壽司郎 (樂富廣場A區)

Open Now

Now Closed

一直都好想試下壽司郎今日星期五早左放工，4點30左右去到樂富分店，兩位等咗大約半個鐘就入得算係好幸運🥰叫左下面既野食紅碟$12，銀碟$17生拌三文魚軍艦-有少少辣味，好食長鰭吞拿魚-依個我覺得一般魷魚-好痴口炙燒羅勒三文魚-正常質素白烏貝-爽口中吞拿魚腩，依個好正做緊大大大祭所以厚切三文魚-正常無咩特別$19茶碗蒸，入面足料，可以一試$12-黄金脆薯唔算好出色，不過$12，以依個價錢算係吾錯甜品方面叫左兩個$22-卡達拉娜大大大祭，所以比平時大左1.5倍，我係螞蟻人，所以覺得好正，好食如果平時唔食太甜既會覺得甜$32-白桃芭菲好食，之前話無曬，估唔到今日見到總括黎講我覺得性價比好高下次會再去

講咗咁耐，終於可以食到壽司郎！我平時對於連鎖壽司店都冇乜好感，始終壽司呢樣嘢一大量製作質素就會下降，所以平時都係食開Omakase今日，朋友半推半請我過嚟食，又話要幫我等位又話要請我食飯咁，最後俾人車左嚟食壽司郎。🍣裏面真係人山人海，見到都覺得好恐怖，佢哋都限時一個鐘頭用餐，食到我哋趕頭趕命😅但係都真係幾好食嘅……，我哋嗌左：三文魚手握壽司🍣我最欣賞就係佢個飯夠熱，食開其他迴轉壽司店，都會知道佢哋嘅飯一係勁硬一係就好乾，呢度嘅壽司飯🍙有醋香、人手握出嚟嘅飯團都好紮實軟殼蟹壽司🦀半隻軟殼蟹炸到酥脆金黃，非常之好食，加埋少少沙律醬， encore！七味雞軟骨🍗落少少檸檬汁，咁就已經好好味1.5倍卡達拉娜🧀本身唔知乜嘢嚟嘅，去到先知原來係甜品，不過有幾好食，推薦俾大家😌海膽拌麵🍜呢個真係好足料好邪惡，有好多海膽🥥鋪喺呢個面上面，只要輕輕撈勻，嗰陣奶油同埋海膽嘅香味🤤就撲鼻而來，令人垂涎三尺。抹茶芭菲🍵🍨呢個真係強烈推薦比大家！非常之豐富嘅材料：有抹茶厥餅，紅豆蓉、牛奶雪糕🍦、仲有啲脆米添！成個口感好豐富，亦都唔會好甜膩😌——————為食分界線——————壽司郎 (樂富)樂富聯合道198號樂富

雖然壽司郎開咗咁耐， 今時今日排隊堂食都仲係要等相當時間， 當日十一點半 到現場攞飛， 等到12點40有先有位， 好在樂富有大型商場， 輕輕鬆鬆行超市打發時間。 期間限定大大大祭，當然要試。 用電子屏幕落單， 送餐速度極快，簡直係 衝出嚟。三文魚同吞拿魚都係 比平常大件， 非常鮮甜。海膽味道一般。除咗壽司魚生， 其他食物 天婦羅，烏冬都好好味。今次坐唔到卡位，不過bar位 都非常舒適。 服務員有禮貌。 總括性價比超高， 希望壽司郎繼續生意興隆，長食長有。

係我記憶之中好似得兩次係成功用到佢嘅app訂座😆(我諗都算幾勁啦😂)通常如果想去食, 一定要先去攞飛, 然後食個light lunch, 之後再飲埋下午茶, 跟住返去, 頭尾大約三個零鐘就應該有位啦😄 雖然係咁, 但係我仍然覺得好值得🥰每次都一定一定一定要食呢一個穴子壽司🐋勁大條, 飯又細細舊, 超滿足✨✨✨最近呢個係我嘅new favorite🥰味噌醬鹹鹹地, 加上燒過嘅三文魚, 魚油非常之香, 正赤身都唔錯👍🏻 完全唔會係平時自助餐好難食嘅赤身, 都幾有光澤toro都唔錯, 不過個人鍾意赤身多啲❤️鰻魚比起穴子壽司就遜色咗少少, 都可以一試嘅得60分鐘真係唔夠食, 每次食都好似食放題咁, 飽到痴線🤣🤣 壽司郎真係好正🥰🥰🥰

