Sweets House Cha Cha

Open Now

Now Closed

<宇治抹茶X北海道牛乳雪糕>抹茶味較淡，茶味唔濃，而北海道牛乳味道就較甜。所以當將兩種味道一齊食時, 嘗到既只有甜味。我諗兩隻味分開食會好d，起碼僅餘既抹茶味都唔比甜牛奶味蓋過。

生日前夕去了logon買生日禮物，買完先知至8月31日前，買滿250有雪糕送。（當多份禮物）送的係SweetHouse Cha Cha @CitySuper的北海道牛奶威化筒Hokkaido Milk Waffle Cone。牛奶味重，值得一試。

不嬲都好中意食大判燒，無論去日本定台灣都要食，係香港周不時見到都一定買返個回味下旅行既回憶通常都係食吉士呢啲甜既味，但聽朋友講呢到有咸既味，一路都好想試下！芝士火腿大判燒 $15：十五蚊一個大判燒係食過咁多個最貴既，不過朋友介紹話試過就知值得，但我食完就唔覺... 佢有三種咸既大饀，分別係火腿芝士，北海道粟米火腿同埋蕃茄蘑菇芝士，咁我揀左最保險既火腿芝士，應該包好食啦！點知拎上手，係涷，心知不妙了因為大判燒一定係熱食先好食，但呢間人流少，只有整定哂係到食落個饀芝士味完全唔出... 食得最多係咸味，火腿量都好少，只有幾粒仔，我覺得成件最好食就係本身大判燒個皮，起碼有少少口感，可能下次等佢多人買試佢即刻整完會好味啲卦...

下茶餐唔知食乜，我最鐘意來呢度燒餅，有多款口味，有咸有甜，我最鐘意食紅豆綠茶吉士燒餅，好味又飽肚，$15好抵食。好多人食所以大部份即整，次次食都好熱好新鮮。 一個燒餅有大半隻手咁大個，一個女仔當下午茶，份量剛剛好。 咬第一啖已經食到紅豆，紅豆唔算太甜。 再食多幾啖就食到紅豆加綠茶吉士，2種味道好夾，吉士好滑，好香綠茶味，外脆內軟既燒餅，2種口感，好好味。

Sweets House Cha Cha咁多款大判燒 有甜有鹹 任君選擇 除左有抹茶吉士、奶黃吉士、紅豆蓉、抹茶紅豆等等 仲有芝士火腿、番茄芝士味等 不過覺得最有驚喜都係平凡低調既番薯大判燒不過注意唔係全部分店都有大判燒賣既 好似大埔同青衣分店都無售大判燒架抹茶紅豆大判燒 ($15)最常買既就係呢款口味既大判燒 呢次大判燒外層頗厚 咬左幾啖先開始食到個餡 表面微脆 煙韌之餘亦夠濕潤 帶有少少抹茶甘味 而紅豆餡料一貫作風較甜 但係我鐘意食甜既紅豆 所以覺得好好味抹茶吉士大判燒 ($15)抹茶吉士大判燒由內至外都係綠油油一片 可能係因為抹茶吉士餡料抹茶味較濃 或者外層大判燒較薄身 多多少少遮蓋左外層大判燒既抹茶味道 同抹茶紅豆大判燒既外層相反 抹茶味道較為遜色 頗為薄弱 基本上食唔出有抹茶味 不過抹茶吉士餡料滑溜且抹茶味頗濃 有微微甘味焙茶吉士大判燒 ($15)初推出時只係得焙茶紅豆味 如果叫焙茶吉士走紅豆既話 因為無現成所以會即叫即造新鮮滾熱辣 但可能因為太多人咁做所以直頭出左焙茶吉士味 已經無得即叫即造喇大判燒外層似蛋糕 邊位微脆 外脆內軟 吉士醬好多 入口軟滑 雖然咬開賣相唔吸引 但

士多啤梨芭菲杯 $55.雖然話過唔再特別試cha cha既士多啤梨雪糕 但見到媽媽節限定同芭菲杯就著左火😂.雪糕砌得幾靚又幾大杯 有士多啤梨啫哩 粟米片 同食得既花花😍一如以往都係入口淡淡士多啤梨味 唔會好濃郁 唔知係咪天氣熱 雖然雪糕唔係溶得快但食落冇涼爽快感😐舊啫喱都係咁 暖暖地 牛奶味都唔係好覺下😐.雖然大大杯 賣相討好 不過$55都幾貴下❗️作為士多啤梨控今次真係冇下次

星期六吾洗番工當然係去shopping啦！經過見到期間限定架士多啤梨味雪糕，本人乃係草莓迷緊係要try try佢。食過幾次呢間架綠茶雪糕，覺得佢係重牛奶味多過綠茶味，今次都吾例外，仍然好重牛奶味，但係士多啤梨味都太少喇掛食一啖係個口搭好耐，先覺有少少士多啤梨味，草莓迷表示失望。雖然雪糕質地好紮實好滑，但我今次收吾到貨囉！

買餸經過見到有期間限定嘅「士多啤梨味」軟雪糕，響diet中，只係望咗一眼，但旁邊有隻魔鬼話「我食啦，俾你食一，兩啖」心中暗喜！充滿期待，就破戒食咗一小啖，但可惜吸引唔到我食第二啖，士多啤梨味完全唔足夠，仲差過一杯普通牛奶雪糕😓😓失望中。。。有機會都係要食番杯綠茶味補數🤗🤗

