旅鍋火鍋私房菜專門店 (Closed)

網上見到呢間喺尖沙咀嘅火鍋店做緊優惠，手切潮州牛肉有半價，所以就約個朋友去試下呢度有個2-4人潮牛火鍋套餐幾抵，不過我哋想試特別啲嘅湯底，所以揀咗散叫，最後食到飽只係人均4百蚊多啲，價錢都算OK湯底：🌟日本櫻花蝦沙嗲鍋🌟香格裡拉羊肚菌昆布湯鍋配料：🌟手切牛頸脊 (250g)🌟手切嫩牛肉 (250g)🌟新鮮牛舌心🌟黑松露墨魚丸（冬甩）（半份4粒）🌟XO醬鮑魚鮮蝦餃（半份4粒）🌟鮮冬菇🌟萵筍片🌟手工三色麵我覺得呢度嘅沙嗲湯底幾出色，味道夠濃而且好多櫻花蝦，而潮州嫩牛肉配埋呢個湯十足十沙嗲牛麵嘅牛肉，又滑又淋。牛頸脊都唔錯，但一定要跟足教學嘅時間去煮，因為開頭冇睇教學，煮得太耐就令佢變韌。墨魚丸係冬甩形狀，賣相幾得意，食落都ok彈牙，入面都有幾多墨魚肉。牛肉以外，我最鍾意嘅就係XO醬鮑魚鮮蝦餃，因為好足料，餃入面充滿住鮑汁同蝦嘅鮮味，而XO醬令佢食落更加惹味，呢樣真係要必點！整體黎講，呢間嘅火鍋幾好，宜家有優惠更加抵食，呢度仲有好多食客去包間房食私房菜，睇黎都應該唔錯

最近做緊推廣半價優惠！每款配料份量唔細，適合多啲人一齊share! ⭐️樱花蝦沙嗲鍋 $98雖然花生香味略厭唔夠，不過整體嚟講算濃而不鹹。⭐️新鮮手切嫩牛肉 $74 (半價後）呢款係平時沙爹牛肉個種！牛肉較厚無脂肪，又可以保持嫩滑！⭐️ 新鮮牛坑腩 $74 (半價後） 無諗過牛腩竟然可以用嚟打邊爐又咁好食🤩！牛腩事前已經煮好，所以放入火鍋兩、三分鍾就食得！牛腩肥瘦分明，入口即化！⭐️清爽白鱔片 $118打邊爐最鍾意食鱔❤️，脆口帶魚油香⭐️日本廣島蠔 $108每隻極大粒😍！鮮味肥美多汁！⭐️手打鮮蝦丸 $48⭐️西洋菜鮮肉餃 $38餃子太厚實，餡料亦沒有肉汁🥲

朋友生日揀咗呢間餐廳打邊爐😬餐廳以旅行主題做佈景，座位係大圓檯，餐廳裡面大約6-8張檯。當晚係星期一，唔係太多人，所以我地都坐得舒服同比較靜，好適合幾個朋友傾計食飯。湯底我地揀咗海南椰子雞鍋 （$298）有原隻雞自己落，份量都算多，雞新鮮，湯我地每人都飲左2-3碗。另一賣點係手切牛，我地叫左吊龍，油脂均勻，牛味濃。依家有半價優惠算抵食（$198）如果係正價就偏貴。我地都揀咗幾款海鮮包括北海道鮮帶子 （$108） 南非鮑魚每位，（$68）加拿大桂花蚌($148)，海鮮都算新鮮，不過份量略少。另外我地都叫咗兩個小食，黃金四拼盤（$178）同百花釀油條，兩個小食都值得一試。其他打邊爐配料與一般相若。

呢間餐廳係朋友帶我過嚟，因為貪呢間餐廳位置喺尖沙咀，方便所有人！而且食物質素好高！海南椰子雞鍋啲椰子湯底好清甜！啲雞肉，肉質鮮嫩多汁，完全吸收咗湯汁嘅滋味。值得一讚，就係比得呢個價錢真係有返咁上下份量，啲雞又成隻咁多！好抵食！😇😇新鮮手切牛頸脊，真係咁抵食嘅價錢我都唔敢相信。牛頸脊肉質鮮嫩，經過手切處理，保持住肉質嘅鮮美同彈性！牛肉味好重！新鮮牛舌啦，原價$168，特價$84，真係抵到爆！新鮮嘅牛舌肉，煮熟之後，口感嫩滑韮菜鮮肉餃啲餃子皮薄餡多，韮菜同肉嘅比例啱啱好！旅鍋墨汁腸！墨汁腸帶有淡淡嘅墨魚味道，口感彈牙！手工三色麵，色彩繽紛，咬落去有咁啲齒頰留香呢間餐廳啲服務幾好，而且座位寬闊！