外賣中拖羅 似普通吞拿魚 啲三文魚油甘魚蝦全部差過我之前食過其他分店嘅外賣 仲係差好多啲壽司全部冧灑 質素比起其他分店差一大截已經第三次喺呢間外賣嗌 本來覺得只係差少少 但真係每況越下 見到外賣啲壽司個樣真係好失望 食埋仲失望誠心建議大家唔好食呢間壽司郎外賣 堂食就好過外賣少少 但都係差過其他分店Worst quality of sushiro that I have ever tried. It has been my third time ordering sushiro takeaway from the resto in Lok Fu, and the quality just keep deteriorating, with significant discrepancy comparing to branches in other district. I suggest you guys not to order takeaway from Lok Fu sushiro, and actually the sit-in food quality is also worse

突然想食壽司郞但係又唔想排隊！唯有就早啲去！十一點左右攞飛等半個鐘頭就入得去仲係坐卡位！同朋友一開始就叫左成枱野碎吞拿魚蓉軍艦我同我朋友一人一碟一如既往嘅好食 唔腥 又好鮮甜仲要兩舊得個十二蚊抵到爛三文魚三味一次過滿足三個願望厚切三文魚好滿足 炙燒三文魚腩油香四濺三文魚牛油果卷配埋嘅沙律醬 香港特色牛油果夠熟唔會咬落去勁硬同啲飯同埋三文魚好match今日個茶碗蒸都夠熱好凍左新出嘅12蚊二件三文魚腩 都夠肥好好食仲食左佢個南瓜焦糖燉蛋 普通抹茶芭菲上面個蕨餅仲係淋嘅都係卡達拉娜好食！

同十月之星朋友食生日飯，因為佢超想食呢間嘅壽司，就請假排左大半日隊，由於佢個system 從來只能睇，不能排，所以佢直接望到邊間有飛就搭車去排！排左大半日，滿心期待，但突然個職員話你地得一粒鐘食飯時間個下，我同朋友即時對錶，露出「咁點算」嘅眼神。拿拿聲計都唔傾，就落單叫！有人數限制叫幾多碟！咁咪要分幾十張單落！不過野食算即叫即到嘅，唔算話等得好耐。服務就麻麻，叫天不聞，叫地不應！今期限定，推出好多未必出面食到嘅種類，睇完個名都唔係好知，就會令你好奇想試，上面的係蟹膏，份量多的，價錢性價比高。今期魚類比較多～ 突別叫左三款「吞拿魚」做比較，食家會食得出分別，這種感覺也頗新鮮！叫左嘅壽司會透過輸送帶係上面傳過黎，咁小朋友就觸及唔到，都幾細心！值唔值得排咁耐，就自行判斷了！～

想食壽司郎 你要有無比嘅毅力, 勇氣同決心🤨好彩喺樂富店排隊攞咗飛之後 你可以喺UNY慢慢行吓街先 時間會比較快過 而當你下載咗壽司郎個app之後 佢哋會顯示排隊情況 到差唔多到你嘅時候落去就可以等少好多由於真係點咗太多壽司 所以唔逐一點評 整體嚟講佢嘅性價比真係好高 座位亦寬敞 坐得舒服 基本上係元x嘅價錢千x嘅質素 所以唔怪得佢哋開極分店都依然會大排長龍特別想一提嘅係佢哋個甜品迷你心太軟 放上枱後仍然感覺到溫暖 而爆漿程度亦比想像中多 係估唔到除咗壽司之外 佢哋嘅甜品亦都頗出色👍