I've been walking around a few city super supermarkets recently and they've all been promoting sweets house cha cha's newest strawberry Hokkaido milk ice cream flavor. so I decided this to be my cheat day although I still have a sour throat just so to fulfill my dream 😂Just in case it wasn't good I ordered the mix: strawberry and matcha mix ice cream cone ($30)by this photo you can't tell the pink color of strawberry. but yes my eyes couldn't tell it apart too. even my taste buds couldn't really

已經有一段時間無幫襯ChaCha 食大判燒啦， 今日經過見公事做完，兩手Fing Fing ,正好獎勵下自己先！今日揀左綠茶紅豆大判燒 $15用左新春的印模，好可愛呢！不過今次撞唔啱係即做，已經喺爐邊整好左㗎啦！希望唔好凍冰冰啦！接到手已開始失望了！因為觸感唔算熱辣辣，咬下本該帶脆的外皮都開始有點韌，不過都尚算鬆軟嘅，唔會硬左咁！紅豆饀少左好多，除左綠茶仲係好清香外，我接受唔到差左咁多囉！媽呀！我想喊呀！我都唔知講咩好了。又唔係唔好食，但真係為差左囉，沈默。。。。

Cha Cha 既大判燒一向非我心水, 如果你係日本食過一定明白我講緊乜野。而且問題是係香港永遠搵唔到那種味道和口感, 記憶中每一口咬下去時紅豆涵多到BID 晒出黎, 而多用上是北海渡大紅豆所以味道特別甜美, 我不得不承認, 我對紅豆這東西是很有要求的。但今次並非講得好浪漫既偶遇, 實情是專誠來這裡買一個我好好好喜歡既大判燒。除左這裡我實在唸唔到香港區邊到有得食, 各位如果知道邊到有好味既大判燒請通知小妹。 新春期間以為有喜興字印上餅面, 原來係我唸多左。抹茶紅豆吉士大判燒 $15一如預期已預先整好放在架上,一手接過也感到沒有太恰當的熱度。脆皮亦已進化成韌皮, 相信放涼了一段時間, 但質感尚算鬆軟。紅豆涵也只有相等於一個五蚊份量, 太小。抹茶有小許甘苦, 味道點到即止。吃罷了, 內心還是非常空虛。

chacha就係地鐵銅鑼灣站A無几遠嘅時代廣場地下超市隔離，好細嘅一個櫃檯，不過排隊嘅人多到不得了，特別係遊客超多。我一看價錢都覺得有D貴，只是食個雪糕之嘛，要成50大洋。我要咗嘅牛奶味嘅雪糕，甜甜地，滑滑地，同一般嘅雪糕差五多喇，森森覺得被傷害～不過食咗啖朋友嘅抹茶味雪糕，天、我又被傷害喇，點解我要嘅唔係抹茶味吖，真的超好食嘅，抹茶嘅淡淡茶味，淡淡苦味，同忌廉嘅淡淡甜味，牛奶嘅滑結合係一齊，味道就不再係淡淡嘅，好似全部都放大咗咁，抹茶味牛奶味，苦味茶味，還有忌廉的滑～最後，果隻雪糕大部分都落咗我嘅肚度，我依家好想即刻再食一個～

呢間雪糕店都食過好幾次，食過抹茶味、牛奶味同栗子蓉雪糕，今次轉食佢個餐，食軟雪糕厥餅抹茶沙冰加大判燒。沙冰上面既雪糕可揀抹茶味或者抹茶牛奶味，我揀左抹茶味。大判燒都有好多隻味揀，但我有選擇困難症，揀左好耐最後都係揀番抹茶紅豆味。抹茶味雪糕依然好香茶味，厥餅煙煙韌韌好有口感，沙冰都好綿綿，但茶味始終都俾D冰溝淡左，都係雪糕好味D。大判燒新鮮出爐，暖笠笠又軟林林好鐘意呢個濕濕地既質感，紅豆餡唔會太甜，大判燒都有綠茶味，幾好食，但唯一唔好既係附近無枱櫈，食既時候有D唔方便。大判燒下次會再試其他味，唔錯唔錯。

點左A Set，抹茶紅豆吉士大判燒加抹茶沙冰（$38）。大判燒等左幾分鐘，新鮮出爐熱辣辣食好正，抹茶味濃，吃到中間有紅豆同吉士，唔會太甜，夠煙韌。而抹茶沙冰雖然細細杯，但茶味同樣幾濃，沙冰好幼，飲完都好飽。

店名:Cha Cha地址：鑼灣勿地臣街1號時代廣場B1 cookedDeli by city'super好味指數:8/10價錢：$40雪糕威化杯 配 蕨餅及北海道十勝紅豆這間的雪糕有點像Via Tokyo的。同樣有cone,同樣有綠茶原味，同樣有各款不同配料，連味道都有幾分相似。綠茶味雪糕奶味香濃，topping中以小丸子為最好吃，質感煙韌，其他配料也是不錯的，整體不錯！店名:Cha Cha地址：鑼灣勿地臣街1號時代廣場B1 cookedDeli by city'super好味指數:8/10價錢：$15抹茶吉士紅豆抹茶吉士紅豆質感鬆軟，清香綠茶味配以香滑的吉士非常好吃，濃郁的紅豆更能提升味道。