯 大家宵夜可以考慮下

前幾日去買左個三文魚脆卷幾我覺得好食 ，，應該會再買黎食，同埋好新鮮。。。。。不過不失。。總算新鮮三文魚有魚味，紙菜也好跪，，，我好喜歡食 大家也可以買黎試下。。。。

因為趕住去做野，所以係爭鮮買咗一盒飯當lunch。本來諗住食一舊舊嘅壽司但係佢哋冇筷子提供，咁所以唯有要要左一個蒲燒鯖魚鰻魚飯＄32。飯嘅份量都不少，係一個女仔來講都好足夠，飯加左醋，然後再撈左一啲雞絲，飯質感偏硬，會黐埋一舊舊，不要抱太大驚喜。講返個主角，本身係為咗個鰻魚而點了一個飯，但點知非常失望，一啲語氣都冇，而且好硬，反而鯖魚有驚喜，上面掃左一陣鰻魚汁，而且魚質夠滑，不會乾身，同鰻魚汁好match，下次都係食全鯖魚飯算數。可能好耐冇買爭鮮嘅關係，佢出咗好多新款，下次係趕食lunch嘅時候都會再試下其他。

今天到濕地公園玩，乘坐MTR來到天水圍，已經有點肚餓。先在附近商店買食物吧！幸好天水圍站內，有多間食品店，有不同的食物可供選擇。而豆丁卻喜歡這家壽司外賣店。大部食物都是米飯，油炸不多，心裡總覺得很適合豆丁。豆丁選了几款喜歡食物，付款後，提著一袋戰利品，乘坐輕鐵向濕地公園出發。來到濕地公園，入閘前，先找個座位，打開剛才的膠袋，開始享用這個早午餐。　　打開這個長型盒子，拉出一條已封好的卷卷。按指示順序１２３的拉開，保護膜就順勢打開了。原來是乾身紫菜包著三文魚珍珠飯。不過大大塊紫菜真的很脆身，部份已經裂開。唯有盡快消滅這脆卷。　　肥美的三文魚，粒粒煙韌的珍珠飯，没有加上豉油，雖然味道清淡，也覺得很好味。其實這就是三文魚細卷的原型，但整條品嚐很方便。還有長型紙盒保護，三文魚卷不會變型。（可是紫菜會裂開囉！）  還有玉子燒脆卷　珍珠飯裡有黃色的玉子，還有橙色的蟹籽。而蟹柳壽司是豆丁喜歡的蟹柳。　　　今天全部也没有加豉油，先把職員提供的豉油芥末都拿回家。說不來，某天煮餸時會用得上。

/爭鮮。爭一點鮮<爭鮮>🍣腐皮壽司($20)三色冷盤小食($28)▪️▫️▪️▫️▪️▫️▪️日本嘢除左鰻魚🐟我好仲2食腐皮🙈👉🏾又平又好食，好食個d唔會乾爭爭，有汁甜甜地，d米飯滲左d腐皮汁會好好食😻👉🏾爭鮮20大元有6件都幾好，日本食過，飯入面係混有黑芝麻，香好多，依到都有白芝麻認真算係咁，好多地方乜都無。👉🏾除左d飯硬左d都食得下🙈🍱三色冷盤，我最喜愛個芝麻八爪魚🐙個汁蘸飯會好惹味😂另外帶子裙邊同北寄貝唇就帶嚼勁✌🏾️其實個貢菜我覺得幾好食，爽脆😙但今次有d榨😖

繼中午食飽飽去行山，行左約2個鐘後就回家了，能量都消耗得七七八八，就經天水圍西鐵站轉車時，係度買左1盒sushi食，呢間店由開店至今仍然係好受歡迎，成日經過都排到出門口，雖然店鋪佔一小位置，但值得一讚店員補充sushi速度算係好快手，而且sushi款式多樣，唔怕會食厭，最緊要價錢好低食。本人較為喜歡八爪魚sushi,中華沙律sushi及鰻魚sushi, 原因係前兩者好爽口，新鮮，而且味道恰到好處，後者鰻魚好香口，不會有腥味。雖然蛋sushi同蟹柳sushi沒有太大驚喜，但算為厚身。一盒10件sushi對我黎講係剛剛好，又唔會食到濟，加上飯既比例剛好，下次想試下其他刺身，淨睇個樣已經好吸引。

早排去左濕地公園，第一次去人生路不熟，走時搭輕鐵返天水圍站，行經見到有爭鮮，唔想諗，就買爭鮮做晚餐。我好少食爭鮮，試花之戀，$40有6件，每件都幾大，見到啲沙律醬係超多，滿晒成件壽司，花之戀外圍係三文魚，唔薄，如果太薄會包唔晒啲飯，入面係沙律醬同蟹籽，啲沙律醬好好味，豐富左單調的飯味，蟹籽太細粒，食落肚無乜感覺，呢個花之戀都有80分。一盒花之戀滿足唔到我，另外買了鰻魚壽司，係鰻魚唔係海鰻！鰻魚既質感比起海鰻更要豐富！鰻魚味濃，每片都塗上濃濃的鰻魚汁，但鰻魚有少少骨，要小心。天水圍站好大，爭鮮係E出口。

爭鮮又有新攪作 除咗平時食開嘅三文魚同凡立貝飯今次比我見到有個鰻魚丼40幾蚊來講都算抵食飯嘅份量不少 一定夠晒飽鰻魚有成四五塊 無昆水味道都吾錯加埋蛋絲 魚子 成個飯好豐富好鮮味平平地既日本餐之選

是日小朋友又話要食壽司，但小妹因連續幾日都係食壽司已經開始厭，見佢尐飯都幾吸引，於是乎買左個三文魚丼飯俾自己。三文魚丼外表新鮮吸引(相中個丼飯俾小妹唔小心跌過落地，所以有少許走樣)除左有主角三文魚外，仲有蒜味螺肉、蛋絲、中華沙律、櫻花蝦作配角。三文魚睇樣雖然肥美，但略嫌魚油香味不足；而且係非一般的薄切，丼飯睇上黎細細份，小妹亦唔算係細食之人，但呢個丼飯已經可以令小好飽肚