Sweetology (Closed)

人太多，服务不过来客人。而且送餐的速度太慢，等了很久。上的甜品整個樣真的差，整个雪糕融化了很多，让整个盤子看起來脏脏的，而且沒什麼服務還有收額外服務費，覺得不值得試

We are pleasantly surprised by the very elaborated NEW dessert menu offered! Tried the tiramisu soufflé pancake today. The layered pancake is sooooo creamy soft and cooked to perfection. The homemade tiramisu cream isn't too sweet. We screamed when we tasted the movenpick tiramisu ice cream. The dessert is great value for money. Will definitely come again for another treat in the summer.

The dishes are bad and the special drinks of the day are not cold at all, given that the menu said they are iced teas. Never order the 'garlic bread', it's literally just several pieces of garlic on top of a buttered bread. Also, our waitress' attitude was not on par. However, the desserts are quite decent. Sweetology? More like Hell-ology.

今日放假同女朋友去九龍塘又一城睇戲，買完戲飛之後，仲有個幾鐘先開場就順便睇吓附近有乜嘢好食，喺戲院隔離有間裝修得幾靚嘅餐廳見近近地就入咗去坐低食野喇。餐廳啲食物十分多元化，有全日早餐、意粉、沙律、窩夫、糖水及棉棉冰，真係花多眼亂。最後點了卡邦尼煙三文魚意粉，芒果蝦牛角包配薯條及 Tiramisu 窩夫。卡邦尼煙三文魚意粉 : 跟餐有小食生果盤，是日餐飲(柚子冰茶)，但味道一般，意粉份量偏小，煙三文魚比較咸。芒果蝦牛角包配薯角 : 餐單上面圖片係薯角，但黎到發現係薯條，而且薯條重炸得好乾身大打折扣，不過芒果蝦牛角包都不錯，蝦好爽口芒果幾甜而且配上少許蜂蜜醬，好食。Tiramisu 窩夫 : 味道唔夠濃郁失望。不過餐廳有一個 45分鐘內勁食九層窩夫挑戰，食得晒就唔使錢，食唔晒就要比＄288，自問大食嘅你可以試吓挑戰。

同友人到又一城行街，好耐冇嚟啦，見到呢間餐廳裝修幾靚又有甜品食，咁岩又唔洗排隊就即管試試，有沙律同餐包，食食下主菜已經到，本來張枱已經唔係大，搞到好迫，兩個意粉都唔錯，雞亦都幾香口，但最讚係個三層吐司，唔會太厚，好香牛油味，雪糕比例剛好

約左靚人睇原諒他77次，六點半到左，八點半先有戲睇，有兩個鐘慢慢磨。靚人未到，想問下佢想食乜，但系一睇到甜品我即刻投降，中左入去，齋睇menu都覺得幸福。因為唔知靚人中意食乜，自己就點左個巧克力心太軟先，姐姐話要等五個字先有得食，難道要即整？正啊！我有時間等！等的時候無聊翻menu，又失控，點多個紫薯鬆餅加雪糕，哥哥仔又話我知要行八九個字，因為要慢慢焗，驚個心唔熟。唔怕，靚人仲未到，我等得！靚人到，甜品到，朱古力心太軟，上到來熱騰騰，好香，食落唔會太甜，好似用左無加糖的黑朱古力，略帶小小苦，流心好“傑”，朋友怕太甜，呢個十分啱佢口味，食落完全冇壓力！剛剛食完心太軟，紫薯鬆餅就到。有三個鬆餅疊羅漢，上面坐左個雲呢嗱雪糕，灑左一層紫色的粉粉，白中帶紫，靚到出塵。我地一人分食一個下面兩屋的鬆餅，入面包左紫薯蓉。食完之後仲系覺得唔夠，仲有一件，雪糕在上面已經融緊，用刀切開，一人一分，估唔到啲雪糕融左入個鬆餅度令到個餅更香更美味，原來加埋雪糕先系正確的食法——師傅我又明白了…因為減肥中，所以只食左呢兩樣。下次再揾美女陪我來食其他甜品。

次次來都又一城都見到佢好多人排隊，今次見佢兩三個咁就嚟試下！一睇個menu有好多嘢食，樣樣我都想食，今次呢度有個tea set，梗係要試下啦！兩個人，慢慢傾，一路飲嘢，確實唔錯嘅地方。但係大部份人入得嚟坐低都唔會咁快走，所以等位都一段時間㗎！

High tea既好地方餐廳大份部都係all day breakfast 同甜品為主味道一般沒有特別不過食物只是暖暖的好像食物已整好一段時間•焗黑松露燒烤菇長通粉長通粉焗得好好不會焗得太淋•抹茶木糠布丁好重抹茶味其實份量都幾多,2人一齊食會岩岩好可惜我朋友不喜愛抹茶我只能一個人獨食

純白色的設計裝潢簡約典雅，從遠處看到經已為之動容，距離進場看電影尚有一段時間，一於停下腳步內進享用下午茶。精品士多啤梨窩夫 ($78)賣相精美的窩夫向來都是女生最愛，即點即製外層香脆，中間比較輕盈富空氣感而非厚實類型，蛋香欠奉，不過配上酸甜的士多啤梨與忌廉，整體感覺及格有餘。香草薯條 ($38)薯條炸得熱燙香脆，以香草及鹽調味，不過鹹度實在太高，甚為涸喉。煙三文魚 ($62)看到意粉套餐價錢甚為經濟，我們於是決定每人各點一份意粉，意料之外地意粉沒有煮得過軟，煙三文魚份量亦不算少，味道不過不失。食物味道雖絕不能稱得上不驚為天人，平平無奇但價錢實惠而且食物賣相及餐廳環境美觀，是一個不錯的歇腳點，逛街購物走累了抑或是看電影前後也可以一試。