呢間餐廳以旅行做主題，有接機大堂，又有唔同嘅背景，真係好似去咗旅行咁樣茶芥醬料2人共$36提供多種不同醬油醒胃餐前小食$20海南椰子雞鍋$298斬好左全隻雞件碟上，成窩清甜嘅椰子水連同椰子肉，雞件滾起後帶有香甜嘅椰水清甜味，肉質嫩滑新鮮手切牛頸脊（250g)$199原價$398另外當然要試吓一個大優惠，就係牛半價色澤紅艷，問你芬紋理分明，口感鮮嫩，牛肉味濃厚，且帶有嚼勁，cp 值高如你係牛魔王，唔叫就真係走寶韭菜鮮肉餃$38大大粒，餡料豐富又好味風塵三俠$158蝦滑墨魚滑彈牙又好味，蟹子更增添口感個人覺得雞滑會比較鹹，一般自家製夏枯草$28下火良物另外更設有vip 房，環境舒服好適合一大班朋友聚會

同朋友聚餐，喺尖沙咀搵左間火鍋店，依度裝修好有特色，旅遊為主題，坐位寬敞，環境衛生企理。火鍋食物款式多，亦有佐酒小食，牛肉款式亦都有好多款，有我至愛的潮汕牛，中意肉味香濃，依家做緊半價，好抵食。清清地叫個牛肉清湯，唔會搶走肉既鮮甜味。新鮮手切吊龍半:依隻肥瘦均勻，牛味好重，好有口感，上佳之選。本地手地牛頸脊:依隻牛肉油花多少少，食落有油香，但牛味都濃，另一種享受。手切切嫩牛肉:牛肉味好香濃，有肉質口感白鱔片：新鮮，好肥美，口感爽脆鮮味，魚油好香潮州牛肉丸：肉質柔嫩，牛肉味濃潮州牛筋丸：一樣肉味濃，充滿肉汁，爽口彈牙新鮮黑柏葉：輕輕淥一陣，爽口超脆活蟶子皇/蕃薯大蜆：新鮮，味道鮮甜最後溶入所有牛肉同海鮮既湯底，配上青菜同烏冬面，不需任何調味，都已經好鮮味。服務員親切殷勤既態度，都值得一讚。

上網見到呢間手切牛餐牌半價，即刻約朋友放工去食，去到先發現佢裝修都好有主題，成個旅行theme，色彩繽紛，環境都乾淨企理，全部大圓枱，唔會放到好迫，坐得鬆動除左正常牛頸脊，佢都有一啲特別部位，我哋揀咗牛脊邊，有分布平均嘅脂肪紋，厚薄適中，好香牛味，唔錯👍🏻另一碟叫左手切嫩牛，$74咁大碟真係幾抵，淥半分鐘左右，轉色就可以食，係肉質鮮嫩既滑牛，不過本身唔知佢咁大碟，2個人真係差啲食唔哂🤭🤭湯底揀左麻辣拼沙嗲，重點推介沙嗲湯！好濃郁，微甜不辣，入面仲有好多花生碎，淥生菜又好食，隊件嫩牛落去就係沙爹牛😍我哋再叫左碟龍口粉絲，變左沙爹肥牛粉絲煲，超濃郁～超～正～另外，珊瑚蚌拼桂花蚌都值得叫，2樣都大大舊，厚肉又鮮味，鮮蝦雲吞亦超大隻好足料，飽到攬住個肚走🍻