一早來拿票 所以等15分鐘就可以入座食好野要付出 早起鳥兒有蟲吃個人覺得十二元款式好食過貴既睇圖啦剌身就較伏和牛可麗餅好食 即炸 仲有牛粒甜品唔夠時間食 得60分鐘唯有等下次食芭菲

剛剛開張已經食過兩次，但都未知原來甜品先係壽司朗最好食嘅嘢。今日就早啲起身，星期六11點拎飛，12點半到就食得。白桃芭菲其實都抵食，幾多層次，有個白桃雪芭，約舊白桃，雖然似係罐頭，牛奶雪糕好食好滑。下層仲有蛋糕，不過就麻麻哋。硬啲嘅蕉糖燉蛋🤣

除了失望都無野講果燒大凡立貝 出水....未完全解凍之後果魷魚兩味 腥味好重 仲要好似橡膠咁其實入錯貨都唔使咁樣去趕客啦！燒三文魚-普通 偏細份咁既質素 真係周街都有！香港人食完一次 唔好食 都唔會返轉頭食啦！

我們在進食途中多次催趕離開，還說用餐時間已過，多給了15分鐘， 不能再叫嘢食，要馬上離開 還說已經豪給我們多了15分鐘， 還說不要（啊）住個位，但我們都還在進食緊，多個副店長用不禮貌語氣叫我們離開， 態度極為惡劣 我們也有給錢 去進食的 還用這樣的態度對我 真的令我非常感到不愉快 我會告訴給我的朋友們，你們的態度非常差， 食物又不好食， 不知所謂 垃圾不如

腐皮壽司冇乜特別， 都係甜甜地， 幾好食鯖魚壽司飯都壓成不是壽司的形狀， 可能太多人，出餐出得太急?熟蝦牛油果卷好食炸蝦卷新鮮炸起， 完全冇淋到， 唔錯唔錯雖然壽司郎，可能有啲人覺得唔係啲咩貴價壽司舖， 不過佢最大嘅賣點，就真係夠人流， 令到啲食材流轉得快， 而且係連鎖店經營， 所以遇到唔新鮮食材嘅機會率會低啲， 因為員工都係打工， 跟指引做嘢， 話掉就掉，唔會肉赤， 咁多人幫襯，啲食材又轉得快， 都唔怕佢啲食材會存貨得太耐

🏠 壽司郎 (樂富)樂富聯合道198號樂富廣場UG1樓L109號舖Friday night黎到樂富壽司郎，排隊係常態，五點九拎飛，排足兩個鐘先到我哋，好彩朋友早左黎拎飛，雖然有櫈坐和有洗手間，但係等兩個鐘先食得，人會餓到炆炕地。用餐限時係一個鐘，有小小趕頭趕尾，真係要食咗先講，難啲一邊食一邊傾吓計。推薦食物：南瓜天婦羅好正。南瓜🎃很鮮甜，炸得好脆口，記得叫埋醬汁，出色！👩🏻‍🌾第一次食壽司郎，除咗排隊和限時用餐外，其他方面都okay

今個月出左個2周年menu,好似好吸引更係試吓。平日都多人，等左40分鐘左右，算快😆炙燒信州味噌金華鯖魚平時我唔食鯖魚，因為怕腥。但啲個配埋味噌、薑、蔥，無曬啲腥味。我覺得好好食😋特盛蔥花吞拿魚腩軍艦份量超多，疊到好高。好抵食炙燒黑喉魚啲種魚出名油份多，炙燒左超好食特盛甜蝦有成9隻甜蝦，如果鍾意❤️食蝦，真係好抵食。中吞拿魚魚腩配醬漬海膽件呑拿魚腩入口即溶超正，不過海膽就唔多好食😅炙燒半溶芝士蛋糕超正唔heavy,個面脆脆期間限定menu之外，食左2個通年menu三文魚籽軍艦一如既往好食芝麻漬海鮮紫鮮葉壽司包第一次食，估唔到唔錯。有芝麻香味