落咗單，半個鐘都無野食上來，就叫埋單。一個鐘先到齊，但話5分鐘後收鋪。真係火都嚟埋窩夫好"淋",好難食，好似啲過期麵包梳乎厘實到好似個布甸錦，完全無味。其間d 清潔工人不停係到拖地仲有d 餐具都無洗乾淨，餐具上面仲有污跡啲水有冇抹乾淨個裝修幾靚，但係成班阿婆阿伯嘅時應，同個格局完全唔夾問佢拎水問咗五六次都拎唔到以後都唔會再幫襯佢真係一試難忘如果你想挑戰劣食真心係推介俾你明將都輸比佢九條街，都唔明嘅點解可以喺又一城生存到

好耐冇黎又一城行街，難得考完試約左fd 見面，就提議食個西式下午茶了。好耐之前幫親過Sweetology ，覺得呢到食物唔錯，環境又Ok。下午茶時間都幾多選擇，有賣相吸引的甜品，仲有輕食主食tim。芒果可麗餅伴熱情果芒果雪葩$58賣相好靚，係mango 雪葩黎，冷冰冰透心涼。crepe 煙韌，加左朱古力醬更多重味道。藍莓芝士蛋糕$42芝士蛋糕芝士層的質地頗厚實，食落芝士味幾重，食到忌廉牛油的味道，份量都合適。面頭加左藍莓及果醬，有d 甜味口感更好。餅底都幾濕潤。辣汁(韓式)泡菜煙肉長通粉$52冇諗到份量都幾多，下午茶好似午餐份量咁。泡菜汁辣得黎都幾香，加左泡菜，炒香煙肉幾惹味。美中不足係長通粉可以再煮林少少，有點硬。但都算吸汁。

呢間鋪唔只單賣甜品，仲有鹹點供應。試咗＂法式蕎麥巴馬火腿可麗餅＂，有沙律菜、巴馬火腿、蕎麥餅、黑醋製成，口感清爽唔油膩，選料健康有營養，都幾好味噃😜食完鹹點再試甜品，＂宇治抹茶梳夫里伴抹茶雪糕＂，因為係抹茶系列，所以嗰個甜品整體上口感唔太甜，除咗梳夫里底部的紅豆稍甜之外。鹹點同甜品的賣相都唔錯，味道 OK !😍我鍾意坐在靠近溜冰場的窗口位，可以邊食嘢邊睇溜冰。店鋪的里里外外都用白色來設計裝飾，給人以清新雅緻的感覺。

同媽咪去又一城睇戲唔知食咩好，food court 入面啲嘢食又成日都食，媽咪話想試啲未去過既餐廳，就揀咗戲院隔離呢間 cafe。環境有點迫夾，但嘢食不錯估唔到weekend 係又一城都有 lunch set！我叫咗個 English all day breakfast，都算幾多嘢食，佢個北海道3.6牛奶炒蛋好香滑，香草腸同煙用都整得好食，仲有薯條同沙津。個lunch set仲包杯柚子紅茶。加十蚊仲可以加兩隻瑞士雞翼。推介👍 會再 encore

上完大陸，返落黎去九龍塘買嘢，晏都未食，有d餓，一向唔鍾意食正餐嘅我就係又一城搵食啦，行吓行吓見到starxxxxx咖啡，求求其其就佢啦，點知冇位，算！行返出黎見到呢間食窩夫，都係我至愛，好！就試吓啦。餐廳唔係好大，大約有5-60個位左右，不過都唔駛等位，可能唔係飯市冇乜人啦，服務都唔錯，好有禮貌。睇吓下午茶餐有咩窩夫好食先，都幾多選擇，就叫個抺茶雪糕杏仁窩夫配杯熱咖啡。咖啡唔太差，都好香啡味，抺茶雪糕好凍，但有d似落咗膠水咁好黏，雪糕下面係cream, 跟住就係日式紅豆，最底就係花形抺茶窩夫，而杏仁就洒係面，每粒杏仁都切開半粒。先將雪糕+cream+紅豆分配到每片花瓣窩夫上，切開後一啖有齊各樣食材，唔錯，唔太甜，適合今時今日嘅香港人，唯一唔好嘅係杏仁唔係薄切，食緊d軟嘅食物突然比粒杏仁"un"親，如果薄切會好好多。整體係合格嘅。

睇電影之前，打算食個小晚飯，就來到又一城戲院旁邊的店試試新菜式。環境很簡潔，燈光很明亮，整體氣氛也非常適合食個下午茶，休休閒閒和朋友聊天。我們叫了兩個意粉，牛油多士和柚子蜜桃茶是送的，非常抵食！厚厚的多士焗到很香脆，配合香濃的牛油味道，真的非常好吃。真想多吃一塊而兩個意粉的味道就一般，沒有太大驚喜，不過不失吧。至於飲料就不錯，甜度剛剛好，不會飲了之後覺得過甜或者更口渴。這間店也有甜品供應，下次可以再來試試這裡的甜點哦！