今次黎到呢間打邊爐，因為本身覺得佢地餐廳環境裝修幾特別，係用旅行黎做主題既，包括有飛機登機門、扶手電梯同埋世界唔同地方，例如台灣，泰國等等壁畫，有旅行feel。 🟥醬料 呢度有多款唔同既醬料，岩晒我呢d撈醬人，除咗普通辣椒醬、沙茶醬等之外，中間嗰格係XO醬、味道夠晒香，入邊材料亦都豐富，有大大粒嘅瑤柱😍 🟧椒鹽拼盤 入邊有炸茄子，炸粟米，九肚魚同埋椒鹽魷魚，因為火鍋要等淥熟，咁就可以食左呢個先，送酒都一流，椒鹽粟米同埋椒鹽茄子有驚喜。 🟨蟶子王 好大隻，淥一分鐘就差不多食得，鮮甜爽口，好好食。 🟩打邊爐set (二至四人餐) 湯底叫左粟米牛骨湯，味道鮮甜，夠晒真材實料， 裡面有幾款牛肉，每款牛肉喺餐牌都有註明淥幾耐，而且牛味濃郁新鮮，肥瘦適中，嫩牛十分滑，推薦。 仲有兩款丸、牛胸爽同埋牛柏葉，我就最鍾意食牛胸爽，油脂感較強，好好味，食肉獸一定要試，唔夠嘅仲有烏冬同埋生菜，一定夠晒飽。

我地嚟到呢間以旅遊為主題嘅旅鍋，餐廳有多間包廂房間，每間都各有特色，花盡心思設計，門口位更有類似機場出境大堂嘅裝飾，好似真係去咗旅行咁！❤️【深海花膠濃湯鮮雞鍋 - 美味湯底】🍲我地揀咗深海花膠濃湯鮮雞鍋，鮮甜嘅湯底由新鮮雞煲成，絕對可以成煲飲曬，加入大量花膠，健康又養顔，啱曬女生食，食完皮膚滑溜溜！😍【新鮮手切牛頸脊(250g) - 牛魔王之選】🥩如果你係牛肉控，一定唔可以錯過佢哋嘅新鮮手切牛頸脊，手切牛做緊半價優惠超抵，250克嘅份量夠二人用，牛肉味重，食落嚼勁，真係抵食又滿足，岩晒牛魔王！😎【新鮮牛舌心 - 特色之選】👅新鮮牛舌質感滑嫩，都係不錯嘅選擇！😋【手打鮮蝦丸 - 新鮮美味】🦐手打鮮蝦丸一份有8粒，每粒都新鮮而且彈牙，真係鮮蝦味濃郁！👌

今晚去了尖沙咀一間以旅遊為主題叫旅鍋餐廳，裝修也以機場格局，十分特別😜深海花膠濃湯鮮鷄鍋🐔 $298店員一倒湯入鷄鍋，白濛濛一片，持續一陣，十分啱打卡😍鷄件嫩滑，花膠彈牙有嚼勁，花膠湯個湯好濃郁，混合花膠同雞嘅鮮甜味，真材實料，好滋補下😍極级安格斯牛小排🐮(细) $238牛小排色澤鲜明，肉質鲜嫩，打邊爐必叫的食物😙安格斯牛柳粒 $148肉質軟嫩，牛味香濃，口感一流 ☺油麥菜 🥬＄38新鲜爽脆可口, 打邊爐必備😝整體得分: 4.5/5味道: 4.5/5環境: 4.5/5🎇旅鍋火鍋私房菜專門店🎈尖沙咀漆咸道南53-55號嘉芙中心地庫

落雨，入咗秋之後凍咗少少，一凍又想打邊爐🤣。上op見到呢間火鍋好似幾有特色，咁就去咗食呢間。睇到有唔少嘅VIP房，都好多人book咗，一大班人聚會。裝修風格參考機場，喺唔少嘅位置都會見到關於機場嘅嘢。🛫$88 香格里拉羊肚菌昆布鍋 🫕有幾粒羊肚菌，昆布嘅湯底。清香，啱晒食海鮮，唔會重味精影響食海鮮嘅鮮甜。$199 (原價398)新鮮手切牛頸脊（250g）🐮份量都好大碟，而家做緊半價，都差唔多有二三十塊牛肉，好濃嘅牛味。$148 活蟶子皇(4隻）聖子好大隻，洗得幾乾淨，鮮甜彈牙，食落冇沙。$58 羊肚菌鮮蝦丸(冬甩）（半份4粒）🍩賣相好得意，成粒冬甩咁。係蝦滑入邊加咗切碎咗嘅羊肚菌。$148 加拿大桂花蚌份量都好多，好新鮮，淥得啱啱好嘅話，就爽口鮮甜，彈牙。$38 娃娃菜$15 可樂🥤$15 忌廉🥤樽裝架！ 正！

