芋圓圓

Open Now

Now Closed

芋圓好有咬口，坐得舒服，乾淨衛生，上菜好快，係mk 同太子試過好多糖水舖，唯獨依間的芋圓糖水最好吃，而且價錢便宜，試過都會返尋味，果到經常爆場，但係好快有位，想食嘅就啦啦先去食下

之前已經食過一次㗎啦！原來夜收一點，前日趕尾班車去外賣（哥哥仔們都冇介意阻到佢哋收工🤣）返到屋企芋圓味道仲好好有咬口有蕃薯味，桂花雪莉真消暑。下次再試其他😋😋👍👍

食完飯路過太子柏樹街呢間主打食芋圓嘅中式糖水舖，行過見裝横幾靚光猛又紫色主題💜嗌咗碗仙草芋圓三十五蚊好足料有紅豆薏米落埋港式花奶，係食得幾滿足👍🏻👍🏻👍🏻最有印象佢哋有個figure櫃，擺咗d拉打同其他動漫嘢display，可惜冇影到相🥲有機會路過會再幫襯！😛💪🏻

大熱天時，諗住食下「凍」芋圓甜品，黎到兜野完全唔凍！ 唔凍！ 唔凍！佢係「暖」架囉，d芋圓熱辣辣倒落去碗糖水，唔暖就有鬼，但其實就算無芋圓，d「凍」糖水都唔凍囉。咁多人落order，個雪櫃又開又山，連西米露，紫米露哩d基本野，可以長擺雪櫃隨時拎出嚟既都唔凍，比起好多間糖水鋪都做得差。我覺得唔凍都至少係碗野加冰，得唔得呀？可能你會話會影響味道，會淡左wo但我想講個味道都比好多糖水鋪差！！！試味道，哇 每粒芋圓都無味，每隻色我地都認真啜個味道，認真答你每粒都冇味，食緊乜？？個涼粉仲衰，配埋花奶都無味，我仲以為自己落order叫左全走糖去奶，難食到呢。靠服務加分？一樣冇位值得加分負責落order個位呀姐，粒住耳機聲都唔出一句，目口目面，入門唔安排座位，落單同走人多謝幫襯又無句，落單重複下落左咩又冇，算數。價錢？ 30幾蚊碗，但質素好食要行先囉唔該！我寧願比多廿幾蚊，行返遠少少旺角油麻地食其他糖水鋪頭。環境？冷氣唔夠凍，成間野慳電慳到咁？？？最後，睇緊openrice哩間鋪既你，小心中伏，小心中伏。想試伏建議你試仙草芋圓

由舊鋪食到新鋪😋 芋圓圓嘅芋圓一直人氣高企，屬於太子區性價比高嘅芋圓店！芋圓製作多年水準穩定，難怪長期都有甘多人幫襯👍🏻 餐廳位置方便，由太子站行去大概5分鐘，環境尚算闊落，坐得舒服😊 餐廳主打芋圓，有十多款選擇！今次分別點了2款芋圓😌🍠桂花雪梨芋圓突如其來想滋潤一下喉嚨，所以叫左呢款比較滋潤嘅桂花雪梨，糖水淡淡桂花清香，加上幾塊雪梨果肉同雪耳，養生又滋潤，芋圓唔洗多講當然正，煙煙韌韌，又大大粒，而且份量唔少，足料抵食😌🍠紫米露芋圓想飽肚啲必食！紫米露大大碗，有好多紫米，食落唔會太甜，感覺上無加好多糖，健康啲🌟如果大家中意食芋圓，可以考慮買生芋圓返屋企煮🤤🤤🤤

芋圓控認證好好食🤤！煙韌軟熟，有天然芋圓甜味，仲要$30蚊大大兜👍！・・・・・・・・・・・・・・・・・・・・🏆 紫薯圓 ＞ 芋頭圓&地瓜圓！🥥 椰汁西米露芋圓 凍 HK$30 ・味道：0甜肥波都食到嘅椰汁底，西米正常。椰汁味咁重都冇搶過芋圓天然芋頭味，正。・口感：凍食芋圓煙韌，略嫌西米痴到一舊舊要用羮分開。💜 紫米露芋圓 熱 HK$30 ・味道：紫米出色0甜肥波都非常滿意嘅偏甜，芋圓同上，冇被紫米露搶味！・口感：熱食嘅芋圓多咗份軟熟感，咬得我好開心🥰。・・・・・・・・・・・・・・・・・・・・🤰性價比：高～🤰9衝度：9衝～🤰結論：街市價錢，台灣質素！食過兩次都一樣高質，去到物超所值嘅程度，必須衝一波💨！・・・・・・・・・・・・・・・・・・・・環境：甜品舖嚟講好闊落，雖然枱同櫈偏細，但空間感好夠。啲哥哥侍應好有禮貌🤭

▫️紫米露芋圓 (凍) [$30]紫米露正！有椰香 口感剛好 我鍾意杰身嘅糊類甜品 佢又唔會太稀 紫米量又夠 呢個糊底真心食唔停xd 大讚佢個紫薯地瓜圓😍😍😍💜💜直頭好似食到紫薯芯味！！越咬越出 少癲！黃薯同芋圓相對無咁出色 味道唔出 凍嘅話 啲芋圓咬落口感無咁好 膠質多啲▫️椰汁西米露芋圓 (熱) [$30]果然熱椰汁the best😚再滿滿的椰香 西米口感適中 芋圓口感Q彈 芋頭粒都不錯 唔會太硬身 還是覺得紫薯地瓜好癲！環境滿滿紫色xd PURPLELANDDDD💜💜💜

