太興 (The LOHAS康城)

Open Now

Now Closed

星期日落個樓諗住好簡單叫兩個外賣自取，點知咁都可以落錯單。其實做收銀小學畢業都可以做到啦，點解咁都可以錯？已經係菜牌指埋俾佢睇住話要邊兩個，咁簡單都可以做錯，不如唔好做啦。落左兩個重覆既餐比我。其實太興本身服務態度已經唔好，但最基本連落張單都可以落錯。哦，好啦，照食。個湯鴨飯，個樣比狗食咁，入面有幾粒冬瓜，啲鴨肉又柴，個湯頭又油。唔講以為自己食緊人哋尋日隔夜餸加啲水落去煲。我屋企隻狗食嗰啲嘢仲靚過呢兜嘢。

次次食早餐都要等10分鐘先有野食 今朝仲要話電腦壞機、人手不足 成個餐廳既人都等20-30分鐘 好多人等唔到走左最差係 啲伙記完全唔理 又唔幫手催 剩係識敷衍人 對客人講野極冇禮貌 尤其係戴眼鏡紮計個啊姐 好似我地黎食野係我地錯咁比錢買難受唔會再黎

上次在这家店点的茄子煲不错 这次点了桂花咕噜肉和烧味双拼 桂花咕噜肉肥而不腻 新鲜可口 赞 双拼点的净烧味 烧鹅和烧肉 这次有点干 味道不浓厚 而且咬的时候有点费尽 有待提高 店面整洁 点的外带

做冬選擇太興盤菜4-6人$788，仲有一叠優惠卷送，其實早兩年食過，麻麻地，屋企人話就近唔洗煩，所以今年再食呢間睇吓有無改善今年果然有改善，各樣食物都唔錯，食材新鮮，大蝦夠肉地，因為有啲地方啲蝦肉會縮水，蠔又飽滿，燒味唔錯，鮑魚厚肉今年整體好過早兩年，滿意

由細到大都好少去太興，因為價錢都係相對其他茶記貴。但自從出得黎做野，食嘢都唔洗太介懷個一百幾十蚊，唔通慳得多就可以買樓咩，晒氣。坐得舒服/食得happy唔happy反而愈來愈重要。依間太興真係冇得頂，食到我一肚氣。下午茶嘅種類都幾多，我叫左鵝髀飯$85，星洲米$56。今次係第二次黎食鵝髀飯。第一次黎食係佢岩岩開張，隻鵝髀燒到燶燶地，今次黎食係睇下佢有冇改善下，好可惜，冇。依舊係食落一陣燶味，你睇下個皮嘅色都略知到一二。免切鵝髀個size都正常，配菜非常無味。星洲米，慢食嘅Mcdull就黎食晒成碟飯，催3催4先到。一上到枱，嘩，份量少到一個點，其實少都唔係問題，下午茶嘛，但佢少得黎啲料係兜唔勻，我啖啖都係肉/蝦/炒蛋，痴線，真係用垃圾級別。之後我捉左個經理同佢傾計，簡單啲問佢點解燒鵝可以係燶，星洲米點解炒到咁差。佢都幾客氣咁答：燒鵝燶味，係因為太興啲燒鵝係熏嘅；星洲米就兩兜一齊炒，可能分唔勻。晒氣，機會就人地俾，一次，兩次，過左就冇。認真，我以後都唔會再黎幫襯👋ps 8月26號，太興股價$1.67，咁嘅質素，我放長雙眼睇下幾時得番0.67🤷‍♂️Mcmug綜合評分：1/10，食到一肚氣，b

安排座位不公正，二人比一人優先入座，其實都是安排二人座位，不應出現如此不公平待遇。侍應互相大聲對話，令店內環境非常嘈吵，令進食環境其間，非常不舒適，其實每位侍應有對講機，不用放大聲浪對話。執完枱，沒有用消毒淸潔用品清潔枱面，清潔枱布有臭味，抹完枱留有臭味在枱上，感覺非常不衞生。負責埋單員工沒有禮貌，又不懂處理客人排隊埋單秩序，客人混亂尖隊埋單。常幫襯太興其他分店，康城太興是當中最差分店，不會再幫襯！

康城新開第一次買燒肉一斤中午加料。今次買左127元，不錯皮好脆👍👍還有要讚讚收銀員斬料師傅同d待應，雖然星期六中午多人但佢哋個個態度都很好👍👍只要服務好，食物也一定不會差，一定再幫襯👍👍👍..............................