Table 18 Bar & Restaurant (Closed)

Table 18 Bar & Restaurant 是一間酒吧＋西餐廳，環境優雅舒適，很適合觀塘區的上班一族！這次來到這間餐廳慶祝，一定要好好享受一下。小吃拼盤和德國豬手是必點的美食，再來一杯精美的cocktail，感覺超棒！芝士焗蠔芝士焗蠔焗至金黃色，而且尺寸跟手掌心一樣大！芝士迷必吃！脆皮德國咸豬手 （性價比高）外皮香脆，肉質細嫩！配上德國的酸菜，更可以將豬手油膩感減低！大愛！小食拼盤份量很大，拼盤包括雞翼，薯條，炸蝦餅和墨魚圈！新鮮炸至金黃色，還有肉醬茄醬配備，味道不錯！

通過open rice 訂枱，原本想訂7:00，但顯示一定要預付及訂單一的情人節晚餐，由於份量太少，吾夠食，所以決定訂8:30，雖然要回家後再去餐廳，但是可以選擇自己喜歡的食物都感開心。我們按預訂時間到達餐廳，安排坐位後只附上情人節晚餐的單張，於是我叫侍應給我食品餐單，準備點餐時，有位女侍應對我們說：坐在餐廳內只可以點情人節晚餐，不能點其他。我奇怪地回覆為什麼？因為我訂8:30時，沒有顯示任何規則話不能叫其他食物，之後又沒有理會我們，我們準備走時侍應才走過來話經理準你們叫其他，不過會等耐啲時間，因為你哋吾叫情人節晚餐，這樣令我非常不滿。食物一般又貴，最貴的牛扒十分難食，無味，又多根，😮‍💨下次比$我都吾去。

這一間店在APM已營業了很多年（差不多有1x年），雖然它在週末的時候仍然有自助餐，不過晚市的餐牌種類明顯和疫情前有不同的方向（我在疫情高峰期內仍有光顧，但那是「水靜河飛」，不知是不是因為這個緣故，在疫情過後有不同的重點。還記得，這間店開業初期是會有長長的意大利法包贈送，而且德國豬手和德國香腸也是這兒招牌菜，吃的非普通西餐廳的菜式。不過，至今，餐牌上多了西式餐廳常見的菜色，而且價錢並不便宜，令我有點兒失望。

難得今日星期二平日可以收早就約埋母親大人去食個下午茶去到APM本身諗住食台灣嘢或者日本嘢不過經過呢度見到佢，原來而家又買下午茶呢度之前食過幾次晚餐都覺得幾好食只係價錢偏貴見到佢而家下午茶餐，大概70至$80 一個餐，包咖啡或茶！咁就唔使諗，即刻入去試一試今次叫咗黑松露意大利雲吞同埋巴馬火腿厚多士個雲吞真係好好味夠松露味之餘，個雲吞皮唔太厚唯一美中不足就係呢度可能因為之前做世界盃嘅生意，所以安裝咗好多細電視所以搞到環境冇之前咁grand…不過如果鍾意睇電視機嘅，就啱晒啦

不如唔好寫好過，反而破壞氣氛☹️仲要等20分鐘都未出到😡，嬲爆，失望，等完一輪仲要唔好食個拿破崙？呢間嘢好似唔憂做，真係比個生日蛋糕破壞餐生日飯，唔會再幫襯啦。

▫️燒美國豬柳配黑松露薯蓉茸👉🏻豬柳外皮煎得好好香脆，食落肉質都算滑同Juicy☺️最有驚喜係個蓉茸，質地好Creamy，黑松露味超濃！⭐️⭐️⭐️⭐️.▫️西班牙風腿芝華力腸蕃茄闊條麵👉🏻 配料都算多，醬汁好香蕃茄味，但就真心好普通，闊條麵似平時超市買屋企煮嗰隻，一d 都唔彈牙🙈⭐️⭐️.▫️熱朱古力🍫☕️👉🏻質地好厚身，朱古力味超級濃！面頭嘅Cream 打得好幼滑，🥛味好重，非常加分😍⭐️⭐️⭐️⭐️⭐️Set Lunch 包埋自助沙律吧，有多款沙律菜同芝士，都算係一個Gimmick🥒🥬🌽🧀

最近係觀塘上堂，上堂前同朋友黎食個飯，叫左黑松露薯條同豬手同紅酒。一路食都無嘢，仲覺得幾好食添......但食完個零鐘之後，我同朋友都覺得好口喝，但因為上緊堂，又帶著口罩，咁就無飲水.....點知隔一陣，條脷好乸.....一落堂係咁飲水，唔掂啦.......個after taste咁重口味......應該唔會再去了﹗

呢間環境好有情調, 在繁忙的工作後, 同朋友/同事一同把酒言歡, 係一個放鬆的好地方。#黑椒牛柳炒意粉牛柳好軟, 黑椒味好香, 但唔辣, 意粉炒得唔油膩, 加埋少少小蕃茄, 清清個味覺, 好味。#墨西哥雞肉烤餅有四塊, 形狀呈半形的烤餅, 圈埋放在一個細鐵籃內, 外觀好吸引, 雞肉包入烤餅中, 但估唔到雞肉勁辣, 從外觀睇一D 都看唔出, 就算包住烤餅食都好辣, 仲令我咳左幾口。 可能係我唔食得辣, 呢個我唔會再叫~#小食拼盤估唔到個量勁多, 內裡有幾款小食, 有雞翼, 魚柳, 豬肉串, 洋蔥圈, 薯角, 款款都好好味的, 但可惜我地兩口子食唔曬, 有點浪費, 如果可以出個迷你版二人分量小食拼盤就好啦!!!!