The perfect way to wrap up my night💜Sweet Taro Taro 芋圓圓 @sweet_taro_taro This time I’m going to introduce a relatively cheap but definitely delicious Taiwanese dessert place to you all🍡it’s taro time! 🥛 Peach Resin Dessert Soup with Coconut Milk and milk (hot) $35The coconut milk and milk taste soooo rich! The size of peach resin is as large as my thumbs👍🏻 this is perfectly delicious along with plenty of taros😋and I still can’t believe it’s just as low-priced as 35 bucks! 🥣Malaysian Cha Cha Swee

芋圓愛好者今次嚟咗太子覓食🤓今次唔洗等，呢間有多種中式甜品同芋圓做配搭，每碗都包三色芋圓🍡都有幾多粒芋圓jeng😋(不專業foodie唔記得幫桃膠芋圓影相😂)1️⃣ 鮮奶椰汁桃膠芋圓 (熱) $35 ⭐️8.5/10芋圓夠大粒，份量夠多，煙靭得黎有咬口，原材料例如芋頭同番薯嘅味都食到，本身唔太甜，感覺authentic，高質👍椰汁鮮奶甜，桃膠好食，一齊食口感融合，好味🤩🥰2️⃣ 喳咋芋圓 $30 (凍) ⭐️7.5/10喳咋多料，味濃，多紅豆同其他豆，配合芋圓非常好食😋😋👩🏻 個人覺得太多豆，多啲糖水少啲豆就Perfect！--Food: 8/10Environment: 7/10Service: 7/10Price: 9/10Overall: 8/10💸 ~35 pp

夜晚喺太子同朋友食完晚飯，有朋友推介呢間芋圓圓，話佢嘅芋圓做得幾好食又抵食。於是我哋就坐低咗食吓糖水兼傾多陣計。我哋都一齊嗌咗呢款嚟食: 🍵鮮奶椰汁桃膠芋圓 凍 $35鮮奶椰汁好香但唔會過甜。配料例如桃膠及唔同顏色嘅芋圓都好多粒呀。好足料喎！😍😍芋圓係煙靭有味嘅。唔會咬落好硬口感。呢間真係推介。有機會第日再encore。😋😋

食過呢間芋圓好多次，水準都好穩定，我覺得係香港最好食嘅芋圓😋😋佢糖水嘅選擇唔算好多，十幾款，不過重點都係芋圓😋今次我同朋友夜晚九點去食，竟然差唔多坐滿，果然名不虛傳。今次我哋叫左一碗仙草芋圓同紫米露芋圓，芋圓煙煙韌韌，份量足夠，我食嘅紫米露芋圓糖水底都唔錯，正常發揮👍🏻而家$30一碗糖水已經算好平，又足料，如果覺得好食，仲有得買芋圓返屋企自己煮。不過缺點就係凍糖水有時唔係好夠凍，不過而家冬天就冇乜所謂。

食完晚飯，當然要食返個糖水🤭這間糖水舖在太子很有名氣 ，已經幫襯過超過10次，足料之餘，售價優惠，主打自家製三色芋圓，非堂煙靭口感超好，還要標榜芋圓不用糯米粉製作！由於今日時間尚早，所以都不用排隊就可以入座👏🏻選擇不算得多，但全部糖水都會配有三色芋圓1）椰汁西米露芋圓$ 302）紫糯米芋圓 $30兩款糖水不會太甜，很有椰汁味道，芋圓超級多，食極都有，起碼有10粒，但略為不是太夠凍，如果在夏天食用可能未必理想！

🐽 熱三色芋圓紫米露 $30呢間人氣小店一直都係豬魚食中式糖水嘅首選，每碗糖水都有三色芋圓，有芋頭、紫薯同蕃薯味。每粒芋圓口感煙韌，味道濃厚，唔會太粉，每碗都有七至八粒，好飽肚。除左出名嘅芋圓，紫米露都係推薦糖水之一，真係好足料，唔會好似坊間食到嘅太稀，滿滿嘅紫米，有陣陣嘅椰奶香味，甜度適中，熱辣辣，冬天食糖水嘅暖心之選。

在毫不起眼的小店裡, 竟藏着如此鮮美吸引的芋圓仙草凍。一碗芋圓仙草凍便可以喚起勤勞賢淑的媳婦蔡林保雲替婆家經營雜貨店從而研發出芋圓的故事。紫的、橘的小丸子, 甜甜的, 煙韌的。咬進薄薄的皮餡, 裡面的地瓜蓉、紫薯蓉緩緩滲進舌頭之上, 甜而不膩, 有着地瓜、紫薯原本質樸的味道, 毫無任何額外添加的甜味與色澤。再把湯匙轉移到附近黑黑的仙草上, 滑溜又不黏牙, 只需一秒鐘, 便可以吸收它內裡的日月精華。彭筱姗

今日行過深水埗買布一場嚟到 就搵吓附近有乜嘢美食推介晏晝嘅時間唔太肚餓就想食下甜品見到呢間芋圓圓之前見到有好多報道都好想試吓所以就開着Google Maps向着目標進發一坐低睇吓餐牌就被仙草芋圓深深吸引住芋圓到咗份量都好多 個底都係仙草嚟嘅仙草係較煙靭嘅口感 唔會太甜 滲住淡淡嘅仙草香芋圓份量亦十分慷慨 每個味都有五粒 $35有呢個份量簡直係超值呀🤩