花園餐廳 (淘大商場3期) (Closed)

週五晩上在九龍灣找吃的，德褔商場沒什麼心水選擇於是和朋友沿地鐵站指示牌到達淘大商場的美食街逛逛。在一期的LCDTV看到進駐了有一家花園餐廳，在商場三期二樓。位置不難找就在UA戲院上面。才傍晚時分門口多人等位，看來此店十分旺！ 等了一會有位。店內裝潢設計很漂亮，以為去了IFC, 海港城等高级商品場。價錢卻十分貼地，看來一向走大眾化的經營模式的花園餐廳十分受區內居民歡迎。和友人分別點了西冷牛扒、法式焗田螺、花園特色飯、黑椒牛柳。牛扒聲色香味俱全、田螺美味令人吃上癮。晚市所用的食材和肉類比午餐下午茶時段較質優。不過飯市時間座無虛席，建議早點來霸位或晚點去不用等太久。極力推薦！

周日来九龙湾这找朋友 顺便就来试试淘大商场新开的花园餐厅，朋友试过几次都说不错。我们是晚上7点半左右到的，人都很多，等了20分钟左右进去。我们点了两份A级肉眼牛扒，朋友叫的是全熟，我叫了七分熟，还有一份焗田螺餐包还有汤都热热的，味道很好，牛扒非常大份，很嫩，黑椒汁非常惹味我们两个女仔根本吃不完 份量太足了。有心说的是这家分店的装修我非常喜欢，舒适雅致，和其他分店很不同，有点文青cafe的风格买单两个人才337。晚市吃这个价格非常划算了。

花園餐廳出咗名係牛扒㗎嘛 滿心歡喜終於等到淘大呢間開張 但成塊西冷食咗一半都無已經食唔落 要同男朋友交換我地都等咗十幾分鐘 同埋明明成間舖咁大 偏偏我地張檯係臨時加嘅 第一個感覺已經唔好了再到牛扒 我嘅係西冷 佢係肉眼扒其實 個鐵板係咪專登買細啲size來凸顯塊扒有幾咁大？啲薯菜墊底 搞到淋曬 同埋塊西冷又勁厚 又老結果食咗小小就比曬男朋友 再交換啲肉眼扒來食 肉眼啲口感就好好多 最後明明叫咗凍檸水少冰 結果都係勁多冰早知我食元氣算啦

下午茶試過，晚餐試過……都差。開業那天，試下午茶，以為有排等，考慮緊試吾試，都試下啦，新開業……去到門口望入去，當時客人人數不過二十人，心想……可能好多人都未知開左，於是入去坐低，点了餐西冷牛扒餐，下午茶要$71，凍飲加多$3。男服務員問牛扒要幾成熟，我說要六成。等了十分鐘，飲品未到，問服務員，凍檸茶未到喎，麻煩幫我跟跟，他的答案是……哦！水吧比較忙，要等等。餐廳內客人不過二十人，服務員也是很優閒……好忙，天呀！终於等多五分鐘有凍檸茶。到牛扒來了，是全熟，鋸吾開，我要求的是六成，來全熟……咁……吾洗問客人要幾成熟啦！口感差到……形容吾到……牛扒粒係咀內五分鐘都未分解……同樣用餐情況已是三次了……我應該都不會再去了，收筆。

以為新開就去試吓啦，點知啲扒完全無味，牛柳嗱到勁鬆，最驚嚇就係俾咗個上手食過嘅牛油我，真係不知所謂，今非惜比，不值一試，食薩莉亞都無咁嬲，得個名……啲食物完全唔惦

見樓下新開張去試下，點知食到一肚氣。先講餐具，見把牛油刀同切肉刀上仲有漬，明顯洗碗嗰個未洗乾淨，衛生麻麻。我地兩個人，叫左鐵板雜扒、鐵板西冷扒及一客焗田螺。先上個餐湯，我地要左紅白湯各一客，兩碗都稀到好似水咁，只有茶餐廳質素，唔係一間扒房應有啲水準。飲完湯，等左好耐都未上嘢食，諗住可能廚房慢，所以都無催侍應，點知隔離枱遲過我地十分鐘落 order 嘅鐵板扒餐都到左，但我地叫嘅嘢仍然一樣都無嚟過，我先去問侍應，佢話好快有，結果由落單到上枱足足等左 30 分鐘！好明顯佢漏左我地張單！田螺完全無味，好似食緊擦膠，就連碟上嘅薯蓉都可以無薯味，去過好多間花園餐廳，呢間嘅焗田螺都算係最難食嘅一間。當我地仲有一粒田螺未食，侍應竟然想收左我地碟田螺，當然被我阻止，心諗上餐又唔見你咁快，收嘢就咁鬼快，連客人未食完都無睇清楚就想收。雜扒鐵板餐，我第一次見跟餐竟然係一塊薄切豬肉腸，而唔係用司華力腸或廚司腸，心諗話晒都一舊水個鐵板餐，使唔使慳成咁？西冷鐵板餐，我叫七成熟，點知嚟到約莫得五、六成熟，中間仲有好多血水，筋嗰啲位係生到完全切唔斷嘅。由於等左咁耐先有得食已經無乜心情，嗰刻只想食完快啲走，我都廢事叫侍應

見到花園餐廳裝修好，現試業階段就去試下。裝潢佈置歐陸式很靚，但坐位與坐位間較近，感覺焗促。我叫了晚餐A T骨豬扒跟飯，餐湯要羅宋湯，湯有驚喜很好喝，不太酸不太咸夠肉味👍但餐包唔熱只是微暖，包外邊乾乾的，應該放置很久🤔花園餐廳出名食扒，我估晚餐的豬扒唔差掛🤔但黎到賣相似快餐店碟頭飯，吸引唔到我影相，豬扒由邊砌開食，有根要吐出，食到中間的肉嚡到成口肉要吐出來，食淨半塊，又唔夠汁餸飯，叫侍應俾汁，結果是汁撈飯，感覺很差😾$93一個餐輪落到咁，很難受😣

今晚約左舊同事食飯，於是帶佢試下淘大新開的花園餐廳。餐廳面積頗大，有歐陸式裝潢，感覺清新。原以為今日星期－應該不會太多人，怎料坐無虛席，好彩剛好有2人枱，不然要等位了！左右隔離大多數係食鐵板扒套餐，見到份量好多，但我地不想吃太多肉，所以我地點了晚市套餐 ，套餐包湯，餐包，主食及飲品。有加一服務費！餐包 - 唔熱，應該無叮過！味道－般。羅宋湯 - 比較稀，好彩不太咸，味道中規中矩。香煎帶子皇拼海虎伴焗天使面＄93 - 第一眼見到左睇右睇都不似是焗，跟心目中煮法有好大落差，好彩賣相還可以！味道方面天使面淡而無味，令我食淨了半碟面帶子外包著炸皮，感覺好油，唯有淨食帶子，可惜也是淡而無味及食到雪藏味至於蝦肉有點梅及老，不爽口不彈牙榖飼美國豬肉眼扒拼海虎蝦＄93 - 賣相吸引，份量多！可惜豬扒又硬又鞋，食落有渣，差本人覺得如果沒有要求下按份量來說係抵食，但論食物質素來說係唔抵食