鼎天茶室 (Changed Hand) New Restaurant

平時weekend都會同家人去鼎天食早餐，每次去到都人山人海，慶幸老細員工食客都好好人，就算坐得好迫都會互相遷就，又唔會趕你走，同出面啲茶餐廳好唔同！今日帶埋媽媽啲friend來一齊食好野，呢度早餐好就好在有好多選擇，想食傳統早餐有得好似我咁想食啲特別啲嘅早餐都得！平時早餐都會叫豬軟骨米線，今日咁啱有姐姐推介話有隱藏Menu，可以免費轉咖喱湯底，以前試過去日本叫咖喱湯烏冬之後都好難搵到好食嘅咖喱湯，今次豬軟骨米線配咖喱湯底簡直驚為天人飲咖啡嘅朋友都可以試吓個咖啡，啲咖啡都幾好飲架！仲可以另外叫牛角包牛角包，餸菜好香上枱熱辣辣一流，今次比滿分 💯

會有選擇困難的餐廳，揀食咩都揀左好耐，因為太多選擇啦😅瑞士汁雞翼滑蛋飯 （$55）包熱飲雞翼好入味，有三隻👍🏼瑞士汁唔會太甜，岩岩好，送飯一流。炒滑蛋好香好滑，重有蛋汁。食碟頭飯都會跟沙律菜，好健康，😊麵餐-濃香番茄牛肉通粉 （$45）跟餐有多士，熱飲同可以揀兩款配料或奄列厚多士烘得金黃香脆，好果有多半塊就好啦，半塊唔夠喉番茄通粉好大碗，份量十足。面頭重加左好多番茄，好少冰室既番茄湯俾咁多番茄。老細好有禮貌，有親切感覺👍🏼食物質素又好，所以生意好好，午市坐滿晒。

大埔陀地 搵食多年放假冇食早餐兩餐變一餐 當然要食得飽飽地百物騰貴 一個有水準既lunch 5-60 走唔甩雞扒蛋飯 +凍OT 可以叫埋蒜蓉汁$58蚊 佢對得住個價既推介～～上次食過個肉醬煎蛋飯 都唔錯有機會 都想試下佢d牛扒 希望keep 住d水準加油！

今日在學校被一班學生煩到我嬲咗，心情好低落嘅時候，全靠食好野轉換心情。平日午餐很旺塲，難得晚上不太多人。廚師用心製作的美食能治療人心，讓人元氣大增，實在敬佩！我原本點T骨扒，可惜店員說今晚没有貨。於是點了這款牛仔骨意粉，調味很好，肉很新鮮多汁，個燒汁都好香濃。除了軟硬適中的意粉，竟然還有胡麻汁沙律，裡面有紫薯，生菜絲和青瓜片，很爽脆！杯凍奶茶好香滑！店員的服務態度也很好，十分有耐性介紹廚師推薦的菜式。誠意小店，值得支持。鼎天茶室@大埔

今日訓到黃朝百晏，就隨便落樓下食個lunch，見呢間好似係新開就入嚟試吓啦！叫左個黑松露炒蛋牛角包拼薯餅，個人幾中意呢個配搭，而且味道都ok (不過真係好邪惡，好肥阿！！！）之後，女朋友就叫咗個特餐，有番茄牛肉通粉，同炒蛋火腿。番茄湯又係似茄汁加水，唔好食。。。另外炒蛋就好似熟咗少少咁，有啲乾身，餐廳可以改善下餐飲方面都係不過不失啦，不過相比其他茶餐廳來講，稍為差咗少少😓奶茶太多奶而且茶香唔夠。不過值得讚嘅就係餐廳老闆好Nice，服務都好好👍🏻👍🏻

這個舖位好其怪，經常轉手，但每間餐廳的食物都不錯，就是做不長，可能是位置問題把。今天午餐試了紅酒燴牛肋條，味道很好，牛肋條口感剛剛好，再加上這個紅酒汁，胃口大開，好快就吃到乾乾淨淨。午餐都差不多有二十款，有選擇困難症的朋友就頭痛了😣

