Sweets House Cha Cha

Open Now

Now Closed

其實我唔係第一次食Sweets House Cha Cha嘅軟雪糕，好耐以前食過，但無乜印象，即係應該稱唔上好食啦🙈。今日再食，都係因為見到旅遊app有做快閃優惠，軟雪糕只係賣$11，就比多次機會佢啦。尖沙咀分店位於food court內，舖位都幾大，店員好主動好helpful👍，見我拎住個電話就知我係要兑換張e-coupon，即刻帶我去另一邊掃張卷，唔使排隊。可惜嘅係個軟雪糕真係唔好食，雖然稱唔上難食，但完全接受唔到原價值$38。宇治抹茶🍵，唔夠濃、唔夠甜、又唔係澀、又唔係甘，總之就得個淡字。至於北海道牛奶🥛，味道又係一啲都唔出，無奶香，又唔滑，普通過普通。如果你要我評，我其實覺得M記好似仲好食啲😅，可能我唔識欣賞啦。總括嚟講，經過今次之後，我真係無咩興趣再食佢嘅軟雪糕🍦，味道真係好淡，又唔滑，就算有人請我都係咁話啦。不過除咗軟雪糕外，原來Cha Cha都有幾多其他食物賣，例如大判燒、泡芙等，有機會都可以試下嘅。但抹茶雪糕，不了😟，作為半個抹茶控，我都真係有啲失望。

抺茶牛奶扭紋雪糕🍦抹茶味🍵茶味較奶味出，甜度唔高😋微甜回甘、茶味濃郁💯牛奶味🥛奶味香濃，甜度較抺茶味高脆筒香脆🍪蛋香🥚唔算好出唔會變淋👍🏻雪糕🍦質感幼滑，可惜冰感小重、比較易溶🙊要影相就快手啲啦📷建議買單味雪糕🍦咁樣先可以細嚐抺茶🍵或牛奶🥛雪糕最真實既味道👅扭紋既話食到最尾會溝淡左各自既味道🙈作為抺茶控，對抺茶既少甜回甘十分滿意，甚至有少少出乎意料之外添🤩個人認為抺茶雪糕🍵🍦比via Tokyo 既更為出色🤤一定會encore💚

老公一向很喜愛這家店的抹茶雪糕，因為雪糕質感軟滑，茶味香濃，而且不太甜。這天先買了一杯抺茶雪糕，杯內還有大福、抹茶啫喱方塊和紅豆蓉，雪糕軟滑，大福軟靭，啫喱方塊爽滑，紅豆蓉軟綿綿的，不同的食材有不同的口感，配合在一起，令人難忘。其實這店的牛奶雪糕也很美味，所以吃完杯裝抹茶雪糕之後，又買了一個紐紋甜筒，就是混合抹茶和牛奶雪糕，可以一次享受兩種不同味道的雪糕，讚。這店本身沒有專屬座位，買了雪糕想坐下來吃，可以到旁邊的美食廣場。這店除了雪糕，還賣餅食，不過我沒有吃過，不知味道如何。

作為一個綠茶嘅fans， 任何綠茶嘅產品都會好想 ， 特別嗰啲唔算太甜嘅甜品 ，真係好啱我口味。每次行過呢間cha cha都會忍唔住口， 但我又想食個泡芙又想飲嗰杯雪糕沙冰， 有時自己一個就唔捨得畀成五十幾蚊買曬兩樣嘢。 不過有朋友一齊食就唔同啦， 一人食一件都好開心。最開心係佢杯綠茶雪糕， 上面個雪糕比較甜， 但都唔過份， 下面個雪底就比較淡， 但好夠凍， 兩樣加埋啱啱好唔過份。 二哥說底重雪住個雪糕等佢冇咁容易融化， 一路飲住個綠茶keep住個雪糕嘅溫度。另外個泡芙呢， 當然唔夠某間即叫即整嘅咁好食， 但係泡芙上面有少少糖粉， 入面個吉士嘅未有啱啱好， 我覺得已經好夠正呀。

雪糕好大份，抹茶味好香好滑，有回甘味，濃得來又唔會太苦😋牛奶味一樣香濃，但相較之下，我下次可能會想試試淨抹茶味雪糕。雪糕筒有驚喜，咬落脆卜卜，食落有幾濃的牛油味👍