我地10個人去食，打去book位個人態度已經好差。。。正苦已經放寬左，我打埋1823到問都話分枱就唔洗，佢話佢公司同正苦都要求要快測，攪到勁麻煩去到食，d人態度都勁差，0服務，真係可以black list佢

以前沙律吧好有誠意，有茄子沙律、泰式沙律、全是用心製作的。現在沙律吧毫無誠意，都係火腿、蕃茄仔、粟米粒、菠蘿粒、沙律菜等等⋯⋯⋯都係即食食物。以前主菜好高質素，簡直係物超所值，現在主菜質素差得過份，價錢又貴，收我$2xx一個冬陰公湯麵，難食過茶餐廳，一家四口$9xx埋單，又唔夠飽，啲嘢又唔好食，又冇嘢食，後悔不堪。。。。員工大部份都係散工，落單時要講三四次先明白我要咩，可能佢哋廣東話唔好，聽得唔清楚，如果我講國語可能佢哋會明白啲，上菜又慢，以前嘅Table 18唔係咁㗎，真係好失望的一餐，我以後都唔會再去。。。。

昨天跟家人一起食晚餐..full booking 要walk in 6:15 入去要8:00 還枱 Service 都麻麻地 7:20 係甘極速收枱 問我們有沒有order 要加 提一提8:00 還枱洗唔洗甘早提 令客人覺得好煩有位waitress 幫我們後面枱加水 見到我哋都要加水 沒有幫我哋加 （我們四人有叫啤酒） 7:40 左右 另一位waitress 提提我們幫8:00 還枱 可以繼續坐嫁 （ 其實我們已經沒有order dessert)怕我哋唔會走咩…傾多陣就走啦野食還可以 ..但態度這樣 一定唔會介紹朋友

假日半自助午餐沙律前菜選擇一般，呢個價錢唔會要求d 咩，但都希望乾淨衛生。出去拎沙律時見到有幾隻小昆蟲喺沙律蓋入面向男經理反映，佢不發一言，冇一句唔好意思，亦冇詢問詳情，淨係衝過去將該沙律收起，好似習以為常同好驚人地見到。嗰陣冇諗住寫食評，冇影到相而佢真係極速去收埋佢，所以影唔番我地見到放出嚟俾大家生食既沙律都咁，廚房睇唔到既主菜我地都唔敢食了，直接取消走人。或者有人會話出得街食飯，預咗啦，但咁既時勢，睇唔到既病毒已經咁犀利，睇到既昆蟲佢地都唔預防&處理，所謂寧俾人知，莫俾人見，bookmark 低以後唔去最穩陣。

觀塘不嬲多嘢食，嗰日同朋友去完觀塘，朋友話帶我去食好嘢，所以跟住去食返餐好嘢。餐廳坐落觀塘創紀之城。多款午市套餐。裝潢以和諧舒適，環境時尚優雅，可一邊欣賞喜愛的電視頻道，一邊享受精選美食。店內更設有開放式沙律吧，沙律清新，選擇不少。燒豬柳配黑松露薯蓉豬柳肉質軟嫩，醬汁味道特別，配上充滿黑松露味薯蓉，非常滿足。

同朋友聚會又嚟到這間高質餐廳，員工很有禮貌招呼很好。點了一個很好味的燒豬手，這個招牌菜真的一定要試，因為外脆內嫩，還加了德國酸菜味道很好，鹹度適中不會太油膩。又叫了個南瓜無花果梨燕麥沙律，非常好味道。還有三文魚披薩，墨汁海鮮意粉和芝士焗菠菜也很好味。最後叫了個甜品是新鮮焗製的芒果拿破崙，酥皮很脆，忌廉也很濃郁。仲有四杯七彩繽紛的雜果賓治。上菜很快, 員工又親切又有禮貌。我們四個女仔無所不言，食到很飽，盡興而歸。真是很開心的一晚! 下次一定會再幫襯。

8月3下午茶時段因極餓所以是旦選一間食肆,点知咁就中伏叫了龍蝦湯、黑松露牛油果脆片、烤肉併盤、兩杯飲品先上龍蝦湯,湯冇事,湯內兩隻蝦靚就靚,腥的.脆片,半脆似番整熱,盤底油多到可裝返兩湯匙出黎,未食過咁差跟住上烤肉併盤,豬、雞鎚還可以,三隻蝦有同樣问题,外靚內腥,牛就至伏,一边全熟一边三成？好明顯冇解凍就煎,四百幾一個烤肉併盤,一D煑野食誠意都冇埋單離開,見門口個招待同另一男子食埋個脆片,盤底乾爽,即係点？佢地先係老細,我D客早D走唔該