好耐之前食過呢間茶室，質素好一般，之後冇再黎食過。但前日行過搵緊晚餐食咩好，見佢入面都多食客，餐牌都唔同左，決定入去再試多次，果然完全唔同晒!餐牌上都多set dinner揀，價錢平埋60幾70蚊，同fd一人點左個餐，跟熱飲。點左份老闆娘(?!)極力推介嘅黑椒炆咸豬手，配薯菜。果然好食! 豬手炆得夠淋，仲已經起晒骨，食落啖啖肉唔使切得咁辛苦。 雖然食食下有啲咸，但隔離配左啲沙律菜同紫薯，剛剛好中和左豬手嘅咸同膩。好欣賞個沙律菜同紫薯!😍👍👍 另外薯條都新鮮炸好，熱辣辣! 另外有得揀跟配飯/意粉 不過驚飽所以叫薯菜剛剛好。另外點左份西冷扒焗蕃茄意粉。 上菜個陣嚇左嚇，因為原來係分開上的😅 西冷扒同啲沙律菜一碟，焗意粉係另外一碟， 唔知以為我叫左兩個餐😅 西冷正正常常，幾大塊，切落中間有少少粉紅，唔會鞋口或韌。個焗意粉都算多，食到臨尾略嫌汁有啲杰身。另外員工都好nice, 老闆娘會不時問下食客對食物嘅意見👍

今日同屋企人一齊食飯，所以想搵間坐得舒服D嘅餐廳咁啱行過見環境都OK就坐低左試下老豆肚餓要食飯，揀左個牛肉蛋包飯，D蛋幾滑，肉嘅調味老豆話唔太咸，都OK我個意粉味道唔差，不過份量細左D，對於小小大食嘅我嚟講就爭左少少

早2日自己一個食飯，諗唔到食咩就求其揀左呢間醫下肚因為都幾肚餓，所以揀左個飯嚟食個飯都幾好食，魚柳炸得幾脆，唯有小小挑剔係，個飯對於我呢D大食鬼嚟講，份量就少左D，如果飯多少少就更加好

不知所謂一坐低就拎走左個餐牌 算落單講左三次要食乜先寫到 算食一個茶記下午茶等半個鐘 當你人手唔夠 都算半個鐘後問我差d乜 三個員工過黎問左十次最後都係黎錯野 點樣算？雞扒麵三個字真係咁難記？？？所有員工都好似唔知做緊乜咁到我話唔等要趕車又可以兩分鐘落碟麵出黎其實係咪玩我到最後仲要唔好食浪費左四十分鐘等然後食d橙色雞扒Miss左架巴士要再等30分鐘食到一肚氣 真係好飽食過最差嘅餐廳 劣評想試驗下自己嘅耐性可以食下

有一次經過見到有蛋包飯食幾吸引就入左去食，份量大味道又好！之後都心郁郁想再食😋😋😋今次再去就試左雞脾泡飯同埋雜扒蛋包飯！蛋包飯唔洗講都知好好食啦～但係雞脾泡飯真係見到都o咀，超級大隻雞脾，仲要有好多豬肉片！岩曬大食既我哈哈！不過唯一唔好既地方係環境麻麻，有點污糟同埋食完唔可以坐耐，因為地方好細🤔過左一日之後我又去左呢間食下午茶，不過就無甘驚喜，一般般～想坐耐小小都唔得😿所以想試就食晚餐好了～推介蛋包飯！

「招牌豬扒麵」平平無奇的豬扒麵。只有湯、麵及一塊大豬扒，沒有配菜。由於這是朋友點的餐，我沒有試味，不過朋友覺得賣相及味道都只是一般，有點失望。「公司三文治」我點的公司三文治賣相好得多，而且配料十足，有雞蛋、蕃茄、生菜、沙律醬、芝士、午餐肉及火腿。配炸薯角及簡單沙拉菜。可能新鮮製造，熱辣辣，好味道。「焗豬扒飯」這個焗豬扒飯是外賣的，回家品嚐後，味道正常，豬扒、飯、醬汁都正常。沒有驚喜。*餐廳沒有提供BB櫈。