夏天就係要食雪糕，Sweet House Cha Cha 既雪糕係我今日出街既解暑好選擇😋😋.🥰Sweet House Cha Cha 宇治抺茶北海道牛奶扭紋口味雪糕（$38)🥰.價錢不算便宜，但性價比高。店員把雪糕遞到我手時，當時感覺係👉🏻"咁大枝"、"咁重既"。之後邊食邊研究，發現整個雪糕份量確實多，雪糕不像麥×勞偷工減料，食到一半出現食晒雪糕，得返個雪糕筒既尷尬情況。今次我食既尼杯雪糕，食左好耐，都好似仲未食得晒😆，可想而知，份量非常足料👍🏻.個人貪心，宇治抺茶及北海道牛奶口味都想試下，所以揀左雙併扭紋口味雪糕。 北海道牛奶雪糕奶味香濃，口感柔滑。抺茶味聽講係以北海道牛奶為基礎加入京都抺茶製成，入口茶香味重，口感回甘，與北海道牛乳雪糕一齊食，兩者都無cover 對方味道，不錯👍🏻.另外值得一讚係雪糕筒非常好食😍😍，咬落蛋香味非常重，脆卜卜，配埋雪糕食，整個幸福感upupup!

Sweet house cha cha 主要賣抹茶野🍵有飲品 雪糕 大判燒等款式甚多 而且越出越多 有甜蕃薯食添今次主要食大判燒 因為見佢有買4送1優惠大判燒選擇已經有9種口味 有甜有鹹🍠甜嘅選擇: 原味吉士、原味紅豆、蕃薯、抹茶吉士、抹茶紅豆、抹茶吉士紅豆🦑鹹嘅選擇:芝士漢堡牛肉、章魚頭、千島醬香腸我食咗抹茶吉士味💚佢一落單即燒 所以勁新鮮同摸上去熱喇喇唔算好多個 而且唔厚身不過入面吉士餡料唔少架!爆䊢食落有濃醇嘅抹茶味 少少甜但保留著抹茶原有嘅甘苦味🤤抺茶吉士同時口感濕潤輕盈 幼滑細緻👍🏻外層雖唔脆 但係軟得黎有啲煙韌 表層仲有少許芝麻粒咁好好味係抹茶控嘅恩物之一😍-買4送1優惠除咗芝士漢堡牛肉味之外 其他都揀得我地揀咗蕃薯味($16) 原味紅豆($16) 原味吉士($16) 抹茶吉士($18) 千島醬香腸($16)所以等同於$66/5個價錢ok

今晚同朋友喺尖沙咀打完邊爐，行吓行吓就行到去海港城，突然大家都好想食返個甜品，咁啱見到海港城City Super嘅Cha Cha 出左個白桃梳打軟雪糕，於是我哋就試吓。呢杯野真係冇得彈！特別係大熱天時，飲一口梳打汽水，食一啖軟雪糕，真係好爽！雖然實物同相片係有d出入，不過味道真係頂呱呱！

食飽經過海港城，心思思想食雪糕就見到依間雪糕店！佢主打既係抹茶雪糕既製品，仲有大判燒，口味有甜有鹹！最後嗌左個宇治抹茶味既皇牌軟雪糕 ，仲可以用優惠價$7加一個甜味既銅鑼燒！佢既抹茶雪糕茶味幾濃，濃得黎唔會覺得苦，亦好重奶香，但食多幾啖就覺得太甜，依個皇牌仲配有白玉、紅豆同抹茶凍，白玉本身無咩甜味，口感煙韌，紅豆就太腍身同太甜，無咩豆味，抹茶凍就正常水準，唔係爽口，咬落比啫喱再腍身D！另外加配既大判燒係抹茶吉士紅豆口味，職員有翻熱，食落外皮唔脆，D餡料亦都偏甜，味道普通。

行街行到好攰，想搵個地方歇一歇，食吓甜品！我就去咗海港城個foodcourt睇下啦！作為綠茶控嘅我，離遠見到呢間店舖，充滿着各式各樣嘅綠茶甜品，我就即刻心心眼啦！😍我叫咗個特濃綠茶！個綠茶雪糕本身好滑，好香綠茶味，其實唔落嗰支綠茶汁都已經好好味！落咗的話，個綠茶味就更加濃啦！我好鍾意食啲綠茶啫喱，好爽，而且唔算太甜！成個配搭都好豐富，perfect match！