尖沙咀呢間餐廳主題同旅行相關，帶俾食客一種去旅行奇妙感覺一踏進餐廳，就被那份獨特的氛圍所吸引。餐廳充滿了旅行的元素，牆上掛滿了唔同嘅旅遊地點，讓我彷彿置身於一次奇幻的旅程中首先，我地點左特別嘅雞湯底。呢個湯底由雞湯熬製而成，香氣四溢。每一口湯都充滿了濃郁的雞肉味道，令人回味無窮。更令人驚喜嘅係，在湯底中加入了金華火腿，呢種組合真是絕妙。金華火腿嘅香同雞湯嘅鮮美相互融合，營造出獨特的風味我地仲叫左唔同嘅牛肉。牛肉切得薄而嫩，每一口都帶著鮮嫩嘅肉汁。肉質鮮美，口感極佳。搭配上餐廳特製嘅醬料，更是美味絕頂另外仲叫咗台灣嘅水蓮、丸同餃子兩個人差唔多$1000食咁多嘢好抵食

旅鍋火鍋私房菜專門店唔同平時火鍋店, 坐得又迫, 又唔乾淨, 呢度擁有乾淨的環境，有好多打咭位, 設計到好似去旅行, 機場等, 又有包廂服務, 讓你在品嚐美食的同時享受到一種旅行的感覺。首先，他們的"環球鴛鴦鍋"是必須點的。兩種湯底，有辣有不辣，可以滿足每一位食客的需求。無論你喜歡麻辣還是清淡，都可以在這裡找到你的最愛。⭐️活蟶子皇價格為$148，每份有4隻新鮮的蟶子口感鮮美，肉質緊實，每一口都充滿了海洋的味道。⭐️蕃薯大蜆，每份$88蜆肉肥美，口感絕佳。⭐️新鮮手切牛頸脊和新鮮手切嫩牛肉。原價分別為$398和$148，現在只需$199和$74就可以享用到。這些肉質細嫩，營養豐富，準備得恰到好處。⭐️還有他們的手打墨魚丸，半份4粒，價格為$48。墨魚丸口感Q彈，新鮮的墨魚味。⭐️皇帝菜和出前一丁，價格分別為$38和$28。都是不錯的選擇

哩間以旅行為主題既火銅店，裝修都幾得意，但係重點係出品有質素，仲有必定要推介既係做緊新鮮手切牛肉半價，係全部半價! 有牛頸脊，吊龍，五花趾，牛舌等等，堅抵!醬料齊全，乾淨整潔。海南椰子雞鍋足足一隻雞，而且我更中意哩d鮮雞由生滾到熟，而唔係比碟熟雞我地滾番熱👍🏻湯底係清澈既椰子水，清甜湯底更加可以食到雞既鮮味。新鮮手切牛頸脊(250g）手切牛頸脊一向都係貴價d，原價$398而家半價左只係$199，份量足訂左250g無花假，仲要好新鮮無話出哂血水，油花靚，入口厚身軟嫩重牛香，必點!新鮮脆肉鯇魚片新鮮無丁點腥味，鮮味且口感爽脆。西洋菜鮮肉餃(半份4隻）兩個人可以叫半份真係好，可以食多d其他野。粒粒都好大粒飽滿，咬入去係爆肉汁😋秋葵清爽同個椰子湯底都好夾👍🏻野飲推介佢地無添加既自家制夏枯草，下火又健康d❤️再加上哩度食材新鮮，椰子湯底清甜，哩還食落完全無負擔❤️

尖沙咀漆咸道南地庫有間新嘅打邊爐，手切牛肉有12款，暫時做半價優惠。當中牛頸脊，吊龍，牛舌心最嫩滑同重牛肉味。火鍋店。起碼有四至五間VIP房，房內設計有不同旅行主題。大廳大概有六張五至六人枱。二人餐都幾抵食，包清湯鍋底，牛筋丸，牛肉丸，三款手切牛肉，黑柏葉，牛胸爽，菜同烏冬。其實都足夠二人捧住個肚走。牛胸爽幾特別，白色薄切，但唔係脂肪，入口係脆脆的。西洋菜餃大大件，餡料係即包，西洋菜新鮮。除咗火鍋配料，仲有黃金炸物，椒鹽九肚魚，魷魚，豆腐同雞軟骨。