每次經過呢間甜品店我都忍唔住要買一支綠茶雪糕食🤤🤤🤤佢地所出既綠茶雪糕質地cremy，一d都唔虛假，每食一啖都有濃厚既綠茶味，食完仲有飽肚既感覺😂😂佢地定期仲會推出期間限定口味，今期推出既係蜜瓜味，有機會都去試試先😋😋

Sweets House Cha Cha (尖沙咀)🍦🍦🍦🍦🍦🍦🍦🍦🍦🍦🍦放工經過海港城citysuper突然見到呢間甜品店好多人排隊羊群心理緊係去睇下有咩正嘢啦！係你啦！🍈🍦牌上寫住「赤肉蜜瓜牛奶」雪糕我即刻舐舐脷👅 睇埋價錢！只係$48由於我之前係朗豪坊食過係$48 double價錢既蜜瓜雪糕，比較之下，覺得價錢相對便宜就買啦！食落口👄一個字：正好濃郁既蜜瓜味；質感就好軟滑又無咩冰感，舔舔下仲感覺到絲絲既牛奶味滲緊出黎🤤食吖食，發覺呢杯雪糕好足份量溶得慢，所以我自覺享受左好耐😂食完我真係飽飽地整體而言：優秀物舔舔脷指數：👅👅👅👅👅

Sweet House Cha Cha是老公十分喜愛光顧的店 ，店的一邊是賣雪糕的，另一邊是賣大判燒和泡芙等甜點的。不過，這店沒設座位，購買後想要坐下來食，就要到店旁邊的美食廣場找座位。為什麼老公這麼喜愛到這店吃雪糕？因為這兒的宇治抹茶雪糕茶味濃，除了抺茶雪糕，這兒的北海道牛奶雪糕奶味足，也是十分好吃的。今天我們買了一個皇牌軟雪糕和一個宇治抹茶北海道牛奶威化。皇牌軟雪糕是杯裝雪糕，杯中除了抹茶雪糕，還有北海道十勝紅豆蓉、白玉丸子和京都宇治抹茶啫喱，各種材料配在一起，更添美味。至於雪糕威化，其實就是雪糕放在脆筒中，一起吃有不同口感。到這兒吃雪糕，最大的問題就是美食廣場雖然座位多，但顧客更多，有時真的是一位難求。

一向好鐘意Chacha嘅抹茶雪糕 行過尖沙咀條抹茶癮發作 又想去食啦然後發現 尖沙咀嘅Chacha原來有大判燒 問下職員先發現 原來只有尖沙咀同沙田嘅Chacha有嫁咋咁特別 梗係改食大判燒啦 睇左啲口味之後 當然食啲最保守又係我致愛嘅抹茶味啦 冇意外地亦係即叫即整 然後佢就熱辣辣咁黎到我手上了想講佢係真係辣口加辣手 一咬落去 入面勁鬆軟 濕潤嘅麵包加上滿滿嘅空氣感 中間夾住抹茶奶油同紅豆蓉 真係好幸福外皮茶味較重 而內攏嘅抹茶奶油就偏甜同奶味 再加埋甜絲絲嘅紅荳蓉 剛好甜度適中食過翻尋味嘅我已準備好下次再試了

喺海港城食完晚餐, 想食個雪糕基本上都會食Sweet House Cha Cha😂-💁🏻‍♀️軟雪糕抹茶沙冰🍦軟雪糕可以揀抹茶、牛奶或扭紋(抹茶+牛奶), 由於試過淨抹茶會有少少苦, 所以我通常揀抹茶+牛奶, 個味道balance d😛🥤有時食食下雪糕都想飲野濕下個口, 依杯一次過可以滿足埋😂 沙冰嘅冰偏大粒, 所以會咬到"爽爽"聲嘅小冰粒, 味道唔甜, 重抹茶味👍🏻-💁🏻‍♀️抹茶紅豆吉士大判燒正正常常嘅大判燒, 多款味道可供選擇, 內面都幾煙韌😬-